Le Monde Etoiliste

30/12/2025

كيما نقولو في كل مرة خروج مشرف اللي هو مصطلح تونسي مقيد في دفتر خانة ..كيما يلزمنا ليوم نقولو ليوم ّم ..

برشا ناس قالت نبنيو على 15 دقيقة لخرانية قدام نيجيريا و اللي هيا مواصلة لسياسة الهروب إلى الأمام و قليل هم من قالو أنها كانت ردة فعل طبيعية تزامنت مع إرتخاء لاعبي نيجيريا relachement physique et morale
و زيدهم 5 تغييرات بعد الهدف 3

منتخب بلا حارس مرمى و اللي وراه أتعس .. يعني دحمان أحسن واحد في الخايبين ..
منتخب بلا ظهير أيمن و اللي وراه أشنع .. يعني فاليري يلعب خاتره أحسن واحد في الخايبين زادة ..
منتخب بلا وسط و قناعاتي عمرها ما تبدلت في إلياس السخيري .. ملاعبي passif في phase de cinstruction .. تعطيه passe يرجعهالك و في أحسن الحالات يدور بيها و يرجا بيها لتالي .. و شخصيا انجم نقيمو اللي هو أضعف sentinelle في الفرق المترشحة اذا موش في الدورة لكل .. و بصراحة وجوده في الدوري الألماني يجلطني .. كيفاه ما ندروش ..

الفرجاني ساسي دوسي فساد وحده و ليوم كمل عليه نعيم السليتي .. الزوز تشوفهم يجريو تفهم كل شي .. ملاعبية تلعب بالأقدمية .. نلعب و لا نهز كورتي و نروح .. و ما نتصورش عندهم بلاصة في 23 و لا هم خير من شكشوكة و بن محمود مهما كانوا سيئين ..

شواط نقطة استفهام كبيرة .. كان مضروب يقولولنا .. كان موش مضروب و ما يخوش temps de jeu و يصبح مهاجم المنتخب الثالث بعد سيف الحزيري فهذي يلزم يتحل فيها الكتاب ..

الياس العاشوري اني ما ريت منه شي .. لا ريت منو قوة لا مهارة و لاهو جناح percuteur .. ملاعبي موجود عالتوش ياخو كورة يرجع كورة يطلع مع الطالعين و ما يرجعش مع الهابطين ..

بالنسبة للمستوى .. المغرب و نيجيريا و الكونغو و الكاميرون و الجزائر و الكوت ديفوار و جنوب إيفريقيا و السينغال تجاوزوك فنيا فرديا و جماعيا و حتى مالي و مصر خير منك اما موش برشا ..

يعني الواقع و العاطفة بيناتهم سنوات ضوئية ..
و تقديراتي أن تونس مازاللها ماتش في الدورة مهما كان إسم المنافس ..

27/08/2025

باسم عائلة لموند أتوليست نتقدّم بأحرّ التهاني إلى الأخ خليل حلاوة بمناسبة زواجه، متمنّين له زواجاً مباركاً، وحياةً مليئة بالمودّة والسعادة.
🇭🇰♥️♥️

25/07/2025

"من القلب… إلى جماهير النجم الرياضي الساحلي"

إلى كل قلب خفق بحب النجم،
إلى كل يد امتدت بالعطاء،
إلى كل صوت هتف ووقف وصمد…

نقف اليوم أمامكم، لا لنخاطبكم كجماهير فقط، بل كأبطال كتبوا فصلاً جديداً من ملحمة نادينا العريق. بفضلكم (جماهير ليتوال)، تجاوز النجم الرياضي الساحلي واحدة من أصعب محطاته، وخرج نسبيا من أزمته المالية، ثابت الخطى، شامخًا كما عهدناه دومًا.

ما فعلتموه ليس مجرد دعم… بل كان إعلانًا صريحًا أن النجم ليس مجرد نادٍ، بل روح تسكن فينا، وكيان نذوب فيه عشقًا وولاءً. لقد أثبتم أن الانتماء ليس شعارًا يُردّد، بل فعلٌ يُجسّد.

نفتخر بكم، نعتز بكم، ونرفع قبعات الاحترام أمام هذا الوفاء. أنتم القلب النابض للنجم، أنتم الضمانة أن هذا الكيان سيظل صامدًا رغم كل العواصف.

شكرًا لكم… من الأعماق،
ولاءكم تاج على رؤوسنا، و”النجم” بكم ولأجلكم… سيبقى دائمًا في القمة.

25/07/2025

محلاها “نور” و انشالله ربي يعطاها على قد قلبها الباهي.
هذا هو ADN متعنا و هكة نحبو صغارنا.
♥️🇭🇰♥️
هذا هو فخر الانتماء ♥️♥️♥️

25/07/2025

التاريخ يصنع في قصر هلال، اكثر من 78 مليون في 24 ساعة.
الشي هذا موش غريب على الهلايلة.
ليتوال تعيش بجمهورها و جمهورها يرجعها لبلاصتها.
Neili a9wa 9 fel bled 🇭🇰
🇭🇰♥️🇭🇰

17/07/2025

بكل فخر وامتنان، نتقدّم بجزيل الشكر والعرفان إلى أبناء "مدينتي القلعة الكبرى"، داخل الوطن وخارجه، على ما أظهروه من روح عالية وتنظيم متميّز ساهم في تحقيق نجاح استثنائي في دعم خزينة النجم الرياضي الساحلي في حملة فض النزاعات.

