https://www.facebook.com/430385873727897/

Afghan Criclive - AC, Shahr-e Now (2026)

02/02/2026

"Who was that man? What was his name?" Even kings were baffled by the genius of Khalid bin Walid. A tribute to the greatest military strategist in history. 🏰🔥

Afghan Criclive - AC

11/10/2022

نیوزیلېنډ، پاکستان ته ستره ماتې ورکړه؛ پاکستان منفي ریکارډ هم جوړ کړ

د نیوزیلېنډ په کوربتوب د روانې درې اړخیزې لوبلړۍ په لړ کې نن د نیوزیلېنډ کرکټ لوبډلې پاکستان ته په نهه ویکټو ستر ماتې ورکړه او پاکستان په دغه لوبه کې یو منفي ریکارډ هم جوړ.

دغه درې اړخیزه لوبلړۍ چې د نیوزیلېنډ، پاکستتان اوبنګلدېش ترمنځ ترسره کېږي، نن یې څلورمه لوبه د نیوزیلېنډ او پاکستان ترمنځ ترسره شوه، چې د لوبې په پیل کې پاکستان پچه وګټله او توپ وهنه یې غوره کړه.

د ۱۳۱ منډو هدف د نیوزیلېنډ لوبډلې د لوبې په ۱۶.۱ اورونو کې د یوه لوبغاړي په سوځېدو پوره کړ اوپاکستان ته یې په نهه ویکټو او ۲۹ توپونو یې ستره ماتې ورکړه.

د دوی لپاره فاین ایلن غوره توپ وهنه وکړه، هغه ۶۲ منډې وکړې. همدغه راز ډیون کانوي هم ۴۹ زیاتې منډې وکړې. د پاکستان له خوا شاداب خان ۱ ویکټ واخیسته. مایکل بریسویل د لوبې غوره لوبغاړی شو.

10/10/2022

ای سی سی وایي

دنیش کارتیک او محمد نبي د ۲۰۲۲ کال T20 WC کې تر ټولو زاړه لوبغاړي دي.

10/10/2022

هغه لوبډلې چې د یوې لوبډلې پر وړاندې یې زیاتې بریاوې ترلاسه کړي

شل اوریزه کرکټ د کرکټ چټک فارمیټ دی، چې ځینې لوبډلې دې فارمیټ ته ځانګړې او جوړې وي، چې له هغې ډلې د افغانستان ملي لوبډله هم ده؛ خو نن د هغه لوبډلو په اړه غږیږو چې د یوې لوبډلې پر وړاندې یې زیاتې بریاوې ترلاسه کړي دي.

په دې نوملړ کې لومړی نوم د انګلستان لوبډله ده، دې لوبډلې په شل اوریزه کرکټ د پاکستان لوبډله اتلس ځلې په ګونډو کړې او اوله لوبډله ده چې د یوې لوبډلې پر وړاندې زیاتې بریاوې ترلاسه کوي.

په شل اوریزه کرکټ کې هند لوبډله هغه لوبډله ده، چې له سریلانکا او ویسټ انډیز نه یې زیاتې لوبې ګټلي، هند له سریلانکا او ویسټ انډیز نه ۱۷-۱۷ ځلې بریاوې خپلې کړي.

همدغه راز پاکستان، افغانستان او بیاهم پاکستان هغه لوبډلې دې چې په شل اوریزه کرکټ کې یې د یوې لوبډلې پر وړاندې ډېرې لوبې ګټلي، چې پاکستان د زمبامبوې پر وړاندې ۱۶، افغانستان د ایرلېنډ پر وړاندې ۱۶ او بیاهم پاکستان د نیوزیلېنډ پر وړاندې ۱۶ لوبې ګټلي دي.

د یادولو وړ ده چې تېره ورځ پاکستان په درې اړخیزه لوبلړۍ کې د نیوزیلېنډ لوبډلې ته ماتې ورکړه او د یوې لوبډلې وړاندې د ډېرو بریاو ترلاسه کولو لوبډلو کې یې خپل نوم ثبت کړو.

10/10/2022

اروشي روټیلا د ریشب پنټ شا نه پرېږدي؛ اسټرالیا ته پسې ورغله

د بالیووډ مشهورې اداکارې اروشي روټیلا په انستاګرام ځینې انځورونه خپاره کړي، چې هلته یې خپل موقیعت اسټرالیا ورکړی، یعنې نوموړې په اسټرالیا کې هم د هندي کرکټر ریشب پنټ شا نه پرېږدي او ورپسې ده.

