20/06/2026
نحنا اللي نعيشو في تونس ، كي يجي الصيف و السخانة 50 ، وتولى الحالة لا تطاق ، شنوا الحاجة اللي نفرهدو بيها على روحنا بخلاف البحر ؟؟؟؟؟ نعطيك لحظات لتفكير …….
و لى مغير تفكير ، معناش….معناش ….. معناش ،
معندنا حتى شي بخلف البحر نبردو بيه على قلوبنا ، علهذاك يا اخي و يا اختي بربى بربى بري كي تمشيو تعومو ، لا طيش الوسخ متاعك ، البحر موش بوبالة ، اللي جبتو معاك هزو معاك ، دبابز ماء ، دبابز مشروبات غازية او عصير 😉 باكوات البشكوتو و الشيبس ، الشكاير ، الكوش متع صغار …الخ
يهديكم ربي ، كيما جبتو رجعو معاك ، ستحفضو على شطوطكم ، هذاك المتنفس الوحيد ، باش نتفرهدو ….نظافة الشواطئ مسؤوليتنا الكل.
إذا نحافظو عليها اليوم، نلقاوها نظيفة غدوة لينا ولصغارنا.
البحر موش كان شط، البحر هو المتنفّس الوحيد اللي يفرّحنا ويبرّد على قلوبنا في عزّ الصيف.
خليه نظيف… خاطر هذاك اللي عنا. 🌊 للعلم النظافة واجب موش مزية . هك ولى لا ؟ #ايناس
