Estadak Forum

04/04/2026

04/03/2026

بعيدا عن كرة القدم ، البنت المصرية اللي قدامك دي حققت النهاردة انجاز في تنس الطاوله اقل ما يقال عنه انه تاريخي حرفيا !

البنت دي هي " هنا جودة " صاحبه ال 18 سنة فقط و اللي قدرت النهاردة تفوز علي الفرنسيه " جيا نان يوان " بنتيجة 4 / 3 عشان هنا تصعد رسميا الي ربع نهائي كاس العالم للسيدات و ده حدث بيحصل لاول مرة في تاريخ مصر و افريقيا و العرب !

المبهر في الانجاز ده هو تفاصيله ، هنا اولا فازت علي لاعبه عندها 41 سنة و كمان صينيه في الاصل لكنها بتلعب باسم فرنسا ، يعني فوز علي افخم بلد بتلعب اللعبة و كمان فوز علي لاعبه خبيره ، الفرق بينهم 23 سنة !

مش بس كدة ، ده هنا كمان كانت خسرانه بنتيجة 10 / 7 في الشوط الاخير ، يعني نقطه كمان و كانت هتخسر ، لكنها قدرت ترجع و فازت في النهايه بنتيجة 13 / 11 ، ريمونتادا للتاريخ !

اصغر لاعبه فازت ببطوله افريقيا ، بطله افريقيا 4 مرات ، برونزيه بطوله العالم الشباب 2024 ، اول مصريه و عربيه و افريقيه تتأهل الي ربع نهائي كاس العالم ، كل ده في عمر ال 18 فقط ، معجزه تنس الطاوله المصرية هنا جودة 👏🇪🇬❤️

04/02/2026

هديل البنا زوجة الكابتن تامر عبدالحميد لاعب الزمالك السابق على صفحتها الشخصية بفيس بوك ردا على البنت المروشه مذيعة قناة الزمالك اللى اسمها مها كوبيات 👇

مها صبري عاملة حلقة بتنظر فيها على مهيب عبد الهادي
وبتقوله انت بتقولي أتعلم من إدارة النادي الأهلي أتعلم إيه؟!
دول بيدفعو مرتب 3 مدربين
دول مش عارفين يمشو المدرب علشان ميدفعوش غرامة 6 مليون دولار
دول جابو لعيبة ملهاش لزمة وبيدفعو عقودها وجايبين لعيب مش راضيين يلعبوه علشان بند الشرا مايتفعلش بنسبة المشاركة
دول جابو لعيب شرب كوباية شاي أغلي كوباية شاي
ومسمعتش صوتك وقتها ولو بتشجع روح شجع في البيت مش قدام شاشة التليفزيون
طب يا مها مهي الإدارة اللي مشغلاكي وبرضو ما بنسمعش صوتك جابو 3 مدربين وقفولنا القيد "جروس - جوميز - يانيك فيريرا" ده غير بيسيرو
طب ما الإدارة اللي مشغلينك ومابنسمعش صوتك برضو وقت الصفقات الفاشلة جابو "1- موتيابا ، 2- ياسر حمد ، 3- مهاب ياسر ، 4- محمد عاطف ، 5- محمد سامح ، ٦- جيفرسون كوستا ، ٧- ندياي ، ٨- زياد كمال ، ٩- محمود جهاد ، ١٠- احمد حسام ، ١١- محمد حمدي ، ١٢- صلاح مصدق ، ١٣- الجفالي ، ١٤- عمر فرج، ١٥- بارون أوشينج ، ١٦- عمرو ناصر، ١٧- جوهرة المغرب عبد الحميد معالي"
كل دول محدش شافهم في الملعب ومنهم اللي وقفلنا القيد ومسمعناش صوتكطب ما تشجعي في بيتكم انتي كمان بدل العقد اللي بيكلف خزنة النادي اللي مافيهاش أصلا فلوس لعمال النادي ع الاقل هما بيعملو حاجة مفيدة مش ماسكين الطبلة لشوية الفشلة اللي قاعدين ع الكراسي
بس الغريب إن اللجان مش بتقول عليكي انتي وخاريليو وبنت الاصفر هزازين رؤوس

04/02/2026

🚨🚨🚨 تصنيف الاتحاد الأفريقي لأفضل 10 فرق في القارة السمراء وتصدر الأهلي 🔥💪

بيراميدز السادس والزمالك السايع . كده مين اخد مكان مين

04/01/2026

بعد استبعاد الزمالك.. كاف يعلن تصنيف الأندية آخر 5 سنوات ومفاجأة الأهلي
للتفاصيل https://sport.elwatannews.com/ar/1/1/1301716

04/01/2026

"خارج مشروع القرن".. كواليس (صدمة) استبعاد الزمالك من السوبر ليج الأفريقي: "لوائح صارمة" تضع الفارس الأبيض خارج الحسابات

