03/05/2026
👏🏽👏🏽 العيب فى المجتمع الجاهل عمرى ماهنسى الضرب من المدرسه وانا سنى ٧ سنين والعصيان الخشب الى اتكسرت على جسمى والضرب على وشى بالقلم لحد لما جسمى ووشى بقوا ألوان .. كان الى يشتمنى او يضربنى كنت بكرهه كرهه شديد جداااا من كل ذره فى قلبى ومش عاوز اشوفهم ابدا وبكرهه المواد الدراسية الى بيدرسوها لمدى الحياة وكل شىء بيفكرني بيهم بكرهه كرهه شديد جدا
والضرب الى فضل مستمر بكل قسوه وعنف وشتايم
عشان مجتمع جاهل .. ماعدا مدرسه الفنون الجميله
وانا ١٠ سنين استاذه عبير فؤاد / مدرسه التاريخ دكتوره نيره / مدرس الجيولوجيا استاذ عمرو بدوى / مدرسه الاقتصاد والسياسه سميره جورج .. كانوا أكتر مدرسين حبتهم وحسيت بالأمان معاهم واتفوقت فى موادهم.. دخلت مسابقات فنون جميلة وكان المدارس والمدرسين بتتكلم عليه فى الفنون التشكيليه والنحت ومش مصديقين ان الأشكال الى بعملها من الطين الصلصال من كتر لما كانت واقعية فى الثانوى العام .. التاريخ ٥٠/٥٠ .. الجيولوجيا ٤٩.٥/٥٠ .. الاقتصاد والسياسه ٤٩.٥/ ٥٠
السبب فى التفوق كان حبى ليهم بسبب عطفهم وحنيتهم وطبطبتهم
وعمرهم ما اتعصبوا عليه ولا شتمونى ولا قالولى انت غبى ومتخلف ومعندكش مخ ولا عمرهم انتقدونى بالعكس طول الوقت كان تشجيع
وبرافو عليك والمره الجايه أفضل ومتزعلش انك أخطأت تتعوض
ونبره صوتهم معايا دائما كانت هاديه كلها حنان وعطف بدون صريخ
والنظره الى كانت ليه أن فيه شىء غلط والشكوى
وكلمه انت مش طبيعى الى كانت بتتقال ليه مش كل حد
وكنت دائما اروح اعيط او وانا طفل من الحزن مكنتش
انام غير تحت السرير او الكنبه او اهرب بعيد من المدرسة
وانط من فوق السور وأروح افضل لوحدى على البحر او الجنانين حوالين حيوانات الشارع لان حسيت بأمان حوالين كلاب الشارع والقطط أكتر ماكنت بحس بأمان حوالين البشر لان اللغة الى كبرت عليها من الطفولة من البشر العنف الجسدى والشتايم والنقد وأنى مش طبيعى
