أخبار وذكريات الأهلي المصري Ahly Egypt Memories

  • Home
  • أخبار وذكريات الأهلي المصري Ahly Egypt Memories
Call Website Contact the business

أخبار وذكريات الأهلي المصري Ahly Egypt Memories الأهلي مش مجرد نادي بنعشقه... الأهلي حكاية بتتوارثها الأجيال
من باب المدرج لحد فوق في السما... إحنا الملوك وإحنا التاريخ!
الأهلي فوق الجميع

نهاية المباراة بفوز الأهلي علي كيتارا الأوغندي بملعبه 2-1أحرز الأهداف:عمر الساعي - أحمد السيد زيزو
17/10/2026

نهاية المباراة بفوز الأهلي علي كيتارا الأوغندي بملعبه 2-1
أحرز الأهداف:
عمر الساعي - أحمد السيد زيزو

هو يا ساذج منك له ……..الظروف اللي إنتوا بتتحججوا بيها مع كل هزيمة دي مين السبب فيها!؟الأهلي ولا انتم ………..إنتم اللي صفر...
15/10/2026

هو يا ساذج منك له ……..
الظروف اللي إنتوا بتتحججوا بيها مع كل هزيمة دي مين السبب فيها!؟
الأهلي ولا انتم ………..
إنتم اللي صفر إدارة صفر تسويق صفر نفسية..
وكلكم بتكرهوا بعض واللي يركب فيكم الباقي بيحاربه عشان يفشل….
وهو ده اللي لازم تفهموه وهو ده الفارق بين الأهلي وبين أي نادي شعبي تاني في مصر……
كله بيعاني إلا الأهلي الوحيد اللي واقف علي رجليه…..
وده يعني ميخليش عقلك يشتغل شوية وتحاول ولو محاولة التفكير ف ليه ده بيحصل……..
أنا عارف انك مبتعرفش تفكر في طريقة تبرر بيها فشلك
وعمرك ما فكرت في طريقة ممكن تنجح بيها……
الأهلي واقف علي رجله ……
عشان حسن الإدارة وجودة التسويق والنفسيات الصافية
فمتتحججش بظروفك لأنك فاشل ومش المفروض أصلا تقارن مؤسسة فاشلة بمؤسسة ناجحة
ومش معني إني بكسبك بعض المباريات بفارق بسيط فده عشان أنت جامد……
ابسليوتلي "بصوت اللمبي" ……
……لأني علي طول حاطط عليك وفي كل الألعاب وعبر كل الأزمنة إلا قليلا……
……. وده طبيعي لأنها بتبقي استراحة محارب لازم مستواه ينزل لان مفيش حد بيكسب علي طول……
لأنه لو كسب علي طول عمره ما هيحس بفرحة المكسب هيفقد الشغف فأنه يسحققك ويجيب مناخيرك الأرض
وهيبقي رغم عن الكارهين والحاقدين…….
الأهلي دايما فوق الجميع …..
#الأهلي

معلش أصل دي حاجة مشفنهاش قبل كدهوالله وعملوها الستات......
14/10/2026

معلش أصل دي حاجة مشفنهاش قبل كده
والله وعملوها الستات......

14/10/2026

سيدات الأهلي لكرة اليد بطلات أفريقيا لأول مرة في التاريخ لأي نادي مصري💃💥🔥🏐

مباراة قرن وقضية جديدة (مرة أفشة والتانية مودي)الأهلي بطل دوري أبطال أفريقيا لكرة اليد بعد الفوز علي الزمالك ٢٦ / ٢٥مبرو...
14/10/2026

مباراة قرن وقضية جديدة (مرة أفشة والتانية مودي)
الأهلي بطل دوري أبطال أفريقيا لكرة اليد بعد الفوز علي الزمالك ٢٦ / ٢٥
مبروووووووك 👍 👏❤️

🎙️ فارس لـ«قهوة فايق»: فيه كلام خطير لازم نقف عنده، وده دور لازم الإعلام يقوم بيه! 🗣️إن الزمالك ينزل بيان يوم 3 أغسطس، و...
13/10/2026

