Let Me Talk

Let Me Talk Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

▪️What We Talk About When We Talk About City ▪️

ဆော်ဒီလိဂ်ကို စတီဖန်အော်တေဂါရောက်သွားနိုင်ချေတစ်ခုက လွဲလို့ စီးတီးရဲ့ Transfer Window ဟာ လက်ရှိမှာ ပြည်ဖုံးကားချခဲ့ပြီလိ...
06/02/2026

ဆော်ဒီလိဂ်ကို စတီဖန်အော်တေဂါရောက်သွားနိုင်ချေတစ်ခုက လွဲလို့ စီးတီးရဲ့ Transfer Window ဟာ လက်ရှိမှာ ပြည်ဖုံးကားချခဲ့ပြီလို့ပဲ ဆိုရပါမယ်။

ဒီဈေးကွက်ဟာ စီတီဇင်တွေအတွက် ခံစားချက်အဖုံဖုံရသအစုံစုံကို တမျိုးပြီးတမျိုး မရိုးရအောင်ပေးစွမ်းနိုင်ခဲ့တဲ့ ဈေးကွက်တစ်ခုဆိုရင်လည်း မမှားပါဘူး။

ကလပ်ကမ္ဘာ့ဖလားမတိုင်ခင် အဓိကကစားသမားသုံးဦးကို အချိန်တိုအတွင်း ခေါ်ယူနိုင်ခဲ့ချိန်မှာ
ကျနော်တို့ ကျေနပ်အားတက်ခဲ့ကြတယ်။ အကယ်ဒမီထွက်ဂိုးသမားလေး ထရက်ဖိုဒ့်ရောက်လာချိန်မှာတော့ ဝေးကွာနေတာကြာပြီဖြစ်တဲ့ ဆွေမျိုးတွေ ပြန်ဆုံလိုက်ရသလို ခံစားချက်ကို ရပါတယ်။

အဲ့ဒီနောက် အပြောင်းအရွှေ့အသံတွေ ငြိမ်သွားချိန်မှာ အားမလိုအားမရ ဖြစ်ခဲ့ရပြန်တယ်။ ဆာဗင်ဟိုထွက်ပြီး ရိုဒရီဂိုရောက်ဖို့ နီးစပ်သလိုဖြစ်လာတော့ တချို့တွေ ပျော်ပြီး တချို့တွေ စိတ်ညစ်ခဲ့ကြတယ်။ ပျော်သူတွေက ဆာဗင်ဟိုကို မကြိုက်ကြသူတွေဆိုရင် စိတ်ညစ်ခဲ့ကြသူတွေဟာ ဆာဗင်ဟိုပရိသတ်တွေပဲပေါ့...။

ဒီလိုနဲ့ပဲ ဈေးကွက်ဟာ တရွေ့ရွေ့ကုန်ဆုံးလာတယ်။ နောက်ဆုံးအချိန်နဲ့ နီးလာလေ စီတီဇင်တွေ ရင်ကွဲရလေဖြစ်လာတော့တာပါပဲ။

အသင်းက စပါးစ်ကို ရှုံးခဲ့ချိန်မှာ အချိန်ရပါလျက်နဲ့ လိုအပ်တဲ့နေရာတချို့ကို အင်အားဖြည့်တင်းဖို့ လျစ်လျူရှု့ခဲ့တယ်။ အပြောင်းအရွှေ့မပိတ်ခင် နောက်ဆုံး (၄၈) နာရီအတွင်း အီဒါဆန်လ် ထွက်သွားတယ်၊ ဂါလာတာဆာ‌ရေးကို ဂန်ဒိုဝမ် ရောက်သွားတယ်။ အကန်ဂျီက အီတလီမြေဆီ နယ်နှင်ဒဏ်ပေးခံလိုက်ရပါတယ်။

အဆိုးထဲက အကောင်းကတော့ လက်ရှိဘောလုံးကမ္ဘာရဲ့ လက်စွမ်းအကောင်းဆုံး၊ စိတ်အချရဆုံး ဂိုးသမားတွေထဲက တစ်ဦးဖြစ်တဲ့ ဒွန်နာရမ်မာ စီးတီးကို ရောက်ရှိလာခြင်းပါပဲ။

