เว็บไซต์คืออะไร?

LifeLive by Dr Aung Ye Htut

Notes on life. Ideas for growth. Reminders to breathe. LifeLive is a space for thoughts, growth, and inspiration.

Here, you’ll find reflections on life, practical ideas, and simple reminders to stay grounded and move forward. Whether it's about mindset, everyday experiences, or meaningful moments, LifeLive is about living with more awareness and intention. Follow along for honest thoughts and shared journeys.

20/03/2026

ခေါင်းဆောင်ဆိုတာ အမြဲတမ်း အသံအကျယ်ဆုံးဖြစ်ရမယ်၊ အရာရာကို သိနေရမယ်လို့ ထင်နေပါသလား?
တကယ်တော့ ဒီလိုအယူအဆအမှားတွေက ကိုယ့်ကိုရော ကိုယ့်ရဲ့ Team ကိုပါ ရှေ့မဆက်နိုင်အောင် ဆွဲထားတတ်ပါတယ်။
ဒီဗီဒီယိုမှာ လူအများစု အထင်မှားနေကြတဲ့ ခေါင်းဆောင်မှုဆိုင်ရာ အယူအဆ (၅) ခုကို ရှင်းပြထားပါတယ်။

13/03/2026

ကျွန်တော်တို့ နေ့တိုင်းကြုံနေရတဲ့ ပြဿနာတွေရဲ့ အရင်းခံဟာ တစ်ယောက်နဲ့တစ်ယောက် "ကြားအောင်" နားမထောင်နိုင်ကြလို့ပါပဲ။ အသံကို ကြားနေရပေမဲ့ ဘာလို့ အဓိပ္ပာယ်တွေ လွဲကုန်ကြတာလဲ?

ဒီဗီဒီယိုမှာ -
✅ နားထောင်ခြင်းကို အဟန့်အတားဖြစ်စေတဲ့ အချက်များ
✅ နားလည်မှုလွဲခြင်းကို ကျော်လွှားနိုင်မယ့် နားထောင်ခြင်း Level (၃) ဆင့်
✅ သေချာနားထောင်တတ်ဖို့ လေ့ကျင့်နည်း
တွေကို ရှင်းပြထားပါတယ်။

06/03/2026

အလုပ်ခွင်မှာ Authentic ဖြစ်ဖို့ ကြိုးစားရင်းနဲ့ ကိုယ့်ကိုယ်ကိုယ် ဒုက္ခပေးမိနေပြီလား။

တကယ်တော့ ကျွန်တော်တို့တော်တော်များများက Authentic ဖြစ်တာကို "စိတ်ထဲရှိသမျှ အကုန်ထုတ်ပြောတာ" ဒါမှမဟုတ် "ဘာနေနေ ဂရုမစိုက်ဘဲ ရိုးသားပြတာ" လို့ အထင်မှားတတ်ကြတယ်။

ဒါကြောင့် ကျွန်တော်ကိုယ်တိုင် ကြုံတွေ့ခဲ့ရတဲ့ အမှားတွေနဲ့အတူ အလုပ်မှာ ကိုယ်တိုင်လည်း ဒုက္ခမရောက်ဘဲ Be Yourself ဖြစ်အောင်နေဖို့ Value-Action Alignment အကြောင်းကို ဒီဗီဒီယိုမှာ အသေးစိတ် ပြောထားပါတယ်။

27/02/2026

ဉာဏ်မကောင်းဘူးလို့ ပြောတဲ့သူကို ကြည့်လိုက်ရင် အများစုက သူတို့ဉာဏ်မကောင်းချင်တဲ့ နေရာပဲ ကွက်မကောင်းတာ။
ကွက်ကြားမိုးပေါ့…
အဲ့ဒါဆို တစ်ခုခုကို လေ့လာတဲ့အခါ သင်ယူရခက်နေတာ ဘာကြောင့်လဲ?
အကြောင်းရင်းနဲ့ အဖြေကို ဒီဗီဒီယိုမှာ ပြောပြထားပါတယ်။

21/02/2026

ပြီးခဲ့တဲ့လက ကျွန်တော် Sharjah Entrepreneurship Festival ကို သွားရောက်ခဲ့ပါတယ်။ ပွဲကနေ ရရှိခဲ့တဲ့ နယ်ပယ်တိုင်းအတွက် အသုံးဝင်မယ့် Founder Mindset သင်ခန်းစာ (၃) ခုကို ဗီဒီယိုထဲမှာ အနှစ်ချုပ် မျှဝေထားပါတယ်။

အကြိုက်ဆုံးအချက်ကတော့ “Build the self who builds the business” ဆိုတာပါပဲ။

Khabib နဲ့ Vettel တို့ အပါအဝင် ကမ္ဘာကျော်ပုဂ္ဂိုလ်တွေဆီက တွေ့မြင်ကြားသိခဲ့ရသမျှကို အတူတူကြည့်လိုက်ရအောင်...

