Esperance-de-Tunis.net

06/06/2026

◀️ شنوّا هو تطبيق MyTaraji؟
هو المحفظة الرقمية الرسمية للترجي الرياضي التونسي.

تطبيق ساهل وآمن يسهّل حياة جماهيرنا, تنجم من خلالو تخلّص فواتيرك، تشرجي تاليفونك، تبعث وتستقبل فلوس، وتقوم بمعاملاتك المالية اليومية مباشرة من تاليفونك بكل سهولة وأمان.

والهدف منو تسهيل الخدمات المالية لجماهير الترجي عبر نظام رقمي حديث.

◀️ كيفاش تشرجي الـ Wallet متاعك ؟
1️⃣ البطاقة البنكية
2️⃣ تحويل نقدي من أي بانكة
3️⃣ نقدًا عبر شبكة وكلاء iZi الموجودة في كامل تراب الجمهورية
والأهم مش لازم حساب بنكي باش تشرجي حسابك

◀️ شنوّا الخدمات اللي يقدّمها تطبيق MyTaraji؟ 📲
✔️ تبعث ولا تستقبل فلوس داخل تونس
✔️ تستقبل تحويلات من الخارج عبر خدمة MoneyGram
✔️ تشرجي تليفونك
✔️ تخلّص فواتيرك كيما STEG و SONEDE ….
✔️ تخلّص مشترياتك بالـ QR Code
✔️ تجبد فلوس كاش من الموزّع الآلي (DAB) للبنوك المذكورة في التطبيق أو عبر شبكة وكلاء iZi.
✔️ وتنجم زادة تساهم وتتبرّع لدعم الجمعية ومساندة الترجي 🇧🇪❤️💛
هذا الكل من تاليفونك و في أي وقت و من أي بلاصة.

تلشرجي الابليكاسيون على :
📱iOS & Android: https://linktr.ee/MyTaraji

📞 إذا عندك سؤال ولا واجهتك مشكلة تنجم تتصل بخدمة الحرفاء: 70223388
📞 للإستفسار حول الخدمات أو لمزيد المعلومات 90009900

🟡🔴 MyTaraji تسهّلك حياتك

06/06/2026

"موش كورة هاذي، العالم الكل يعرف، كان يجيبولنا arbitre مريڨل والله نربحوكم .. تي شكونك إنتي ؟!"

05/06/2026

منتصر الصيد في صفوف الدولة الترجية من جديد، إلى غاية جوان 2029

05/06/2026

في وقت اللي ناس راقدة و ناس مازالت تحتفل بتيتر يجي مرة في العشرة سنين و ناس مازالت تعمل في العار زعمة زعمة ..
فمّة رجال في الترجي ثانية الركبة و تخدم و تصلّح باش تقدّم بجمعيتها و توصل لاهدافها ..
الجماعة اللي لاهين يتعاركو على فلوس الامريكاني و يهددو في بعضهم ظاهرلي ما عجبهمش كيفاش الترجي ما وقفتش و الماكينة قعدت تخدم و ماشية و تزيد، عاد كي فهمو اللي ال” NO LIMIT” باش تهزها على بعضو دوليين و محليين و اجانب ، مشاو لمّو بعضهم كي العادة في ڤروپات الافتراضي و تفاهمو على كذبة جديدة : "ولدهم خليل شمام يجيبلهم في ملاعبية المنتخب"
ملاعبية المنتخب ما يستحقوش خليل ولا غير خليل باش يجيو للترجي، اسئلو والديهم و وكلاء اعمالهم وقتلي يجيهم تليفون و يسمعو جملة "ألو.. الترجي معاك 😉"
نعرفوكم و نعرفو اللي تابعينكم في الجامعة الكل ، من مكرم لناجي للمنوبي لريم ..
نعرفو اللغة اللي يسربي فيها زياد و صاحبو لباجات الساحل بعد صدمة الحاج محمود..
لذا نقصو من سيستام الضحيّة راهو ماعادش يسخّف الناس..
مرة اخرى، رانا نعرفوكم ، نعرفو ڤروباتكم في الميسنجر و الواتساب، نعرفو les faux profils متاعكم واحد واحد، نعرفو باجاتكم و ادميناتها ،نعرفوكم علاش تمشيو و علاش تجيو ، ماللي هزيتو البطولة لليوم اللي حكيتوه عالترجي اكثر ماللي حكيتوه على جمعيتكم و هذا سيستامكم اللي ماشين فيه و في بالكم باش تنجحو و تسيطرو بيه ..
بالنسبة لخليل شمام، اخدم على روحك و احنا معاك، حتى كان كلامهم صحيح (و هو غالط 1000%) احنا معاك ، كي هوما ما عندهمش رجال احنا ما عندنا حتى ذنب 😉

05/06/2026

يدخل العقد الجديد حيز التنفيذ بصفة آلية ومباشرة إثر صدور القرار النهائي من المحكمة الرياضية التاس، والذي يُتوقع صدوره مع موفى شهر أوت المقبل.