🎙️ فارس لـ«قهوة فايق»: فيه كلام خطير لازم نقف عنده، وده دور لازم الإعلام يقوم بيه! 🗣️
إن الزمالك ينزل بيان يوم 3 أغسطس، وهو مش طرف في أي أزمة، والأهلي هو اللي معترض على لجنة الحكام، فيطلع الزمالك يزايد ويقول:
«من غير المقبول التشكيك في نزاهة لجنة الحكام والمنظومة».
وبعدين ييجي الزمالك يوم 11 أكتوبر يشتكي ويهاجم لجنة الحكام ويشكك فيها، وهو نفسه اللي كان بيهاجم أي حد بيشكك فيها!
والتناقض ده مش أول مرة!
قبل كده الزمالك صمم يلعب ماتش الأهلي بحكم مصري، وكان الحكم محمود بسيوني.
وبعدها، لما محمود بسيوني أخطأ في مباراة سيراميكا في الكأس، الزمالك قال إنه مكنش ينفع يتعين للمباراة دي، وانه موجَّه .. وتخيل إن المباراة كانت من غير جمهور
بس نفس الحكم كان عادي جدًا عند الزمالك إنه يدير مباراة بحجم الأهلي والزمالك، بكل جماهيريتها وضغوطها!!
الطريقة دي في اللعب على مشاعر الجماهير خطيرة جدًا.
وبعدين نرجع نقول إن السوشيال ميديا والإعلام هما سبب التع.صب
لأ، معلش!
البيانات والمواقف المتناقضة دي، لمجرد إن الأهلي لما يقول يمين تقول شمال، هي دي اللي بتصنع التع.صب

شادي حبشي: يعني أيه أفتح التليفزيون أمبارح ألاقي كلام غريب جدًا وحد بيقول لو كولر كان كسب الزمالك 4نعم؟ يعني ايه؟ مين بي...
13/10/2026

شادي حبشي:

يعني أيه أفتح التليفزيون أمبارح ألاقي كلام غريب جدًا وحد بيقول لو كولر كان كسب الزمالك 4

نعم؟ يعني ايه؟
مين بيحدد معايير النجاح للأهلي؟

أنا اللي أحدد معاييري، أحتفل واتبسط امتى؟

لما في مرة نفتح التلفزيون يتقال أن الزمالك كسب الأهلي في الشوط التاني 3-1 والزمالك خسر 2 بس لما كسبناهم 5-3 !!

هو ايه ده؟!!
فيه رأي عام بيتكون أن أيه يعني لما تكسب 2-0 ما أنت معاك 4 مليار جنيه

ياعم دي فلوس النادي بتعب وشقا النادي وتاريخه
أنت بتحاسبني على ايه؟

يا جمهور الأهلي إحنا اللي نحاسب نفسنا محدش يجرجرك ولا يدخلك في الحفرة.

فيه رأي عام اتكوّن للأهلي على مدار 12 سنة فاتوا، أن أي حاجة بتعملها مش هحسبهالك إنجاز

أنت كسبت الترجي؟ يا راجل دي أسوء نسخة للترجي
هو كل ما نكسب نادي يبقى أسوء نسخة؟
أمتى الأهلي هياخد الكريديت لما يعمل حاجة؟

ولما الزمالك يكسب الدوري يبقى دوري الحدوتة، لكن الدوري بتاعنا دوري الكخة

ولو مكسبتهوش فرق 40 نقطة ميبقاش دوري!

هو ليه كل ماتش ديربي لازم اكسبك اسكور؟
مين حط المعيار ده!

الخبير التحكيمي السويسري أورس ماير :الكرة المشتركة بين أشرف داري وشيكو بانزا: لم تكن بالتأكيد ركلة جزاء. اللاعب سقط من ت...
12/10/2026

الخبير التحكيمي السويسري أورس ماير :

الكرة المشتركة بين أشرف داري وشيكو بانزا: لم تكن بالتأكيد ركلة جزاء. اللاعب سقط من تلقاء نفسه، فهو من بحث عن الاحتكاك وسعى للحصول على ركلة جزاء، لكن في الواقع لم يكن هناك أي شيء يستدعي احتساب ركلة جزاء.

دفع شيكو بانزا في اللقطة الثانية وركلة جزاء ؟ لم أري سوى أن الحكم كان يجب أن يمنح اللاعب صاحب القميص الأبيض إنذارًا بسبب لمس الكرة بيده، لا أعرف لماذا لم يتخذ الحكم أي قرار ضده وبالطبع لا توجد ركلة جزاء

من ملفات المخابرات المصريةقبل حرب اكتوبر بشهور قليلة ظهرت مصيبة فجأة.مصيبة كانت ممكن تمنع مصر من انها تحارب.. او تأجل ا...
05/10/2026

من ملفات المخابرات المصرية
قبل حرب اكتوبر بشهور قليلة
ظهرت مصيبة فجأة.

مصيبة كانت ممكن تمنع مصر من انها تحارب.. او تأجل القرار كتير

الولايات المتحدة الأمريكية سلمت للإسرائيليين محطة إنذار مبكر في أول أغسطس سنة ١٩٧٣.

وركبوها فى أحد المطارات العسكرية فى سيناء.

ودي محطة محصنة ومحمية كويس.. وبتحميها نظم أمن يستحيل اختراقها.