كواليس "قاسية" كشفها مصدر من داخل الاتحاد الأفريقي "كاف" عن تفاصيل اختيار الأندية الـ 24 المشاركة في النسخة الجديدة من (الدوري الأفريقي)؛ الحكاية بدأت لما وضع المكتب التنفيذي "مسطرة" فنية وتنافسية لا ترحم، والنتيجة كانت غياب الزمالك عن قائمة المحافل القارية الكبرى في ثوبها الجديد. استبعاد الأبيض م جاش من فراغ، ده بناءً على "تصنيف تراكمي" دقيق منح الأفضلية للأندية الأكثر استدامة في الوصول لمنصات التتويج والأدوار النهائية في آخر سنين، والهدف هو ضمان (أعلى مستوى) فني لبطولة القرن.

الكاف م اختارش الأندية بالأسماء، ده اعتمد "بند التمثيل الوطني" اللي كان بمثابة (الضربة القاضية) لطموحات الزمالك؛ اللوائح المعدلة نصت على إن مفيش دولة يشارك منها أكتر من "ناديين بس"، وبناءً على نقاط التصنيف، المقعدين المصريين طاروا لـ (الأهلي وبيراميدز). الزمالك لقى نفسه بره المشروع رغم تاريخه العريق، بسبب تراجع ترتيبه القاري مقارنة بـ "قطبي الكرة المصرية الحاليين" في البطولات الأفريقية، والنتيجة إن "ميت عقبة" هتتفرج على السوبر ليج من المدرجات بنهاية 2026.

المصدر أكد إن إدارة الزمالك بتعيش حالة من "الصدمة" وبتحاول تدرس الموقف قانونياً، بس لوائح الكاف كانت (واضحة وصريحة) ومفيهاش أي استثناءات؛ "بيراميدز" بـ نتائجه المستقرة في السنين الأخيرة قدر يزيح الزمالك من مقعده المعتاد بجانب الأهلي. الجمهور الأبيض دلوقت حاسس بـ (مرارة) كبيرة لأن البطولة دي هي "واجهة أفريقيا الجديدة"، والغياب عنها يعني خسارة فنية وتسويقية ضخمة لـ "مدرسة الفن والهندسة" في وقت النادي محتاج فيه لكل دولار.

الخلاصة إن "التصنيف" خذل الزمالك في لحظة فارقة، وبيراميدز أثبت إنه بقى "رقم صعب" في القارة بـ لغة الأرقام؛ والجمهور الزملكاوي دلوقت بيطالب بـ ثورة تصحيح قارية عشان النادي م يفضلش بعيد عن "نخبة أفريقيا". هل تفتكر إن "بند الناديين" ظلم الزمالك بـ تاريخه الكبير؟ ولا الأرقام والنتائج هي (العدل الوحيد) في كورة 2026؟ الأكيد إن "غياب الأبيض" عن السوبر ليج هو (خسارة) لبريق البطولة مهما كان السبب!
#الزمالك #الأهلي #بيراميدز #الكاف

04/01/2026

وجه عدلي القيعي مقدم برنامج (ملك وكتابة) عبر شاشة النادي الأهلي، انتقادا عنيفا ضد أحمد سليمان عضو مجلس إدارة نادي الزمالك، بسبب بعض التصريحات ضد إدارة القلعة الحمراء.

وكان أحمد سليمان قد أدلى بتصريحات نارية عقب بيان النادي الأهلي بخصوص تولي ياسين منصور نائب رئيس النادي وسيد عبدالحفيظ عضو المجلس، الإشراف على قطاع الكرة.

ووصف سليمان في تصريحات إعلامية، بيان الأهلي بأنه "محاولة لتطويق الحقائق"، زاعما أن منصور وعبدالحفيظ يمارسان مهامهما عقب الانتخابات، ولا جديد في بيان النادي.

وقال القيعي: "هو (أحمد سليمان) اللي بيضحك على نفسه أو مش عارف يستوعب ما يفعله الأهلي.. الخطيب قال محتاج ياسين ينزل الانتخابات وينزل سيد علشان يستلموت الملف ولكن مش من أول يوم".

وأضاف: "انت يا كابتن أحمد مش بتفصل بين وضعك في المجلس ووضعك العام وكل مرة تحط الناس في الزمالك في موقف في حرج بسبب الكلام العجيب اللي انت بتقوله في الإعلام".

وتابع: "هو انت لازم تنضم لشلة المتاجرين بكراهية الأهلي علشان تضمن استمرارك في قناة في وضع ش*ذ وغريب وانت عضو مجلس إدارة".

المصدر|| المصري اليوم

04/01/2026

يلا كورة يكشف.. تفاصيل انتقال أليو ديانج إلى فالنسيا الإسباني