بلاغ 📢🇧🇪

تعلم الهيئة المديرة للترجي الرياضي التونسي جماهيرها الوفية أنه تم التوصل إلى اتفاق مبدئي بين رئيس النادي السيد حمدي المدب ونائب الرئيس السيد شكري الواعر ولاعب الفريق يوسف البلايلي يقضي بتجديد عقده مع النادي لمدة سنتين إضافيتين.

وينص هذا الاتفاق على أن يدخل العقد الجديد حيز التنفيذ بصفة آلية ومباشرة إثر صدور القرار النهائي من المحكمة الرياضية التاس، والذي يُتوقع صدوره مع موفى شهر أوت المقبل.

وتؤكد الهيئة المديرة تمسكها بالحفاظ على ركائز الفريق و تدعيمها والعمل على توفير أفضل الظروف لضمان استقرار المجموعة ومواصلة تحقيق الأهداف الرياضية المنشودة.

04/06/2026

حسب سمير السليمي لازم الحاج محمود يهز كنتراتو الترجي لإدارة النجم الساحلي باش تطلع عليه و تعطيه الموافقة .. معقول .. المرة الجاية تاو نطلبو من راديو موزاييك تمشي تعمل micro trottoir في بوجعفر باش ترضى علينا.

03/06/2026

في خضم غضب الإخوة من "الحاج" خاطر ما شاورش
و الno limit خاطر لازم ترشيد الإستهلاك (قلوبهم علينا 🥹(
و الخوف من نزول مستوى لاعبينا الدوليين كيف يصححو في الترجي

حبيت نذكر روحي و نذكركم أن أغلى الصفاقات في تاريخ بطولتنا صارو في 2013 و الحمدلله جابو نقطة 🥹

01/06/2026

شكري الواعر : نائب الرئيس المكلف بفرع كرة القدم
- ماتش الأهلي غلطنا شوية ، قدوم بومال نقطة استفهام كبيرة ؟ و خلقكش دينامكية في الفريق، ماكانش الرجل المناسب في المرحلة هاذيكا.
- ماتشوات الكاس بين "" ماكانوش قويين … هذاك علاه في المستقبل لازمنا مدرب قوي
- فما مدربين محترمين ساعات ما تمشين معاه النتائج و صعيب شوية انو براكوني يكون هو المدرب الأول للترجي
- لم نتصل بفوزي البنزرتي و خالد بن يحي عندهم عقود و نحترموا الجمعيات الاخرين .
- يوسف البلايلي اتصل بيا و حكينا مع المناجار متاعو هو توا غير المحامين متاعو و حكينا شفنا الوضعية فما حاجات ناقصة في الملف و حضرنا الاوراق و باش يتسلمها باشتمشي للسويسرا
نحن نحبوه يقعد و باش نساندوه و الترجي عمرها باش تسيبو و قرار بقاء مربوط بالتاس
- اڤبيلو لاعب خاص ممسوس معنويا تقابلت معاه مرتين ، مازال متردد اما فما مساعي باش نعاودولو و استدعيناه انا و الرئيس حمدي المدب و ناخذو القرار المناسب
- من اولوياتي باش نجيب معد ذهني
- يوسف المساكني نحترموا رايو و هو حر قرر باش يعتزل
-طبيعي جدا باش نلقاو لاعب وحيد من الترجي في المنتخب و مناش باش نزيد نتعمق في موضوع الإختيارات.
-جيت باش نعطي معرفتي و حبي و ADN متاعي للترجي و الماضي مشا
- على المستوى الإتصالي لازمنا نتحسنوا و جمهور الترجي لازم نوصللو المعلومة من عنا
ما نلوموش على الناس اللي تخدم و توا لازمنا نحسنو في الاتصال و الديحتال و ندخلو منهم فلوس
- الاستثمار لازم مصلحوه كي نحطوا فلوس لازم تجيبلنا برشا فلوس
- باش يتحط organigramme جديد و لازم الناس الكل تتجاوب من اليوم

01/06/2026

شكري الواعر على قناة الحوار :
- باش يجي شكون معايا اسم معروف اتوا نعلمو عليه في الأيام القادمة
- الهيكلة موجودة اما لازم كل واحد يشد بلاصتو و كل واحد يعرف اش يعمل
- إجتماع غدوا مع الرئيس حمدي المدب باش يحطوا كل العقود على الطاولة و حتى ملف يازيد المنصوري
- لازمنا ننتجوا ملاعبية من الترجي على أسس صحاح
- الفلوس موجودة لازمنا نعرفو وين نحطوا فلوسنا
- باش تصير غربلة كبيرة فما شكون باش يقعد و فما شكون جديد باش يجي
- صحيح كنا بعاد على البارك اما قاعدين نراقبو … اليوم دخلت و الاولية للرصيد البشري للترجي .. دخلت للمجموعة رممت المعنويات و قاعد نعالج في وضعيات و فما حالات استعجالية صلحناهم ، الناس الكل خالصة
- دخلت على ملاعبية معنوياتهم طايحة اما منعنا كي هزينا الكاس باش يخلينا نخدموا مرتاحين