ဆိုတော့ ဒီဈေးကွက်အပြီး စီးတီးရဲ့လူစာရင်းဟာ ဘယ်နေရာတွေမှာ အားဖြည့်လိုက်နိုင်ပြီး ဘယ်နေရာတွေမှာတော့ အင်အားနည်းသွားသလဲဆိုတဲ့ အပေါ် ခံစစ်၊ ကွင်းလယ်၊ တိုက်စစ်စတဲ့ တစ်နေရာချင်းစီအလိုက်ကို အရှိအတိုင်း သုံးသပ်သွားပါမယ်။ လူတစ်ကိုယ်အမြင်တစ်မျိုးဖြစ်လို့ စီတီဇင်တိုင်းရဲ့ အမြင်တွေနဲ့တော့ ထပ်တူမကျနိုင်လောက်ပါဘူး။ ဒါ့အပြင် ကျနော့်အမြင်ကမှ အမှန်ဆိုတာမျိုးလည်း မဟုတ်နိုင်တာ သေချာပါတယ်။ ဆိုတော့ Aggree to Disagree ပါပဲ။ စလိုက်ကြရအောင်ပါ...

Department

အပြောင်းအရွှေ့ရာသီ တစ်ခုတည်းမှာ အသင်းတစ်သင်းက ဂိုးသမားသုံးဦးကို တပြိုင်နက်တည်း ခေါ်ယူနိုင်ခဲ့တယ်။ ဒီသုံးဦးကလည်း မတူညီတဲ့ Profile သုံးခုနဲ့ဆိုတာမျိုးက ဘောလုံးကမ္ဘာမှာ သိပ်ပြီး တွေ့ရလေ့ရှိတဲ့ ဇာတ်ဝင်ခန်းမျိုး မဟုတ်တာတော့ သေချာပါတယ်။ ဒါပေမဲ့ ဒီဈေးကွက်မှာ စီးတီးက ဒီအလုပ်ကို တကယ်ပဲ လုပ်ခဲ့ပါတယ်။

ချဲလ်ဆီးက ဘက်တီနယ်လီ၊ ဘန်လေက ထရက်ဖိုဒ့်နဲ့ ပီအက်စ်ဂျီက ဒွန်နာရမ်မာဆိုတဲ့ ဂိုးသမား(၃)ဦးဟာ စီးတီးကို ဈေးကွက်တစ်ခုတည်းမှာ တကယ်ပဲ ရောက်လာခဲ့ပါတယ်။

ဘက်တီနယ်လီက သက်တော်ရှည်ဂိုးသမားကြီး စကော့ကာဆန်ရဲ့ကွက်လပ်ကို ဖြည့်ပေးမယ့် Well Experience & Homegrown Goalie ဖြစ်ပါတယ်။ ထရက်ဖိုဒ့်က Young & Promising Goalie ဖြစ်ပါတယ်။ လက်ရှိအသက်က (၂၂) ဖြစ်ပြီး အားကိုးလို့ဖြစ်တဲ့ လက်စွမ်းမျိုးနဲ့ လူငယ်ဂိုးသမားလေးပါပဲ။

ဒွန်နာရမ်မာကတော့ ဟာလန်းနောက်ပိုင်း စီးတီးရဲ့ ပထမဆုံး World Class Signing ဖြစ်ပါတယ်။ အတွေ့အကြုံ၊ လက်စွမ်း၊ ခံစစ်ကို ဦးဆောင်နိုင်မှု၊ လက်ရှိအသက်အရွယ်၊ ဆုဖလားအောင်မြင်မှု မှတ်တမ်း၊ တစ်ဦးချင်းအရည်အသွေးစသဖြင့် ဂိုးသမားတစ်ယောက်မှာ ရှိသင့်ရှိထိုက်တဲ့ အရည်‌အသွေးတစ်ခုစီတိုင်းကို ချရေးလိုက်ပါ။ ဒွန်နာရမ်မာဆီမှာ အရာအားလုံး ရှိနေပါတယ်။

