نادي كرة اليد بسيدي بوزيد الصفحة الرسمية

29/08/2026

إن شاء الله موسم مزيان وموسم خير وبركة 🤲❤️
موسم 2026/2027 موش مجرد موسم جديد…
هو موسم إثبات الذات، وموسم باش نثبتوا اللي الخدمة والتعب متاع المواسم الفارطة ما مشاش هباءً.
خدمنا، تعبنا، صبرنا، وتعدّينا برشا صعوبات…
واليوم جا الوقت باش الميدان يحكي، والنتائج تكون خير شاهد على خدمتنا.
الموسم هذا يلزمنا فيه أكثر جدية، أكثر انضباط، وأكثر إيمان بقدراتنا.
كل لاعب، كل مدرب، وكل واحد يخدم من أجل الجمعية عندو دور في النجاح.
الطريق مازال طويل… أما البداية منّا.
نعملوا اللي علينا، والباقي على ربي.
إن شاء الله موسم استثنائي، موسم نجاح، وموسم نفرحوا فيه الكل باللي عملناه. ❤️🤍
2026/2027… موسم إثبات الذات.
وموسم ثمرة العمل متاع المواسم الفارطة. 💪🤾‍♂️🔥

23/08/2026

🔴⚪ تذكير لبقية لاعبي الأكابر
نذكّركم أن التمارين ستكون يوم الإثنين على الساعة الرابعة مساءً (16:00).
الحضور ضروري والالتزام بالموعد مطلوب من الجميع. 💪🤾‍♂️
بالتوفيق للجميع ❤️🤍

20/08/2026

يتقدّم نادي كرة اليد بسيدي بوزيد بجزيل الشكر والتقدير إلى السيد عبد الرزاق رحيلة وكافة أعضاء المكتب السابق لرابطة الجنوب الغربي بقفصة، على ما بذلوه من جهود وعمل متواصل طيلة المواسم الأخيرة، خدمةً لكرة اليد ودعماً للجمعيات واللاعبين في ربوع الجنوب الغربي.
كما نتوجّه بالتهنئة إلى السيد صلاح الدين عمر بوكثير بمناسبة تعيينه رئيساً لرابطة الجنوب الغربي، وإلى السيدين عزة الدالي ومحرز بقة بمناسبة تعيينهما نائبين للرئيس.
ونتمنّى للمكتب الجديد كل التوفيق والنجاح في مهامه، ونأمل أن تكون المرحلة القادمة مرحلة تطوير، إنصاف، تعاون وتكافؤ في الفرص بين مختلف الجمعيات، بما يخدم مصلحة كرة اليد في الجنوب الغربي ويمنحها المكانة التي تستحقها.
كل التوفيق للمكتب الجديد، وكل الشكر للمكتب السابق.
🤾‍♂️❤️🤍
نادي كرة اليد بسيدي بوزيد

تعلم الجامعة التونسية لكرة اليد ان المكتب الجامعي قرر تعيين السيد صلاح الدين عمر بوكثير رئيسا لرابطة الجنوب الغربي بقفصة خلفا للسيد عبد الرزاق رحيلة . كما تقرر تعيين السادة عزة الدالي و محرز بقة في خطة نواب الرئيس . وسيتم استكمال تركيبة مكتب رابطة الجنوب الغربي في الايام القادمة في إطار هيكلة شاملة .
ويتقدم المكتب الجامعي بجزيل الشكر والامتنان للسيد عبد الرزاق رحيلة و الفريق الذي عمل معه على كافة المجهودات المبذولة طيلة المواسم الاخيرة من اجل ظفع كرة اليد و تطويرها في ربوع الجنوب الغربي.
عن المكتب الجامعي
المدير الاداري.
وليد العوجي

19/08/2026

#بلاغ ✍️ حول سحب قرعة المرحلة الأولى لبطولة القسم "الوطني ب" أكابر للموسم الرياضي 2026-2027

#بطولة 🏆
#تونس 🇹🇳
#كرةاليد 🤾

16/08/2026

#إعلام
عودة التمارين 'صنف الاكابر'

16/08/2026

🔴⚪ عودة التمارين – نادي كرة اليد بسيدي بوزيد 🤾‍♂️🤾‍♀️

تعلم الهيئة المديرة لـ نادي كرة اليد بسيدي بوزيد أن تمارين مختلف الأصناف تنطلق حسب البرنامج التالي:

🕗 08:00 – 10:00
🤾‍♀️ المدارس فتيات + الاداني

🕙 10:00 – 12:00
🤾‍♂️ المدارس ذكور + الأداني ذكور

🕑 14:00 – 16:00
🤾‍♂️ الأواسط + الأصاغر

💪 الدعوة موجهة إلى كافة اللاعبات واللاعبين للالتزام بالحضور واحترام التوقيت.

