မြက်ခင်းစိမ်းပေါ်မှ အတွေးစများ

  • Home
  • မြက်ခင်းစိမ်းပေါ်မှ အတွေးစများ

မြက်ခင်းစိမ်းပေါ်မှ အတွေးစများ ဘောလုံးနဲ့ပတ်သက်ပြီး အရသာသစ်များ
(623)

💰 Neymar ရဲ့မိသားစုက ကယ်တင်လိုက်တဲ့ Santosဘောလုံးလောကမှာ အသင်းတစ်သင်းကို ကယ်တင်တယ်ဆိုတာ ကွင်းထဲမှာ အရေးကြီးဂိုးတွေ သွင်း...
28/08/2026

💰 Neymar ရဲ့မိသားစုက ကယ်တင်လိုက်တဲ့ Santos
ဘောလုံးလောကမှာ အသင်းတစ်သင်းကို ကယ်တင်တယ်ဆိုတာ ကွင်းထဲမှာ အရေးကြီးဂိုးတွေ သွင်းပေးတာတစ်ခုတည်း မဟုတ်ပါဘူး။ ကွင်းပြင်ပက ဘဏ္ဍာရေး အကျပ်အတည်းတွေကို ဝင်ရှင်းပေးတာမျိုးလည်း ပါတာပေါ့။ အခုလည်း နေမာ (Neymar) ရဲ့ မိသားစုက သူ့ရဲ့ ငယ်ဘဝကလပ် ဆန်းတို့စ် (Santos) အသင်းအတွက် အရေးပေါ် ကယ်တင်ရှင် ဖြစ်လာခဲ့ပြန်ပါတယ်။

ဖြစ်စဉ်က ဆန်းတို့စ်အသင်းဟာ ပြင်သစ်ကလပ် မိုနာကို (Monaco) ဆီကနေ ကွင်းလယ်လူ ဂျင်း လူကပ်စ် (Jean Lucas) ကို ဝယ်ယူခဲ့တဲ့ အပြောင်းအရွှေ့အတွက် ပေးရန်ကျန်နေတဲ့ ယူရို ၂ သန်းကို မပေးနိုင်ခဲ့ရာက စတာပါ။ Monaco ဘက်က FIFA ထံ တိုင်ကြားခဲ့တာကြောင့် FIFA က ၂၀၂၅ မေလတုန်းက အကြွေး ယူရို ၂ သန်းနဲ့ အတိုး ၃၂,၈၇၆ ယူရိုကို ၄၅ ရက်အတွင်း ရှင်းဖို့ ရောဘတ်ပေးခဲ့ပါတယ်။ အချိန်မီ မရှင်းနိုင်ရင်တော့ အသင်းအနေနဲ့ ကစားသမားသစ် မှတ်ပုံတင်ခွင့် ပိတ်ပင်ခံရမှာဖြစ်ပြီး အဆိုးဆုံး အပြောင်းအရွှေ့ ၃ ကြိမ်ဆက် ပိတ်ခံရမယ့် အခြေအနေအထိ ဆိုးရွားသွားနိုင်တာပါ။

ဒီလို ဘက်ပေါင်းစုံက အကျပ်ရိုက်နေချိန်မှာပဲ နေမာရဲ့ မိသားစုပိုင် NR Sports ကုမ္ပဏီက ချက်ချင်း လိုအပ်နေတဲ့ ငွေကြေး ထောက်ပံ့ပေးခဲ့တာကြောင့် အပြောင်းအရွှေ့တံခါး ပိတ်ခံရမယ့် ဘေးကနေ လွတ်မြောက်သွားခဲ့ပါတယ်။ ဒီအတွက် အပြန်အလှန်အနေနဲ့ ဆန်းတို့စ်နဲ့ NR Sports တို့ဟာ မရောင်းရသေးတဲ့ အသင်းရဲ့ ဝတ်စုံ စပွန်ဆာ (Sponsorship) အခွင့်အရေးတွေကို ပူးပေါင်း ဆွေးနွေး သွားကြမှာဖြစ်ပါတယ်။

နေမာဟာ ၂၀၂၅ ဇန်နဝါရီတုန်းကမှ ငယ်ဘဝအသင်း ဆန်းတို့စ်ဆီ ပြန်ရောက်လာခဲ့တာပါ။ ပြီးခဲ့တဲ့ရာသီက တန်းဆင်းဇုန် အန္တရာယ်နဲ့ ရင်ဆိုင်ခဲ့ရတဲ့ ဆန်းတို့စ်ကို နေမာက ကွင်းထဲမှာ ရုန်းကန်ပြီး တန်းမဆင်းရအောင် ကယ်တင်ပေးခဲ့တယ်။ အခုလည်း အပြောင်းအရွှေ့ တံခါး ပိတ်ခံရမယ့် အကြွေးပြဿနာကို ဝင်ရှင်းပေးပြီး အနာဂတ် လမ်းကြောင်းကို ဖွင့်ပေးခဲ့တယ်။ အခု ၂၀၂၆ ရာသီမှာလည်း ဆန်းတို့စ်ဟာ လိဂ်ပွဲ ၂၃ ပွဲ ကစားပြီး ၆ ပွဲပဲ နိုင်ထားလို့ အဆင့် ၁၄ အထိ ရောက်နေပြီး ရလဒ်ပိုင်း ရုန်းကန်နေရတုန်းပါပဲ။ အကြွေးတစ်ခု ရှင်းလိုက်ရုံနဲ့ အသင်းရဲ့ ပြဿနာတွေအကုန် မပြီးသွားသေးပေမဲ့ အနည်းဆုံးတော့ အပြောင်းအရွှေ့ ဈေးကွက်ထဲ ပြန်ဝင်ပြီး ကစားသမားသစ်တွေ ဖြည့်တင်းခွင့် ရသွားခဲ့ပါပြီ။ ကစားသမား တော်တော်များများက အသင်းကနေ ထွက်သွားရင် အမှတ်တရ တစ်ခုအဖြစ်ပဲ ကျန်ခဲ့တတ်ကြတာပါ။ နေမာကတော့ သူ့ကို ပျိုးထောင်ပေးခဲ့တဲ့ အသင်းဆီ ပြန်လာပြီး အသင်းရဲ့ ဇာတ်လမ်းကို ကိုယ်တိုင် ဆက်ရေးနေတုန်းပါပဲ။ ဒီလို လုပ်ရပ်မျိုးက သူ့ရဲ့ အောင်မြင်မှုနဲ့ ငွေကြေး ကြွယ်ဝမှုကြောင့်တင် မဟုတ်ဘဲ ငယ်ဘဝ အသင်းအပေါ် ထားတဲ့ သံယောဇဉ်နဲ့ သစ္စာတရား လို့ပဲ ပြောရမှာပါ။




‘Who Wants to Be a Millionaire?’ ပြိုင်ပွဲမှသည် ချန်ပီယံလိဂ်အဆင့်ဆီသို့ အရောက်လှမ်းနိုင်ခဲ့သည့် ဗာဒက်စ် ဒမ်ဘရောက်စကပ်စ်၏...
28/08/2026

‘Who Wants to Be a Millionaire?’ ပြိုင်ပွဲမှသည် ချန်ပီယံလိဂ်အဆင့်ဆီသို့ အရောက်လှမ်းနိုင်ခဲ့သည့် ဗာဒက်စ် ဒမ်ဘရောက်စကပ်စ်၏ ရင်သပ်ရှုမောဖွယ် ခရီးစဉ်

လွန်ခဲ့သည့် ၂၀၀၂ ခုနှစ်တုန်းက လစ်သူယေးနီးယားနိုင်ငံ၏ ‘Who Wants to Be a Millionaire?’ (ဘယ်သူသန်းကြွယ်သူဌေး ဖြစ်ချင်လဲ) ရုပ်မြင်သံကြား အစီအစဉ်မှာ ပါဝင်ယှဉ်ပြိုင်ခဲ့တဲ့ အသက် ၂၅ နှစ်အရွယ် ကျောင်းသားလေးတစ်ဦးဟာ ယူရို ၁,၀၀၀ ကျော်ပဲ ဆုကြေးရရှိခဲ့ပါတယ်။ သို့သော်လည်း အဆိုပါ ဆုကြေးငွေအနည်းငယ်ဟာ အင်္ဂလန်မြေဆီ သွားရောက်ပြီး အားကစားနှင့် ဘောလုံးနည်းပြသိပ္ပံ ဘာသာရပ်ကို သင်ယူလိုသည့် သူ၏ အိပ်မက်ကြီးအတွက်တော့ အစပြုရာ လမ်းစတစ်ခု ဖြစ်ခဲ့ပါတယ်။
လန်ဒန်မြို့မှာ ကျောင်းတက်နေစဉ် ကာလအတွင်း သူဟာ သတင်းစာပို့သမား၊ ကလေးထိန်း စတဲ့ အလုပ်ပေါင်းစုံကို ရုန်းကန်လုပ်ကိုင်ရင်း နည်းပြသင်တန်းကြေးများကို ရှာဖွေခဲ့ရတာပါ။ တစ်ဖက်မှာလည်း မန်ချက်စတာ ယူနိုက်တက်၊ ဖူဟမ် နှင့် ဘရန့်ဖို့ဒ် အသင်းတို့၏ အကယ်ဒမီများမှာ တန်ဖိုးရှိသည့် နည်းပြအတွေ့အကြုံများကို စိတ်ရှည်လက်ရှည် ရယူခဲ့ပါတယ်။