والمحطة كان مفروض يبدأ تشغيلها اول سبتمبر.. ويجربوها شهرين.. وبعدين تشتغل بكامل طاقتها في آخر اكتوبر.. واول نوفمبر.

وبدأت إسرائيل تختار العلماء.. اللي المفروض يشرفوا على المحطة ويشغلوها.

امريكا كانت بتساعدهم في دا.. وقررت تقدم لهم العلماء اللي يختاروهم.

علماء الطاقة بالتحديد ...

وبيدرس الخبراء في المخابرات المصرية الموضوع كله، وبيتوصلوا ان في ثلاثة من علماء الطاقة الأمريكيين، تنطبق عليهم كل المواصفات، اللي تخلي اسرائيل تطلب الاستعانة بيهم.

البروفيسير "دريك هانز" والبروفيسير "مارك هايدن".. والدكتور "دافيد هيلسن".

وكانت إسرائيل حتختار واحد من دول.

والمخابرات المصرية لازم تخليهم يختاروا الراجل اللي احنا عايزينهم يختاروه.

وبعد دراسة طويلة، المخابرات المصرية اختارت أول واحد.

البروفيسير "دريك هانز".

وتاني يوم الصبح.. في امريكا، كان البروفيسير "مارك هايدن" بيشتري شوية حاجات من سوبرماركت صغير.

ولكن وهو بيتحرك في المحل.. خبط فيه شاب انيق، لابس زراير دهب في كم قميصه.. على شكل فراشة صغيرة.

ومع الخبطة، حس "مارك" بشكة إبره في ضهر إيده.. ولما بص يشوف في ايه.. لقى ان زرار قميص الشاب جرحه جرح سطحي بسيط.

ووقف الشاب واعتذر للبروفسير في حرارة.. ومد ايده في جيب قميصه وطلع منديل معطر وفتحه.. ومسح للبروفسير الجرح وهو بيواصل الاعتذار.

وانتهى الموقف ومشي كل واحد لحال سبيله.

ولكن لما البروفسير وصل شغله.. وبعد ساعتين بس، ارتفعت درجة حرارته.. وجتله حمى عجيبة وقشعريرة عنيفة.. وبقى دايخ وبيترعش وبيرجع ويعرق.

ولما ودوه المستشفى.. قالول له انه عنده عدوى فيروسية.

والعدوى دي مش قاتلة.. لكن عايزة راحة تامة في السرير من ست اسابيع.. لشهرين.

ولأن الإسرائيليين مايقدروش يستنوا كل دا.. خرج البروفيسير "مارك" من السباق.

وفى نفس اللحظة، اللي حصل فيها الموقف ده، كان العالم التاني، الدكتور "دافيد هيلسن ".. بيوقفه شخص من اصول عربية، في فناء الجامعة. ويسلم عليه بحرارة عجيبة كأنه يعرفه من سنين.

وبعدين قال له انه محتاجه في استشارة مهمة جدا.

ووقف يتكلم.

ويتكلم.

وقف يتكلم ويرغي حوالي ٢٠ دقيقة.. وبعدين سلم على البروفيسير بحرارة وود جامدين...

ومشي!

واستغرب البروفيسير لانه مايعرفش الراجل دا ولا عمره شافه.

وولا طلب منه استشارة ولا حاجة.

لكن البروفسير مكانش فاهم ان كل المطلوب كان انه يظهر مع الراجل دا في مكان عام.. ويبانوا انهم معرفة او صحاب.

لان الموساد بيراقبه طبيعي وبيجمع تحرياته عنه.. والراجل ذو الاصول العربية دا كان معروف عند الموساد بمعاداته وكراهيته لإسرائيل.

وطبعا الموساد لما شافوا اللقاء دا استبعدوه من الترشيح.. وخافوا يكون له علاقة بالمصريين وللا العراقيين او السوريين. او يكون معادي للصهيونية.

ومابيفضلش للموساد غير الإختيار الأخير..

البروفيسير "دريك هانز".

ولما المخابرات الأمريكية بلغت البروفيسير "دريك" باختيارهم له.. وجهزوه السفر لإسرائيل.. كان واقع بالفعل تحت سيطرة المخابرات المصرية.

وطريقة السيطرة عليه كانت مجهولة.. ولازال.. محدش عارفها.. ومأعلنوش عنها ابدا احد النهاردة. ...

وتاني يوم، وتحت حراسة مشددة بالتعاون مع المخابرات الامريكية، نقل الموساد البروفيسير "دريك هانز" بطيارة خاصة.. للمحطة في سيناء.

