03/06/2026
اتمان زلمو الف او ب کرېکټ لوبډلو په خپلو جلا جلا سياليو کې ښې لوبې ترسره کړې او برياوې يې خپلې کړې.
د هزار ناو په چمن کرېکټ لوبغالي کې اتمان زلمو الف لوبډلې د افغان اسلاميه خصوصي ښوونځي کرېکټ لوبډلې ته په ستر توپير ماتې ورکړه.
د لوبې پچه اتمان زلمو الف لوبډلې وګټله او لومړی يې د توپ وهنې پرېکړه وکړه، چې په ټاکلو ۸ اورونو کې د عبدالله د چټکو ۶۸ منډو پر مټ ۱۳۰ منډې جوړې کړې او سيالې لوبډلې ته يې د ۱۳۱ منډو هدف وټاکه.
د هدف ترلاسه کولو لپاره افغان اسلاميه خصوصي ښوونځي کرېکټ لوبډله ميدان ته ښکته شوه، خو د اتمان زلمو الف لوبډلې د منظمې توپ اچونې پر وړاندې يې يوازې ۶۸ منډې وکړې او لوبه يې د ۶۲ منډو په توپير وبايلله.
د اتمان زلمو الف لوبډلې لپاره عبدالله ۶۸، رشاد خطري ۲۸ او سفير ۱۶ منډې ترسره کړې. د افغان اسلاميه خصوصي ښوونځي لوبډلې لپاره مجاهد او شفيق هر يوه يو ـ يو لوبغاړی وسوځاوه.
بل پلو، د باسول په کلينيک لوبغالي کې اتمان زلمو ب لوبډلې د هزار ناو سوپر کينګ لوبډلې ته ماتې ورکړه.
د لوبې پچه اتمان زلمو ب لوبډلې وګټله او لومړی يې د توپ وهنې پرېکړه وکړه، چې په ټاکلو ۸ اورونو کې ۱۰۸ منډې جوړې کړې او سيالې لوبډلې ته يې د ۱۰۹ منډو هدف وټاکه.
د هدف ترلاسه کولو لپاره د هزار ناو سوپر کينګ لوبډله ميدان ته ښکته شوه، خو د ټولو لوبغاړو په سوځېدو سره يې يوازې ۸۷ منډې جوړې کړې او لوبه يې د ۲۲ منډو په توپير وبايلله.
د اتمان زلمو ب لوبډلې لپاره حيات الله ۲۸ او حفيظ الله ۲۵ منډې ترسره کړې، همدارنګه حفيظ الله په توپ اچونه کې ۳لوبغاړي وسوځول او د خپلې لوبډلې په بريا کې يې مهم رول ولوباوه.