موعدنا في القاعة… وبداية جديدة نحو موسم أفضل 🔴⚪

14/08/2026

🤾‍♂️ تهنئة بمناسبة عودة فريق الأكابر ❤️🤍

يتقدّم نادي كرة اليد بسيدي بوزيد بأحرّ التهاني إلى أشقائنا في سبورتينغ قفصة لكرة اليد بمناسبة عودة فريق الأكابر إلى النشاط وانطلاق التحضيرات للموسم الرياضي الجديد 2026-2027.

عودة الأكابر هي عودة الروح إلى كرة اليد، وعودة أبناء النادي إلى القاعة، لتتواصل مسيرة فريق عريق بتاريخ كبير وعطاء متواصل.

كل التوفيق لسبورتينغ قفصة، لاعبين وإطارًا فنيًا وهيئة مديرة، في موسم جديد مليء بالطموح والنجاحات.

من سيدي بوزيد إلى قفصة… كرة اليد تجمعنا، والمحبة بين الأندية تبقى أكبر من المنافسة. ❤️🤾‍♂️

بالتوفيق والنجاح في الموسم الجديد. 💪

14/08/2026

13/08/2026

🌹 في عيد المرأة… من نادي كرة اليد بسيدي بوزيد ❤️🤍

في عيد المرأة، ما نلقاوش أصدق من كلمات شاعرنا الكبير محمد الصغير أولاد أحمد:

كتبتُ، كتبتُ فلم يبقَ حرفُ
وصفتُ، وصفتُ فلم يكفِ وصفُ
أقولُ إذن باختصارٍ وأمضي
نساءُ بلادي
نساءٌ ونصفُ

من نادي كرة اليد بسيدي بوزيد، نحيّي كل امرأة تونسية، وكل أم، وكل بنت، وكل لاعبة، وكل مدرّبة، وكل امرأة كانت سندًا لرياضتنا وشبابنا.

إلى نساء نادي كرة اليد بسيدي بوزيد…
إلى لاعباتنا الصغيرات اللاتي يحلمن ويتمرّنّ ويقاتلن من أجل مكانهنّ في الملعب…
إلى الأمهات اللواتي يرافقن أبناءهنّ وبناتهنّ، ويصبرن على تعب الرياضة ومشاويرها…
إلى كل امرأة آمنت أن الرياضة ليست مجرد مباراة، بل تربية وحياة وحلم ومستقبل…

كل عام وأنتنّ بخير، قوّة، عزيمة ونجاح. 🌹

❤️🤍 نادي كرة اليد بسيدي بوزيد
نساء بلادي… نساء ونصف. 🇹🇳

12/08/2026

محمد الصالح نصيري… Le Gladiateur ❤️🤍

فمّا لاعبين نتذكروهم بالأهداف والانتصارات والبطولات…
وفمّا لاعبين نتذكروهم بالقاعة، بالضحكة، بالتعب، بالتدريبات، وبالتفاصيل الصغيرة اللي ما تتنساش.

محمد الصالح نصيري واحد من الناس هاذم.

Le Gladiateur… هكّا نحب نسميه.

موش خاطر الغلادياتور لازم ديما يربح، بالعكس…
الغلادياتور في مفهومو هو الإنسان اللي يدخل للمعركة وهو يعرف اللي موش كل معركة باش يربحها، أما مستعد ديما يحارب.

وهذا بالضبط اللي نتذكرو في محمد الصالح.

نتذكروه صغير في القاعة…
نتذكرو التدريبات، التعب، العرق، الجري، الكورة في اليد، وصوت المدرب وهو يطلب أكثر.
نتذكرو المباريات، فرحة الربح، مرارة الخسارة، واللحظات اللي بعد الماتش…
اللاعبين يرجعوا للقاعة، يحكيو، يضحكوا، يتغششوا، وبعد أيام يرجعوا من جديد وكأنو ما صار شيء.

هاذي هي كرة اليد. وهاذي هي ذكريات القاعة.

ومحمد الصالح كان واحد من جيل عشنا معاه برشا حاجات.

جيل كان ينجم يعمل برشا…
جيل فيه مواهب، فيه أحلام، وفيه صغار كانوا يدخلوا للقاعة وما يعرفوش وين باش توصلهم كرة اليد.

