06/04/2023
من أكثر الأماكن الي بتعرض الأفراد للضغط النفسي هو العمل وخاصة العمل المكتبي الي بيفرض نظام معين من العمل بالاضافة لإمكانية تعرّض الشخص لإصابات العمل متل الدسك وخشونة المفاصل والامراض المزمنة وغيرها وهذا الأمر يؤدي لتراجع حاد بالصحة بشكل عام وبأثر على الانتاجية بالعمل
(يعني تخيل على مدار ٥٠ ساعة عمل اسبوعية تقريباً تكون عم تفكر بألم ما، او مشكلة مالك عارف تتعامل معها وتضغطك نفسياً!!)
ومن أكثر الأمور الي يمكن انها تخلصك من ضغط العمل الواقع عليك وتحد من الإصابات المترتبة على العمل المكتبي هي ممارسة الرياضة ، بغض النظر عن نوع الرياضة او وقتها او مكانها
ممكن تمارس المشي او الجري او الفتنس بالنادي او بالبيت الفنون القتالية….الخ يعني الأمر بيرجع الك باختيار الطريقة الانسب
لهيك لابد انو يكون ضمن حياتك برنامج رياضي يساعدك للتخلص من الضغط الحاصل عليك
وهذا البرنامج ممكن يكون ٢-٣ مرات اسبوعياً بما يناسب حالتك وصحتك ولياقتك وممكن يكون منوع او برياضة انت بتفضلها وبتميل الها لتقدر تستمر وتواظب على التدريبات
ويفضل انو يكون تحت اشراف مختص لحتى تكون الخطة والهدف واضحين والتدريب صحيح ومناسب لقدرتك وحالتك بالاضافة لدراية المختص بمبادئ علم التدريب لتكون الخطة التدريبية مبنية على اسس علمية
متل مبدأ التنويع بالتدريب او زيادة الحمل التدريبي او الانفرادية بالبرامج وغيرها من المبادئ
#اصابات #رياضة #تدريب
مدرب شخصي معتمد, مختص في تدريب اللياقة البدنية والفنون القتالية, بكلوريوس في علوم الرياضة, حزام اسود 5 دان في الكيك بوكسنج
