06/15/2026
ជំរាបសួរអ្នកទាំងអស់គ្នា។🙏
បងៗធ្លាប់គិតដូចគ្នាយ៉ាងនេះដែរឬទេថា៖ តើខ្ញុំអាចចម្អិនអាហារសម្រន់ឱ្យកូនបានដោយរបៀបណាបើអាហារបីពេលរបស់កូនចម្អិនមិនចង់ទាន់ផងនោះ?
ខាងក្រោមនេះគឺជាសំណួរមួយចំនួនដែលខ្ញុំទទួលបានពីម៉ាក់ៗផ្សេងទៀតទាក់ទងទៅនឹងអាហារសម្រន់របស់ទារកអាយុ1ខួបឡើង៖
✨១/តើខ្ញុំអាចចម្អិនអាហារសម្រន់ឱ្យកូនដោយរបៀបណាបើអាហារបីពេលរបស់កូនខ្ញុំចម្អិនអត់ចង់ទាន់ផងនោះ?(ខ្ញុំក៏ទទួលស្គាល់ដែរថាការចម្អិនអាហាររបស់ទារកទាមទារពេលវេលាច្រើន!)
✨២/តើអាហារសម្រន់គួរតែមានទ្រង់ទ្រាយ សណ្ឋានឬរូបរាងបែបណា? ហើយគួរចម្អិនអ្វីឱ្យកូនញ៉ាំ?ពិបាករកនឹកមុខម្ហូបណាយកមកធ្វើជាអាហារសម្រន់ឲ្យកូនញ៉ាំ។
✨៣/តើអាហារសម្រន់គួរឱ្យកូនញ៉ាំក្នុងបរិមាណប៉ុណ្ណា?ហើយគួរឱ្យញ៉ាំនៅពេលណាដែរ?
✨៤/តើអាចទិញរបស់ពីផ្សារស្រាប់ៗឱ្យកូនញ៉ាំធ្វើជាអាហារសម្រន់បានដែរឬទេ? ។ល។
សូមអានអត្ថបទនេះចំពោះចម្លើយរបស់សំណួរទី 3៖
https://www.facebook.com/share/p/19rL86W3zg/
ខាងក្រោមនេះគេជាចម្លើយរបស់សំណួរទី1 ទី 2 និងទី 4៖
💡ខាងក្រោមនេះគឺជាតិចនិចមួយចំនួនក្នុងការរៀបចំអាហារសម្រន់ឲ្យកូន៖
🔑 ១ប្រើវិធីចម្អិនងាយៗ៖ ចំអិនតែ2ឬ3ដំណាក់កាលអាចហើយរួចរាល់បានឱ្យកូនញ៉ាំ។
🔑២ប្រើគ្រឿងផ្សំដែលងាយរកបាននៅជិតៗខ្លួន។
🔑៣ជ្រើសរើសអាហារដែលងាយស្រួលញ៉ាំតែពោរពេញទៅដោយសារធាតុចិញ្ចឹម ឧទាហរណ៍៖ ដំឡូងជ្វាស្ងោរ ចេកលឿងទុំ ជាដើម(ចៀសវាងអាហារកញ្ចប់ក្រៀមៗដូចជា snacks របស់មនុស្សធំ)
ការរកនឹកធ្វើម្ហូបអាហារដែលងាយៗឆាប់បានញ៉ាំក៏ជួយកាត់បន្ថយអារម្មណ៍តានតឹង និងអារម្មណ៍ស្មុគស្មាញក្នុងការចំអិននិងរៀបចំបាយម្ហូបឱ្យកូនបានខ្លះដែរ។ ម្យ៉ាងទៀតក៏ធ្វើឲ្យការរៀបចំបាយម្ហូបឱ្យកូនធ្វើឡើងបានទៀងទាត់និងបានយូរអង្វែងផងដែរ(តើអ្នកទាំងអស់គ្នាគិតយ៉ាងដូច្នេះដែរឬទេ?)។
មាតាបិតាអាចរៀបចំអាហារសម្រន់ដូចឧទាហរណ៍ខាងក្រោមនេះបាន៖
-បាយសូនដុំៗ
-ផ្លែឈើកាត់ដំដុំ
-ដំឡូងជ្វាស្ងោរ
-បន្លែស្ងោរ
-នំចៀន
-ផេនខេក
-សាន់វិច
-ចាហួយ
-ទឹកក្រូចច្របាច់
-យ៉ាអ៊ួរសាប ទឹកដោះគោ
-នំសេរិយោសាប ឬក៏ cornflake សាប
-នំអាកោចំហុយ
-ច្នៃតាមទេពកោសល្យចម្អិនរបស់មាតាបិតាគ្រប់រូប
💡ចំពោះអាហារដែលទិញស្រាប់ពីផ្សារមិនទាន់អាចឱ្យទារកញ៉ាំបាននៅឡើយទេពីព្រោះនៅពេលនេះគឺជាពេលដែលទារកកំពុងកសាងមូលដ្ឋានគ្រឹះនៃការញ៉ាំម្ហូបសាបៗ។
💡បើចង់ឱ្យកូនញ៉ាំរបស់ទិញស្រាប់ពីផ្សារ យើងត្រូវប្រាកដជាមុនសិនថាអាហារទាំងនោះមានកម្រិតជាតិស្ករ ជាតិអំបិល និងជាតិខ្លាញ់តិចឬក៏អាហារទាំងនោះធ្វើតម្រូវតែសម្រាប់ទារកឬកុមារតែប៉ុណ្ណោះ(Baby Snacks Ok) ។ ទន្ទឹមនឹងនេះ មាតាបិតាគួរតែប្រុងប្រយ័ត្ន និងគ្រប់គ្រងបរិមាណអាហារទិញស្រាប់ដែលគួរផ្ដល់ឲ្យទារកញ៉ាំផងដែរ។ គឺមិនគួរផ្ដល់ឱ្យកូនញ៉ាំទាំងកញ្ចប់ៗឬក៏ទាំងកំប៉ុងទាំងកំប៉ុងនោះទេ។ យើងអាចលាយផ្សំជាមួយនឹងអាហារដែលយើងមានស្រាប់នៅផ្ទះដូចជាផ្លែឈើឬក៏ដំឡូងស្ងោរ នំប៉័ងសាប បាយជាដើម ដើម្បីគ្រប់គ្រងការទទួលទានជាតិដិតៗរបស់កូនឱ្យនៅតិចបំផុតតាមតែអាចធ្វើទៅបាន។ ដូច្នេះហើយជម្រើសដែលមានសុវត្ថិភាព គឺផ្សំរបស់ទិញស្រាប់ខ្លះ(នៅពេលដែលយើងអត់សូវមានពេលចម្អិន) បូកផ្សំជាមួយនឹងរបស់ដែលយើងអាចចម្អិនងាយៗខ្លះនៅផ្ទះក៏ជាជម្រើសមួយដែលប្រសើរផងដែរ។
ដើម្បីស្នាមញញឹមកូនៗយើងទាំងអស់គ្នា។
#ទំព័រមាតា
#ការបង្កើតទម្លាប់ល្អនៃការញ៉ាំអាហារដល់ទារក
