https://www.facebook.com/1609136986073987/

Federata e Taekwondo-së e Kosovës

Home
Kosovo
Pristina
Federata e Taekwondo-së e Kosovës

Faqja zyrtare në Facebook e Federates së Taekwondo-së së Kosovës ©

Official page of KTF

Kjo faqe administrohet nga Federata e Taekwondo-se të Kosovës dhe i shërben promovimit të FTK-së dhe aktiviteteve të saj.

11/09/2026

🥉🇽🇰 VALTON ADEMI FITON MEDALJEN E BRONZTË !

Sportisti ynë Valton Ademi ka shkëlqyer në Kampionatin Evropian Universitar të Sporteve Luftarake, duke siguruar vendin e tretë dhe medaljen e bronztë në kategorinë -63 kg.

Gjatë rrugëtimit drejt medaljes, Valtoni triumfoi ndaj kundërshtarëve nga Britania e Madhe, Portugalia, Italia dhe Gjermania, duke dëshmuar paraqitje të shkëlqyeshme dhe nivel të lartë konkurrues.

🇽🇰 Një tjetër medalje për Kosovën dhe një tjetër sukses për Taekwondon Kosovare në arenën ndërkombëtare!

👏 Urime Valtonit për këtë sukses!
Vazhdojmë përpara! 🇽🇰🥉

17/08/2026

Federata e Taekwondo-së së Kosovës me gjashtë sportistë në Lojërat Mesdhetare Taranto 2026 🇽🇰

Dje, në organizimin e Komitetit Olimpik të Kosovës, u prezantua ekipi i Kosovës që do të marrë pjesë në Lojërat Mesdhetare Taranto 2026, të cilat do të zhvillohen në Itali nga 21 gusht deri më 3 shtator 2026.

Në përbërje të ekipit të Kosovës, Federata e Taekwondo-së së Kosovës do të përfaqësohet me gjashtë sportistë:

• Bleron Ademi
• Elion Agushi
• Jon Gashi
• Bled Tufa
• Rona Gashi
• Resa Gashi

Ekipi i Taekwondo-së së Kosovës do të udhëhiqet nga trajneri i kombëtares, Flamur Visoka.

Një moment i veçantë i ceremonisë ishte edhe dorëzimi i flamurit të Kosovës për bartësit e tij në ceremoninë hapëse të Lojërave Mesdhetare. Flamuri iu dorëzua sportistit tonë, Bleron Ademi, dhe boksieres Donjeta Sadiku, nga Kryeministri i Republikës së Kosovës, Albin Kurti, dhe Presidenti i Komitetit Olimpik të Kosovës, Ismet Krasniqi.

Federata e Taekwondo-së së Kosovës u uron suksese sportistëve dhe trajnerit në këtë ngjarje të rëndësishme ndërkombëtare, me dëshirën që ta përfaqësojnë Kosovën denjësisht dhe me krenari.

Suksese ekipit të Taekwondo-së së Kosovës në Taranto 2026!

20/05/2026

Presidenti i Federatës së Taekwondo-së së Kosovës, z. Arsim Agushi, së bashku me Zëvendëspresidentin z. Shqipdon Zogaj dhe Sekretarin Gjeneral z. Muhamed Gashi, morën pjesë në mbrëmjen gala të organizuar me rastin e 50-vjetorit të themelimit të Federatës Evropiane të Taekwondo-së (ETU).

Në këtë mbrëmje solemne, ku Federata e Taekwondo-së e Kosovës pati nderin të jetë e ftuar, delegacioni ynë pati mundësi të takohet me drejtues të Federatës Botërore të Taekwondo-së (WT) dhe Federatës Evropiane të Taekwondo-së (ETU), si dhe me përfaqësues dhe udhëheqës të federatave nga shtetet e ndryshme evropiane.

Gjatë këtyre takimeve u zhvilluan biseda të rëndësishme dhe shumë frytdhënëse lidhur me bashkëpunimet e ardhshme, zhvillimin e Taekwondo-së në Kosovë, si dhe forcimin e lidhjeve ndërkombëtare në këtë sport.

Pjesëmarrja në këtë ngjarje përbën një hap të rëndësishëm në avancimin e mëtejshëm të Federatës së Taekwondo-së së Kosovës në arenën ndërkombëtare.

19/05/2026

Reprezentacioni i Kosovës në Taekwondo mori pjesë në Kampionatin Evropian për Senior, i cili u mbajt në Munich, Gjermani, nga data 11 deri më 14 maj.

Kosova u përfaqësua me gjithsej 6 sportistë, të cilët patën paraqitje të mirë dhe dhanë maksimumin në përballje me kundërshtarë të nivelit të lartë evropian. Sportistët pjesëmarrës ishin: Suleiman Vizdiklar (-54kg), Bleron Ademi (-58kg), Valton Ademi (-63kg), Elion Agushi (-68kg), Mal Sahiti (-74kg) dhe Jon Gashi (-80kg).

Ndër paraqitjet më të suksesshme u veçua sportisti Jon Gashi, i cili në kategorinë -80 kg arriti të avancojë në dy gjiro dhe të sigurojë plasman në vendin e 5-të, duke treguar performancë të qëndrueshme dhe nivel të lartë konkurrues.

