منزل بورقيبة نيوز

03/08/2026

منقول
السلام عليكم
اليوم صارتلي فازة من اخيب مافما في الرفراف..
أيا ياسيدي دخلت للقهوة هذي BAMBOO خذيت طاولة في الكوان واطل عل بحر بحكم السخانة وزادة على الvue عل بحر ..بعد ماقعدت وجاني النادل وخذا الطلبيات قعدنا شوي وجا نادل اخر قلنا قومو الطاولة réservée ..قتلو سامحني كي هي réservée تحطو حاجة على الطاولة تبين الي هي محجوزة موش هكاكا وكملت قعدت على روحي ..مشا وجا قللنا ماني قلتلكم محجوزة مولى القهوة وجماعتو جايين وقومو باش نسيق تحت الطاولة بالحرف الواحد كيما هكا .. ولينا خرجنا اصلا وماعتذرش حتى بالكذب والا قلنا تا نشوفللكم طاولة اخرى 😔
الي قهرني اقسم بالله راهي خامجة لكلها ماء ورمل بحكم عل بحر موش مستخسرين حتى يسيقوها ..اما لسي عرفو يسيق وينظف وزيد التطريدة والاخلاق العادمة..
الحاصل انا خرجت أما حسبنت عليه ودعيت عليه خاتر جاية نتفرهد وليت نغزل
مافهمتش الظاهرة الجديدة كيف يجي الصيف وتكثر الخدمة علاش يوليو يتصرفو هكا مع الناس وعلاه يوليو باربوات ..الي يملك جرد قهوة تقول يملك شطر لبلاد
حسبي الله ونعم الوكيل في ناس منكدة علينا العيشة اكثر ماهي منكدة

03/08/2026

شكون يعرف transporteur في منزل بورقيبة عنده كميون هذا
لنقل جهاز
يكتبلنا رقمه في التعليقات

31/07/2026

دعوة إلى تركيز مخفضات سرعة بشارع البيئة

يطالب عمال المعمل والعملة اليوميون بالتدخل العاجل لتركيز مخفضات سرعة (مطبات) بشارع البيئة، نظرًا للسرعة المفرطة التي تسجلها بعض السيارات والدراجات، والتي أصبحت تشكل خطرًا حقيقيًا على سلامة العمال أثناء دخولهم إلى مقر العمل وخروجهم منه.

ويشهد الشارع حركة كثيفة، خاصة في أوقات تبديل الفرق، مما يزيد من احتمال وقوع حوادث دهس لا قدر الله.

لذلك، نناشد السلطات والجهات المختصة الإسراع بتركيز مخفضات السرعة والتشوير المروري اللازم، حفاظًا على أرواح العمال وجميع مستعملي الطريق، وتفاديًا لأي حوادث يمكن تجنبها بإجراء بسيط وفعّال.

31/07/2026

علاش هكا ؟ يا شركة مريم لنقل البضائع في بالكم بيه هذا فاش قاعد يعمل في الكياس؟

📍طريق سوسة - القيروان

31/07/2026

المستشفى الجهوي بمنزل بورقيبة
بشرى سارة:
رسميا قسم طب النساء والتوليد بالمستشفى الجهوي بمنزل بورقيبة ينال الصبغة الجامعية
@أبرز المعجبين

30/07/2026

30/07/2026

بنزرت:خاص بـ /رصد:طارق الجبار
*حجز ما يزيد عن 102 مكيفا غير مطابق للمواصفات الطاقية والقانونية إثر حملة رقابية جهوية موسعة .

افضت الحملة الرقابية المشتركة التي تم تنفيذها اليوم الخميس 30 جويلية 2026 بكافة معتمديات الولاية في اطار الحملة الوطنية للتصدي لظاهرة ترويج التجهيزات الكهرومنزلية غير المطابقة للمواصفات الطاقية والفنية ، الى الحجز على عين المكان ، ما يزيد عن 102 مكيفا فرديا ، وذلك الى حين إتمام بقية الإجراءات والتدابير القانونية المعلومة،علاوة على تحرير مجموعة محاضر إقتصادية وديوانية وتنابيه ضد اصحاب المحلات التجارية المختصة في بيع وترويج تلك التجهيزات.

وافاد المدير الجهوي للتجارة ببنزرت الصادق للاهم ،إن الحملة اشرف على فعالياتها ميدانيا رئيس اللجنة الجهوية لمكافحة التجارة الموازية والتهريب والي بنزرت #سالم #بن #يعقوب وإشترك في تنفيذها اكثر من 15 فريق مراقبة من مصالح الادارة الجهوية للتجارة والحرس الديواني والامن والحرس الوطنيين و والشرطة والحرس البلديين ،وتوجهت إلى مراقبة المحلات المختصة في بيع تلك التجهيزات وعدد من المخازن المعلنة والعشوائية واقعة بجميع المعتمديات الأربع عشرة بالولاية .

وبين المصدر ذاته ان الحملة الجهوية المشتركة لمراقبة أجهزة التكييف المخصصة للاستعمال المنزلي ، تندرج في إطار الحملة الوطنية الهادفة لحماية المستهلك من كل مظاهر الغش والتعدي على حقوقه وأيضا الى دعم المجهود الوطني للتحكم في الطاقة ولاسيما التصدي لظاهرة التجارة الموازية وتهريب تلك الأجهزة المتاتية من المسالك الموازية ،والتي لا تستجيب للشروط الفنية والقانونية والتي انجر عنها الاستغلال المفرط للطاقة وما خلفته من إنعكاسات سلبية واضرار بشبكة التنوير وغيرها من الاشكاليات والمخاطر على صحة المواطنين .

وأضاف المدير الجهوي للتجارة ببنزرت ان هذه الحملات الرقابية متواصلة تبعا للتعليمات المركزية والجهوية في الغرض وذلك بجميع معتمديات الولاية علاوة على بقية التدخلات الميدانية المشتركة مرجع النظر والاختصاص .

*طارق الجبار

30/07/2026

انقطاع التيار الكهربائي في حي الثورة وعدة احياء مجاورة
شكون قص عليهم الضو؟؟؟

30/07/2026

وين يتباعو في منزل بورقيبة