11/05/2026
كان جاء مفماش حسابات راهو بوزيان إكيب ناسيونال و راهو الترجي مستنفعة منو كرويا، راهو الموحلي موجود و منشوفش الحاج علي جناح، راهو ريجيكامب مازال يخدم على روحو هو و الستاف متاعو,راهو رودريغيز مازال في الترجي، راهو ولاد الترجي ال compétant يخدمو و رانا عنا مشروع كبير برشا خاصة بعد ما وصلنا فينال شومبيونزليغ 2024 أذاكا نبنيو عليه و العام لي بعدو نهزها..
أما الترجي لي يحبوها هوما لازم تشوف بن علي و بن حميدة أظهرة و على فكرة البارح دخل بوزيان موش محبة فيه و هو على خاطر بن علي طلب تغيير و لي في الستاد البارح شاف الحاجة هاذي، الحاج علي جناح من مهازل لي وصلنالهم..
حمزة رفيعة لي تشوفو فيه العبد لله ملي جاء قلت لازمو يلعب خرجونا بلغة موش حاضر بدنيا و في ليلة و ضحاها ولا حاضر و لاعب 3 ماتشوات على التوالي 90 دقيقة و هازز وسط ميدان الترجي..
الترجي توصل تلعب بالحاج علي جناح على خاطر الموحلي مطيش أذاكا عنا معاه حسابات، بوزيان جايبينو كابيتان من السويد السيد اول كورة تجيه يهز سونتراج بن علي معملوش ماتش كامل، كيفاش تحب الترجي تقدم بالشيء هذا الكورة تعطيك تنبيه و بعد كي متفيقش على روحك بش تاكلها و الشيء هذا كان متوقع و نعرفوه غير الكبدة مشومة و الناس الكل حبينا نكونو إيجابيين