နဝမတန်းစား လိဂ်မှသည် ဥရောပထိပ်သီး စိန်ခေါ်သူတစ်ဦးအဖြစ်သို့
သူ၏ ပထမဆုံး နည်းပြဘဝ ခြေလှမ်းသည် ၂၀၀၇ ခုနှစ်တွင် အင်္ဂလန် နဝမတန်းစားလိဂ် အသင်းဖြစ်သည့် Kingsbury London Tigers ကို စတင်ကိုင်တွယ်ရာမှ စတင်ခဲ့တာပါ။
အခုအခါမှာတော့ အသက် ၄၉ နှစ်အရွယ် နည်းပြကြီး ဗာဒက်စ် ဒမ်ဘရောက်စကပ်စ် ဟာ အဇာဘိုင်ဂျန် ကလပ် ဆာဘာ အက်ဖ်ကေ အသင်းကို သမိုင်းတစ်လျှောက် ပထမဆုံးအကြိမ်အဖြစ် ချန်ပီယံလိဂ် အုပ်စုအဆင့် ဆီ တက်ရောက်နိုင်အောင် သမိုင်းသစ် ရေးထိုး ဦးဆောင်ပေးနိုင်ခဲ့ပြီ ဖြစ်ပါတယ်။

အံ့မခန်း အောင်မြင်မှုများနှင့် စံချိန်များ
သူ၏ ခက်ခဲကြမ်းတမ်းသော နည်းပြသက်တမ်း ခရီးစဉ်တစ်ခုလုံးတွင် ကလပ်အသင်းပေါင်း ၁၁ အသင်းတိုင်တိုင် ကိုင်တွယ်ခဲ့ဖူးပြီး အဓိက ဆုဖလားပေါင်း ၁၂ ဖလားအထိ ဆွတ်ခူးနိုင်ခဲ့သလို နိုင်ငံပေါင်း ၅ နိုင်ငံ (ခရိုအေးရှား၊ လတ်ဗီးယား၊ ဘူဂေးရီးယား၊ လစ်သူယေးနီးယား နှင့် အဇာဘိုင်ဂျန်) တို့တွင် လိဂ်ချန်ပီယံဆုများကို ပိုင်ဆိုင်နိုင်ခဲ့တာပါ။

တီဗီဂိမ်းရှိုးတစ်ခုမှ ရရှိခဲ့သည့် ဆုကြေးငွေအနည်းငယ်ဖြင့် စတင်ခဲ့သော သူ၏ စွန့်စားမှု ဇာတ်လမ်းသည် ယခုနွေရာသီ ဥရောပဘောလုံးရာသီသစ်၏ စိတ်ဓာတ်ခွန်အား အပေးနိုင်ဆုံး အကြောင်းအရာများထဲမှ တစ်ခုဖြစ်ခဲ့ပါတယ်။
ချန်ပီယံလိဂ် စိန်ခေါ်မှုကြီးဆီ အရောက်လှမ်းနိုင်ခဲ့သည့် ဗာဒက်စ် ဒမ်ဘရောက်စကပ်စ်နှင့် သူ၏ ဆာဘာ အက်ဖ်ကေ အသင်းတို့ ဥရောပ၏ အကြီးမားဆုံး စင်မြင့်ပေါ်မှာ ဘယ်လိုအံ့အားသင့်ဖွယ်ရာတွေ ဆက်လက်ဖန်တီးသွားမလဲဆိုတာကတော့ စိတ်ဝင်စားဖွယ် စောင့်ကြည့်ရတော့မှာပဲ ဖြစ်ပါတယ်။




မန်ချက်စတာယူနိုက်တက်ရဲ့ ချန်ပီယံလိဂ် ညတွေပြန်လာပြီအချိန်တစ်ခုကြာ ဝေးကွာနေခဲ့တဲ့ ဥရောပဘောလုံးရဲ့ အကြီးကျယ်ဆုံးစင်မြင့်ဆီ ...
28/08/2026

မန်ချက်စတာယူနိုက်တက်ရဲ့ ချန်ပီယံလိဂ် ညတွေပြန်လာပြီ

အချိန်တစ်ခုကြာ ဝေးကွာနေခဲ့တဲ့ ဥရောပဘောလုံးရဲ့ အကြီးကျယ်ဆုံးစင်မြင့်ဆီ မန်ချက်စတာယူနိုက်တက် ပြန်လည်ရောက်ရှိလာပါပြီ။ ချန်ပီယံလိဂ် မဲခွဲမှုအပြီးမှာတော့ ယူနိုက်တက်ရဲ့ ရှေ့လာမယ့် ဥရောပခရီးမှာ ရင်ဆိုင်ရမယ့် ပြိုင်ဘက် ၈ သင်းလည်း ထွက်ပေါ်လာခဲ့ပါတယ်။ ဒီမဲခွဲမှုထဲမှာ အားလုံးထက် ပိုပြီး စိတ်ဝင်စားစရာကောင်းတာကတော့ ဘိုင်ယန်မြူးနစ် ပါ။

🏟 အိုးထရက်ဖို့ဒ်မှာ ဘိုင်ယန်မြူးနစ်နဲ့ တွေ့ရမယ်။
ဒီနှစ်သင်းကြားက ပြိုင်ဆိုင်မှုဆိုတာ သမိုင်းကြောင်းအပြည့်နဲ့ပါ။ ၁၉၉၈/၉၉ ရာသီမှာ ပထမဆုံးတွေ့ခဲ့ကြပြီး နောက်ဆုံးမှာတော့ ဘာစီလိုနာရဲ့ နူးကမ့်ကွင်းထဲက ချန်ပီယံလိဂ်ဗိုလ်လုပွဲမှာ ပြန်တွေ့ခဲ့ကြပါတယ်။ အဲဒီညမှာတော့ တက်ဒီ ရှာရင်ဂမ်နဲ့ အိုလီ ဂန်နာ ဆိုးလ်ရှားတို့ရဲ့ နောက်ကျဂိုးတွေနဲ့ ယူနိုက်တက်က ၂-၁ နဲ့ အနိုင်ရခဲ့ပြီး မယုံနိုင်စရာ Treble ကို ရယူနိုင်ခဲ့တာပါ။ ချန်ပီယံလိဂ်မှာ ဘိုင်ယန်နဲ့ စုစုပေါင်း ၁၃ ကြိမ်တွေ့ဆုံထားပြီး မကြာသေးခင် ၂၀၂၃/၂၄ ရာသီမှာတော့ နှစ်ပွဲစလုံး ရှုံးနိမ့်ခဲ့ပါတယ်။ ဒါကြောင့် ဒီတစ်ကြိမ် အိုးထရက်ဖို့ဒ်မှာ ပြန်တွေ့မယ့်ပွဲက သာမန်အုပ်စုပွဲတစ်ပွဲထက် ပိုပါတယ်။ နောက်ထပ် Pot 1 က ပြိုင်ဘက်ကတော့ အက်သလက်တီကို မက်ဒရစ်။ ဒီအသင်းနဲ့တော့ ယူနိုက်တက်ဟာ သိပ်မကြာသေးခင်ကပဲ တွေ့ထားပါသေးတယ်။ ဩဂုတ် ၁ ရက်က ရာသီကြိုခြေစမ်းပွဲမှာ ယူနိုက်တက်က ၂-၁ နဲ့ အနိုင်ရထားခဲ့တာပါ။ ဒါပေမယ့် ချန်ပီယံလိဂ်စင်မြင့်ပေါ်ရောက်လာရင်တော့ အက်သလက်တီကိုဟာ လုံးဝမတူတော့ပါဘူး။ ပြီးခဲ့တဲ့ပြိုင်ပွဲမှာ ဆီမီးဖိုင်နယ်အထိ ရောက်ခဲ့တဲ့အသင်းဖြစ်သလို လာမယ့်ရာသီ ဗိုလ်လုပွဲကိုတောင် သူတို့ရဲ့ Metropolitano Stadium မှာ ကျင်းပသွားမှာပါ။

