10/03/2022
Beste TNT Ouers 🎾
Gisteraand se aankondiging volg
1. Hanjo Minnaar en MC Venter is die nuwe mede eienaars van Top Notch Tennis Akademie vanaf April 2022. 🎾🥳 Die twee manne sien uit na die toekoms en het reeds baie nuwe idees oor hoe hulle tennis as sport kan bevorder in-en-om Potchefstroom. Nie net is hul albei kranige tennisspelers nie, hul is ook goeie afrigters en fokus op deurentydse ontwikkeling. 👏🏻 Chanelle glo dat hulle twee die ideale span is om Top Notch te laat voortleef. 🎾
2. Chanelle gaan vir eers haar tennis tekkies ophang en fokus op haar gesondheid. Dit was vir haar 'n moeilike besluit om te neem aangesien sy al vir 14 jaar Potch haar tuiste noem. Sy moes egter na raadpleging met medici 'n keuse maak. Chanelle sal einde Maart uit Potchefstroom verhuis na Marquard waar sy sal versterk en daarna haar "werkslewe" sal voortsit in Kaapstad (nie as 'n tennisafrigter nie). Chanelle glo nie dat sy nooit weer tennis gaan afrig nie, maar dit vir eers verby is. Chanelle vra dat elkeen asb. saam met haar sal bid op hierdie pad vorentoe. Sy beloof om nog in Potchefstroom te kom kuier en te hoor hoe dit met die tennis gaan 🎾
- Alle spelers wat by Chanelle afrigting ontvang, sal sistematies na Hanjo of MC geskuif word na gelang van hul behoefte en haar bydraende oordeel oor wat die beste sal wees vir elke spesifieke speler se welstand.
- Chanelle sal persoonlik met die ouers wie se lesse sy afrig kontak maak binne die volgende paar dae.
*Wat is die waarheid?*
- TNT sal voortbestaan onder nuwe bestuur nl. mede einaars Hanjo Minnaar en MC Venter.
- Chanelle fokus op haar gesondheid soos geadviseer en gaan nie tennis afrig nie.
- Chanelle gaan nie 'n alternatiewe akademie op 'n ander plek oopmaak nie en ook nie oorsee werk nie.
- Chanelle verlaat nie haar akademie weens die afstig van haar vorige afrigters nie, inteendeel.
- Chanelle gaan fokus op haar gesondheid en vra dat elkeen sal saam bid vir hierdie herstelpad vorentoe.
- Top Notch Tennis sal steeds afrigting bied vir enige speler binne die ouerdom 3-88 jaar.
- Top Notch Tennis het steeds 'n hegte band met die Baillie Park Tennisklub en sal hul afrigting by die klub, Ferdinand Postma en Volkskool voortsit.
- Top Notch Tennis en jul kinders is in goeie hande, hierdie was in alle opsigte 'n deurdagte besluit wat gemaak is op 'n verantwoordelike wyse.
*Dit is vir elkeen van ons by Top Notch Tennis belangrik, dat die ouers sowel as die kinders in die akademie VERSEKER moet wees dat hul steeds _top notch_ diens sal ontvang en dat elkeen tot hul volle potensiaal sal ontwikkel by TNT* 🎾
Indien daar enige verdere vrae of versoeke is, moet asb. nie huiwer om vir Chanelle, Hanjo, MC of Corlia (Admin) te kontak nie. 🎾
Ons help graag 🌟
TNT Groete