လက်ရှိအသက်က (၂၆)နှစ် ဖြစ်ပြီး နောက်လေးနှစ်ကြာတဲ့အခါ (၃၀)တန်းကို ရောက်လာချိန်မှာ ထရက်ဖိုဒ့်က ဒွန်နာရမ်မာရဲ့ လက်ရှိအသက် (၂၆)နှစ်တန်းကို ရောက်လာပါမယ်။ အခုထက် ပိုရင့်ကျက်တဲ့ စိတ်နေစိတ်ထား၊ ပိုပြီး ပြည့်ဝတဲ့ အတွေ့အကြုံ၊ ပိုပြီး ကောင်းမွန်တဲ့လက်စွမ်းတွေနဲ့ စီးတီးရဲ့ ဂိုးပေါက်ကို ဒွန်မာရမ်မာဆီက လက်လွှဲယူဖို့ အသင့်ဖြစ်နေလောက်မယ့် အချိန်အခါမျိုးပါပဲ။ မေးစရာတစ်ခုရှိတာက ထရက်ဖိုဒ့် ဒီလောက်ထိ စိတ်ရှည်နိုင်ပါ့မလားဆိုတာပါပဲ။

ဒါပေမဲ့ လက်ရှိအတွက်တော့ စီးတီးရဲ့ ဂိုးပေါက်ဟာ အတော်လေးကို စိတ်ချရတဲ့ အနေအထားဖြစ်သွားပါပြီ။ ဒွန်နာရမ်မာ + ထရက်ဖိုဒ့်ဆိုတဲ့ အတွဲအဖက်မျိုးဟာ လက်ရှိဘောလုံးကမ္ဘာက ဘယ်အသင်းနဲ့မဆို ရင်ဘောင်တန်းနိုင်စွမ်းအပြည့်ရှိနေပြီလို့ပဲ ဆိုရပါမယ်။

Personal Rating : 10/10

Department

စီးတီးရဲ့ CBs မှာ ဗာဒီရော၊ ခူဆာနော့ဗ်၊ ဒီယက်စ်၊ စတုန်းစ်နဲ့ အကီဆိုပြီး ရှိနေပါတယ်။ LB မှာ နူရီနဲ့ အိုရိုင်လ်လေရှိမှာ ဖြစ်သလို RB မှာတော့ နူနက်စ်နဲ့ လူးဝစ်ဖြစ်ပါတယ်။ စီးတီးရဲ့ CBs ငါးယောက်စာရင်းဟာ လက်ရှိမှာ အရည်အသွေးအရရော၊ အရေအတွက်အရပါ လုံလောက်မှု အပြည့် ရှိနေပြီလို့ပဲ သတ်မှတ်ရမှာပါ။

ဒါပေမဲ့ ဒီသတ်မှတ်ချက်အတွက် မေးခွန်းထုတ်စရာ ဖြစ်နေတာက စတုန်းစ်နဲ့ အကီတို့ရဲ့ Fitness နဲ့ Injury Record တွေပါ။ အခုလက်ရှိမှာလည်း ဒီနှစ်ယောက်လုံးရော ခူဆာနော့ဗ်နဲ့ ဗာဒီရောကပါ ဒဏ်ရာပြဿနာတွေ ကိုယ်စီ ရှိနေပါတယ်။ ဒဏ်ရာတွေသာ ကင်းရှင်းနေရင် လုံလောက်ပြီလို့ ပြောလို့ရနိုင်တဲ့ အစုအဖွဲ့ပါပဲ။

ဘယ်ညာအစွန်တစ်ဖက်တစ်ချက်စီ ဆက်သွားလိုက်ကြရအောင်ပါ။ ဘယ်ခြမ်းမှာ နူရီက ခံစစ်ပိုင်း အားနည်းတယ်ဆိုပေမဲ့ တိုက်စစ်ပိုင်းအရည်အသွေးက အတော်လေးကို အားရစရာကောင်းတဲ့အထဲပါပါတယ်။

အိုရိုင်လ်လေကလည်း အလားအလာရှိတဲ့ လူငယ်ကစားသမားလေးဖြစ်သလို LB အရံနေရာအတွက်ဆို သူက လုံလောက်တယ်လို့ပဲ သတ်မှတ်ရမှာပါ။ ဒါပေမဲ့ နူရီကို First Class Player တစ်ယောက်လိုတော့ ခံစားလို့ မရတာ အမှန်ပါပဲ။