🏟 အိုးထရက်ဖို့ဒ်မှာ ရိုးမားလည်း လာကစားမယ်။
ယူနိုက်တက်နဲ့ ရိုးမားဆိုတာလည်း အမှတ်တရတွေရှိတဲ့ နှစ်သင်းပါ။ ၂၀၀၆/၀၇ ရာသီတုန်းက ရိုးမားကို ၇-၁ နဲ့ အနိုင်ရခဲ့တဲ့ နာမည်ကျော်ပွဲမှာ မိုက်ကယ် ကာရစ်က ဂိုး ၂ ဂိုး သွင်းယူခဲ့ဖူးပါတယ်။ အခုတော့ ကာရစ်က ယူနိုက်တက်ရဲ့ နည်းပြအဖြစ်နဲ့ ဒီလိုဥရောပညတွေကို ပြန်လည်ဖြတ်သန်းရတော့မှာပါ။ အိမ်ကွင်းမှာ ရိုးမားအပြင် အာဘီ လိုက်ပ်ဇစ် နဲ့ အဇာဘိုင်ဂျန်က အသင်းသစ် ဆာဘာဟ် တို့ကိုလည်း လက်ခံကစားရပါမယ်။

✈️ အဝေးကွင်းခရီးတွေကလည်း မလွယ်ပါဘူး။
အသင်းခေါင်းဆောင် ဘရူနို ဖာနန်ဒက်စ် အတွက်တော့ အထူးအမှတ်တရဖြစ်မယ့် ခရီးတစ်ခုရှိနေပါတယ်။ သူ့ရဲ့ အသင်းဟောင်းဖြစ်တဲ့ စပို့တင်း လစ္စဘွန်း ကို လစ္စဘွန်းမြို့မှာ ပြန်လည်ရင်ဆိုင်ရမှာပါ။ စပိန်ကလပ် ဗီလာရီးယဲလ် အဝေးကွင်း ခရီးစဉ်အပြင် စီးရီးအေ မျက်နှာသစ် အီတလီကလပ် ကိုမိုအသင်းတို့ရဲ့ ကွင်းတွေသို့လည်း သွားရောက်ယှဉ်ပြိုင်ရမှာ ဖြစ်ပါတယ်။

🔴 မန်ချက်စတာယူနိုက်တက်ရဲ့ ချန်ပီယံလိဂ် ပြိုင်ဘက် ၈ သင်း

အိမ်ကွင်း 🏟
ဘိုင်ယန်မြူးနစ်
အာဘီ လိုက်ပ်ဇစ်
ရိုးမား
ဆာဘာဟ်

အဝေးကွင်း ✈️
အက်သလက်တီကို မက်ဒရစ်
ကိုမို
စပို့တင်း လစ္စဘွန်း
ဗီလာရီးယဲလ်

တစ်ချိန်က ဥရောပရဲ့ ထိပ်ဆုံးမှာ ရပ်ခဲ့ဖူးတဲ့ မန်ချက်စတာယူနိုက်တက်အတွက်တော့ ဒီရာသီ ချန်ပီယံလိဂ်ဟာ ပြန်လာခြင်းတစ်ခုတည်း မဟုတ်ဘဲ ကိုယ့်နာမည်ကို ပြန်ရှာဖွေဖို့ စတင်မယ့် ခရီးတစ်ခု ဖြစ်လာနိုင်ပါတယ်။ ပြီးတော့ အဲဒီခရီးရဲ့ ပထမဆုံးစာမျက်နှာတွေကို အိုးထရက်ဖို့ဒ်မှာ ဘိုင်ယန်မြူးနစ်နဲ့ စတင်ရေးသားရတော့မှာပါ။
The Champions League nights are back at Old Trafford. 🔴✨




မာမာဒူ ဆန်ဂါရေး . . . ဖြတ်လမ်းမရှိတဲ့ အိပ်မက်ဘောလုံးလောကမှာ အသက် ၁၇၊ ၁၈ နှစ်နဲ့ ထိပ်တန်းအဆင့်ကို ချက်ချင်းခုန်တက်သွားတဲ့...
28/08/2026

မာမာဒူ ဆန်ဂါရေး . . . ဖြတ်လမ်းမရှိတဲ့ အိပ်မက်
ဘောလုံးလောကမှာ အသက် ၁၇၊ ၁၈ နှစ်နဲ့ ထိပ်တန်းအဆင့်ကို ချက်ချင်းခုန်တက်သွားတဲ့ wonderkid တွေရဲ့ ဇာတ်လမ်းက ပိုပြီး ဆွဲဆောင်မှုရှိတတ်ပါတယ်။ ဒါပေမဲ့ တကယ့် လက်တွေ့မြေပြင်မှာတော့ ဥရောပရဲ့ အကယ်ဒမီကြီးတွေကနေ ထွက်ပေါ်လာတိုင်း ထိပ်တန်းအဆင့်မှာ ချက်ချင်း နေရာရသွားလေ့ မရှိပါဘူး။ မာမာဒူ ဆန်ဂါရေး (Mamadou Sangaré) ဆိုတဲ့ မာလီကွင်းလယ်လူရဲ့ ပရီးမီးယားလိဂ်ဆီ လျှောက်လှမ်းလာတဲ့ ခရီးစဉ်က အဲဒီလို ခက်ခဲကြမ်းတမ်းတဲ့ အမှန်တရားကို အကောင်းဆုံး ကိုယ်စားပြုနေပါတယ်။ သူ့ရဲ့ ဇာတ်လမ်းဟာ စက္ကူပေါ်မှာ ရေးဆွဲထားတဲ့ ဖြောင့်တန်းလှပတဲ့ မျဉ်းကြောင်းတစ်ကြောင်း မဟုတ်ခဲ့ဘဲ၊ နိုင်ငံတွေ၊ လိဂ်ပြိုင်ပွဲတွေနဲ့ အငှားချထားမှု Loan system တွေကြားမှာ ကိုယ့်ကိုယ်ကိုယ် ပြန်လည်ရှာဖွေ တည်ဆောက်ခဲ့ရတဲ့ ရှင်သန်မှုတိုက်ပွဲတစ်ခု ဖြစ်ပါတယ်။
မာလီနိုင်ငံ ဘာမာကိုမြို့က ရီးလန် အိုလံပစ် Yeelen Olympique အကယ်ဒမီဟာ ဥရောပအတွက် ကစားသမားကောင်းတွေ မွေးထုတ်ပေးနေတဲ့ နေရာတစ်ခုပါ။ အဲဒီကနေတစ်ဆင့် ၂၀၂၀ ခုနှစ်၊ အသက် ၁၈ နှစ်အရွယ်မှာ ဆန်ဂါရေးကို သြစတြီးယား ထိပ်သီး ရက်ဘူးလ်ဆဲလ်ဘာ့ဂ် က ခေါ်ယူခဲ့ပါတယ်။
ဆဲလ်ဘာ့ဂ် ဆိုတာ ကမ္ဘာတစ်ဝှမ်းက Scouting network တွေ မျက်စိဒေါက်ထောက်ကြည့်နေတဲ့ Talent Factory ကြီးတစ်ခုပါ။ ဒါပေမဲ့ အဲဒီစက်ရုံကြီးထဲ ရောက်သွားတိုင်း ကစားသမားတိုင်း အလိုအလျောက် အောင်မြင်သွားတာတော့ မဟုတ်ပါဘူး။ ဆန်ဂါရေးအတွက် ဆဲလ်ဘာ့ဂ် အသင်းကြီးရဲ့ တံခါးက ချက်ချင်း ပွင့်မလာခဲ့ပါဘူး။ သူဟာ ဆဲလ်ဘာ့ဂ် အတွက် တစ်ပွဲမှ ကစားခွင့်မရခဲ့ဘဲ အငှားချခံရတဲ့ လူငယ်ကစားသမားတွေရဲ့ သံသရာထဲကို ဝင်ရောက်သွားခဲ့ရပါတယ်။
အငှားချခံရတဲ့ ကစားသမား တစ်ယောက်ရဲ့ ဘဝဟာ စိတ်ပိုင်းဆိုင်ရာအရ အတော်လေး ဖိအားများပါတယ်။ ကိုယ့်ရဲ့ ရေရှည်အနာဂတ်က ဘယ်မှာလဲဆိုတာ မသေချာတဲ့ မရေရာမှု Uncertainty တွေကြားမှာ FC လိုင်ဖာရင်း၊ ဂရာဇာ၊ ပြီးတော့ ဘယ်လ်ဂျီယံကလပ် ဇူးလတီဝါရီဂန် စတဲ့ အသင်းတွေဆီကို လှည့်လည်သွားလာရင်း သူ့ရဲ့ ကစားသမားဘဝကို အုတ်မြစ်ချခဲ့ရတယ်။ ဒီအချိန်တွေမှာ သူဟာ ခံစစ်ကို ကာကွယ်ပေးရုံတင် မဟုတ်ဘဲ၊ ပြိုင်ဘက်ခံစစ်ဇုန် (Final Third) အထိ ဘောလုံးဆွဲပြေးနိုင်တဲ့ ခြေစွမ်းမျိုးကိုပါ တဖြည်းဖြည်း သွေးယူနိုင်ခဲ့ပါတယ်။
ကလပ်အသင်းတစ်ခုပြီးတစ်ခု ပြောင်းရွှေ့နေရတဲ့ လူငယ်ကစားသမားတစ်ယောက်အတွက် အလိုချင်ဆုံးအရာက ပုံမှန်ပွဲထွက်ခွင့်နဲ့ ကိုယ်ပိုင် Identity ပါပဲ။ ၂၀၂၂/၂၃ ရာသီမှာ ဟတ်ဘာ့ဂ် အသင်းဆီ ရောက်လာချိန်မှာတော့ အရာအားလုံးက အချိတ်အဆက် မိသွားခဲ့ပါတယ်။
၁၈ လဝန်းကျင်အတွင်း လိဂ်ပွဲစဉ် ၄၆ ပွဲအထိ ကစားခွင့်ရခဲ့ခြင်းက သူ့ကို ပျိုးထောင်ဖို့ လိုသေးတဲ့ Development Project ဆိုတဲ့ အဆင့်ကနေ၊ အပတ်စဉ်တိုင်း ပြိုင်ဘက် စီနီယာကစားသမားကြီးတွေကို ရင်ဆိုင်နိုင်တဲ့ ယုံကြည်စရာ ကွင်းလယ်လူ အဖြစ် အသွင်ပြောင်းပေးခဲ့ပါတယ်။ ဒီလို ရင့်ကျက်လာမှုက သူ့ကို ရက်ပစ်ဗီယင်နာဆီ အပြီးသတ် ပြောင်းရွှေ့ခွင့်ရစေခဲ့ပြီး၊ ဥရောပ ကွန်ဖရင့်လိဂ်လို ပိုကြီးမားတဲ့ စင်မြင့်ပေါ်ကို တွန်းတင်ပေးခဲ့ပါတယ်။ ဆဲလ်ဘာ့ဂ် မှာတုန်းက အခွင့်အရေးကို စောင့်မျှော်နေရတဲ့ ချာတိတ်တစ်ယောက်ဟာ، အခုတော့ တခြားအသင်းတွေက စောင့်ကြည့်ရတဲ့ (Scouted player) တစ်ယောက် ဖြစ်သွားခဲ့ပါပြီ။

