GSOK Gimmie-sport Ondersteunersklub

17/09/2026

Is dit daardie tyd van die dag wanneer jy ’n hupstoot kort?

Soms is al wat jy op ’n besige dag nodig het, ’n goeie koppie koffie en ’n paar minute om net weer asem te skep.

Maak ’n draai by Toro vir varsgebroude koffie en ’n welverdiende blaaskans.

16/09/2026

Groot dinge is aan die gebeur by Gimmie-sport!

GSOK werk voortdurend daaraan om ons sportgeriewe en infrastruktuur te verbeter en só ’n omgewing te skep waar ons Gimmie-atlete hul beste kan gee.

Mooivallei-sportgronde is volgende aan die beurt met groot opgraderings wat binnekort begin.

Hierdie projek is nóg ’n tree vorentoe in ons doel om voortdurend in die toekoms van Gimmie-sport te belê.

Baie dankie aan elke GSOK-ouer en -besigheid vir julle waardevolle ondersteuning en bydraes. Dit is julle betrokkenheid wat projekte soos hierdie moontlik maak en ons help om saam verder aan Gimmie-sport te bou.

Hou ons sosialemediablaaie dop, ons deel binnekort meer!

14/09/2026

Eastvaal Motors, een van ons gewaardeerde Elite GSOK-besighede, het ’n reputasie wat deur harde werk, uitstekende diens en volgehoue prestasie opgebou is.

Wanneer jy met Eastvaal Motors sake doen, kies jy ’n span wat nie net beloftes maak nie, maar keer op keer wys waarom kliënte hul vertroue in hulle plaas.

Baie geluk aan die Eastvaal Motors-span met julle puik prestasie. GSOK is trots om met ’n besigheid van dié gehalte hande te vat!

10/09/2026

AFSKOP VAN KAARTJIEVERKOPE!

Ons skop die kaartjieverkope vir die wen van ’n Chery Tiggo Cross-kompetisie op ’n besondere manier af!

Op Vrydag 11 September saai OFM regstreeks vanaf Chery Potchefstroom uit, en Gimmies gaan deel van die opwinding wees.

Kom kuier tussen 12:00 en 15:00 saam met ons by Chery Potchefstroom, ontmoet die OFM-span en koop jou kaartjie vir die kans om met ’n splinternuwe Chery Tiggo Cross LIT MT weg te ry!

Gimmies sal ook tydens die uitsending regstreeks op OFM gesels oor die kompetisie, so maak seker jy luister.

Jou kaartjie kan dalk die sleutel tot ’n splinternuwe Chery wees!

08/09/2026

As jy op soek is na ’n bakkie wat sterk gebou, goed toegerus en gereed is vir werk én die langpad, is die Mahindra Double Cab S11 beslis die moeite werd om te oorweeg.

Kry die Mahindra Double Cab S11 vanaf R519 900. Die aanbod is geldig tot 30 September 2026, terwyl voorraad beskikbaar is.

Besoek Mahindra Potchefstroom, een van ons Elite GSOK-besighede, en gaan kyk gerus wat die S11 alles bied.

07/09/2026

Gehalteverblyf in die hartjie van Potchefstroom!

Of jy Potchefstroom vir werk, sport, ’n spesiale geleentheid of sommer net ’n wegbreek besoek, maak die regte verblyf ’n groot verskil.

The Cedar Group, een van ons trotse Elite GSOK-besighede, bied ’n verskeidenheid gastehuise waar gehalte, gemak en gasvryheid hand aan hand gaan.

Met Opstal Guesthouse, Opstal Guestfarm, Cosy Guest House Cottages, Goedehoop 2, Best Rest Guesthouse en Raaswater is daar ’n verblyfopsie vir verskillende behoeftes en geleenthede.

03/09/2026

Ons nuwe wegspringblokke is op en gereed vir aksie!

Dit is lekker om te sien hoe nóg ’n GSOK-projek uiteindelik ’n werklikheid word en, nog beter, hoe ons Gimmie-swemmers nou die vrugte daarvan kan pluk.

Die nuwe wegspringblokke is aangekoop met die hulp van ons GSOK-ouers en -besighede se bydraes. Baie dankie aan elke GSOK-ouer en -besigheid wat saam met ons Gimmie-sport na hoër hoogtes neem.

03/09/2026

01/09/2026

Gimmie-atletiek kry nuwe toerusting!

GSOK streef daarna om seker te maak dat ons Gimmie-sportlui toegang het tot gehalte-sportfasiliteite en die nodige toerusting om hul beste te kan lewer.

Met die waardevolle bydraes van ons GSOK-ouers en -besighede kon GSOK ’n verskeidenheid atletiektoerusting aankoop – van spiese en aflosstokkies tot verskeie ander benodigdhede wat ons atlete tydens oefeninge en byeenkomste kan gebruik.

Elke bydrae help ons om verder in Gimmie-sport te belê en ons atlete van die nodige toerusting te voorsien om hul talente verder te ontwikkel.

Baie dankie aan elke GSOK-ouer en -besigheid vir julle volgehoue ondersteuning.

31/08/2026

Nog ’n verbetering is op pad na Gimmie-sport!

Danksy die waardevolle ondersteuning en bydraes van ons GSOK-ouers en -besighede kon GSOK 10 nuwe bankies vir die tennisbane aankoop.

Die bankies sal op die bane geplaas word en aan ons tennisspelers ’n gerieflike plek bied om tydens rustye asem te skep.

Baie dankie aan elke GSOK-ouer en -besigheid wie se ondersteuning projekte soos dié moontlik maak!