21/08/2026
🏆 ချန်ပီယံခရီးလမ်းမှာ ပါရမီဖြည့်ပေးခဲ့တဲ့ အကယ်ဒမီကစားသမားတွေကို ပေါင် ၂၀၀၀၀ စီ ဘောနပ်ပေးအပ်ခဲ့တဲ့အာဆင်နယ် 💸
🔸အာဆင်နယ်အသင်းဟာ ပြီးခဲ့တဲ့ရာသီက ပရီးမီးယားလိဂ်ဖလား ဆွတ်ခူးနိုင်ခဲ့မှုမှာ ပါဝင်ကူညီပေးခဲ့ကြတဲ့ အကယ်ဒမီ လူငယ်ကစားသမားတွေကို ပေါင် ၂၀,၀၀၀ စီ ဆုကြေးငွေ ပေးအပ်ခဲ့တယ်လို့ သိရပါတယ်။
ဟေးလ်အန့်အကယ်ဒမီထွက် လူငယ်ကစားသမား အများအပြားဟာ နည်းပြ မီခေးလ် အာတေတာရဲ့ ပထမအသင်းကြီးနဲ့အတူ ပုံမှန် လေ့ကျင့်ခန်းဆင်းခဲ့ကြပြီး လေ့ကျင့်ရေးကွင်းထဲမှာ ပြိုင်ဘက်အသင်းနေရာကနေ ပါဝင်ကစားပေးရင်း အသင်းကြီးရဲ့ ပွဲကြိုပြင်ဆင်မှုတွေကို များစွာကူညီပေးခဲ့ကြပါတယ်။
အချို့လူငယ်ကစားသမားတွေက အသင်းရဲ့ တရားဝင်ပွဲစဉ်တွေမှာ ဝင်ရောက်ကစားခွင့် မရခဲ့ကြပေမဲ့လည်း ရာသီတစ်ခုလုံး လိုက်ပါကူညီပေးခဲ့တဲ့ သူတို့ရဲ့ ကွင်းနောက်ကွယ်က ကြိုးပမ်းအားထုတ်မှုတွေကို အာဆင်နယ်အသင်းဘက်က အလေးအနက်ထား အသိအမှတ်ပြုပေးခဲ့တာ ဖြစ်ပါတယ်။
ဒါကြောင့်လည်း ပထမအသင်းကြီးနဲ့အတူ ပါဝင်ကူညီပေးခဲ့ကြတဲ့ လူငယ်ကစားသမားတွေကို အသင်းဘက်က ကျေးဇူးတုံ့ပြန်တဲ့အနေနဲ့ ပေါင် ၂၀,၀၀၀ စီ ဂုဏ်ပြုဆုကြေး ပေးအပ်ခဲ့ပါတယ်။
ပရိတ်သတ်တွေကတော့ ဒီသတင်းကိုကြားပြီး အကယ်ဒမီကစားသမားတွေအပေါ် အာဆင်နယ်အသင်းရဲ့ အသိအမှတ်ပြုမူက အတုယူဖွယ်ကောင်းပြီး သိပ့်ကို လှပတဲ့ လေးစားဖွယ် လုပ်ရပ်တစ်ခုလို့ ချီးကျူးနေကြပါတယ်။