၂၀၂၅ ခုနှစ်၊ RC Lens အသင်းဆီ ပြောင်းရွှေ့မှုကတော့ သူ့ကစားသမားဘဝရဲ့ အကြီးမားဆုံး အချိုးအကွေ့ပါပဲ။ ပြင်သစ် လီဂူးဝမ်း ကို ရောက်လာချိန်မှာတော့ ဆန်ဂါရေးဟာ ရုပ်ပိုင်းဆိုင်ရာ ကြံ့ခိုင်မှု နဲ့ ဘောလုံးရယူနိုင်စွမ်း ပေါင်းစပ်ထားတဲ့ လိဂ်ရဲ့ အပြည့်စုံဆုံး ကွင်းလယ်လူတစ်ယောက်အဖြစ် ချက်ချင်း နေရာယူနိုင်ခဲ့ပါတယ်။
နည်းပြ ပီယာဆေ့ချ် ရဲ့ လက်အောက်မှာ လန်းစ်အသင်း လီဂူးဝမ်း ဒုတိယနေရာ ရယူနိုင်ခဲ့သလို၊ သမိုင်းဝင် ပြင်သစ်ဖလား (Coupe de France) ကို ဆွတ်ခူးရာမှာလည်း ဆန်ဂါရေးက အဓိက မောင်းနှင်အား ဖြစ်ခဲ့ပါတယ်။ တစ်နှစ်တာ အကောင်းဆုံးအသင်းမှာ ပါဝင်ခဲ့သလို၊ အကောင်းဆုံး အာဖရိကကစားသမားဆု (Marc-Vivien Foé Award) ကိုပါ ရယူနိုင်ခဲ့ပါတယ်။ ပြိုင်ဘက်ဆီက ဘောလုံးပြန်လုယူနိုင်ရုံသာမက၊ ချက်ချင်းဆိုသလို တိုက်စစ်ဆီကို ဘောလုံးသယ်ဆောင်သွားနိုင်တဲ့ Transition စွမ်းရည်မျိုးဟာ ဒီဘက်ခေတ်ဘောလုံးလောကမှာ အတော်လေး ရှားပါးတဲ့ အရည်အသွေးတစ်ခု ဖြစ်လာခဲ့ပါတယ်။

လန်းစ်မှာ အကောင်းဆုံး ခြေစွမ်းပြပြီးချိန်မှာ သူ့ကို ဥရောပကလပ်အသင်းကြီးတွေက မျက်စိကျလာကြတာ မဆန်းပါဘူး။ ဒါပေမဲ့ ၂၀၂၆ ခုနှစ်မှာ စံချိန်တင်ပြောင်းရွှေ့ကြေးနဲ့ ငါးနှစ်စာချုပ် ချုပ်ဆိုခဲ့တာကတော့ ဘရန်ဖို့ဒ် အသင်းပါ။
ဒီရွေးချယ်မှုက သာမန်မျက်စိနဲ့ ကြည့်ရင် အံ့ဩစရာကောင်းပေမဲ့၊ Data နဲ့ Recruitment Model ကို အခြေခံပြီး တည်ဆောက်ထားတဲ့ ဘရန်ဖို့ဒ်လို အသင်းအတွက်တော့ ဒါဟာ အတိကျဆုံး တွက်ချက်မှုတစ်ခုပါပဲ။ ဆန်ဂါရေးကိုယ်တိုင်ကလည်း ကလပ်အသင်းရဲ့ Size ထက်၊ သူ့ကို တကယ်အလိုရှိပြီး နေရာပေးမယ့် စီမံကိန်း ကို ပိုပြီး ယုံကြည်ခဲ့ပုံရပါတယ်။ အင်္ဂလန်ဘောလုံးလောကရဲ့ မြန်ဆန်တဲ့အဟုန်နဲ့ ရုပ်ပိုင်းဆိုင်ရာ ကြမ်းတမ်းမှုတွေကို ရင်ဆိုင်ဖို့ ဆန်ဂါရေးရဲ့ ပရိုဖိုင်က အံဝင်ခွင်ကျ ဖြစ်နေပါတယ်။

