Dinamo Tirana - Official page * DINAMO - Klubi Legjendar i Futbollit Shqiptar. 18 Kampionate, e 13 Kupa të fituara, që nga viti i themelimit 1950. Dinamo (më parë quhej KS Dinamo), është klubi fubollistik shqiptar nga Tirana, që u themelua në vitin 1950. Futboll Klub Dinamo, është 18 herë kampion i Shqipërisë, në sezonet: 1950, 1951, 1952, 1953, 1955, 1956, 1960, 1966-67, 1972-73, 1974-75
, 1975-76, 1976-77, 1979-80, 1985-86, 1989-90, 2001-02, 2007-08 dhe 2009-10;
ka fituar 13 herë Kupën e Shqipërisë, në sezonet: 1950, 1951, 1952, 1953, 1954, 1960, 1970-71, 1973-74, 1977-78, 1981-82, 1988-89, 1989-90, 2002-03;
si dhe ka fituar 2 herë të tjera Superkupën e Shqipërisë, në vitet: 1989, 2008. Dinamo ka marrë pjesë në secilin prej kompeticioneve europiane të futbollit; Ligën e Kampioneve, Ligën e Europës (Kupën Uefa, Kupën e Kupave), duke kaluar 3 herë një raund kualifikues. Dinamo ka marrë pjesë dhe 5 herë në Kupën Ballkanike, ku është shpallur nënkampione e Ballkanit në vitin 1969, duke qenë e para skuadër shqiptare që arriti një vend të tillë në atë kompeticion. Futboll Klub Dinamo, njihet për:
- lojën kombinative e spektakolare, dhe nxjerrjen e qindra talenteve ndër vite, çka ka shërbyer për t'iu atribuar klubit Dinamo, cilësimi: "Shkolla e Futbollit Shqiptar";
- shtrirjen e tifozërisë në mbarë Shqipërinë e jashtë saj;
- si dhe për kulturën Fair-Play, brenda dhe jashtë fushës së lojës. Futboll Klub Dinamo, është një prej klubeve të futbollit më të rëndësishëm të Shqipërisë që ka dominuar në vijimësi futbollin shqiptar dhe që prej vitit të themelimit 1950, është klubi më i suksesshëm i vendit, me 31 kompeticione kombëtare të fituara (18 Kampionate + 13 Kupa të Shqipërisë). Pas viteve '90, periudhë gjatë së cilës vendi kaloi një tranzicion të thellë, përfshirë sportin, Futboll Klub Dinamo u rikthye si ekip i suksseshëm në Shqipëri, duke fituar kampionatin e sezonit 2001-02, me një rekord prej 22 rezultatesh pozitive rradhazi. Dinamo po ashtu, i shtoi librit të artë të sukseseve të saj, edhe trofeun e Kupës së Shqipërisë, të sezonit 2002-03. Pasi kryesoi pothuajse gjatë gjithë sezonit Superligën shqiptare 2007-08, Dinamo fitoi me meritë kampionatin për të 17-ën herë, brenda 58 vitesh të ekzistencës si klub. Më 17 gusht 2008, me rezultatin 2-0 ndaj Vllaznisë së Shkodrës, Dinamo fitoi gjithashtu edhe Superkupën e Shqipërisë 2007-08. Duke udhëhequr bindshëm që prej fillimit Kategorinë Superiore 2009-10, më 21 prill 2010, Dinamo fitoi zyrtarisht Titullin e 18-të kampion, në historinë e lavdishme 60 vjeçare të klubit. Në sezonin 2011-12, pas sulmeve dhe padrejtësive disa vjeçare e të pashembullta, Dinamo u detyrua që të rrëzohet në Kategorinë e Parë, për herë të parë në historinë e saj. Pas 9 sezoneve me ulje-ngritje në këtë kategori, blutë e kryeqytetit rikthehen sërish në elitën e futbollit shqiptar për sezonin 2021-22 dhe në vazhdim.