لقد جسّدتم أروع صور الوفاء والانتماء، وأثبتم أنّ النجم لا يُضيء إلا بكم وبحبكم الصادق.

9al3a Grandi ♥️🇭🇰♥️

02/07/2025

رسميا غلق ملف اللاعب عدد 2️⃣ : ملف اللاعب عزيز فلاح ✅️
الموند ايتوليست اختارت ان تكون جزء من الحل، و الحمد الله
تمكنا اليوم من غلق ملف اللاعب عزيز فلاح بفضل مجهودات و تضحيات مكونات ال monde etoiliste …
تعهدنا و كنا قد العهد و مازلنا مواصلين لاخر نفس فينا للعمل من أجل إعلاء راية جمعية خيرها سابق علينا .. و غرامها ساكننا ..
عازمين كل العزم و بكل قوة بتظافر جهود كل منخرطينا اننا ما نوقفوش الا ما نشوفوها في بلاصتها .. في مدارها الطبيعي اللي كبرنا عليه ..
الشكر موصول لكل من ساهم من قريب أو من بعيد .. بالشوية و لا بالبرشا في إتمام المهمات تباعٍا دون هوادة أو تفكير ..

و بهذه المناسبة، كل الشكر للاعب "عزيز فلاح" على اللي تفهم الوضعية متعنا و كان متعاون في المفاوضات.

مع بعضنا سوليدار و ليتوال وراك رجال ..
ماناش مسلمين .. مواصلين المسيرة و كله يهون من أجل النجمة ..

نجمة بيضاء .. لون من دمي ما برا .. و رايتها ما تفنى .. على شعارها تربيت ..
تمرض ما تموت .. وراك رجال و تعود .. وراك صغار و جدود اللي ما تسلمشي فيك ..

‏❤️🇭🇰💯

‏

26/06/2025

❤️🇭🇰 سنة هجرية سعيدة و كل عام و أنتم بخير 🌙

20/06/2025

قد نختلف في الآراء والأذواق، لكن مصلحة النجم الساحلي تبقى القاسم المشترك الذي يوحّدنا.
ليتوال اليوم في أمسّ الحاجة للناس المغرومة، ودعمكم يكون بشراء القميص الجديد، فهو أكثر من مجرد زيّ… هو مساهمة مباشرة في إنقاذ ليتوال وتجاوز الأزمة المالية.

15/06/2025

Le Monde Etoiliste 🇭🇰♥️🇭🇰

08/06/2025

نداء للناس اللي تغير على الجمعية و تاريخها باش تلتحق معانا في هالحملة باش نسكرو ملفات العالقة، ليتوال فرحتنا برشا في 100 عام و ليوم ليتوال في حاجة لجمهورها و عيب اللي يخليها في الظروف الخايبة و يقعد يتفرج من بعيد.
احنا لبينا نداء الواجب و مزلنا نستناو في العباد المغرومة باش تنضم معانا.
ليتوال تعيش بجمهورها و ربي يجبنا في الصواب. ♥️🇭🇰♥️

‎🔴 جمهورنا العزيز 🇭🇰💯
‎نعرفو الناس الكل إنو أحنا قادمين على مرحلة صعيبة من الناحية المادية تقتضي تظافر جهود الناس الكل أمام الكم الكبير من النزاعات ، ولأنكم في كل مرة تعدات بيها جمعيتنا بظرف صعيب عطيتو المثل في حبكم ومساندتكم لنجمتنا العزيزة بمواقفكم الي حفظها وباش يحفظها التاريخ عبر الأجيال، وبما إنو "المستحيل ماهوش إتواليست" الأكيد إنو باش نتخطاو مع بعضنا كل الصعوبات ونرجعو الأيام الزينة.
‎موعدكم اليوم إبتداء من الساعة السادسة بعد الزوال على قناتكم l'Etoile tv مع حصة خاصة بمناسبة الإطلاق الفعلي لحملة اللي باش تخول لجماهير النجم الرياضي الساحلي الوفية والعريضة لدالمساهمة في رفع التحدي وإغلاق كل النزاعات .
‎ضيوف الحصة: السيد رضا الغزي والأستاذ أمحمد براهم عضوي لجنة فض النزاعات ، إضافة لممثلين عن Etoilistes Everywhere, Monde Etoiliste, les Etoilistes du Monde ، Etoilistes de Tunis و World Wide ESS .
‎نستناوكم....

https://www.etoile-du-sahel.org/
https://youtube.com/

♥️🇭🇰💯
‎

06/06/2025

🕋 الله أكبر الله أكبر الله أكبر.
🕌 لا إله إلا الله وحده لا شريك له.
👑 له الملك وله الحمد وهو على كل شيء قدير.

🌙 أعاد الله عيده الأضحى عليكم أعوامًا عديدة
🌟 وأنتم بكامل الصحة والعافية ورغدٍ من النعم.

🎉 كل عام وأنتم بخير