ညာခြမ်းက အတော်လေးကို အခြေအနေဆိုးပါတယ်။ ရာသီအစမှာ လူးဝစ်နဲ့ အဆင်မပြေတဲ့အချိန် ပက်က နူးနက်စ်ကို နေရာပြန်ပေးခဲ့ပေမဲ့ ဆရာသမားက ဘရိုက်တန်ကို ပင်နယ်တီလက်ဆောင်ပေးခဲ့လိုက်ပါတယ်။ နူရီလိုပဲ တိုက်စစ်မှာ မဆိုးလှပေမဲ့ ခံစစ်မှာတော့ အတော်လေးကို အားနည်းနေဆဲပါပဲ။ ရီကိုလူးဝစ်ကတော့ အသင်းကောင်းနေရင် ထင်းထွက်နေအောင် ကစားပြနိုင်ပြီး အသင်းညံ့နေရင် သူ့ဆီက အားနည်းချက်တွေက ပိုပြီး ထင်ပေါ်လာတတ်တဲ့ Player Type မျိုး ဖြစ်ပါတယ်။

ခူနာဆော့ဗ်၊ စတုန်းစ်တို့လို CBs တွေက RB ထွက်ဆော့ပေးနိုင်တယ်ဆိုသည့်တိုင် အခုလက်ရှိလို ဒဏ်ရာပြဿနာတွေ ကြုံနေရရင် ထွက်မဆော့ပေးနိုင်တော့ပါဘူး။ လက်ရှိစီးတီးရဲ့ အားအနည်းဆုံးနေရာဆိုရင် ဒီခံစစ်ပိုင်းကိုပဲ လက်ညှိုးထိုးပြရမှာပါ။

Personal Rating : 5 / 10

Department

စီးတီးက ကယ်ဗင်ဒီဘရိုင်းနားနဲ့ ဂန်ဒိုဝမ်လို သုံးဆယ်တန်း ကွင်းလယ်ကစားသမားနှစ်ယောက်နေရာမှာ ရှာကီနဲ့ ရိန်းဒါးစ်တို့ကို တိုက်ရိုက်အစားထိုးထားပါတယ်။ Direct Replacement ဆိုပေမဲ့ Profile တွေအရတော့ ထွက်သွားတဲ့ ကစားသမားတွေနဲ့ အစားထိုးဝင်လာတဲ့သူတွေကြားမှာ ကြီးမားတဲ့ ခြားနားမှုတွေ ရှိနေတာကို လက်ခံရပါလိမ့်မယ်။

ဥပမာပြရရင် ကယ်ဗင်ဒီဘရိုင်းနားက သူ့ရဲ့ Outstanding Visionary ကို အသုံးချပြီး Explosive Powerကောင်းကောင်းနဲ့ Effective ဖြစ်ဖြစ် ကစားတတ်တဲ့ Type မျိုးဖြစ်ပြီး ရှာကီကတော့ Technically ကို ပိုဦးစားပေးတဲ့ Creative Spark မျိုးဖြစ်ပါတယ်။

ရိုဒရီပြန်ပြီး ကစားလာနိုင်ပြီဖြစ်သလို နီကိုဆီမှာလည်း Development ဖြစ်လာတဲ့အချက်တွေကို မြင်လာရပါတယ်။ ဖိုဒန်ကလည်း ပုံမှန်ခြေစွမ်းသာရနေရင် အတော်လေးကို အားကိုးရတဲ့ ကစားသမားထဲမှာ ပါဝင်နေပါတယ်။ ဘာနာဒိုလ်ဆေးဗားလ်နဲ့ ကိုဗာချစ်ကတော့ အတွေ့အကြုံအရ Leading Role မှာ ရှိနေပေမဲ့ current form အရ Squad Player‌ တွေ အနေနဲ့သာ နေရာပေးရတော့မှာပါ။

