05/02/2026
پکتیا کې ۷۰۰ تنو ورزشکارانو ته د فکري روزنې اصلاحي سیمینار پای ته ورسېد
پنجشنبه، د دلوې ۱۶مه، ۱۴۰۴
د المپیک، بدني روزنې او ورزش عمومي ریاست اړوند د دعوت او ارشاد ریاست له لوري د یاد ولایت مرکز ګردېز ښار په جرګو تالار کې د بېلابېلو فدراسیونونو ۷۰۰ ورزشکارانو ته د فکري روزنې دوه ورځني اصلاحي سیمینار پای ته ورسېد.
دغه سیمینار د دعوت او ارشاد رياست د مدرس مولوي محمد ابراهیم " سعادت " له لوري وړاندې شو، چې پکې ورزشکارانو ته په اسلام کې د ورزش اهمیت، د ورزشکارانو په فکري روزنې او د ورزش د شرعي اصولو اړوند بشپړ معلومات ورکړل شول.
د يادونې وړ ده، چې یاد دوه ورځني سیمینار د روزونکو او ورزشکارانو لخوا مهم او ګټور وبلل شو او په راتلونکي کې یې د لا دوام غوښتنه وکړه. په اخېره کې ورزشکارانو ته تصدیق پاڼې او د فدراسیونونو مسؤلینو ته تحفې هم ورکړل شوې.
