La Cosa Nostra 08, Mahdia (2026)

05/10/2025

💙💙

28/09/2025

✦ بيان مجموعة Cosa Nostra 2008 ✦

في آخر المقابلات، حضر جمهور Cosa Nostra بأعداد كبيرة، ملىء الفيراج باللون والروح، ورفع الراية كما عوّدنا. ورغم كل هذا التفاني، النتيجة كانت خيبة جديدة: أداء ضعيف، غياب الروح القتالية، ولاعبي الجمعية ما عطاوش المستوى اللي يستحقّو جمهور مكارم.

المباراة ضد النجم الرياضي الساحلي كانت الدليل:
• دقيقة 58، الفريق خاسر والجمهور واقف يساند.
• لكن قدّام ضعف اللاعبين وغياب التركيز، الغضب انفجر، والاحتجاج خرج عن السيطرة.
• المباراة توقفت، والهيئة حاولت ترمي المسؤولية على الجمهور وتختلق حكاية "مندسّين".

موقفنا واضح:
• Cosa Nostra ما فيهاش "مندسّين". المجموعة هذي تمثل كل أولاد الأحياء: من برج الرأس، برج عريف، الكواجات، الروضة، حي سلام، لازبكية، زويلة… الكل Cosa Nostra، الكل ولاد الجمعية.
• إلّي يحبنا مرحبا بيه، والّي ما يحبناش ربي يفرّج عليه. لكن ما نقبلوش أي لاعب أو مسؤول يتكبّر على الجمعية ولا على جمهورها.
• نحنا واقفين من 2008، وقت اللي نحبوا نعملوا أجواء نجيبوا الربح ونقلبوا القاعة فرحة. لكن زادة، وقت اللي نشوفوا الاستهتار والضعف، واجبنا نحكيو ونواجهوا.

كفاكم وعودًا وكلامًا، نحن نريد أفعالًا تحافظ على كرامة النادي وتاريخه.
المكارم ليست حقل تجارب ولا لعبة في يد أي شخص، هي رمز مدينة وجماهيرها.

نحن ندفع ثمن الإخفاقات من أعصابنا وقلوبنا، وأنتم تتحملون مسؤولية كل قرار وكل خطوة.

رسالتنا للاعبين:
• الجمهور مش شمعة. ما تنجّمش تلوم على هزيمة سببها ضعفك إنت.
• قبل ما تتشكى من الجمهور، اسأل روحك: عطيت كل ما عندك للجمعية؟

لا نريد أن نرى أي لاعب يرى نفسه وكأنه فوق الفريق أو أن تُمنح امتيازات على حساب الانضباط لا يوجد نجم فوق الشعار جميع اللاعبين يجب أن يُعاملوا بمبدأ “من يُعطي يُكرّم، ومن يتخاذل يُقصى”. نحن لا نقدّس أسماء، بل نقدّس الولاء، القتال، والعرق

جمعية مكارم المهدية أكبر من أي ملاعبي يسخن في راسو و لي حس روحو عندو قيمة راه المكارم هي لي عطاتهالك

• البكاء والتشكي و الرد على الجمهور ما يربحوش مقابلات. وحدها الروح
القتالية، العرق، والالتزام اللي يرضي جمهور مكارم.

جمهور المكارم لا يسكت على الحق، وسنكون دائمًا في المدرجات نساند الفريق، لكننا لن نصمت عن الأخطاء أو الإهمال.

تحذير أخير:
• لازم ما يتعاودش السيناريو هذا. احترام الجمهور خط أحمر.
• كل لاعب عندو حدود، وكل مسؤول عندو واجبات.
• الجمعية أكبر من أي اسم، والجمهور ديما فوق كل شيء.

الفترة الأخيرة سمعنا برشا كلام فارغ:
• يقولولنا: "إنتوما جبورة، مانّاش ولاد بلاد، ما تحبوش الجمعية".
والجواب: إحنا ولاد بلاد صحاح، مكارم هي جمعيتنا الوحيدة، وما نبدلوش ألوانها بألوان حد.

النجم ما يعنينا في شيء، واليوم كيف البارح كيف غدوة:
Cosa Nostra =المكارم ولا غير.

نحنا ما ناخدوش لواج باش نجيو نشجعو جمعيتنا، نحنا نتحركوا بأقدامنا، بعرقنا، وبحبنا للجمعية. هذي عيشتنا وموش مسرحية.

Cosa Nostra 2008: ولاد بلاد… ولاد مكارم… ما نتهربوش من المسؤولية، أما زادة ما نقبلوش حد يرمي علينا التهم باش يغطي على ضعفه.

الهيئة تحكي على "88 سنة أخلاق"، أما ما تحكيش على 58 دقيقة ضعف قدام النجم الساحلي.
تحكي على "تجاوزات جماهيرية" وتنسى التجاوز الأكبر: غياب الروح عند اللاعبين.
تحكيو على "مندسين"؟ ياخي تحبونا نصدّقوا اللي المندس الوحيد هو اللاعب اللي كل مرة يطيح الكورة؟
وتقولوا: "لن نسمح بهذه التصرفات داخل أسوار النادي".
ياخي داخل الأسوار ما فماش تصرفات أخطر: صفر روح قتالية، صفر تكتيك، صفر مردود؟

وبالنسبة لكلمة "88 سنة" اللي كررتوها… نزيدوها جملة: 88سنة وجمهور ديما يغطي على ضعفكم

واللي ما ينجمش يعطي قيمة للفيراج، يلقى روحو برّا.

