Komiteti Olimpik Kombetar Shqiptar (KOKSH)

Komiteti Olimpik Kombetar Shqiptar (KOKSH) Komiteti Olimpik Kombëtar Shqiptar (KOKSH) njihet nga Komiteti Olimpik Ndërkombëtar (IOC) në 1959.

Ekipi Kombëtar i Shahut po merr pjesë në Olimpiandën e 46-të të FIDE-s, që po mbahet në Samarkand të Uzbekistanit. Për 1...
19/09/2026

Ekipi Kombëtar i Shahut po merr pjesë në Olimpiandën e 46-të të FIDE-s, që po mbahet në Samarkand të Uzbekistanit. Për 12 ditë me radhë rreth 2000 sportistë nga e gjithë bota do të tregojnë aftësitë e tyre në disiplinën e shahut.

Olimpiada do të zhvillohet në 11 raunde, Open dhe kategorinë e femerave dhe Ekipi Kombëtar i Shqipërisë përfaqësohet me 10 sportistë.

Me ftesë të Federatës Botërore të Shahut (FIDE), në këtë aktivitet madhor merr pjesë edhe Presidenti i Komitetit Olimpik Kombëtar Shqiptar, z. Fidel Ylli.

Presidenti Fidel Ylli zhvilloi një takim me Kryeministrin e Uzbekistanit dhe njëkohësisht President i Federatës së Shahut të Uzbekistanit, z. Abdulla Nigmatovich Aripov, si dhe me drejtues e personalitete të rëndësishme të botës së shahut.

Në fokus të takimeve ishte zhvillimi i shahut në Projektin Ekipet Sportive në Shkolla, si dhe mundësitë për bashkëpunim me FIDE-n për të sjellë në Shqipëri ekspertizë, programe zhvillimi dhe bazë materiale, duke e afruar gjithnjë e më shumë shahun me fëmijët dhe të rinjtë.

Në këto takime, Presidenti Ylli shoqërohej nga Presidenti i Federatës Shqiptare të Shahut dhe Mjeshtri i Madh Ndërkombëtar, z. Erald Dervishi.

Olimpiku Special rrëmben tri medalje për Shqipërinë në “Malta Open 2026”! 🇲🇹Notarët e Olimpikut Special Shqiptar përfaqë...
19/09/2026

Olimpiku Special rrëmben tri medalje për Shqipërinë në “Malta Open 2026”! 🇲🇹

Notarët e Olimpikut Special Shqiptar përfaqësuan për herë të parë Shqipërinë në “Malta Open 2026”, duke dhuruar një paraqitje të shkëlqyer dhe duke u rikthyer me 1 medalje ari dhe 2 medalje argjendi. 🥇🥈🥈

🥇 Iris Hoxha – vendi i parë në 100m stil i lirë
🥈 Gersi Troka – vendi i dytë në 50m stil delfin
🥈 Joel Gërmënji – vendi i dytë në 50m stil i lirë

Për Irisin dhe Joelin, kjo ishte edhe gara e parë ndërkombëtare e notit, duke e bërë edhe më të veçantë këtë sukses.

Ekipi shqiptar u përfaqësua nga katër sportistë: Gersi Troka, Iris Hoxha, Joel Gërmënji dhe Alisa Boçi, të shoqëruar nga trajneri Gentian Lama dhe Drejtorja Kombëtare e Olimpikut Special Shqiptar, Sara Bala Muça.

Përtej medaljeve, pjesëmarrja në “Malta Open 2026” është një tjetër dëshmi e rëndësishme e zhvillimit të sportit gjithëpërfshirës në Shqipëri dhe e mundësive që sporti krijon për çdo sportist për të garuar, përfaqësuar vendin dhe për të realizuar potencialin e tij.

Mbështetja dhe krijimi i mundësive për sportin gjithëpërfshirës mbeten një prioritet i rëndësishëm për zhvillimin e sportit shqiptar.

Përfunduan me sukses punimet e Asamblesë së 15-të të Përgjithshme Zgjedhore të Islamic Solidarity Sports Association (IS...
17/09/2026

Përfunduan me sukses punimet e Asamblesë së 15-të të Përgjithshme Zgjedhore të Islamic Solidarity Sports Association (ISSA), të zhvilluar në Taif, Arabinë Saudite.

Dy nga momentet më të rëndësishme të kësaj Asambleje ishin zgjedhja e Bordit të ri Ekzekutiv dhe konfirmimi i strategjisë së ISSA për periudhën 2026–2029, duke përcaktuar drejtimet e zhvillimit të sportit dhe të bashkëpunimit ndërmjet vendeve anëtare për vitet e ardhshme.

Shqipëria u përfaqësua në këtë aktivitet të rëndësishëm ndërkombëtar nga Presidenti i KOKSH, Fidel Ylli, dhe Sekretari i Përgjithshëm, Gerti Shima.