شل اوریز نړیوال جام ته یوازې د ګوتو په شمېر ورځې پاتې او بله خوا اروشي روټیلا تر اسټرالیا رسېدلې، چې له هغه ځایه یې خپل نوي انځورونه خپاره کړي او مینه وال داسې
فکر کوي چې هغه په ریشب پنټ پسې تللې ده.

له ډېر وخت راهیسې په رسنیو داسې اوازې خپریږي چې اروشي روټیلا او ریشب پنټ له یو بل سره مینه لري، څو ورځې وړاندې داسې راپورونه هم خپاره شول، چې اروشي له ریشب پنټ نه بخښنه غوښتې ده.

اوس اروشي روټیلا له اسټرالیا نه خپل نوي انځورونه خپاره کړي او د ټولنیزو رسنیو کاروونکي داسې فکر کوي چې دا انجلۍ د ریشپ پنټ شا نه پرېږدي، چې په دې لړ کې یو تن ورته لیکلي، د ریشب پنټ څارل بند کړه.

کیسه داسې وه چې اروشي روټیلا په الوتکه کې اخیستل شوي انځورونه خپاره کړي او ورسره یې لیکلي، ما د خپل زړه واورېدل، هغه زه اسټرالیا ته په راتګ مجبوره کړم.

09/10/2022

فضل الحق فاروقي: زما ارمان دی چې د نړۍ غوره توپ اچونکو کې وشمېرل شم

فضل الحق فاروقي د اسټرالیا پیچونو او ویشتنځایونو ته په کتو وایي، زه تر ډېره پیچ ته نه ګورم بلکې له خپلو وړتیاوو ګټه پورته کوم او که چېرته پیچ راسره مرسته کوي، نو هغه به زما لپاره یو اضافي ښه خبر وي، د اسټرالیا پیچونه هم ښه دي او بونډرۍ یې هم غټې دي، نو هڅه به کوو چې ښې لوبې وکړو.

هغه په آی پي ایل کې د لوبېدو او تجربې په اړه وایي، په داسې یو لیګ کې لوبېدل، چې هلته د نړۍ غوره لوبغاړي راټولېږي، مورال لوړوي او لوبغاړي ته داسې ډاډ ورکوي چې په هر ډول حالاتو کې ښه لوبه وکړي.

فاروقي د خپلې توپ اچونې په اړه وایي، چې هم یو څه اندازه چټکوالی لري او یو څه مهارتونه هم لري چې دی یې ډاډه کړی؛ خو دا هم وایي چې په لوبډله کې د مین توپ اچونکي په توګه د فشار احساس هم کوي ځکه چې تمې ترې زیاتې دي.

نوموړی د خپل کیریر په اړه وایي، په لومړیو کې چینامین توپ اچونکی وم او هغه وخت چې راشد خان او مجیب ځدراڼ مخکې تلل او لیګونو کې لوبېدل، نو خلکو به راته وویل چې په ورو توپ اچونه کې کیریر جوړه کړه، خو زما اراده قوي او غوښتل مې چې په چټک توپ اچونه کې کیریر جوړ کړم او هڅه مې دا چې یو رول ماډل جوړ شم.

فاروقي په نړیوال جام کې د انګلستان، نیوزیلېنډ او اسټرالیا لوبډلو پر وړاندې د لوبو لپاره چمتوالی ښیي او وایي چې هیڅ داسې توپ وهونکی نشته چې موږ ترې وډار شو او هیله یې څرګنده کړه چې د نړۍ په غوره توپ اچونکو به راشي.

06/10/2022

سویلي افریقا په لومړۍ یوه ورځنۍ لوبه کې هندۍ لوبډله په ګونډو کړه

د هند او سویلي افریقا لوبډلو ترمنځ د درېیو پنځوس اوریزه لوبو د لړۍ په لومړۍ په زړه پورې لوبه کې سویلي افریقا، هند ته په ۹ منډو ماتې ورکړه.

دغه لوبلړۍ چې د هند په کوربتوب ترسره کېږي، دا یې لومړۍ لوبه وه، خو د باران له امله ۴۰ اورونو ته راښکته شوې، د دې لوبې په پیل کې هند لوبډلې پچه وګټله او لومړی د سویلي افریقل لوبډله توپ وهنې ته راوبلله.