من مركز النهوض بدأت الحكاية…
وبعدها المنتخب الجهوي، وين بدا يكتشف روحو أكثر ويشوف اللي الموهبة وحدها ما تكفيش، وأنو الطريق الحقيقي يتطلب خدمة، صبر، وانضباط.

وبعدها تجربة ساقية الزيت…
محطة أخرى، تجربة أخرى، واحتكاك آخر، ومدرسة جديدة في مسيرتو.

كل محطة من هالمحطات خلات فيه حاجة.

يمكن تبدلت طريقة لعبو…
يمكن كبر بدنو…
يمكن كبر تفكيرو…
أما الأهم أنو كبرت التجربة داخلو.

وأنا كي نرجع بالذاكرة للوراء، نقول ديما:
محمد الصالح كان من اللاعبين اللي ينجموا يعملوا برشا حاجات.

موش مجاملة…
أما خاطر بعض اللاعبين، من صغرهم، تشوف فيهم حاجة تخليك تقول:
"الطفل هذا، كان يلقى الظروف والفرصة الصحيحة، ينجم يوصل بعيد."

وهنا تجي الحكاية اللي ديما توجعني…

إن شاء الله محمد الصالح ما يكونش من العباد اللي ظلمتهم الجغرافيا.

خاطر في تونس، وخاصة في الجهات، فمّا مواهب كبيرة برشا…
صغار عندهم الموهبة، عندهم الشخصية، عندهم الرغبة، وعندهم القدرة باش ينافسوا على أعلى مستوى.

أما ساعات المكان يحدد الحظوظ.
ساعات المسافة تحدد الفرصة.
ساعات الإمكانيات تحدد الطريق.
وساعات اللاعب يلزم عليه يعمل ضعف المجهود باش يوصل لنفس الباب اللي غيرو يلقاه مفتوح قدامو.

وهذا موش عذر…
أما هي الحقيقة اللي لازم نحكيو عليها.

محمد الصالح واحد من جيل كان ينجم يكون عندو أكثر من فرصة، وأكثر من تجربة، وربما أكثر من محطة.

أما رغم هذا الكل…
مازال الوقت قدامو.

ومازالت الحكاية ما وفاتش.

خاطر اللاعب الحقيقي ما يتقاسش فقط باللي عملو البارح…
يتقاس زادة باللي ينجم يعملو غدوة.

ومحمد الصالح، وقت اللي يلزم، تلقاه في القاعة.

يحارب.

يحارب على الكورة.
يحارب على النقطة.
يحارب على مكانو.
يحارب باش يثبت روحو.
ويحارب حتى وقت اللي الأمور ما تكونش في صالحو.

وهنا بالضبط يجي معنى Le Gladiateur.

الغلادياتور موش إنسان ما يطيحش…
هو الإنسان اللي كل ما يطيح، يقوم.

موش إنسان يربح كل المعارك…
هو الإنسان اللي ما يهربش من المعارك.

ومحمد الصالح، مهما تبدلت السنوات، ومهما تبدلت القاعات والفرق والقمصان، تبقى عندو حاجة ما تتبدلش:

ذكريات القاعة.

ذكريات أول كورة…
أول ماتش…
أول فرحة…
أول خسارة…
أول مرة يسمع اسمو في قائمة…
أول مرة يلبس قميص المنتخب…
وأول مرة يحس اللي تعب السنين الكل بدا يعطي ثماره.

وهاذي الذكريات هي اللي تصنع اللاعب قبل ما تصنعو الألقاب.

محمد الصالح، يمكن اليوم ما نعرفوش وين باش توقف الحكاية متاعك…
أما نعرف حاجة وحدة:

أنت واحد من جيل خلّى أثر في القاعة.

وجيلك كان ينجم يعمل برشا حاجات…
ومازال عندكم الوقت باش تعملوا أكثر.

خلي كل تجربة عشتها درس.
كل خسارة قوة.
كل انتقاد دافع.
كل فرصة ما جاتكش سبب باش تخدم أكثر.
وكل مرة شكّ فيك فيها حد، جاوبو بالقاعة… بالخدمة، موش بالكلام.

وإذا الجغرافيا عطلتك شوية،
خلي عزيمتك تكون أقوى منها.

ما تخليش المكان اللي تولدت فيه يحدد المكان اللي تنجم توصلو.

واصل يا محمد الصالح…
الطريق مازال طويل، والباب مازال محلول.

والقاعة اللي شهدت بداياتك،
باش تبقى شاهدة على كل خطوة تعملها لقدّام.

Le Gladiateur…
موش لازم تربح ديما.

المهم…
وقت المعركة، نلقاوك واقف. ❤️🤍