လက်ရှိစီးတီးကွင်းလယ်က နေရာစုံမှာ Profile မတူတဲ့ ကစားသမားတစ်ယောက်စီ ရှိနေတယ်လို့ပဲ သတ်မှတ်ရပါမယ်။ ရိုဒရီ၊ ဖိုဒန်နဲ့ ရှာကီတို့သာ ဒဏ်ရာတွေနဲ့ နစ်မွန်းမနေခဲ့ရင် တစုံတရာမျှော်လင့်လို့ရနိုင်တဲ့ အစုအဖွဲ့မျိုး ဖြစ်ပါတယ်။ ကျနော့်အမြင်အရတော့ ဘာနာဒိုလ်နဲ့ ကိုဗာချစ်ကိုပါ ထုတ်ပြီး ဒေါင်ဒေါင်မြည်ကွင်းလယ်လူတစ်ယောက်ကို ပြန်ခေါ်စေချင်တာပါပဲ။

Personal Rating : 7 / 10

Department

လက်ရှိစီးတီးရဲ့ တိုက်စစ်အစုအဖွဲ့က အစွန်းနှစ်ဖက်ကို အလွယ်တကူ‌ဆွဲခေါ်သွားနိုင်ချေ ရှိနေပါတယ်။ မာမွတ်ရှ်၊ ဒိုကူနဲ့ ဆာဗင်ဟိုတို့က တစ်ဦးချင်းစွမ်းဆောင်ရည်အင်မတန် မြင့်မားပေမဲ့ Desicion Making နဲ့ Effective ဖြစ်အောင် ကစားရတဲ့ အပိုင်းတွေမှာတော့ အတော်လေးကို ညံ့ဖျင်းကြပါတယ်။ ဘော့ဘ်က ဒီအစွန်းနှစ်ဖက်လုံးရဲ့ မျှခြေမှာ ရှိနေပေမဲ့ သူ့ရဲ့ ခန္ဓာကိုယ်တည်ဆောက်ပုံနဲ့ အတွေ့အကြုံနည်းပါးမှုတွေက အကန့်အသတ်အဖြစ်နဲ့ ရှိနေပါသေးတယ်။ ဟာလန်းကတော့ ဒီထက်ပိုပြီး ခေါင်းတိုက်ဂိုးတွေ သွင်းနိုင်ဖို့ လိုအပ်နေတာကလွဲပြီး အတော်လေးကို အဆင်ပြေတဲ့အထဲပါပါတယ်။ သူအားမသန်တဲ့ Link Up Play တွေကိုလည်း သူ့ရဲ့ အဆုံးသတ်စွမ်းရည်က ပြန်ပြီး Cover လုပ်ပေးနိုင်တာမို့ ထည့်မပြောတော့တာပါ။ ဒါပေမဲ့ ဒီအပိုင်းမှာလည်း တိုးတက်မှုတွေ ရှိလာနေပါတယ်။

Personal Rating: 7 / 10

နိဂုံးချုပ်ရရင် စီးတီးရဲ့ လက်ရှိလူစာရင်းက ငယ်ရွယ်နုပျိုမှုအပြည့်နဲ့ ပြန်ဖြစ်လာနေပြီး အလားအလာရှိတဲ့ လူငယ်တွေနဲ့အတူ အတွေ့အကြုံရင့်ကစားသမားတွေကို ပေါင်းစပ်ထားတဲ့ အခြေအနေဖြစ်ပါတယ်။ ကစားဟန်အသစ်ကို အသားကျလာတာနဲ့အမျှ ပိုပြီး အဆင်ပြေလာနိုင်ချေရှိသလို တည်ငြိမ်တဲ့ ရလဒ်ကို ပိုင်ဆိုင်လာတာနဲ့အတူ ယုံကြည်မှုအားကောင်းလာခြင်းကလည်း ကပ်ပါလာနိုင်ပါတယ်။ လက်ရှိမှာ မဖြစ်မနေလိုအပ်နေတာက သုံးလေးပွဲဆက်တိုက်နိုင်ပွဲတွေကို ပိုင်ဆိုင်လာနိုင်ဖို့နဲ့ မာကျောကြံ့ခိုင်တဲ့ စိတ်ပိုင်းဆိုင်ရာအခြေအနေတွေပဲဖြစ်ပါတယ်။