𝐾ℎ𝑎𝑏𝑖𝑏 & 𝑉𝑒𝑡𝑡𝑒𝑙 𝑏𝑎𝑛𝑛𝑒𝑟𝑠 𝑐𝑜𝑢𝑟𝑡𝑒𝑠𝑦 𝑜𝑓 𝑆ℎ𝑎𝑟𝑗𝑎ℎ 𝐸𝑛𝑡𝑟𝑒𝑝𝑟𝑒𝑛𝑒𝑢𝑟𝑠ℎ𝑖𝑝 𝐹𝑒𝑠𝑡𝑖𝑣𝑎𝑙

18/02/2026

Inspired by .buddhist

14/02/2026

ခေါင်းရှုပ်စိတ်ရှုပ်လာရင် ဘယ်သူ့မှလည်း မပြောချင်ဘူး (သို့) ပြောရမယ့်သူ မရှိဘူး (သို့) နားထောင်ပေးမယ့်သူက မအားဘူး အချိန်မပေးနိုင်ဘူး ဆိုတဲ့အချိန်တွေမှာ ဘာလုပ်လို့ရလဲ။
ကျွန်တော်တို့က ခေါင်းထဲမှာ အချိန်တော်တော်များများ နေကြတယ်မလား။
အိမ်ရှင်းသလိုပဲ ခေါင်းထဲက အမှိုက်တွေကိုလည်း ရှင်းဖို့လိုတယ်။

11/02/2026

ပြောင်းလဲရမှာ
ကြောက်တယ်ဆိုရင်
ဒုံရင်းက ဒုံရင်းပဲ ဖြစ်မှာကိုရော
မကြောက်ဘူးလား…

Image credit:

07/02/2026

ထောင်လွှားမှုမရှိဘဲ နှိမ့်ချတာ ကောင်းပါတယ်
ဒါပေမယ့် ဘယ်လယ်ဗယ်ထိ နှိမ့်ချမှာလဲ?

03/02/2026

တကယ်လို့သာ ပြောတဲ့အတိုင်း ဆိုလိုရင်းကို တစ်ယောက်နဲ့တစ်ယောက် ကြားအောင် နားထောင်နိုင်မယ်ဆိုရင် ပြဿနာတွေ၊ နားလည်မှုလွဲတာတွေ၊ အထင်လွဲမှုတွေ တော်တော်များများ လျော့သွားမှာ သေချာပါတယ်။ ဒီ့ထက်တစ်ဆင့်တက်ပြီး တစ်ဖက်လူ မပြောဘဲ ချန်ထားခဲ့တဲ့ အဓိပ္ပါယ်ကိုပါ ကြားအောင် နားထောင်နိုင်မယ်ဆိုရင်တော့ ကိုယ်ဟာ ယုံကြည်ထိုက်တဲ့သူတစ်ယောက်၊ နားလည်မှုရှိပြီး သဘောထားပြည့်ဝတဲ့လူတစ်ယောက်အဖြစ် တစ်ဖက်လူရဲ့ လေးစားမှု၊ နေရာပေးခံရမှုတွေကို ရလာဖို့ရှိတယ်။

စီးပွားရေးမှာဆိုရင်လည်း အခွင့်အလမ်းတွေ အများကြီးတိုးလာမယ်၊ လူမှုရေးမှာလည်း အောင်မြင်မယ်။ နောက် ကိုယ်တိုင်ကလည်း အကြောင်းစုံကို နားလည်နေတဲ့အတွက် မလိုအပ်ဘဲ ခံစားရတာ၊ စိတ်တိုရတာတွေ နည်းပြီး စိတ်အေးချမ်းမှုလည်း ရှိလာမှာပါ။

အဲ့တော့ ဒါတွေဖြစ်လာဖို့ဆို ကျွန်တော်တို့ရဲ့ နားထောင်တဲ့ လယ်ဗယ်ကို မြှင့်ဖို့လိုပါတယ်။ Communication ပညာရှင်တွေလက်ခံထားတဲ့ နားထောင်တဲ့ အဆင့် သုံးဆင့် ရှိတယ်။