Gjatë ditëve të Asamblesë, Presidenti Ylli zhvilloi takime me personalitete të rëndësishme të sportit ndërkombëtar, mes tyre edhe me Princin Abdulaziz bin Turki Al-Faisal, një mik i vjetër dhe një mbështetës i rëndësishëm i Lëvizjes Olimpike.

Në axhendë ishin gjithashtu takime dhe shkëmbime me drejtues, personalitete dhe kolegë nga vendet anëtare të ISSA, me fokus forcimin e bashkëpunimit dhe promovimin e vlerave të sportit.

Presidenti i Komitetit Olimpik Kombëtar Shqiptar, z. Fidel Ylli, priti në zyrën e tij medalistin botëror në Muaythai Kic...
16/09/2026

Presidenti i Komitetit Olimpik Kombëtar Shqiptar, z. Fidel Ylli, priti në zyrën e tij medalistin botëror në Muaythai Kickboks, Jorgen Dani, i shoqëruar nga Presidenti i Federatës, z. Arbis Vjerdha.

Në Kampionatin Botëror të IFMA të mbajtur në Deçan të Kosovës, Jorgen Dani shkëlqeu në kategorinë 51 kg, senior Elite(Ring), Tatami&Wai Kru, duke rrëmbyer tre medalje: të artë, të argjendtë dhe të bronztë.

Presidenti Fidel Ylli vlerësoi lart këtë arritje të jashtëzakonshme dhe shprehu mbështetjen e tij të plotë për sportistin dhe zhvillimin e mëtejshëm të kickboksit shqiptar.

Sportisti u vlerësua dhe me një certifikatë mirënjohje nga Komiteti Olimpik Kombëtar Shqiptar.

Presidenti i KOKSH, z. Fidel Ylli, i shoqëruar nga Sekretari i Përgjithshëm, z. Gerti Shima, po marrin pjesë në punimet ...
12/09/2026

Presidenti i KOKSH, z. Fidel Ylli, i shoqëruar nga Sekretari i Përgjithshëm, z. Gerti Shima, po marrin pjesë në punimet e Asamblesë së 15-të të Përgjithshme të Islamic Solidarity Sports Association (ISSA), që po zhvillohet në Taif të Arabisë Saudite.

Përgjatë punimeve, delegacioni i KOKSH ka zhvilluar takime të rëndësishme me presidentë të Komiteteve Olimpike, drejtues të organizatave sportive dhe personalitete të njohura të sportit, duke forcuar bashkëpunimin dhe marrëdhëniet institucionale.

Asambleja fokusohet në të ardhmen e ISSA-s, zgjedhjen e Bordit të ri Ekzekutiv për periudhën 2026–2029 dhe përcaktimin e prioriteteve strategjike për katër vitet e ardhshme.

KOKSH vijon të jetë aktiv në arenën ndërkombëtare, duke promovuar sportin shqiptar dhe duke ndërtuar ura të reja bashkëpunimi me komunitetin sportiv botëror.

Shqipëria shkëlqen në Kampionatin Botëror të IFMA 2026 në Deçan!Fryma e Muaythai-t dhe vlerat olimpike të bashkimit, res...
11/09/2026

Shqipëria shkëlqen në Kampionatin Botëror të IFMA 2026 në Deçan!

Fryma e Muaythai-t dhe vlerat olimpike të bashkimit, respektit dhe ekselencës mbushën Deçanin, Kosovën, gjatë 2026 IFMA All Disciplines Senior World Championships, ku u mblodhën delegacione nga të gjitha kontinentet.

Shqipëria u përfaqësua me një ekip të plotë dhe regjistroi një sukses të jashtëzakonshëm, duke fituar plot 18 medalje në të gjitha disiplinat:

🥇 2 medalje ari
🥈 9 medalje argjendi
🥉 7 medalje bronzi

MEDALISTËT SHQIPTARË:

🥈🥈 Rikard Lekaj – 81 kg Senior Elite (Ring) & Senior MT Technical (Tatami) – 2 argjendi
🥈🥈 Edison Llazani – 63.5 kg Senior Elite (Ring) & Senior MT Technical (Tatami) – 2 argjendi
🥈🥉 Drin Vjerdha – U24 & Senior MT Technical – 1 argjend, 1 bronz
🥈 Kledis Llazani – 63.5 kg U24 MT Technical – 1 argjend
🥉 Julian Podgoricani – 86 kg Senior MT Technical – 1 bronz
🥈🥉 Emil Xhaferi – 86 kg Senior Elite (Ring) & Tatami – 1 argjend, 1 bronz
🥇🥈🥉 Jorgen Dani – 51 kg Senior Elite (Ring), Tatami & Wai Kru – 1 ari, 1 argjend, 1 bronz
🥈🥉 Eljan Dule – 91 kg Ring & Tatami – 1 argjend, 1 bronz
🥇🥉 Firdeus Demiraj – U24 MT Technical 86 kg & U24 Ring 81 kg – 1 ari, 1 bronz
🥉 Redina Mali – MT Elite 75 kg – 1 bronz

Një rezultat që dëshmon punën e jashtëzakonshme të Federatës Shqiptare dhe presidentit Arbis Vjerdha, si dhe rritjen e vazhdueshme të sporteve luftarake shqiptare në arenën ndërkombëtare.

