13/11/2022
برشا مرات انتهاء علاقتك بأشخاص في حياتك ، يكون بداية للسعادة وفتح لابواب الحظ السعيد الي كان عمرك ما تحلم بيها .
فبمجرد انتهاء علاقة بسبب و لا بللش ، او بطلاق او فراق وخصام و ابتعاد احد الطرفين عن التاني .
تلقا ربي فتحها عليك ومن وسع ،كينو ما يكون وجودهم في حياتك كان غالق عليك الهواء والأكسجين والخير والسعادة ، و الناس هاذم نسموهم .
للاسف ممكن يكونو اصدقاء او جيران او أقارب ، ممكن يكونو أزواج او زوجات و الا زادا اخوات اشقاء ولاد ابوك وأمك ...
الدراكولا هاذم تلقاهم في حياتك او اجتماعياتك، يتغذو على انخفاض روحك المعنوية أمامهم ...مش حابين تكون احسن منهم ما يحبوش يشوفوك متهني ومرتاح ماديا ...نفوسهم معقدة و لازمك تشعر دائما معاهم بالقلق والارتباك ممكن تلقاهم في العمل او في البيت او في الجامعة ، ممكن يكون جوزك او ممكن تكون مرتك .
هاذوما ما نحسوش بخطرهم الغير مرئي او الغير ملموس , ويعترينا شعور بالقلق لتواجدهم و يصيبك التوتر و الاحباط و الضغط النفسي ، العباد هذي تخليك ديما تدافع عن نفسك وعن حقك ، وقالقن انك تكون قاعد تخدم و تقدم او ناجح بيتغذوا على معنوياتك المنخفضة , وتقوى طاقتهم المريضة من انهيار وضعف طاقتك ....👹
هؤلاء هم سارقي الطاقة , يبثون مشاعر سلبية من خلال كلامهم وتصرفاتهم , هم دائمي الشكوى والتذمر , دائما يبحثون على المشاكل بيدورو وراك ويلوحو عن كل صغيرة وكبيرة في حياتك وين تمشي وين تجي شكون تقابل شنيا علاقتك بفلان و فاش قام تقابل في فلانة ليجعلوك دائما في حالة دفاع عن النفس . عندما تتعامل معهم تشعر بالضعف والكسل والتوتر .
غير انهم بيقفلو فرص النجاح والازدهار والتألق في وجهك باستمرار ، لأنهم بشكواهم وتذمرهم ، و الإيحاء اليك بانك غالط وأنهم فاهمين الدنيا و كلامهم صحيح او يفهموك انك اناني او غبي او مش عارف مصلحتك.... هذا كل بش يسحبوا طاقتك الايجابية ، وتلقا روحك بتجذب كان التعاسة وضيق الحال والقلق والكأبة ، وبالتالي الضعف والمرض ...
دايما يطلبو الاهتمام والعطف وبيحملوك مسؤولية اي حاجة تصيرلهم او لغيرهم , كان تجيك فلوس راهي مش من حقك ، كان تعمل مشروع يقولك مش بش ينجح ، لو شاف عندك حاجة يحب زادا كيفك، او تضيع وقتك وطاقتك علشان تجيبلة اختها ،كان عليه في اي موضوع لاي سبب تولي تخمم كيفاه تبررلو....
ولا كان تقنرح عليه فكرة يسكرها في وجهك بلا لا لا مسهلة هي .. ، كي تكون كريم يجي يقولك انت اناني وماتحبش كان روحك ...وكي تكون كريم مع المحتاج يجي يقولكخيرنا ماشي لغيرنا ....وكي يراك زاهي يقولك تاو يحسدوك و يضربوك بعين.
المخلوقات هذي مهمتها التقليل من قيمتك و العمل على تهميشك , ناقد ليك باستمرار ويخليك تندم على اي شيء تعملو , يعرضك لهجوم نفسي وتانيب للضمير , معاهم احس كان بالتعب والاحباط فتضطر تسكت و ترحي دخلاني بكل وقاحة ✋ يزي ستووووب ....
انصحك بحكمة لو انت تحب تنقذ روحك
لازم تعرف ان بعد كل الطاقات السلبية هذي الي زرعوها في نفسيتك...لما بتهمشهم او تبعدهم عن حياتك يولو كي الحيوان الجائع ويقلب الدنيا عليك ....نصيحة 😔 مش مهم أنقذ نفسك 🙄 خاطر ربنا حيفتحها عليك ومن وسع ...و حتنجح و تزدهر و الخير والحظ حيجيلك من أوسع الابواب ...🌺
لانهم كانو قافلين عليك اي منفذ و خرم في ابواب الايجابية والفرح والازدهار والسعادة من انها تدخلك ، وكانت مهمتهم يحافظو على معنوياتك منخفضة باستمرار ...