အဆင့် (၁) ကိုယ့်အတွေးနဲ့ကိုယ် နားထောင်ခြင်း

ဒီအဆင့်ကတော့ ကျွန်တော်ရှေ့မှာ ပြောထားတဲ့၊ လူအများစုနားထောင်ကြတဲ့ အဆင့်ပေါ့။ ကိုယ်ကြားချင်တာကိုပဲ ရွေးနားထောင်တာ။ ဘက်လိုက်မှု‌တွေ၊ အတ္တတွေ၊ ကြိုတင်ဆုံးဖြတ်ချက်တွေနဲ့ နားထောင်နေတာ။ ကိုယ့်စိတ်က ပြောတဲ့သူဆီမှာ မရှိဘူး၊ ပြောတဲ့နေရာမှာ မရှိဘူး။ လွင့်ချင်ရာလွင့်နေတာ။ အဲ့တော့ မကြားတစ်ချက်၊ ကြားတစ်ချက်။ ကိုယ့်ဖာသာ မကြားလိုက်တာကို ပြောမသွားပါဘူးဆိုပြီး ငြင်းတာ ဒီလိုနားထောင်နေလို့ပါ။
ပြဿနာပေါင်း သောင်းခြောက်ထောင်ကို ဖန်တီးတဲ့ အဆင့်လို့ ပြောလို့ရတယ်။ ‘Listen to reply’ ဆိုလည်း ဟုတ်တယ်။

အဆင့် (၂) နားလည်အောင် အာရုံစိုက်နားထောင်ခြင်း

ကိုယ်ရောစိတ်ရောက ပြောနေတဲ့ တစ်ဖက်လူဆီမှာ ရှိနေတယ်။ အာရုံစိုက်ပြီး သေချာနားထောင်တယ်။ ပြန်ပြောဖို့ထက် သူဘာပြောနေလဲဆိုတာကို နားလည်အောင် ကြိုးစားပြီး နားထောင်တာပေါ့။ သင်ယူဖို့ နားထောင်တယ်လို့ ပြောချင်လည်း ရတယ်။ ‘Listen to understand’ ဒါမှမဟုတ် ‘Listen to learn’ ဆိုပါတော့။

အဆင့် (၃) မပြောတာကို ကြားအောင်နားထောင်ခြင်း

ဒါကတော့ အမြင့်ဆုံးအဆင့်ပေါ့။
လူတိုင်းက စကားပြောရင် စိတ်ထဲရှိတဲ့အတိုင်း၊ တွေးတဲ့အတိုင်း အကုန်ပြောလေ့မရှိကြပါဘူး။ သွယ်ဝိုက်ပြောတာ ရှိတယ်၊ ဖုံးကွယ်ပြောတာရှိတယ်၊ သကာရည်လောင်းပြီး ပြောတာရှိသလို အလွန်အကြူး ဇာချဲ့ပြီးလည်း ပြောကြတယ်။ နည်းမျိုးစုံပေါ့။ ဒါကြောင့်ပဲ ‘Yes means No’ တို့၊ ‘No means Yes’ တို့ဆိုတဲ့စကားတွေ ပေါ်လာကြတာ။

တကယ်တမ်း ပြောနေတဲ့အကြောင်းအရာအပြင် ကိုယ်အမူအရာ၊ မျက်နှာအမူအရာတွေကိုပါ သေချာအကဲခတ်ပြီး နားထောင်တတ်မှ၊ တစ်ဖက်သား ပြောမသွားတဲ့ စကားတွေကို ကြားတတ်လာမှာ။ ရင်ဘတ်ဖွင့်ပြီး နားထောင်မှ ရင်ဘတ်ချင်းနီးမှာလို့ ဆိုကြပါစို့။ ဒီလိုနားထောင်ပေးတဲ့သူနဲ့ စကားပြောပြီးသွားရင် ကိုယ့်ကိုနားလည်တဲ့သူ ရှိပါလားလို့ ဝမ်းသာရတယ်။ ကိုယ့်ကို မြင်တယ်၊ ကြားတယ်လို့လည်း ခံစားရတယ်။

သိတဲ့အတိုင်း နားထောင်တတ်ဖို့ကလည်း မာမားခေါက်ဆွဲလို သုံးမိနစ်လောက်နဲ့ ချက်ခြင်းလက်ငင်း ဖြစ်လာမှာတော့ မဟုတ်ပါဘူး။ လချီ နှစ်ချီကြာအောင် ကြိုးစားလေ့ကျင့်ရတဲ့ skill တစ်ခုပါ။ အနည်းဆုံးတော့ တစ်ဖက်သားပြောချင်တဲ့ ဆိုလိုရင်းကို နားလည်အောင် နားထောင်မယ်ဆိုရင် ကမ္ဘာတွေခြားပြီး ဝေးနေစရာ မလိုတော့ဘူးပေါ့။

ဒီအပုဒ်က ဒုတိယပိုင်း ဖြစ်ပါတယ်။ ပထမပိုင်း 'ဘာလို့ ငါတို့ တစ်ယောက်ပြောတာ တစ်ယောက် မကြားကြတာလဲ' ကို ဖတ်ချင်ရင် ကွန်မန့်မှာ လင့်ရှိပါတယ်။

🔹🔹🔹
May we master the game called Life. 💡🌟
See you in the next post! 👋😊