10/14/2026
ركز منيح في القصة ...
دا يبقا "هارمان سينج كابور" سيخي عايش في لندن وعنده مطعم اسمه "سينجز دايننج" ..
الراجل الفلتر ده طالع بيعيط وبيقول انا هفلس وهقفل مطعمي والناس مبتجيش وارجوكم تعالوا اتعشوا عندي وعليا ايجار وصاحب العمارة هيطردني وبدأ يتهم شركة جوجل انها متآمرة ضده عشان اخد كمية ريفيوهات بنجمة واحدة مؤخرا لحد ما مطعمه بقا نجمتين ونص.
عمل ايه هارمان عشان تقييمه ينزل كدا؟
من كام شهر، بدا يروج ان مطعمه مبيقدمش اكل حلال، وكتب عالمطعم من برة انه بكل فخر مش هيقدم اكل حلال، اصله سيخي وعندهم طريقة كدة مع الحيوان بيديله ضربة واحدة سريعة، بس هو موقفش عند كدة، دا بدأ يحرض اصحاب المطاعم انها متقدمش اكل حلال، ولازم نطرد المسلمين من لندن، وحاجات من دي.
زود على كدة انه بقا يعمل فيديوهات داعمة للمغضوب عليهم، لدرجة ان فيه فيديو منهم من اسبوعين كان داخل على خرايط جوجل وجايب موقع بيت متهدش عند اهالينا وعمال يقول للنتن ليه مهدتوش لحد دلوقتي، والمبنى اللي يقصده هي مدرسة اسمها "القادسية" للبنات، وطبعا حتى السيخ نفسهم هاجموه، وبالتالي بدأت حملات تقييمات بنجمة واحدة للمطعم، وحاليا طالع يعيط، وجوجل بيراضيه وبيمسحله التقييمات من برة لندن.
عامة تستاهل يا كابور ابقى خلي الزرق ينفعوك.
شكرا ✌️
