19/03/2026
د کوچني اختر د رارسېدو په دې مبارکو شېبو کې، د نړۍ ټولو مسلمانانو ته خپلې صمیمانه مبارکۍ وړاندې کوم. 🌙✨
په ځانګړې توګه د افغانستان مظلوم او دردېدلي ولس ته زموږ ژورې دعاوې او خواخوږي درسره دي. الله تعالی دې ستاسو صبر، قربانۍ او کړاوونه قبول کړي، او دا اختر دې ستاسو لپاره د سولې، ثبات او روښانه راتلونکي پیل وګرځوي. 🤲
هیله لرم چې دا مبارکه ورځ د مینې، یووالي، متقابل درناوي او انساني ارزښتونو د پیاوړتیا سبب شي، او زموږ ترمنځ د ورورولۍ اړیکې لا ټینګې کړي.
راځئ چې په دې خوښیو کې هغه کسان هېر نه کړو چې لا هم له ستونزو سره مخ دي، او د هغوی د ملاتړ او دعا لپاره خپل مسؤلیت ادا کړو.
زه عبدالبصیرامرخېل، د نړیوال ډراګن سول سازمان بنسټګر او رئیس، په دې مبارکه موقع له ټولو سره دا هیله شریکوم چې راتلونکی مو له سولې، عزت، سوکالۍ او ګډو بریاوو ډک وي.
اختر مو مبارک، هره ورځ مو اختر وي، او ژوند مو له خوښیو او برکتونو ډک شه! ❤️