وكان "دريك" متوتر وقلقان.. لانه مكانش عايز ينسى التعليمات اللي حفظها له ضابط المخابرات المصري.. زي اسمه.. لما سيطر عليه في امريكا.

والتعليمات كانت بسيطة وسلسة وماحسش "دريك" انها خطيرة.

كان كل المطلوب منه أنه يلاقي مبرر يوقف به المحطة ويعطلها.. فى ست مواعيد مختلفة، ولمدة نص ساعة بس فى كل مرة ...

وبالفعل إستغل الرجل شغله كخبير للطاقة، وفصل المحطة بالفعل لمدة نص ساعة، فى ١٠ سبتمبر.

ومحصلش اي حاجة خطيرة.

ودا حسسه ان المخابرات المصرية بتختبر ولائه.. وان موضوع المحطة دا اختبار اهبل.. ولسه حيطلبوا منه مهمة خطيرة.

واتشجع "دريك" وقرر ينفذ بقية التعليمات.. ويعطل المحطة حسب المطلوب في تلك المواعيد التي أخبروه بها.

في ٢٥ سبتمبر.. و٣٠ سبتمبر.. ويوم ٦ اكتوبر.. و١٣ اكتوبر.. وآخر اكتوبر.

فى الوقت نفسه، كانت دردشات الجنود والخبراء الإسرائيليين جوا المحطة، بتؤكد كلها أن المصريين قد استسلموا للهزيمة، ولحالة اللا سلم واللا حرب.

وشعر البروفيسير "دريك" بالراحة اكثر واكثر.

وفي ظهر السبت، يوم ٦ أكتوبر ١٩٧٣، في تمام الساعة اتنين إلا ربع، كان البروفسيور (دريك) بيخفض محول الطاقة ويعطل المحطة الإنذارية.

للمرة الاخيرة.

ولأن ٦ من أكتوبر دا كان يوم عيد الغفران عندهم.. او "يوم كيبور"، كانت الدنيا عادية وكل اللي جوا المحطة مريحين اصلا.

و بعد دقايق من ذلك التوقيت، انقضت الطائرات المصرية على خط بارليف وكل معسكرات ومطارات إسرائيل فى قلب سيناء في آن واحد.

وماشتغلتش المحطة الانذارية.

واتضربت محولات الطاقة بتاعتها.

القصة دي كانت من الفضائح اللي اتسببت بعد الحرب في إقالة "إلياهو زعيرا" مدير المخابرات العسكرية "أمان".. ورئيس الأركان "ديفيد بن إليعازر"، وقائد الجبهة الجنوبية "شلومو جونين"، وحوالي ثلث القوة من ضباط الموساد.. وكلهم حاسس في حلقه بالمرارة.

مرارة الخداع. والهزيمة.

ادم موسي و خالد عبد الناصر لاعبا الزمالك اللي حصل بينهم مشاده الناس كلها شافتها ف الملعب من كام بوم . و خرجت تصريحات من ...
04/10/2026

ادم موسي و خالد عبد الناصر لاعبا الزمالك اللي حصل بينهم مشاده الناس كلها شافتها ف الملعب من كام بوم . و خرجت تصريحات من مسؤولي الزمالك ان الموقف دا لا يليق و هيكون هناك تحقيقات مع الثنائي . الاتنين بيلعبوا الماتش اللي بعده مباشرة عادي جدا و لا في تحقيقات و عندهم حد اساسا يقدر يحقق ف حاجه زي دي مع لاعب عندهم . و جمهورهم و اعلامهم عارفين كدا كويس
لكن لما الامر يكون بخصوص لاعب ف الاهلي بتلاقي جمهورنا قبل أدارتنا نازلين يخلصوا علي اللاعب ف بالتالي هما بيستغلوا دا و يضغطوا عليك ب قصه المبادئ و ورينا بقي هتعملوا ايه و يلا عايزين نشوف العقا .ب بتاعكم ل اللاعب نوع من انواع الاستفز ا .ز
انا مش بقولك متعقبش المخطئ لكن لو علي ابنك انت حاسبه خلف الأبواب المغلقة و بينك و بينه لو حتي هتشطبه خالص لان انت عندك منافس عايز يغير هويتك بأي شكل علشان تبقي زيه لانه مش عارف و ولا عمره هيعرف يبقي زيك

Address

ش بن الوليد/توريل

35111

Telephone

+201021116565

Website

Alerts

Be the first to know and let us send you an email when أخبار وذكريات الأهلي المصري Ahly Egypt Memories posts news and promotions. Your email address will not be used for any other purpose, and you can unsubscribe at any time.

Contact The Business

Send a message to أخبار وذكريات الأهلي المصري Ahly Egypt Memories:

Shortcuts

  • Want your business to be the top-listed gym/sports facility?

Share