10/06/2026
❤️🚴♂️ Pas çdo kampionati të suksesshëm qëndrojnë njerëz të jashtëzakonshëm!
Teksa BCU Kampionati Ballkanik i Çiklizmit 2026 mbetet tashmë një kujtim i bukur dhe një kapitull historik për çiklizmin në Kosovë, dëshirojmë të shprehim mirënjohjen tonë më të thellë për të gjithë ata që kontribuan në këtë rrugëtim.
Faleminderit sponsorëve tanë të çmuar: Porsche Kosova, Momo Rent Car, Bike Plus, Tranzit Bike Shop dhe Auto Gashi, të cilët besuan në këtë projekt dhe u bënë pjesë e suksesit të tij.
Mirënjohje të veçantë për Shoqatën e Kosovës për Kërkim dhe Shpëtim, e cila ishte pranë nesh me përkushtim maksimal, si dhe për mediat që e përcollën këtë ngjarje në çdo moment te publiku.
Një falënderim i madh shkon për Bordin Drejtues të Federatës së Çiklizmit të Kosovës, për klubet e çiklizmit nga e gjithë Kosova dhe për vullnetarët tanë të mrekullueshëm, të cilët me energjinë dhe angazhimin e tyre ishin zemra e organizimit.
Respekt dhe mirënjohje edhe për ish-legjendat e çiklizmit kosovar; Alban Nuha, Samir Gashi, Menderes Qosa dhe Pajtim Çikaj, të cilët me praninë dhe kontributin e tyre i dhanë këtij kampionati një vlerë të veçantë.
Ky sukses nuk i përket vetëm një institucioni apo një grupi njerëzish. Ky është një sukses i të gjithëve. Një dëshmi se kur bashkohemi për sportin, mund të realizojmë ngjarje që e bëjnë Kosovën krenare.
Faleminderit secilit prej jush që u bëtë pjesë e kësaj historie!