سویلي افریقا لوبډلې په ټاکلو پنځوس اورونو کې د ۴ لوبغاړو په سوځېدو سره ۲۴۹ منډې وکړې، چې کوانتن ډیکاک ۴۸، هینریک کلاسن ۷۴ او ډیویډ میلر ۷۵ زیاتې منډې وکړې. هند ته شردل ټاکور ۲، روي بیشنوي او کلدیپ یادیو ۱-۱ ویکټې واخیستې.

د ۲۵۰ منډو هدف په تعقیب د هند لوبډلې د اته لوبغاړو په سوځېدو سره ۲۴۰ منډې وکړې او په ۹ منډو یې دغه لوبه وبایلله او سویلي افریقا د لوبلړۍ پیل په بریا سره وکړ.

د هند لپاره شریاس اییر ۵۰، سنجو سامسون ۸۶ او شردل ټاکور ۳۳ زیاتې منډې وکړې. سویلي افریقا لینګی نیګډي ۳، کاګیسو رباډا ۲، وین پرنیل، تبریر شمسي او کیشو مهاراج ۱-۱ ویکټ واخیسته.

04/10/2022

ابراهیم ځدراڼ: د نور علي ځدراڼ لوبه زما لپاره الهام و او د راشد لوبول ګران دي

د افغانستان کرکټ ملي لوبډلې د ټاپ ارډر تکړه توپ وهونکی ابراهیم ځدراڼ وایي، چې لوبه یې د نور علي ځدراڼ له تخنیک او توپ وهنې نه په الهام پیل کړې او هغه یې روزونکی هم دی.

ابراهیم ځدراڼ له بي بي سي سره په مرکه کې د خپل کرکټ په اړه وایي، کرکټ مې له ماشومتوب کاوه، کرکټ سره مې مینه او علاقه له پخوانه وه، نورعلي ځدران مې کاکا دی او کله چې نورعلي ځدران په ۲۰۱۰ کال نړیوال جام کې کې پنځوسیزه جوړه کړه، ماته یي سخت خوند راکړ او له هغه وخت راهیسې مې په ځان خواري پیل کړ.

هغه وایي، زما په روزنه کې د نور علي ځدران ونډه زیاته ده، هغه خپله ښه توپ وهونکی و او تل یې ماته مشورې راکړي او روزلی یم او له هغه سربیره مې سچن ټنډولکر سنګاکارا د خوښې لوبغاړي دي.

ابراهیم ځدران وایي تل ویکټ ته په کتو توپوهنه ترسره کوم، که ویکټه سخته وي یا اسانه وي، هماغسې لوبه کوم؛ خو په هغه ویکټ منډې جوړول خوند راکوي، چې سخته وي، ځکه چې په اسانه ویکټ منډې جوړول اسانه وي او که په سخته ویکټ منډې جوړې کړې، نو دا بېل خوند لري.

نوموړی وایي ویرات کوهلي، روهیت شرما، کي ایل راهول او بابر اعظم هغه لوبغاړي دي، چې زه یې لوبې زیاتې څارم او غواړم د دوی په څېر لوبغاړی شم، ځکه دوی ډېر ښه کرکټ کوي او تخنیکي لوبېږي.

هغه زیاتوي ورو او چټک توپ اچونکۍ ټول لوبولی شم، مشکل ورسره نلرم، خو په کرکټ یواځینی توپ اچونکی راشد خان دی چې لوبول یې یو څه سخت دي او د کرکټ درې واړه فارمیټونه مې خوښېږي او لوبولی یې هم شم. په کرکټ کې لویه لاسته راوړنه مې ملي لوبډلې ته راتګ دی او بیا په لومړۍ ټیسټ لوبه کې د بنګله دېش پر وړاندې ۸۷ منډې جوړول دي.

02/10/2022

د شان ټیټ خبرې د پاکستانۍ لوبډلې منېجر باندې اور بل کړ او مایک پرې بند کړ

د پاکستان د توپ اچونې استرالیایي روزونکي شان ټېټ وړمه ورځ له انګلستان سره تر لوبې وروسته خبري ناستې ته جالبې خو له ګیلې ډکې خبرې وکړې، چې سمدلاسه پرې د پاکستان لوبډلې منېجر مایک بند کړ.

