16/05/2026
🔰 المرسى رجعت لمكانها الطبيعي… أما توا لازم نبنيو حاجة تدوم.
في العالم الكل، قوة أي جمعية موش كان في terrain.
القوة الحقيقية تبدأ كي تولّي الهوية متاع الجمعية تعيش مع الناس كل يوم.
Maillot، hoodie، écharpe، accessoires…
موش مجرد produits.
هاذم رموز انتماء. 🔥
اليوم أغلب الجمعيات في الرابطة الأولى عندها boutique تمثلها، تسوّق لهويتها، و تخلي جمهورها يساهم مباشرة في مستقبل الجمعية. فما زادا جمعيات طموحة في الرابطة الثانية و في الهوات عملو المشروع هذا.
و بصراحة؟
🟢🟡 المرسى تستحق حاجة أكبر برشا من مجرد logo على maillot.
تخيّل Boutique ASM حقيقية…
* الصغير يكبر على حب الجمعية
* الجمهور يلبس ASM بفخر في الشارع و البحر و الستاد
* و كل achat يكون مساهمة مباشرة في مستقبل الفريق
وقيت ألوان القناوية تولّي حاضرة في حياتنا كل يوم، موش كان نهار ماتش 💚💛
و صدقوني…
كي جمهور القناوية يتحرك، النتيجة ديما تكون مختلفة. 🔥
📉 جمعيتنا متأخرة برشة في الحاجات الي خارج المستطيل الأخضر، و هذاك علاش لازمنا اليوم نحرسوا على تطورها و مستقبلها.
🏟️ الموسم وفى، و الستراس وفى، أما الخدمة على تطوير الجمعية ما توقفش.
⏳ توا وقت المشاريع، وقت التنظيم، و وقت القرارات الي تهز مستقبل المرسى لبعد آخر 🚀