Reprezentacioni i Kosovës u paraqit me dinjitet, disiplinë dhe përkushtim sportiv, duke përfaqësuar vendin në mënyrën më të mirë të mundshme në një kampionat të këtij niveli.

Federata falënderon të gjithë sportistët dhe stafin teknik për angazhimin e tyre dhe mbetet e përkushtuar në zhvillimin dhe mbështetjen e mëtejme të sportistëve tanë, me shpresë për suksese edhe më të mëdha në garat e ardhshme ndërkombëtare.

14/04/2026

Federata e Taekwondo-së e Kosovës 🇽🇰 të përfaqësuar nga kryetari z.Arsim Agushi dhe sekretari gjenaral i FTWK-së, z.Muhamed Gashi zhvilluan një takim të rëndësishëm me përfaqësuesit e World Taekwondo në Tashkent, Uzbekistan 🇸🇱

znj. Seungmin Monika LEE Deputy Secretary General, z.Woongki Leo KIM Assistant Manager si dhe znj Claudia Cardenas Coordinator në kuadër të programit WT Development Program.

Gjatë këtij takimi u përgezuam për ngritjen e Federates së Taekwondos të Kosovës për 38 pozita më lartë ⬆️ në ranglistën e World Taekwondo si dhe për mundësitë e bashkëpunimit dhe përkrahjes së mëtejshme të Federatës së Kosovës në disa fusha kyçe, duke përfshirë zhvillimin e sportistëve të rinj, ngritjen profesionale të trajnerëve, si dhe avancimin e infrastrukturës dhe aktiviteteve sportive në vend dhe ndërkombëtare.

Përfaqësuesit e Federatës të Taekwondos së Kosovës shprehën mirënjohjen për mbështetjen e vazhdueshme nga World Taekwondo, duke theksuar rëndësinë e këtij bashkëpunimi për rritjen e cilësisë dhe përfaqësimit ndërkombëtar të FTWK-së.

Ky takim shënon një hap të rëndësishëm drejt forcimit të lidhjeve ndërkombëtare dhe zhvillimit të mëtejshëm të sportit të Taekwondos në Kosovë.

11/04/2026

Federata e Taekwondo-së e Kosovës u përfaqësua sot në Asamblenë e Përgjithshme të Federatës Botërore të Taekwondo-së (WT), e cila u mbajt në Tashkent, Uzbekistan 🇺🇿

Delegacioni i Kosovës u përfaqësua nga Presidenti Arsim Agushi dhe Sekretari i Përgjithshëm Muhamed Gashi 🇽🇰

Njëkohësisht në Tashkent po zhvillohet edhe Kampionati Botëror për Juniorë, ku Kosova do të përfaqësohet nga sportistja Imarah Vizdiklar në kategorinë Junior -52kg.

I dëshirojmë shumë fat dhe suksese në këtë garë të rëndësishme!

09/04/2026

MEMORANDUM BASHKËPUNIMI MES FTWK-së dhe MSR-së 2026 🇽🇰

Federata e Taekwondo-së e Kosovës ka nënshkruar Memorandum Bashkëpunimin për vitin 2026. Memorandumi u nënshkrua nga kryetari i Federatës së Taekwondo-së të Kosovës z.Arsim Agushi dhe Ministri i Sportit dhe Rinisë z. Blerim Gashani.

Ky bashkëpunim synon zhvillimin e mëtejmë të Taekwondo-së, mbështetjen e sportistëve tanë dhe promovimin e vlerave sportive tek të rinjtë.

Falënderojmë MSR-në për mbështetje dhe bashkëpunim!

Vazhdojmë të punojmë për suksese të reja!

26/03/2026

Asambleja e Përgjithshme e Punës KOK 2025.

Me 24 Mars 2026 Federata e Taekwondo-së e Kosovës u përfaqesua nga Kryetari z.Arsim Agushi dhe Nënkryetari z.Shqipdon Zogaj.

20/03/2026

Federata e Taekwondo-së e Kosovës ju uron festën e Fitër Bajramit!

21/02/2026

Laureatët e Vitit 2025 🇽🇰

Komiteti Olimpik i Kosovës ka shpallur Laureatët e Vitit 2025, ku Federata e Taekwondosë së Kosovës është nderuar me dy çmime.

Bleron Ademi është shpallur Shpresa e Vitit pas suksesit të tij dhe medaljes së fituar në Kampionatin Evropian U21, në Prishtinë🥉

Ndërsa Federata fitoi Çmimin për arritje të Veçantë për organizimin me sukses të Kampionatit Evropian U21 të Taekwondo-së, të mbajtur në Prishtinë.

Falënderojmë Komitetin Olimpik të Kosovës, Ministrinë e Sportit dhe Rinisë, stafin e Federatës dhe të gjithë sportistët për përkushtimin, punën dhe arritjet gjatë vitit të kaluar.

Address

Rr. Agim Ramadani Nr:45
Pristina
10000

Telephone

+38344129619

Website

facebook.com

Alerts

Be the first to know and let us send you an email when Federata e Taekwondo-së e Kosovës posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Federata e Taekwondo-së e Kosovës:

Want your business to be the top-listed Gym/sports Facility in Pristina?