شان ټیټ خبري ناستې ته په خبرو کې وویل:(( کله چې لوبه په خراب ډول وبایلو، نو د رسنیو سوال جواب ته ما استوي.)) یعنې هغه دا خبره د ګیلې په ډول وکړه چې ولې په خراب ډول له لوبې بایللو وروسته خبري ناستې ته یوازې دی استول کېږي.

له دې خبرې سره سم د پاکستاني لوبډلې منېجر شان ټیټ ته ورځي او مایک ور بندوي او پوښتنه ترې کوي چې جوړ یې خو به وې کنه؟ شان ټیټ هم ورته وایي بالکل رک روغ یم.

له دې وروسته شان ټیټ مایک بېرته ان کوي او خپله خبري ناسته بشپړوي؛ خو د ټولنیزو رسنیو کاروونکي د پاکستانۍ لوبډلې منېجر په کړنه نېوکې کوي، چې ولې یې داسې وکړل.

د یادونې وړ ده په یاده لوبه کې پاکستان په لومړي وار توپ وهنې سره انګلستان ته د ۱۷۰ منډو هدف وټاکه، چې هغوی دغه هدف د فال سالټ د ۸۸ ناسوځېدلو چټکو منډو پرمټ د دوه ویکټو په زیان په ۱۵م اور کې پوره کړ او پاکستان ته سخته ماتې ورکړه.

28/09/2022

مبارک مبارک
محمدنبي شکیب الحسن څخه بیا اول مقام ونیوو په الرونډرانو لیست کې

28/09/2022

همدا اوس څوک ویخ شته چې دمحمد نبي او ګربز دې ټیم لوبه ورته نشرکړو سره ده پښتو کمنټري؟

28/09/2022

شفیق الله شفق: د کرکټ نړیوالې شورا راته اجازه راکړې، خو کرکټ بورډ راته خنډونه جوړ کړي

د افغانستان کرکټ ملي لوبډلې بریدګر توپ وهونکی شفیق الله شفق ادعا کوي، چې د کرکټ نړیوالې شورا له خوا یې د کورني کرکټ اجازه ترلاسه کړې، خو د کرکټ بورډ مشرتابه یې پر وړاندې خنډونه جوړوي.

شفیق الله شفق له کریک لېډ ویبپاڼې سره په خبرو کې وایي، کله چې نظام بدلون وکړ او عمومي عفوه اعلان شوه، نو دی هم کرکټ بورډ ته راغی او د ډاکټر حامد شینواري په مرسته یې د کرکټ نړیوالې شورا له خوا د کورني کرکټ اجازه ترلاسه کړه.

هغه وایي، په لومړیو کې خو د کرکټ نړیوالې شورا هغه ایمیل له کرکټ بورډ ډیلیټ شوی و، خو دوی بیا پیدا کړ او په هغه ایمیل کې واضحه لیکل شوي، که چېرته د کرکټ بورډ مشر وغواړي نو کولی شي چې کورنی کرکټ ولوبوي، خو په وینا یې چې د بورډ مشر د بل چا په خوله دی او د حاکم نظام مشران په یوه او بله خبره غولوي او زما په وړاندې خنډونه جوړوي.

شفق وایي، د وخت حکمرانانو فرغونیت شروع کړی، زه شپږ، اوه ځلې کرکټ بورډ ته تللی یم، خو په دې شپږ، اوه ځلو کې اجراییوي ریس نصیب خان راسره نه دي لېدلي او میرویس اشرف هر ځل راسره لېدنه کړې او ښه چلند یې هم کړی دی.

شفق خپله تېروتنه مني او وایي چې زما او د شکیب الحسن ګناه یوه وه، خو شکیب الحسن درې میاشتې بندیز تېر کړ او بېرته راستون شو، خو په ما شپږ کاله بندیز لګېدلی، حال دا چې ما فیکسنګ نه و کړی، بلکې یوازې هغه خبره مې پټه ساتلې وه، خو کرکټ بورډ له آی سي سي نه د کریډیټ اخیستلو لپاره له ماسره زیاتی وکړ.

Afghan Criclive - AC

02/02/2026

11/10/2022

10/10/2022

10/10/2022

10/10/2022

09/10/2022

06/10/2022

04/10/2022

02/10/2022

28/09/2022

28/09/2022

28/09/2022

Address

Telephone

Website

Alerts

Shortcuts

Share