25/07/2026
फुलबारी युवा क्लब (FYC) सह-आयोजकको रूपमा व्याकुल माइला गोल्ड कप २०८३ – दशौँ संस्करणमा सम्पूर्ण खेलप्रेमीहरूलाई हार्दिक स्वागत गर्दछ।
🏆 व्याकुल माइला गोल्ड कप २०८३ को दशौं संस्करण कार्तिक ९ गतेदेखि सुरु हुने
ओखलढुंगा जिल्लाको मानेभञ्ज्याङ गाउँपालिका–६, सोक्माटारस्थित व्याकुल माइला फुटबल मैदानमा व्याकुल माइला गोल्ड कप २०८३ को दशौं संस्करण आगामी कार्तिक ९ गतेदेखि १७ गतेसम्म आयोजना हुने भएको छ।
"खेलकुदको माध्यमबाट विकासको अभियान" भन्ने मूल नारासहित सञ्चालन हुने प्रतियोगिताको उद्घाटन कार्तिक ९ गते र समापन तथा पुरस्कार वितरण कार्यक्रम कार्तिक १७ गते हुनेछ।
प्रतियोगिताको आयोजना व्याकुल माइला गोल्ड कप तथा नयाँ नेपाल सरोकार समाज ले संयुक्त रूपमा गरेका हुन् भने मानेभञ्ज्याङ गाउँपालिका संरक्षक सहयोगीका रूपमा रहेको छ।