ရှုံးထွက်ဖလားတွေမှာ ချန်ပီယံမျှော်လင့်လို့ရကောင်းရနိုင်တဲ့ အစုအဖွဲ့ဖြစ်ပေမဲ့ ပရီးမီးယားလိဂ်ကိုတော့ မေ့ထားလိုက်သင့်ပါပြီ။ အာဆင်နယ်နဲ့ လီဗာပူးလ်ဆိုတဲ့ မြင်းနှစ်ကောင်ယှဉ်ပြေးတဲ့နောက်ကို အနီးစပ်ဆုံး ကပ်လိုက်နိုင်တယ်ဆိုရင်ပဲ ကျေနပ်ရမယ့် အနေအထားမျိုးလည်းဖြစ်နေ‌ခဲ့ပါပြီ။

Personal Rating For Overall Squad - 6.5/10

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

မန်စီးတီးအတွက်တော့ နိုင်မှဖြစ်မယ့်ပွဲပဲ။ ရာသီသိမ်းတော့မယ့် နောက်ဆုံးပွဲကို ရောက်နေပြီ။ ဒါပေမဲ့ ဒုတိယနေရာက လီဗာပူးလ်နဲ့ ပ...
06/02/2026

မန်စီးတီးအတွက်တော့ နိုင်မှဖြစ်မယ့်ပွဲပဲ။ ရာသီသိမ်းတော့မယ့် နောက်ဆုံးပွဲကို ရောက်နေပြီ။ ဒါပေမဲ့ ဒုတိယနေရာက လီဗာပူးလ်နဲ့ ပြတ်ပြတ်သားသား မဖြစ်နေသေးဘူး။ အခုထိ တစ်မှတ်အကွာနဲ့ ပရီးမီးယားလိဂ်ချန်ပီယံဆုအတွက် တိုက်ပွဲဟာ ပြင်းထန်နေဆဲပဲ။

ဒါပေမဲ့ စိတ်ပူစရာတော့ မရှိဘူး။ အိမ်ကွင်းမှာ အနိုင်ကစားပြီး (၃)မှတ်အပြည့် ယူလိုက်ရုံနဲ့ ပရီးမီးယားလိဂ်ဖလားက ကိုယ့်လက်ထဲကို လွယ်လင့်တကူ ရောက်လာတော့မှာပဲ။ ဂွာဒီယိုလာလက်ထက် ဒုတိယအကြိမ်ဖြစ်လာမယ့် နှစ်နှစ်ဆက်ပရီးမီးယားလိဂ်အောင်ပွဲက လက်တကမ်းအလိုမှာ အသင့်စောင့်ကြိုနေခဲ့ပြီ။

ကစားရမယ့် ပြိုင်ဘက်က အက်စတွန်ဗီလာ။ တိုက်တိုက်ဆိုင်ဆိုင် သူတို့ရဲ့ နည်းပြက လီဗာပူးလ်ရဲ့ ဂန္ထဝင်ကစားသမားဟောင်းကြီး စတီဗင်ဂျရတ်ဖြစ်နေတယ်။ ဂျရတ်ရဲ့ စိတ်ထဲမှာ တချိန်က သူ့အမှားကြောင့် ပေးလိုက်ရတဲ့ ပရီးမီးယားလိဂ်ဖလားတစ်လုံးကို စီးတီးဆီကနေ အကြွေးပြန်တောင်းဖို့ တွေးထားခဲ့ပုံပဲ။ ဒီနေ့မှ ဗီလာကစားပုံက ပိုပြီး ကျစ်ကျစ်လစ်လစ်ရှိနေတယ်။ ပိုပြီး ဂိုးသွင်းရခက်နေတယ်။ ဟုတ်တယ်။ ဗီလာမှာ နောက်ထပ် မိတ်ဆွေဟောင်းကြီးတစ်ဦးလည်း ရှိနေသေးတယ်။ လီဗာပူးလ်ရဲ့ ကစားသမားဟောင်း ကော်တင်ညိုလ်ပေါ့။

ပထမပိုင်းပြီးသွားပြီ။ ပွဲရလဒ်က ၀-၀ ဖြစ်နေဆဲပဲ။ ပွဲချိန်ကြာလာလေ ကစားရတာ ပိုပိုခက်လာလေပဲ။ ဂျေဇူစ့်က တိုက်စစ်မြှားဦးကနေ အပိုင်အခွင့်အရေးတစ်ကြိမ်ကို မိုးပေါ်ထောင်ကန်ပစ်လိုက်တယ်။ သိပ်မကြာခင်မှာပဲ မာသီကရှ်စ်က ဖြတ်တင်ဘောကနေ ခေါင်းတိုင်ပြီး ဂိုးသွင်းသွားတယ်။ သောက် လခွမ်းပဲ... ဦးဆောင်ဂိုး ပေးလိုက်ရပြီ။

