03/06/2026
#حيل ونصايح سريعة لتخسيس الوزن
- # تحدي ال 15 يوم لخسارة الوزن
1- اشربي ماية قبل الوجبة ب 30 دقيقة.
2- اشربي شاي اخضر مرتين في اليوم.
3- كلي ببطء.
4- امشي 20 دقيقة يوميا.
5- كلي اناناس وعنب.
6- اتجنبي الوجبات السريعة.
7- مارسي تمارين كارديو.
8- ضيفي بروتين اكتر لنظامك الغذائي.
9- اتجنبي المشروبات السكرية زي “المشروبات الغازية, العصاير الجاهزة”.
10- زودي من اكل الالياف.
- مشروبات الليمون لتخسيس الوزن
لو عايزة تخسي وتخلصي جسمك من السموم تقدري تعتمدي على المشروبات السهلة دي
1- ماية بالليمون + خيار.
2- ماية بالليمون + نعناع.
3- ماية بالليمون + خيار + نعناع.
4- جنزبيل + ماية بالليمون + نعناع.
5- خيار + ليمون + نعناع + جنزبيل + ماية.
- اتخلصي من الكرش بعصير الكرفس
الكرفس ليه قدرة هايلة جدا انه يفتت الدهون المتراكمة في الجسم بشكل عام وعند منطقة البطن بشكل خاص لانه بيرفع عملية التمثيل الغذائي وبيدي احساس بالشبع وبيمنع الجوع, ده غير انه مفيد جدا للصحة بشكل عام لانه بيحتوي على الالياف وكتير من المعادن المفيدة للجسم, والنهاردة هنعرف طريقتين لعمل عصير الكرفس عشان نستفاد بيه في التخسيس.
الطريقة الاولى:
هاتي حزمة من الكرفس اغسليها كويس جدا, حطيها في الخلاط وضيفي لها كوباية مية, اضربيهم كويس مع بعض لحد ما يبقى عدك عصير ناعم, اشربي كوباية من عصير الكرفس تلات مرات في اليوم قبل كل وجبة ب 30 دقيقة على الاقل.
الطريقة التانية:
ضيفي معلقة صغيرة من الكرفس المجفف لكوباية مية مغلية وغطيها وسيبيها لمدة 10 دقايق, وبعدين صفيها واشربيه, كرريه يوميا
- اعملي سناكس صحية وحافظي على وزنك
هنقولك على سناكس صحي وسهل تعمليه وكل ما تحسي بالجوع ممكن تاكلي منه وهي قطرات الزبادي.
طريقتها سهلة جدا هتجيبي الزبادي العادية او زبادي بالفاكهة يعني اي نوع تفضليه وتحطيه في كيس الحلويات او اي كيس بلاستيك حطي فيه الزبادي واخرميه.
هاتي صينية وابدأي اعملي نقط بالزبادي جنب بعض بحجم متوسط او صغير حسب ما انتي عايزة.
حطي الصينية في الفريزر لمدة ساعة وبعدين طلعيها واستمتعي بالطعم اللذيذ هتبقى شبه الايس كريم بس صحية ومن غير ما تزود وزنك.
- اخسري كل دهون الجسم بسرعة بمكونين اتنين بس !
وصفة سهلة جدا وبتتكون من مكونين اتنين بس هيساعدوكي على تسريع عملية حرق الدهون في الجسم, طبعا مع نظام اكل صحي اكيد هتساعد جدا على التخسيس والتخلص من دهون الجسم.
المكونات:
2 معلقة صغيرة عسل نحل.
1 معلقة كبيرة قرفة مطحونة.
250 ملل مية مغلية.
الطريقة:
اخلطي القرفة مع المية وحطيها على النار لحد ما تغلي, وبعدين ارفعيها من على النار وسيبيها تبرد وبعدين ضيفي لها العسل, ولازم العسل يتضاف بعد ما الخليط يبرد عشان نحافظ على خصائص العسل اللي بتساعد على تخسيس الوزن.
اشربي نص كمية المشروب قبل النوم على طول, وباقي الكمية اشربيها الصبح على معدة فاضية, في خلال 7 ايام هتلاحظي انك فقدتي وزن اكتر من قبل كده.
الأهم الالتزام رياضه مناسبه للجسم 🏋️♀️🏋️♀️
#دبي # لبنان #المغرب #مصر #السودان #الجزاير #السعوديه #سوريا #مصر #ليبيا #تونس #العراق #قطر #الكويت #عمان #الاردن #فلسطين #الجزائر #السعوديه #سوريا
#لبنان #دمشق #المغرب
#كوتش ليلاس 🇰🇼🇱🇧🇰🇼🇱🇧🏋️♀️🏋️♀️🏋️♀️
