31/07/2026
💔 ပျောက်ဆုံးနေတဲ့ ရုရှားမောင်နှမရဲ့ သတင်းဟာ နောက်ဆုံးမှာ ဝမ်းနည်းဖွယ်အဆုံးသတ်ကို ရောက်ရှိခဲ့ပါတယ်။
လက်ရှိအချိန်မှာ ထိုင်းရဲတပ်ဖွဲ့က သံသယရှိသူ ၂ ဦးကို ဖမ်းဆီးထားပြီး၊ ၎င်းတို့က ရုရှားမောင်နှမကို သတ်ဖြတ်ခဲ့ကြောင်း ဝန်ခံထားတယ်လို့ ထိုင်းမီဒီယာတွေက ဖော်ပြထားပါတယ်။ မောင်လေးကို သေနတ်ဖြင့် ပစ်သတ်ပြီး၊ အစ်မကို ရိုက်နှက်သတ်ဖြတ်ခဲ့ကြောင်း၊ အလောင်းများကို ဖုံးကွယ်မြှုပ်နှံထားသည့်နေရာသို့လည်း ရဲတပ်ဖွဲ့ကို လိုက်ပြခဲ့တယ်လို့ သိရပါတယ်။ ကနဦးစုံစမ်းမှုအရ ရည်ရွယ်ချက်မှာ ဆိုင်ကယ်လုယက်ရန်ဖြစ်တယ်လို့ ယူဆထားပါတယ်။
ပတ္တယားဒေသမှာ ပျောက်ဆုံးနေခဲ့တဲ့ အသက် ၂၂ နှစ်အရွယ် အစ်မနဲ့ အသက် ၁၇ နှစ်အရွယ် မောင်လေးတို့ကို သတ်ဖြတ်ခဲ့ကြောင်း သံသယရှိသူ ထိုင်းနိုင်ငံသား ၂ ဦးက ဝန်ခံထားတယ်လို့ ထိုင်းမီဒီယာများက ဖော်ပြထားပါတယ်။
စုံစမ်းစစ်ဆေးမှုအရ...
▪️ မောင်လေးကို သေနတ်ဖြင့် ပစ်သတ်ခဲ့ပြီး
▪️ အစ်မကို ရိုက်နှက်သတ်ဖြတ်ခဲ့ကြောင်း သိရပါတယ်။
ထို့နောက် ကျူးလွန်သူများက မောင်နှမနှစ်ဦးရဲ့ အလောင်းတွေကို ဖုံးကွယ်မြှုပ်နှံထားခဲ့ပြီး အဆိုပါနေရာကိုလည်း ရဲတပ်ဖွဲ့အား လိုက်ပြခဲ့တယ်လို့ ဆိုပါတယ်။
ကနဦး စစ်ဆေးချက်များအရ ကျူးလွန်သူများဟာ မောင်နှမစီးလာတဲ့ ဆိုင်ကယ်ကို လုယူလိုတဲ့ ရည်ရွယ်ချက်နဲ့ ကျူးလွန်ခဲ့တာဖြစ်နိုင်ကြောင်း စုံစမ်းရေးအဖွဲ့က ယူဆနေပါတယ်။
အပြစ်မဲ့ လူငယ်မောင်နှမနှစ်ယောက်ရဲ့ အသက်ကို ရက်ရက်စက်စက် နုတ်ယူခဲ့တဲ့ ဒီဖြစ်ရပ်ဟာ ထိုင်းနိုင်ငံတစ်ဝန်းကို တုန်လှုပ်ဝမ်းနည်းစေခဲ့ပြီး လူမှုကွန်ရက်တွေမှာလည်း ကျူးလွန်သူတွေကို ဥပဒေအရ အပြင်းထန်ဆုံး ပြစ်ဒဏ်ချမှတ်ပေးဖို့ တောင်းဆိုမှုတွေ ဆက်လက်မြင့်တက်နေပါတယ်။
🕊️ သေဆုံးသွားတဲ့ မောင်နှမနှစ်ယောက် ကောင်းရာသုဂတိလားပါစေ။
📌 သတင်းအရင်းမြစ် - ข่าวสด / ထိုင်းရဲတပ်ဖွဲ့ စုံစမ်းစစ်ဆေးမှုသတင်းများ