27/09/2025

💙
🥷

28/08/2025

📌 رسالة إلى من يهمه الأمر

في كل بداية موسم رياضي نرى نفس السيناريو ...
المهدية بلاد صغيرة و ناس كل تعرف بعضها و ما نراه اليوم من إستهثار اليوم من بعض اللاعبين المنتدبين في كلا الفرعين لا يليق بسمعة الجمعية
صوت الجمهور، حتى وإن بدا قاسياً أحياناً، فهو نابع من غيرته وحبه للفريق

✅ اللاعب المحترف هو من يستمع، لا يغضب
✅ يتقبل النقد، ويجعل منه دافعاً للتألق
✅ يحوّل الضغط إلى حافز، لا إلى عذر

نحن نحبكم، ونريد رؤيتكم في القمة دائمًا.
💙 فقط تذكروا: الجمهور هو الرقم 12... فكونوا أنتم الرقم 1 داخل الملعب
نتوما جيتو عندكم واجب تقومو بيه بمقابل و احترام الجمعية و جماهيرها قبل كل شيء
فالرجاء من الجميع احترام الشعار و الجماهير و هذا واجبكم مش مزية و لكل حديث بقية و من أنذر فقد أعذر إحترم تحترم و بالتوفيق للجميع
لا للتهاون .. كونوووا رجاااال 💙💪🏽
الرياضة قيم وأخلاق
لا مستقبل لأي فريق تُبنى أركانه على الفساد
وحسبي الله ونعم الوكيل في كل من خان الأمانة

24/08/2025

💙

24/08/2025

"ثمانية و ثمانون عام من المجد و العراقةو التاريخ و الحب فكل عام و نحن عشاق لهذا الكيان"
نداء لكل محبي مكارم المهدية لمشاركتنا الإحتفال بذكرى تأسيس جمعيتنا اليوم على الساعة السابعة مساء في برج الرأس بتحديد (parcour).
كل عام و المكارم بخير و كل عام و نحن ثابتون على العهد في خدمة الجمعية.
عاشت الكورفا الشعبية🥷
عاشت مكارم المهدية💙

05/06/2025

كل عام وانتم بخير بمناسبة حلول عيد الأضحى المبارك اعاده الله علينا وعليكم بالخير واليمن والبركات🔵⚪️

18/04/2025

SIAMO NOI FATIMIDI 🔷️ نحن الفاطميين
تحكيو على النجمة أما في السماء ماكمش باينين
🔵⚪️
🇵🇸

05/04/2025

♦️بيان المجموعة:

بسم الله الرحمن الرحيم

قال الله تعالى:
{إِنْ يَنْصُرْكُمُ اللَّهُ فَلا غَالِبَ لَكُمْ وَإِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ} [آل عمران: 160]

وقال رسول الله صلى الله عليه وسلم:
"ما من امرئٍ يَخذل امرأً مسلماً في موضع تُنتَهك فيه حُرمته، ويُنتقَص فيه من عرضه، إلا خذله الله في موطنٍ يحبّ فيه نصرته".

إنّنا على يقينٍ أن النصر من عند الله، لا يُمنَح إلا لعبادٍ صدقوا، ووقفوا، ونصروا الحقّ ولو بالكلمة، ولو بالموقف.
وإنّ الصمت في وجه الباطل، خذلان، وجبن، وخيانة للأمّة.
"الساكت عن الحق شيطان أخرس"، ونحن لا نرضى أن نُحسب من الخُرْس ولا من الخاذلين.

أرض فلسطين ليست قضية موسمية، بل قضية عقيدة، وكرامة، ووجود.

ما حصل مؤخّرًا من قمع لمجرّد رسالة رمزية، رسالة كُتبت بروح الرفض والكرامة:
"العدل قليل و الظلم أكثر لكن الأمل كبير و الله أكبر"
ليست إلّا دليلاً جديدًا على أن القضية تُخيفهم، ولو كُتبت بحروفٍ على قماش.
اتهمونا بالإرهاب، بتعلّة الدفاع عن الحقّ، وكأنّ المظلومية صارت تُجرّم، والموقف يُراقب.

نقولها بوضوح:
نحن مع القضية الفلسطينية قولًا وفعلاً وموقفًا.
نحن نُناصر المظلوم، لا نُبرّر للقاتل.
نحن لا نحمل السلاح، لكن نحمل الوعي.
لا نُهاجم، لكن لا نصمت.

فلسطين ليست شعارًا... فلسطين عهدٌ علينا.
ومن يقف مع فلسطين اليوم، إنما يقف مع شرفه، ومع دينه، ومع نفسه.

وليعلم الجميع:
أن هذه الرسالة، وإن حوربت، وإن أُطفئت، ستُكتب في الصدور، وستُردّدها الألسن، وسيحفظها التاريخ.

Cosa Nostra — صوتكم حين يُراد لكم أن تصمتوا.

30/03/2025

عيدكم مبارك سعيد وكل عام وأنتم بخير. أعاده الله عليكم بالخير واليمن والبركات وتقبل منا ومنكم الصيام والقيام وصالح الأعمال.

La Cosa Nostra 08

05/10/2025

28/09/2025

27/09/2025

28/08/2025

24/08/2025

24/08/2025

05/06/2025

18/04/2025

05/04/2025

30/03/2025

Address

Website

Alerts

Shortcuts

Share

Category