راجل ساعات يطلق مرتو ربنا بيفتحها علية ويزدهر ..او زوجة تطلق ربنا يكرمها من وسع وتنجح و ربي يعوضها الخير من اوسع ابوابو...
حتى الاخوات اخ او اخت بتسافر وتبعد عن الطاقة السلبية تلقاه انطلق و خدم واتفتحت اقدامو كل سبل الحياة
او أقارب او اصدقاء انتهت علاقتهم بعركة اوفراق
او حتى أحبة او اثنين مخطوبين .
تلقا الضعيف الي كان تابع ومغلوب على امرو ولا انسان ناجح والحقود والحسود الي كان مدمر صاحبو ربنا خسف بية الارض ...
القاعدة لهنا رد بالك تخلي حد يستغلك او يمتص طاقتك الغير مرئية ويضعفها... قاوم وقلل فترات التواجد معة لو تنجم حاول تغير منو كان نجمت ...😁 زقتها نقلك شابو...اما كان ماعاش عندك سوفل و عمرك يجري 😒😑
وطبعا الاصعب كم زوج او زوجة ومافماش امل .. الامل بقوة الشخصية وعدم الضعف امام الطاقات المحبطة وكان منفعش ومافيش فايدة ...انتم ادرى بظروفكم ...😔 خاطر لو استسلمتم بش تكونو ضحية ...لمصاصي الطاقة ..وأساليبهم المتعددة :
1- يخليك تخاف منه، وتكون ديما في حالة قلق من السؤال والاستجواب والتعامل معه.
2- يطلب منك الاهتمام والعطف ويحملك مسؤلية وضعه او وضع حد اخر
3- يمثل الضعف والبكاء عند الوقوع في الخطأ، ( ليستجدي تعاطفك، ويجعلك تعتذر رغم انة المخطأ.
4- الغامض الي ما تعرف معاه شي ولا تسمع شي و لا تفهن وين ماشين.... يخليك تفكر فيه، وتحلل تصرفاته، دائما فهو يسرق وقتك وفكرك وطاقتك.
5 - يجعلك في وضع استعداد لكي تدافع عن نفسك ورأيك ويترصد حركاتك ويتصيد أخطائك، و لا يعطون الفرصة لسماع الشخص الآخر.
6- هم المتطفلون على حياتك يحب يقلدك ويعمل كل حاجة كيفك و ويتمنى لنفسه نجاحك وثمار جهدك باي طريقة
ولو قلتلة انا عملت او انجزت او نجحت يحسسك ان الامر عادي
7- الأشخاص كثيري الإلحاح في اي شيء .
8- من يكثرون التذمر والشكوى وخاصة على صفحات التواصل الاجتماعي ولو حصلة اي شيء بسيط يعظم و يكبر و يهول باش يبعد عنة الحسد 👌 .
9- يحملون الناس مسؤولية أخطائهم، دايما انت السبب وانت الي غالط والمفروض ومش المفروض ☝️.
10- الي يتعاملو بتعالي وفوقية .
11- الي يفرضو القرارات ويتحكمو في حياتك تحت مسمي الخوف عليك والحب .
12- مصاص الطاقة يجيد فن التلاعب بالضحية
و لديه الخبرة والاسلوب للضغط عليك
13- يتقن فن تشويه الحقيقة ووضع الضحية موضع الجنون وعدم الاتزان.
14- مصاص الطاقة يجعل الضحية بحالة ادمان وتعلق به ولا تستطيع الانفلات من قيوده.
15 - يشعرك بأنك دائما على خطأ ولا فائدة ترجى منك .
16- يلجأ لاضطهاد الضحية من اجل السيطرة عليها
17- #مدمن على طاقة الضحية ولو بعدت يصاب بالجنون والانفلات عليها لانة يتغذى من طاقتها .
18- مصاص الطاقة يغضب ويثور لاتفه الاسباب وتكون ردات فعله عنيفة ومدمرة وقد تصل لضرب الضحية
19-اشخاص يتفننون بتعظيم و تهويل الامور ,
الحياة_الدرامية ويتطفلون على حياة الاخرين.
20- يتصيدون الاخطاء ويستغلون نقاط للضغط على الضحية من اجل مصالحهم الشخصية .