Një vlerësim i veçantë shkon edhe për organizatorët, veçanërisht Federatën e Muaythai-t të Kosovës, e cila e shndërroi këtë kampionat në një festë të madhe sportive për Deçanin dhe gjithë Kosovën.

Presidenti i Komitetit Olimpik Kombëtar Shqiptar, z. Fidel Ylli, priti në zyrën e tij Sekretarin e Përgjithshëm të Feder...
09/09/2026

Presidenti i Komitetit Olimpik Kombëtar Shqiptar, z. Fidel Ylli, priti në zyrën e tij Sekretarin e Përgjithshëm të Federatës Evropiane të Karatesë, z. Davor Čipek.

Biseda u përqendrua te mundësitë për rritjen e mbështetjes dhe promovimit të karatesë shqiptare, si dhe te krijimi i urave të reja të bashkëpunimit me strukturat evropiane të këtij sporti.

Z. Čipek vlerësoi progresin e sportit shqiptar në arenën ndërkombëtare, duke u ndalur veçanërisht te karateja, e cila prej vitesh përfaqëson Shqipërinë në nivelet më të larta të garave evropiane dhe botërore, duke dëshmuar talent, përkushtim dhe ambicie.

Në takim ishte i pranishëm edhe Presidenti i Federatës Shqiptare të Karatesë, z. Petrit Baba, me të cilin u diskutuan perspektivat konkrete për një zhvillim edhe më të qëndrueshëm të këtij sporti.

08/09/2026

Diplomacia sportive hap dyer të reja për Shqipërinë në partneritetet dhe bashkëpunimin ndërkombëtar. Takim i Presidentit Fidel Ylli me të Dërguarin Special të SHBA-së për Partneritetet Globale, z. Paolo Zampolli.

Tiranë | Shtator 2026

Presidenti i Komitetit Olimpik Kombëtar Shqiptar, z. Fidel Ylli mirëpriti në një vizitë të veçantë të Dërguarin Special ...
08/09/2026

Presidenti i Komitetit Olimpik Kombëtar Shqiptar, z. Fidel Ylli mirëpriti në një vizitë të veçantë të Dërguarin Special të SHBA-së për Partneritetet Globale, z. Paolo Zampolli.

Vizita përbën një moment të rëndësishëm për forcimin e komunikimit dhe të bashkëpunimit ndërkombëtar përmes sportit, në një kohë kur Shqipëria po afirmohet gjithnjë e më shumë si një vend me ambicie dhe potencial të rëndësishëm në zhvillimin e sportit dhe të projekteve me dimension ndërkombëtar.

Gjatë takimit, Paolo Zampolli, i cili ka një rol të veçantë në promovimin e partneriteteve globale dhe në fushën e sportit në administratën e Presidentit Donald Trump, shprehu vlerësimin e tij për punën, zhvillimin dhe arritjet e Komitetit Olimpik Kombëtar Shqiptar, si dhe për përfaqësimin gjithnjë e më dinjitoz të Shqipërisë në arenën ndërkombëtare sportive.

Ai vlerësoi rëndësinë që sporti ka në krijimin e marrëdhënieve të reja mes vendeve dhe shprehu gatishmërinë për të eksploruar dhe thelluar mundësi të reja bashkëpunimi dhe partneriteti me Shqipërinë, duke e konsideruar sportin një instrument të fuqishëm të komunikimit ndërkombëtar.

Nga ana e tij, Presidenti i KOKSH, Fidel Ylli, e vlerësoi vizitën si një derë të re komunikimi përmes diplomacisë sportive, duke theksuar se sporti nuk është vetëm garë dhe rezultate, por edhe një nga mënyrat më të fuqishme për të ndërtuar marrëdhënie, për të afruar njerëzit dhe për të promovuar Shqipërinë nëpër botë.

Z. Zampolli shprehu interes të veçantë për t’u njohur nga afër me projektin “Tirana Olympic City”, duke e vlerësuar atë si një mundësi të shkëlqyer për të promovuar sportin shqiptar, për të krijuar hapësira të reja për brezin e ri dhe për të forcuar imazhin ndërkombëtar të Shqipërisë përmes fuqisë universale të sportit.

Kjo vizitë është një tjetër dëshmi se sporti mund të shkojë përtej fushës së garës: ai mund të shërbejë si platformë për diplomaci, bashkëpunim, investime, shkëmbim eksperiencash dhe promovim ndërkombëtar.

Address

Tirana Olympic Park
Tirana
1001

Telephone

+355696003708

Website

Alerts

Be the first to know and let us send you an email when Komiteti Olimpik Kombetar Shqiptar (KOKSH) posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Komiteti Olimpik Kombetar Shqiptar (KOKSH):

Shortcuts

Share

Category