07/08/2026
Step Up Academy ❤️
إلى أوليائي الأعزاء وصغاري الغاليين ❤️
بعد 4 سنوات قضيتها معاكم، اليوم جاء وقت الوداع… وقت صعيب برشا عليّا، خاطر أنتم ما كنتوش مجرد أطفال درّبتهم، كنتوا جزء من حياتي وعائلتي. ❤️
عشنا مع بعضنا برشا لحظات، تعبنا، ضحكنا، نجحنا، وتعلمنا من بعضنا. وكل طفل فيكم خلّى أثر جميل في قلبي، وكل ولي وقف معايا وشجعني ودعمني، عندو مكانة خاصة عندي.
اليوم غادرت البلاد، لكن المسافة ما تنجمش تمحي الذكريات ولا المحبة اللي بيناتنا. فخور برشا بكل واحد فيكم، وإن شاء الله نشوفكم ديما تكبروا وتحققوا أحلامكم وتكونوا أبطال في الرياضة وفي حياتكم. 🥹❤️
شكراً للأولياء على الثقة اللي عطيتوهالي لمدة 4 سنوات، وشكراً لصغاري على كل لحظة عشتها معاكم. كنت مدربكم، أما قبل كل شيء كنت واحد من عائلتكم، وأنتم زادة وليتوا عائلتي. ❤️
سامحوني إذا في يوم قصّرت معاكم أو غلطت من غير قصد، وخليوني ديما ذكرى باهية في قلوبكم كيف ما أنتم باش تبقاو ذكرى غالية في قلبي.
ربي يحفظكم ويحميكم وينجحكم، وإن شاء الله الأيام تجمعنا من جديد.
في أمان الله يا عائلتي الصغيرة ❤️
موش وداع… إنما إلى لقاء قريب إن شاء الله. 🇹🇳❤️
