07/05/2025
بروتين؟ ضروري للجسم… بس لما يزيد عن حده، بيقلب ضده!”
بآخر فترة، صار في هوس عند الناس، خاصة الرياضيين،
بأن كل شي لازم يكون “بروتين”:
بروتين شيك، بروتين بار، خبز بروتين، رز بروتين… وحتى كورنפלקس بروتين!
بس السؤال: هل الكمية الكبيرة من البروتين دايمًا آمنة؟
⸻
الجواب: لا، مش دايمًا.
صح، البروتين مهم لبناء العضلات، الشبع، والحفاظ على الحرق…
لكن المبالغة فيه، خصوصًا بدون إشراف، ممكن تأذي الجسم، وأخطر شي؟ الكلى!
⸻
أضرار الاستهلاك العالي للبروتين على المدى الطويل:
• إرهاق الكلى وزيادة العبء عليها
• ارتفاع نسبة الكرياتينين واليوريا بالدم
• زيادة الجفاف بالجسم
• اضطرابات هضمية
• فقدان كتلة العضل عند تجاهل الكاربس والدهون تمامًا
⸻
ومساحيق البروتين؟
مش كلها متساوية!
بعضها تجاري، مليان نكهات صناعية، سكر، ومحليات مضرة…
وبعض الناس بيشربوا 2–4 سكوب باليوم بدون ما يحسبوا احتياجهم أصلاً!
⸻
وبرامج “عالية البروتين جدًا”؟
أوقات منشوف ناس ياكلوا 250–300 غرام بروتين باليوم، بدون توازن مع باقي العناصر…
ومين المتضرر الأول؟ الكلى.
⸻
تذكير مؤلم… وحقيقي:
“دور اكشتن”، اسم معروف بمجتمع الصحة والرياضة،
باع برامج غذائية فيها كميات مهولة من البروتين بدون متابعة،
وأكتر من شخص خسر كليته بسبب اتباعهم له بدون رقابة طبية أو علمية!
(وهاد واقع معروف بين الرياضيين في البلاد)
⸻
الخلاصة؟
البروتين مهم، بس مش كل ما زاد كان أحسن.
جسمك إله حدود، وكليتك أمانة.
وازن بين بروتين، كاربس، دهون، واشرب مي كفاية،
وخلي برنامجك مبني على علم… مش بس عضلات على إنستغرام.
⸻
بدك تعرف احتياجك الحقيقي من البروتين حسب وزنك، هدفك، وتمارينك؟
احكي معي وأنا بعملك خطة غذائية موزونة، صحية، وآمنة على المدى الطويل.
