07/06/2026
🎭✨ Mbrëmjen e djeshme, në Teatrin e Kukullave “Piro Xëci”, Pogradec, u përmbyll me sukses edicioni I 21-të i Festivalit të Teatrit të Kukullave “XINXIFILO”.
Mbyllja e festivalit u kurorëzua me shfaqjen “Pinoku”, interpretuar me shumë dashuri nga trupa e Teatrit të Kukullave të qytetit të Elbasanit. Përmes historisë së njohur të djalosh*t prej druri, shfaqja përcolli mesazhe të vyera për ndershmërinë, përgjegjësinë, respektin dhe rëndësinë e zgjedhjeve të drejta në jetë. Një rrëfim që vazhdon të frymëzojë breza të tërë, duke i kujtuar fëmijëve se mirësia dhe sinqeriteti janë vlera që të çojnë gjithmonë në drejtimin e duhur.
👏 Shfaqja u prit me shumë ngrohtësi nga publiku, ndërsa duartrokitjet dhe buzëqeshjet e fëmijëve krijuan një atmosferë të veçantë në natën përmbyllëse të festivalit.
Në fund të aktivitetit, përfaqësuesit e trupave pjesëmarrëse u vlerësuan me dhurata dhe certifikata mirënjohjeje, të dorëzuara nga Drejtori i Qendrës Kulturore “Lasgush Poradeci”, z. Eritan Kamolli, dhe Nënkryetarja e Bashkisë Pogradec, znj. Entela Gusho, si shenjë falënderimi për kontributin e tyre në këtë festë të bukur të artit skenik.
🌟 Për disa ditë me radhë, Teatri i Kukullave “Piro Xëci” dhe Salla e Shfaqjeve te Qendrës Kulturore "Lasgush Poradeci" u kthyen në shtëpinë e fantazisë, krijimtarisë dhe emocioneve, duke mirëpritur trupa nga qytete të ndryshme të vendit. Edicioni i 20-të i “XINXIFILO” mbylli siparin, duke lënë pas kujtime të bukura, miqësi të reja dhe dashurinë e pafundme të fëmijëve për teatrin.
Një falenderim i veçantë shkon për Ministrinë e Turizmit, Kulturës dhe Sportit, Bashkinë Pogradec dhe Qendrën Multifunksionale Pogradec për mbështetjen e këtij aktiviteti si dhe prindërit dhe fëmijët të cilët i dhanë jetë këtij festivali me pjesëmarrjen e tyre.