တစ်ရာသီလုံး ကောင်းလာခဲ့တဲ့ ဘာနာလ်ဒိုက ဒီပွဲမှာမှ အလွဲလွဲအချော်ချော် ကစားပြနေတယ်။ ပွဲပြီးတော့လည်း ဂျက်ဂရေးလစ်ရှ်က ပြောတယ် " ဒီနေ့ပွဲမှာ ဘာနာဒိုလ် ကစားခဲ့တာ ချီးလိုပဲ.."တဲ့။

ပက်က (၆၈)မိနစ်မှာ ဂန်ဒိုဝမ်ကို ဘာနာလ်ဒိုအစား ဂန်ဒိုဝမ်ကို ကွင်းထဲ ထည့်လိုက်တယ်။ အိုခေ..။ ညာခြမ်းက ထိုးဖောက်ရခက်နေတဲ့ မာရက်ဇ်အစား စတာလင်ကလည်း ဝင်လာပြီ။ ဟုတ်ပြီ..။ ချေပဂိုးနဲ့ ဦးဆောင်ဂိုးအတွက် စီးတီးက အပြောင်းအလဲတွေလုပ်လိုက်ပြီ။

မဟုတ်တော့ဘူး။ အဲ့လောက် မလွယ်တော့ဘူး။ မိတ်ဆွေဟောင်းကြီး ကော်တင်ညိုလ်က နောက်ထပ်ဦးဆောင်ဂိုးတစ်ဂိုး ထပ်သွင်းသွားတယ်။ သူကစားနေတဲ့ အသင်းက အက်စတွန်ဗီလာ။ ဒါပေမဲ့ သူသွင်းခဲ့တဲ့ ဒီဦးဆောင်ဂိုးက လီဗာပူးလ်အတွက်ပဲ ဖြစ်လိမ့်မယ်။

ပွဲကစားချိန် (၆၉)မိနစ်အရောက်မှာ စီးတီးက ဗီလာကို နှစ်ဂိုးပြတ်ရှုံးနေခဲ့ပြီ။ နှစ်နှစ်ဆက်ပရီးမီးယားလိဂ်ချန်ပီယံဘွဲ့လား မမေးနဲ့တော့၊ မြောင်းထဲ ရောက်ခါနီးနေပြီ။

အခြေအနေတွေက တချိန်တုန်းက ကျူပီအာပွဲစဉ်လိုမျိုး ဖန်လာနေခဲ့တယ်။ ရာသီနောက်ဆုံးပွဲမှာ နှစ်ဂိုးပြတ်အရှုံးနဲ့ နောက်ကလိုက်ကစားနေရတယ်။ ဒါပေမဲ့ ဘယ်သူကများ နောက်တကြိမ်ကျူပီအာအခိုက်အတန့်မျိုးကို မျှော်လင့်ရဲမှာလဲ။ အသင်းမှာ အဂွယ်ရိုကြီး မရှိတော့ဘူး။ ပြီးတော့ ဒီလိုသမိုင်းဝင်အခိုက်အတန့်ဆိုတာ တစ်နှစ်မှာ တစ်ကြိမ် ဖြစ်တတ်တဲ့ ကလင်ဒါကျ အရာတွေ မဟုတ်ဘူး။ တစ်သက်မှာ တစ်ခါမြင်ရမယ့် ရှားပါးဖြစ်စဉ်တွေ မဟုတ်လား။