ဘရန်ဖို့ဒ်ရဲ့ ရင်းနှီးမြှုပ်နှံမှု မှန်ကန်ကြောင်း သက်သေပြဖို့ အချိန်အများကြီး မယူခဲ့ရပါဘူး။ ၂၀၂၆/၂၇ ရာသီအဖွင့်ပွဲစဥ် တော်တင်ဟမ်ဟော့စပါးကို ၃-၀ နဲ့ နိုင်တဲ့ပွဲမှာ ဆန်ဂါရေးဟာ ကွင်းလယ်ကို အပြည့်အဝ စိုးမိုးသွားခဲ့ပါတယ်။ သူကစားခဲ့တဲ့ ၇၆ မိနစ်အတွင်းမှာ ဖျက်ထုတ်မှု၊ ကြားဖြတ်လုယူမှု၊ ရှင်းထုတ်မှုတွေသာမက အဖွင့်ဂိုးကိုပါ ဖန်တီးပေးနိုင်ခဲ့ပါတယ်။ ပရီးမီးယားလိဂ်ဆိုတဲ့ အမြင့်ဆုံးစင်မြင့်ပေါ်မှာ သူ့ရဲ့ ခြေချမှုဟာ တုန်လှုပ်ချောက်ချားမှုကင်းပြီး၊ သူဟာ ဒီနေရာနဲ့ ထိုက်တန်သူတစ်ယောက်ဆိုတာကို Debut ပွဲမှာတင် သက်သေပြနိုင်ခဲ့ပါတယ်။
မာမာဒူ ဆန်ဂါရေးရဲ့ ဇာတ်လမ်းကို ပြန်ငဲ့ကြည့်တဲ့အခါ ဘာကိုမြင်ရမလဲ။ ဘောလုံးအသင်း တစ်သင်းဆိုတာ စာရွက်လွတ်ပေါ်က Project သက်သက် မဟုတ်သလို၊ ကစားသမားတစ်ယောက်ရဲ့ တိုးတက်မှုဆိုတာလည်း အလိုအလျောက် ဖြစ်တည်လာတာ မဟုတ်ပါဘူး။
ဘာမာကိုကနေ ပရီးမီးယားလိဂ်ဆီ လျှောက်လှမ်းခဲ့တဲ့ ၆ နှစ်တာ ခရီးစဉ်အတွင်း ကလပ်အသင်း ၇ သင်းကို ဖြတ်သန်းခဲ့ရပါတယ်။ တချို့က ဒီခရီးစဉ်ဟာ အချိန်ကြာလွန်းတယ်လို့ ထင်ကောင်းထင်နိုင်ပါတယ်။ ဒါပေမဲ့ ဆန်ဂါရေးအတွက်တော့ အဲဒီ အငှားချခံရတဲ့ ကာလတွေ၊ မရေရာမှုတွေနဲ့ ရုန်းကန်ခဲ့ရတဲ့ အတွေ့အကြုံတွေအားလုံးဟာ ပရီးမီးယားလိဂ်မှာ ရှင်သန်နိုင်ဖို့ သူ့ကို မီးလောင်ဖိုထဲ ထည့်ပြီး သံမဏိတစ်ချောင်းလို သွေးယူခဲ့တဲ့ ဖြစ်စဉ်တစ်ခုပါပဲ။
စပါးနဲ့ပွဲမှာ သူပြသခဲ့တဲ့ အဲဒီ ၇၆ မိနစ်စာ ခြေစွမ်းဟာ တိုက်ဆိုင်မှုတစ်ခု မဟုတ်ပါဘူး။ အဲဒါဟာ ၆ နှစ်တာလုံးလုံး ဥရောပတိုက် အနှံ့က ခြေစစ်ပွဲတွေ၊ အငှားချခံရတဲ့ ညချမ်းတွေနဲ့ မရေရာမှုတွေကို အံတုပြီး တည်ဆောက်ခဲ့ရတဲ့ သူ့ရဲ့ ကြိုးစားအားထုတ်မှုတွေ အားလုံးကို တစ်ပွဲတည်းနဲ့ အကျဉ်းချုံး ပြသလိုက်တဲ့ "အမှတ်တရ ပြယုဂ်" တစ်ခုပါပဲ ။

လီယွန်ကို အနိုင်ရအပြီး ပဋိပက္ခဖြစ်ပွားခဲ့သည့် ဂွန်ဒူဇီကို အရေးယူရန် UEFA စတင်ပြင်ဆင်ဖီနာဘာချီ အသင်းသည် အိုလံပစ် လီယွန် အ...
28/08/2026

လီယွန်ကို အနိုင်ရအပြီး ပဋိပက္ခဖြစ်ပွားခဲ့သည့် ဂွန်ဒူဇီကို အရေးယူရန် UEFA စတင်ပြင်ဆင်

ဖီနာဘာချီ အသင်းသည် အိုလံပစ် လီယွန် အသင်းကို ယူအီးအက်ဖ်အေ ချန်ပီယံလိဂ် ပလေးအော့ဖ် ဒုတိယအကျော့ ပွဲစဉ်တွင် ၂-ဂိုး ၁-ဂိုးဖြင့် အနိုင်ရရှိခဲ့ပြီး နှစ်ကျော့ပေါင်း ၃-ဂိုး ၂-ဂိုးဖြင့် ချန်ပီယံလိဂ် အုပ်စုအဆင့်ဆီ တက်ရောက်နိုင်ခဲ့ပါတယ်။ ပြင်သစ်မြေတွင် ယှဉ်ပြိုင်ခဲ့သည့် အဆိုပါပွဲစဉ်တွင် ဖီနာဘာချေးအတွက် ဗေဒတ် မူရီကီ နှင့် အာချီ ဘရောင်း တို့က သွင်းဂိုးများ ရယူပေးခဲ့ပြီး လီယွန်အတွက် မာလစ် ဖိုဖာနာ က တစ်ဂိုး ပြန်လည် ချေပခဲ့တာပါ။
သို့သော်လည်း ပွဲအပြီးတွင် ဖီနာဘာချီ ကွင်းလယ်လူ မက်တီယို ဂွန်ဒူဇီ ပါဝင်သည့် ရုန်းရင်းဆန်ခတ် ပဋိပက္ခကြီး ဖြစ်ပွားခဲ့တာကြောင့် ဥရောပဘောလုံးအဖွဲ့ချုပ် (UEFA) က စည်းကမ်းထိန်းသိမ်းရေးဆိုင်ရာ တရားဝင် စုံစမ်းစစ်ဆေးမှုများ စတင်ပြုလုပ်နေပြီဖြစ်ကြောင်း ထုတ်ပြန်လိုက်ပါတယ်။ အဆိုပါပွဲစဉ်သည် ၂၀၂၆ ခုနှစ် ဩဂုတ်လ ၂၇ ရက် မနက်အစောပိုင်း တွင် ယှဉ်ပြိုင်ခဲ့ခြင်းဖြစ်ပြီး UEFA ၏ ထိန်းချုပ်ရေး၊ ကျင့်ဝတ်နှင့် စည်းကမ်းထိန်းသိမ်းရေးအဖွဲ့က ပွဲကြည့်ကြီးကြပ်သူ အစီရင်ခံစာများနှင့် ဗီဒီယိုမှတ်တမ်းများကို စိစစ်ကာ အရေးယူဆောင်ရွက်သွားမည် ဖြစ်ပါတယ်။

ပဋိပက္ခ နောက်ကွယ်နှင့် ဂွန်ဒူဇီ၏ ရှင်းလင်းပြောကြားချက်
ပွဲသိမ်းခရာမှုတ်အပြီးတွင် မာဆေးလ် ကွင်းလယ်လူဟောင်း ဂွန်ဒူဇီသည် လီယွန် ပရိသတ်များနှင့် အရန်ခုံတန်းများရှေ့၌ စိန်ခေါ်သည့် လက်ဟန်ခြေဟန်များအပြင် မာဆေးလ်အမှတ်အသားများကို ပြသကာ ခပ်ပြင်းပြင်း အောင်ပွဲခံခဲ့တာပါ။
ပွဲအပြီးတွင်တော့ ဂွန်ဒူဇီက သူ၏ အပြုအမူနှင့် ပတ်သက်၍ အကြောင်းပြချက် ပေးခဲ့ပါတယ်။ ပြိုင်ဘက် မာဆေးလ်အသင်း ကစားသမားဟောင်း တစ်ဦးဖြစ်ခဲ့တာကြောင့် ပွဲကစားချိန်တစ်ခုလုံး လီယွန် ပရိသတ်များ၏ တစ်ကိုယ်ရေ အပြင်းအထန် ဆဲဆိုစော်ကားမှုများကို ခံခဲ့ရတာကြောင့် ယခုလို တုံ့ပြန်ခဲ့ခြင်းဖြစ်ကြောင်း ရှင်းလင်းပြောကြားခဲ့တာပါ။

