303 Renoster ope

27/10/2025

Vroeg oggend nog besig met inskrywings... Lekker om na al die videos en fotos te kyk wat die manne stuur

27/10/2025

Skietdag 2025: Son, Skote en Storievertel

Daar is geskiet. Daar is gelag. Daar is gehuil (maar net so 'n bietjie – waarskynlik oor 'n misgemikte skoot of 'n sonbrand op 'n plek waar mens nie sonbrand wil hê nie). Maar een ding is seker: dit was 'n baie, BAIE suksesvolle skietdag!

Die son het ons soos worsies op 'n braai gerooster, maar die manne het vasgebyt – want as daar een ding is wat nie gestop kan word nie, is dit 'n man met 'n geweer en 'n doelwit. Skiet móés daar geskiet word!

'n Groot dankie aan elkeen wat opgedaag het – of dit nou was om te skiet, te kyk, of net om te verseker dat die ou .303 nie permanent in 'n stofwolk verdwyn nie. Daardie gewere het dalk al 'n wêreldoorlog oorleef, maar hulle het nog steeds 'n bietjie aksie in hulle!

Dis altyd 'n fees om die versameling gewere te sien – van die ou klassieke wat stories kan vertel, tot die blink nuwe speelgoed wat klink soos 'n robot wat nies. En dan, natuurlik, die manne self: die veterane wat al langer skiet as wat sommige van ons bestaan, en die jong klomp wat kom wys het dat hulle nie net mooi kan kyk nie, maar ook reg kan mik.

Daarmee saam wil ons ook die borge bedank vir elke prys en vir kontant bydraes. Sonder die borge kan mens nie so skiet dag aanbied nie

TGS - Tractor and Grader Supplies (+27 10 001 9200)
NTT Toyota Mokopane (+27 87 286 2000)
Levantar Services (+27 63 565 7367)

Ook n spesiale dankie vir Laerskool Krugerpark wat elke jaar vir ons die geleentheid gee om gebruik te maak van hulle lapa vir prys uitdeling

Dankie weereens vir 'n dag vol skote, stories en sonbrand. Ons maak weer so – Oktober 2026. Bring jou hoed, jou geweer, en jou beste skietvernuf!

24/10/2025

More is die groot dag. Waar die koring van die kaf geskei word.

Sien julle more oggend. Eerste skoot trek 8 uur....

17/10/2025

Moenie vergeet van volgende week se goot dag nie. Hopelik speel die weer saam sodat ons nie te warm kry nie

09/10/2025

🎯 Renoster Ope 2025 🦏
Maak gereed vir ’n dag vol fokus, akkuraatheid en opwinding! 🔥
Op 25 Oktober 2025 vat ons mik en trek die sneller by die Renoster Ope – ’n skietdag vir almal wat hou van presisie en pret. 💥

👁️‍🗨️ Skiet met jou .303 geweer – met of sonder scope
🦌 Toets jou vaardighede met jou jaggeweer
🏆 Erkenning vir top skuts en ware sportmanskap

Kom wys jou mik, bring jou vriende, en geniet ’n dag in die veld vol gees en kameraadskap! 🤝

09/10/2025

Die Renoster ope kom nader, stadig maar seker . . .

Kom skiet saam 25 Oktober 2025 by die RC BRITS skietbaan te Mokopane (Potgietersrus)

02/09/2025

Manne en Dames, kom skiet saam 25 Okt 2025 by Potgietersrus se skietbaan.

Volg fie Facebook bladsy vir verdere inligting rondom hierdie dag. Die koring word van die kaf geskei. Kom ons hoop daar is n paar jong skuts wat n streep kan om die ouer skuts te leer skiet 😏😉🤣🤣

02/09/2025

Manne kom skiet saam 25 Oktober 2025.

Volg die blasy want al die inligting is daar

02/05/2025

30/04/2025

Almal wat wil deelneem aan hierdie jaar se .303 skiet dag.

Datum is vasgemaak op 25 Oktober 2025.

Verdere reëlings rondom inskrywings sal deurgegee word. Merk solank die datum op jou kalender.

Mokopane (Potgietersrus)
Limpopo