03/09/2026
کیا آپ نے کبھی سوچا ہے کہ ایک خاتون کی داڑھی بھی گنیز ورلڈ ریکارڈ بن سکتی ہے؟
امریکا کی ریاست مشی گن کی 37 سالہ ایرن ہنی کٹ نے خواتین کی سب سے لمبی داڑھی کا عالمی ریکارڈ اپنے نام کر لیا۔
ایرن کی داڑھی کی لمبائی تقریباً 30 سینٹی میٹر یعنی 11.81 انچ ریکارڈ کی گئی، جس کے ساتھ انہوں نے 2011 میں قائم کیا گیا ویوین وہیلر کا 25.5 سینٹی میٹر کا ریکارڈ توڑ دیا۔
رپورٹ کے مطابق ایرن کو PCOS کی وجہ سے چہرے پر غیر معمولی بالوں کی نشوونما کا سامنا رہا۔ وہ صرف 13 سال کی عمر سے اس مسئلے سے نبرد آزما تھیں اور ایک وقت میں دن میں کئی بار شیو کرنے کی کوشش کرتی تھیں۔
لیکن مسلسل مشکلات کے بعد انہوں نے کووڈ لاک ڈاؤن کے دوران اپنے چہرے کے بالوں کو چھپانے کے بجائے قبول کرنے کا فیصلہ کیا۔
دلچسپ بات یہ ہے کہ جس داڑھی کی وجہ سے ایرن کبھی شرمندگی محسوس کرتی تھیں، بالآخر اسی نے انہیں گنیز ورلڈ ریکارڈ تک پہنچا دیا۔
ایرن کا کہنا ہے کہ انہوں نے کبھی تصور بھی نہیں کیا تھا کہ وہ گنیز ورلڈ ریکارڈ میں اپنا نام درج کروائیں گی۔
Disclaimer: This story is based on media reports and Guinness World Records information. Details may vary and should be independently verified.