မျှော်မှန်းထားသည့် ပြစ်ဒဏ်များနှင့် ကလပ်နှစ်ခု၏ အခြေအနေ
ပရိသတ်များကို ရန်စခြင်းနှင့် စော်ကားသည့် လက်ဟန်ခြေဟန်များ ပြုလုပ်ခဲ့ခြင်းတို့ကြောင့် UEFA စည်းကမ်းထိန်းသိမ်းရေး နည်းဥပဒေ ပုဒ်မ ၁၅ အရ ဂွန်ဒူဇီသည် ချန်ပီယံလိဂ် အုပ်စုအဆင့် ပွဲစဉ် ၁ ပွဲမှ ၃ ပွဲအထိ ပွဲပယ်ပြစ်ဒဏ်နှင့်အတူ တစ်ဦးချင်း ငွေဒဏ်များပါ ချမှတ်ခံရဖို့ ရှိနေပါတယ်။
ဒါ့အပြင် ဖီနာဘာချီ နှင့် အိုလံပစ် လီယွန် ကလပ်နှစ်ခုလုံးလည်း အဖွဲ့အစည်းဆိုင်ရာ ဒဏ်ကြေးများ ကြုံတွေ့ရဖွယ် ရှိနေပါတယ်။ လီယွန်အသင်းသည် ပရိသတ်များ၏ ပစ္စည်းများဖြင့် ပစ်ပေါက်မှု၊ ကွင်းအတွင်း ကျူးကျော်ဝင်ရောက်မှုတို့အတွက် အရေးယူခံရမည်ဖြစ်ပြီး၊ ဂွန်ဒူဇီကို ကွင်းထွက်ပေါက် ဥမင်လိုဏ်ခေါင်းအနီးတွင် ခြေထောက်ဖြင့် ကန်ရန် ကြိုးပမ်းခဲ့သည့် လီယွန် ဂိုးနည်းပြ အန်တိုနီယို ဖာရေးရား သည်လည်း ၃ ပွဲမှ ၅ ပွဲအထိ ပွဲပယ်ပြစ်ဒဏ် ကျခံရဖွယ် ရှိနေပါတယ်။
ချန်ပီယံလိဂ် အုပ်စုအဆင့်ဆီ တက်ရောက်နိုင်ခဲ့သော်လည်း UEFA ၏ ပွဲပယ်နှင့် ငွေဒဏ် ပြစ်ဒဏ်များ ကျရောက်နိုင်ခြေရှိနေသည့် မက်တီယို ဂွန်ဒူဇီတစ်ယောက် နောက်ဆုံးပြစ်ဒဏ် မည်သို့ ထွက်ပေါ်လာမလဲဆိုတာကတော့ မသိရှိရသေးပေမဲ့ သူ့ကစားသမားဘဝရှေ့ရေးအတွက် အပြုအမှုပိုင်း၊ စိတ်ဓါတ်ပိုင်း၊ စည်းကမ်းပိုင်းတွေမှာတော့ ယခုထက် ပြုပြင်ထိန်းသိမ်းဖို့ များစွာလိုအပ်နေပါသေးတယ်။




City က Palace ကို အဝေးကွင်းကနေ သွားဆော့ရမယ်။ Palace က ကွင်းလယ်အားအရမ်းကောင်းတယ်လို့ မခံစားရတဲ့အပြင် Lacroix မရှိတဲ့ ခံစစ...
28/08/2026

City က Palace ကို အဝေးကွင်းကနေ သွားဆော့ရမယ်။ Palace က ကွင်းလယ်အားအရမ်းကောင်းတယ်လို့ မခံစားရတဲ့အပြင် Lacroix မရှိတဲ့ ခံစစ်ကိုလည်း အားမရပါဘူး။ တိုက်စစ်ကတော့ မဆိုးဘူး။

Maresca သာ လူထုတ်ပုံမှန်ရင် ခု Palace စုဖွဲ့မှုကို ရင်ဆိုင်ဖို့ မခက်လောက်ဘူး။ တစ်ဖက်က Arsenal က အဘက်ဘက်က ချို့ယွင်းနေတဲ့ Villa ကို နိုင်လောက်မယ်ဆိုတဲ့ ခံစားချက်မျိုးပေးနေတဲ့အချိန်မှာ City အနေနဲ့လည်း လူထုတ်ပုံမှန်မှန်၊ နေရာမှန်မှန် ပွဲထုတ်လာပြီး သေချာကစားသင့်တယ်။ Cherki ကို လူလဲပြီးနောက်မှာ စားလိုက်ရတဲ့အသီးအပွင့်တွေကြောင့် Maresca အနေနဲ့ သူ့ကို သေချာပေါက်ပွဲထုတ်လာသင့်တယ်လို့လည်း မြင်တယ်။ O’Reilly 10 role အစား Left Back, Cherki 10 role, Guehi မကျွမ်းကျင်သေးတဲ့ DM role ထားဆော့မဲ့အစား Gvardiol နဲ့ CB တွဲပေးလိုက်တာမျိုး၊ Nunes ကို line-up ပေးတာမျိုးတို့ဆို အလုပ်ဖြစ်နိုင်တယ်။

Maresca အနေနဲ့ ဘယ်လိုတွေ ကွန့်ဦးမှာလဲ၊ ရိုးရိုးရှင်းရှင်းလေးပဲ ထွက်လာမလား၊ Palace နည်းပြ Sage အနေနဲ့ရော ဘယ်လိုတွေပြင်ဆင်လာမလဲဆိုတာကို စောင့်ကြည့်ရပါမယ်။


မိမိ အက်သလက်တီကိုအသင်းရဲ့ အမှုဆောင်ချုပ်ဖြစ်နေသရွေ့ အယ်လ်ဗာရက်ဇ် ဘာစီလိုနာကို ပြောင်းရွှေ့ရမှာမဟုတ်ဘူးလို့ ဂီးလ်မာရင်း ပ...
28/08/2026

မိမိ အက်သလက်တီကိုအသင်းရဲ့ အမှုဆောင်ချုပ်ဖြစ်နေသရွေ့ အယ်လ်ဗာရက်ဇ် ဘာစီလိုနာကို ပြောင်းရွှေ့ရမှာမဟုတ်ဘူးလို့ ဂီးလ်မာရင်း ပြောကြား

အက်သလက်တီကိုအသင်းရဲ့ အမှုဆောင်ချုပ်ဖြစ်တဲ့ ဂီးလ်မာရင်က မိမိ လက်ရှိရာထူးမှာ ရှိနေသရွေ့ တိုက်စစ်မှူး အယ်လ်ဗာရက်ဇ် ဘာစီလိုနာကို ပြောင်းရွှေ့ရမှာမဟုတ်ဘူးလို့ ပြောကြားခဲ့ပါတယ်။
အယ်လ်ဗာရက်ဇ်က နွေရာသီအပြောင်းအရွှေ့ဈေးကွက်မပိတ်ခင် ဘာစီလိုနာအသင်းကို ပြောင်းရွှေ့ခွင့်ရဖို့ မျှော်လင့်နေဆဲဖြစ်ပြီး မနေ့က ပြုလုပ်ခဲ့တဲ့ လေ့ကျင့်ရေးအစီအစဉ်ကိုလည်း ပျက်ကွက်ခဲ့ကြောင်း သိရပါတယ်။
အာဂျင်တီးနားတိုက်စစ်မှူး အယ်လ်ဗာရက်ဇ်က ဗီလာရီးယဲလ်နဲ့ ယှဉ်ပြိုင်ခဲ့တဲ့ လာလီဂါပွဲစဉ်မှာ ပရိသတ်တွေရဲ့ ပြင်းထန်တဲ့ လှောင်ပြောင်မှုနဲ့ ရင်ဆိုင်ခဲ့ရပြီးနောက် ဗုဒ္ဓဟူးနေ့က ပြုလုပ်ခဲ့တဲ့ လေ့ကျင့်ရေးအစီအစဉ်မှာ ပါဝင်ခဲ့ခြင်းမရှိပါဘူး။
အက်သလက်တီကိုအသင်းရဲ့ ပြောရေးဆိုခွင့်ရှိသူတစ်ဦးက အယ်လ်ဗာရက်ဇ်အနေနဲ့ နေမကောင်းဖြစ်နေတာကြောင့် လေ့ကျင့်မှုပျက်ကွက်ခဲ့ခြင်းဖြစ်ကြောင်း ပြောကြားခဲ့ပေမဲ့ အပြင်လူတွေကတော့ အပြောင်းအရွှေ့အတွက် အက်သလက်တီကိုအသင်းကို ဖိအားပေးနေခြင်းဖြစ်ဖွယ်ရှိကြောင်း သုံးသပ်ခဲ့ကြပါတယ်။
အယ်လ်ဗာရက်ဇ်က ကြာသပတေးနေ့မှာလည်း လေ့ကျင့်မှုထပ်မံပျက်ကွက်ခဲ့တာဖြစ်ပြီး ဒီအခြေအနေမှာတော့ အက်သလက်တီကိုအမှုဆောင်ချုပ် ဂီးလ်မာရင်းက အယ်လ်ဗာရက်ဇ်ရဲ့ အပြောင်းအရွှေ့နဲ့ပတ်သက်တဲ့ ဆုံးဖြတ်ချက်ကို အတိအလင်း ထုတ်ဖော်ပြောကြားခဲ့တာပါ။
''ကျွန်တော် ဘောလုံးလောကမှာ နှစ်(၃၀)ကျော် ရပ်တည်လာတာပါ။ ကျွန်တော် စကားအများကြီး ပြောလေ့မရှိပါဘူး။ ကျွန်တော် အမှုဆောင်ချုပ်အဖြစ် ရှိနေသရွေ့ အယ်လ်ဗာရက်ဇ် ဘာစီလိုနာကို ပြောင်းရွှေ့ရမှာ မဟုတ်ပါဘူး။ ဒါကို လုံးဝအာမခံနိုင်ပါတယ်'' လို့ ဂီးလ်မာရင်းက ပြောကြားခဲ့ပါတယ်။
အက်သလက်တီကိုအသင်းနဲ့ ၂၀၃၀ ခုနှစ်အထိ စာချုပ်ချုပ်ဆိုထားတဲ့ အယ်လ်ဗာရက်ဇ်က ဘာစီလိုနာအသင်းကို ပြောင်းရွှေ့ခွင့်ပြုဖို့ ၂၀၂၆ ကမ္ဘာ့ဖလားပြိုင်ပွဲကာလမှာကတည်းက တောင်းဆိုထားတာပါ။
ဒါပေမဲ့ အက်သလက်တီကိုအသင်းက လာလီဂါပြိုင်ဘက်အသင်း ပိုမိုအင်အားကောင်းသွားမယ့် အခြေအနေ မဖြစ်စေလိုတာကြောင့် ရောင်းမထုတ်နိုင်ဘူးလို့ တုံ့ပြန်ခဲ့ပြီး အယ်လ်ဗာရက်ဇ်အနေနဲ့ မဖြစ်မနေ လမ်းခွဲလိုတယ်ဆိုရင် ပြည်ပကလပ်ဆီသာ ရောင်းထုတ်နိုင်မယ်လို့ အသိပေးထားပါတယ်။
အယ်လ်ဗာရက်ဇ်ကို ခေါ်ယူဖို့ ဘာစီလိုနာနဲ့အပြိုင် ကြိုးပမ်းနေတာက အာဆင်နယ်အသင်းဖြစ်ပြီး လက်ရှိအခြေအနေမှာတော့ အယ်လ်ဗာရက်ဇ်အနေနဲ့ အာဆင်နယ်ကို ပြောင်းရွှေ့မလား၊ အက်သလက်တီကိုမှာ ဆက်နေမလားဆိုတာသာ ရွေးချယ်ရမယ့်အနေအထား ဖြစ်နေပါတယ်။



စတန်းဖို့ဒ်ဘရစ်ချ်သို့ ပေါင် ၇.၅ သန်းဖြင့် ရောက်ရှိလာသည့် ကမ္ဘာ့ဖလားချန်ပီယံ ဂိုးသမား အီမီလီယာနို မာတီနက်ဇ်ချဲလ်ဆီးအသင်း...
27/08/2026

စတန်းဖို့ဒ်ဘရစ်ချ်သို့ ပေါင် ၇.၅ သန်းဖြင့် ရောက်ရှိလာသည့် ကမ္ဘာ့ဖလားချန်ပီယံ ဂိုးသမား အီမီလီယာနို မာတီနက်ဇ်

ချဲလ်ဆီးအသင်းသည် အက်စတွန်ဗီလာအသင်း၏ ကမ္ဘာ့ဖလားချန်ပီယံ အာဂျင်တီးနား ဂိုးသမား အီမီလီယာနို မာတီနက်ဇ် ကို ပေါင် ၇.၅ သန်းဖြင့် ခေါ်ယူရန် သဘောတူညီမှု ရရှိသွားခဲ့ပြီ ဖြစ်ပါတယ်။
အသက် ၃၃ နှစ်အရွယ် မာတီနက်ဇ်သည် စတန်းဖို့ဒ်ဘရစ်ချ်ဆီ ပြောင်းရွှေ့ရန် မီးစိမ်းပြခဲ့ပြီးဖြစ်သလို၊ ၁ နှစ် ထပ်မံတိုးမြှင့်ခွင့် ပါဝင်သည့် ၂ နှစ်စာချုပ်ကို လက်မှတ်ရေးထိုးသွားမည် ဖြစ်ပါတယ်။ လက်ရှိ ပွဲထွက်ဂိုးသမား ရောဘတ် ဆန်းချက်ဇ်၏ လတ်တလော အမှားအယွင်းများအပြီးတွင် ဂိုးဧရိယာအတွင်း ထိပ်တန်း အတွေ့အကြုံ ရင့်ကျက်မှု ရရှိစေရန်အတွက် ချဲလ်ဆီးက မာတီနက်ဇ်ကို လျှင်မြန်စွာ ပစ်မှတ်ထား ခေါ်ယူခဲ့ခြင်းပါ။ အက်စတွန်ဗီလာအသင်းသည် ပါးမားအသင်းမှ ဂျပန် ဂိုးသမား ဇီယွန် ဆူဇူကီး ကို နံပါတ် ၁ ဂိုးသမားအဖြစ် အစားထိုး ခေါ်ယူခဲ့ပြီးနောက် မာတီနက်ဇ် ကိုအလွယ်တကူ ထွက်ခွါခွင့်ပြုခဲ့တာလည်းဖြစ်ပါတယ်။

Two clubs, one window, four transfers
ဒီအပြောင်းအရွှေ့သည် ယခုနှစ် နွေရာသီ အပြောင်းအရွှေ့တစ်ခုအတွင်း ချဲလ်ဆီးနှင့် အက်စတွန်ဗီလာ ကြား ဖြစ်ပေါ်ခဲ့တဲ့ ၄ ကြိမ်မြောက်အပြောင်းအရွှေ့လည်းဖြစ်ပါတယ်။ အပြောင်းအရွှေ့ အစောပိုင်းတွင် မော်ဂန် ရော်ဂျာ၊ အလက်ဟန်ဒရို ဂါနာချို တို့၏ အပြောင်းအရျွေ့များ ဖြစ်ပေါ်ခဲ့ပြီး၊ ယနေ့အတွင်း ပြီးစီးခဲ့သည့် တိုက်စစ်မှူး နီကိုလတ်စ် ဂျက်ဆင် ၏ အပြောင်းအရွှေ့အပြီး ၄ ကြိမ်မြောက်အပြောင်းအရွှေ့လည်းဖြစ်ပါတယ်။
လက်ရွေးစင်နှင့် ကလပ်အသင်း အောင်မြင်မှုပေါင်းများစွာ ပိုင်ဆိုင်ထားသည့် မာတီနက်ဇ် တစ်ယောက် စတန်းဖို့ဒ်ဘရစ်ချ်မြေမှာ ချဲလ် ဆီး၏ ဂိုးပေါက်ကို အကာအကွယ်ပေးသွားနိုင်မလားဆိုတာ စိတ်ဝင်စားဖွယ် စောင့်ကြည့်ရတော့မှာပဲ ဖြစ်ပါတယ်။




နီကိုလတ်စ် ဂျက်ဆင် အက်စတွန်ဗီလာသို့ ပြောင်းရွှေ့ကြေး ပေါင် ၆၅ သန်းဖြင့် ရောက်ရှိအက်စတွန်ဗီလာအသင်းသည် ချဲလ်ဆီးအသင်း၏ ဆီနီ...
27/08/2026

နီကိုလတ်စ် ဂျက်ဆင် အက်စတွန်ဗီလာသို့ ပြောင်းရွှေ့ကြေး ပေါင် ၆၅ သန်းဖြင့် ရောက်ရှိ

အက်စတွန်ဗီလာအသင်းသည် ချဲလ်ဆီးအသင်း၏ ဆီနီဂေါ တိုက်စစ်မှူး နီကိုလတ်စ် ဂျက်ဆင် ကို အတည်ပြု ခေါ်ယူနိုင်ခဲ့ပြီဖြစ်ကြောင်း တရားဝင် ထုတ်ပြန်ကြေညာခဲ့ပါတယ်။
အပြောင်းအရွှေ့အတွက် အက်စတွန်ဗီလာအသင်းသည် စုစုပေါင်း ပေါင် ၆၅ သန်းအထိ ကျသင့်မည့် သဘောတူညီမှုကို ရယူနိုင်ခဲ့တာပါ။ ချဲလ်ဆီးအသင်းအနေဖြင့် ကနဦး ပေးချေကြေးအဖြစ် ပေါင် ၄၇.၅ သန်း ရရှိမည်ဖြစ်ပြီး ကျန်ရှိသည့် ပမာဏကို ကစားသမား၏ စွမ်းဆောင်ရည်အပေါ် မူတည်သည့် ထပ်ဆောင်းကြေးများအဖြစ် စနစ်တကျ ပိုင်းခြား သတ်မှတ်ထားပါတယ်။

ဆေးစစ်မှု၊ စာချုပ်နှင့် အီမရီနှင့် ပြန်လည်ဆုံဆည်းမှု
ဂျက်ဆင်သည် ဆေးစစ်မှု အဆင့်ဆင့်ကို အောင်မြင်စွာ စစ်ဆေးပြီးစီးခဲ့ပြီးနောက် ဗီလာပါ့ခ် တွင် ရေရှည်စာချုပ် လက်မှတ်ရေးထိုးခဲ့တာပါ။
ဒီပြောင်းရွှေ့မှုသည် ဂျက်ဆင်အတွက် ဗီလာရီးရဲလ်အသင်းတွင် ခြေစွမ်းပြသနိုင်ခဲ့သည့် ကာလအတွင်း လက်တွဲခဲ့ဖူးသူ နည်းပြ အူနိုင်း အီမရီ နှင့် ပြန်လည်ဆုံဆည်းခွင့် ရရှိစေခဲ့ပါတယ်။

အဓိက တိုက်စစ်မှူး အိုလီ ဝပ်ကင်းစ် ဆော်ဒီပရိုလိဂ်ကလပ် အယ်လ်ဟီလာအသင်းဆီ ပြောင်းရွှေ့သွားခဲ့ပြီးနောက် ဖြစ်ပေါ်လာသည့် အက်စတွန်ဗီလာ၏ တိုက်စစ်ကွက်လပ်ကို ဖြည့်ဆည်းရန်အတွက် ဂျက်ဆင် ရောက်ရှိလာခြင်းလည်း ဖြစ်ပါတယ်။
ဆရာဟောင်း အီမရီ၏ လက်အောက်ဆီ ပြန်လည်ရောက်ရှိလာသည့် နီကိုလတ်စ် ဂျက်ဆင်တစ်ယောက် ဗီလာပါ့ခ်မြေမှာ သူ၏ အကောင်းဆုံး ခြေစွမ်းကို ပြန်လည် ဖော်ထုတ်ပြီး အသင်း၏ တိုက်စစ်ကို ဦးဆောင်သွားနိုင်မလားဆိုတာကတော့ စိတ်ဝင်စားဖွယ် စောင့်ကြည့်ရတော့မှာပဲ ဖြစ်ပါတယ်။




၂၀၂၆-၂၇ ရာသီ ချန်ပီယံလိဂ်ပြိုင်ပွဲကို ယှဉ်ပြိုင်ခွင့်ရရှိတဲ့ (၃၆)သင်းစလုံး ထွက်ပေါ်လာခဲ့ပြီဖြစ်ပြီး ဒီည မဲခွဲပွဲ ပြုလုပ်...
27/08/2026

၂၀၂၆-၂၇ ရာသီ ချန်ပီယံလိဂ်ပြိုင်ပွဲကို ယှဉ်ပြိုင်ခွင့်ရရှိတဲ့ (၃၆)သင်းစလုံး ထွက်ပေါ်လာခဲ့ပြီဖြစ်ပြီး ဒီည မဲခွဲပွဲ ပြုလုပ်မယ်

မနေ့ညက ယှဉ်ပြိုင်ခဲ့တဲ့ ချန်ပီယံလိဂ် Play-offs ပွဲစဉ်တွေအပြီးမှာ ၂၀၂၆-၂၇ ရာသီ ချန်ပီယံလိဂ်ပြိုင်ပွဲကို ယှဉ်ပြိုင်ခွင့်ရရှိတဲ့ (၃၆)သင်းစလုံး အဖြေထွက်ပေါ်လာခဲ့ပါပြီ။
၂၀၂၆-၂၇ ရာသီ ချန်ပီယံလိဂ်ပြိုင်ပွဲကို ပြီးခဲ့တဲ့ရာသီက ပုံစံအတိုင်းပဲ ဆက်လက်ကျင်းပသွားမှာဖြစ်ပြီး ပြိုင်ပွဲဝင်အသင်းတွေအနေနဲ့ တစ်သင်းကို (၈)ပွဲစီ ယှဉ်ပြိုင်ကစားသွားရမှာပါ။
League Phase အဆင့် အမှတ်ပေးဇယားမှာ အဆင့်(၁)ကနေ (၈)အထိ ရပ်တည်နိုင်တဲ့(၈)သင်းက ရှုံးထွက်(၁၆)သင်းအဆင့်ကို တိုက်ရိုက်တက်ရောက်ခွင့်ရမှာဖြစ်ပါတယ်။
အဆင့်(၉)ကနေ အဆင့်(၁၆)အထိ ရပ်တည်နိုင်တဲ့(၈)သင်းက Knockout Play-offs အဆင့်ကို ဆီဒင်ရအသင်းတွေအဖြစ် တက်ရောက်နိုင်မှာဖြစ်ပြီး အဆင့်(၁၇)ကနေ အဆင့်(၂၄)အထိ ရပ်တည်နိုင်တဲ့(၈)သင်းက Knockout Play-offs အဆင့်ကို ဆီဒင်မဲ့အသင်းတွေအဖြစ် တက်ရောက်ရမှာပါ။
အဆင့်(၂၅)ကနေ အဆင့်(၃၆)ရပ်တည်တဲ့ အသင်း(၈)သင်းကတော့ ပြိုင်ပွဲက ထွက်ခွာရမှာဖြစ်ပါတယ်။
၂၀၂၆-၂၇ ရာသီ ချန်ပီယံလိဂ်ပြိုင်ပွဲရဲ့ League Phase အဆင့်ကို ယှဉ်ပြိုင်ခွင့်ရရှိတဲ့အသင်းတွေထဲမှာ အီတလီကလပ် ကိုမို၊ သြစတြီးယားကလပ် LASK၊ အဇာဘိုင်ဂျန်ကလပ် ဆာဘာ၊ နော်ဝေကလပ် ဗိုက်ကင်းတို့က ပထမဆုံးအကြိမ် ယှဉ်ပြိုင်ခွင့်ရရှိ ခြင်းဖြစ်ကြောင်း သိရပါတယ်။
ပြိုင်ပွဲဝင်အသင်း(၃၆)သင်းကို UEFA ရဲ့ ကလပ်အသင်းအဆင့်သတ်မှတ်ချက်အပေါ် မူတည်ပြီး Pot(၄)ခု ခွဲခြားထားပါတယ်။
ပြိုင်ပွဲဝင်အသင်းတစ်သင်းက Pot တစ်ခုစီက ပြိုင်ဘက်(၂)သင်းစီနဲ့ ဆုံတွေ့ရမှာဖြစ်ပြီး ဘယ်ပြိုင်ဘက်တွေနဲ့ ဆုံတွေ့ရမလဲဆိုတာ ဒီည မဲခွဲပွဲမှာ သိရှိရမှာပါ။
လက်ရှိ Pot တွေ ခွဲခြားထားမှုအရ Pot(1) မှာ ပါဝင်တဲ့ (၉)သင်းက လက်ရှိချန်ပီယံ PSG၊ ဘိုင်ယန်မြူးနစ်၊ ရီးယဲလ်မက်ဒရစ်၊ လီဗာပူးလ်၊ အင်တာမီလန်၊ မန်စီးတီး၊ အာဆင်နယ်၊ ဘာစီလိုနာနဲ့ အက်သလက်တီကိုတို့ ဖြစ်ပါတယ်။
Pot(2) မှာ ပါဝင်တဲ့ (၉)သင်းက ဒေါ့မွန်၊ ရိုးမား၊ စပို့တင်းလစ္စဘွန်း၊ အက်စတွန်ဗီလာ၊ ပေါ်တို၊ မန်ယူနိုက်တက်၊ ကလပ်ဘရုဂေး၊ ဘက်တစ်နဲ့ PSV တို့ဖြစ်ပြီး Pot(3) မှာ ပါဝင်တဲ့ (၉)သင်းက ဖီယင်နု၊ လိုင်လီ၊ ဘိုဒိုဂလင့်၊ နာပိုလီ၊ လိုက်ပ်ဇစ်၊ ဗီလာရီးယဲလ်၊ ဖီနာဘာချီ၊ ရှက်တာဒိုးနက်နဲ့ ဂါလာတာစာရေးတို့ ဖြစ်ပါတယ်။
Pot(4) မှာ ပါဝင်တဲ့ (၉)သင်းက ဆလားဗီးယားပရပ်ဂ်၊ ဆလိုဗန်၊ စတုဂတ်၊ AEK အေသင်၊ LASK၊ ကိုမို၊ လန်းစ်၊ ဗိုက်ကင်းနဲ့ ဆာဘာတို့ ဖြစ်ပါတယ်။
မဲခွဲပွဲကို ဒီနေ့ည ကျင်းပမှာဖြစ်ပြီး ပွဲစဉ်(၁)ကို စက်တင်ဘာက(၈)ရက်မှာ စတင်ယှဉ်ပြိုင်ရမှာပါ။


Address

Onnut

10110

Website

Alerts

Be the first to know and let us send you an email when မြက်ခင်းစိမ်းပေါ်မှ အတွေးစများ posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Gym/sports Facility?

Share