ဒါပေမဲ့ မန်စီးတီးရပ်ဝန်းမှာတော့ ဒီသီအိုရီတွေက အလုပ်မလုပ်ဘူး။ သမိုင်းမှတ်တမ်းတွေ မရှိခဲ့ဘူးလို့ သမုတ်ခံရတဲ့ ဒီအသင်းက သမိုင်းဝင်အခိုက်အတန့်တွေ ဖန်တီးရာမှာ သူမတူပဲ။ တစ်သက်မှာ တစ်ကြိမ်ဆိုတဲ့ ရှားပါးဖြစ်စဉ်တွေကို ထပ်ထပ်ပြီး ဖန်တီးပြခဲ့တယ်။ ဂန်ဒိုဝမ်နဲ့ ရိုဒရီက ချေပဂိုး နှစ်ဂိုးကို ငါးမိနစ်အတွင်း ဆက်တိုက်သွင်းခဲ့တယ်။ ဟုတ်ပြီ။ လိုနေတာ တစ်ဂိုးပဲ။ နောက်ထပ် ဦးဆောင်ဂိုးတစ်ဂိုးပဲ သွင်းလိုက်စမ်းပါ။ ဒီတစ်ဂိုးရတာနဲ့ ပရီးမီးယားလိဂ်ဖလားက ငါတို့အတွက် ဖြစ်ပြီ။

အီတီဟတ်ကွင်းထဲမှာ Blue Moon သီချင်းသံတွေ အကျယ်လောင်ဆုံး ပျံ့လွင့်လာတယ်။ Come on City ဆိုတဲ့ ဟစ်ကြွေးသံတွေက အဆုံးအစမရှိ ပဲ့တင်ထပ်နေတယ်။ အားလုံးက နောက်ထပ်တစ်ကြိမ် ဖြစ်တည်လာတော့မယ့် သမိုင်းဝင်အခိုက်အတန့်ကြီးကို ကြိုဆိုဖို့ အဆင်သင့်ဖြစ်နေခဲ့ကြပြီ။ ဘယ်တော့များ ရောက်လာမလဲ..။ ဘယ်သူကများ ဒီအခိုက်အတန့်ကြီးကို ဖန်တီးပေးမှာလဲ..။

ပွဲကစားချိန် မိနစ်(၈၀) အထိ ရောက်လာပြီ။ ရိုဒရီက ဧရိယာထဲကို ဝင်ပြေးသွားတဲ့ ဂျေဇူစ့်ရဲ့ ပြေးလမ်းကြောင်းထဲ ဘောလုံးလှမ်းထိုးပေးတယ်။ ဗီလာနောက်တန်းက ဒီဘောလုံးကို ဝင်ဖျက်တယ်။ ဟာကွာ...။ သွားပါပြီ။ နေဦး မဟုတ်သေးဘူး။ ဒီဘောလုံးကို ဒီဘရိုင်းနားက ဝင်ဆယ်ပြီး တောက်လျှောက်ဆွဲပြေးလာပြီ ဂိုးဧရိယာထဲ ရောက်တဲ့အထိ။ သူ့ရဲ့ Signature အတိုင်း ညာခြမ်းကနေ ဂိုးပေါက်ရှေ့ကို ထိုးပေးလိုက်တယ်။

ဂန်ဒိုဝမ်းးးးးးးးးးးးးးး ဆိုတဲ့ အသံရှည်ကြီးကို ကြားလိုက်ရတယ်။ အီတီဟတ်ကွင်းကြီးထဲမှာ အရာရာဟာ အိမ်မက်ဆန်ဆန်ပဲ။ ဂန်ဒိုဝမ်က စီတီဇင်တွေနားကို အပြေးသွားခဲ့တယ်။ ရောက်ခါနီးမှာ ဒူးထောက် ဆလိုက်လျှောစီးပြီး မြေကြီးကို ရိုက်ပုတ်နေတယ်။ လက်ခမောင်းတွေ အကြိမ်ကြိမ် ခတ်တယ်။ သူလုပ်နိုင်ခဲ့ပြီ။ စီးတီးအသင်းဖော်တွေက သူ့အနားမှာ။ အီတီဟတ်ကွင်းကြီးထဲက စီတီဇင်တွေက သူ့အနားမှာ။ တစ်ကမ္ဘာလုံးက စီတီဇင်တွေက သူ့အနားမှာ..။

ကျူပီအာပွဲရဲ့ ကြေညာသူ မာတင်တိုင်လာက အဂွယ်ရို အနိုင်ဂိုးသွင်းပြီးချိန်မှာ ဒီလိုအဖြစ်မျိုး နောက်တစ်ကြိမ် လုံးဝမြင်ရတော့မှာ မဟုတ်တာကို ငါကျိန်‌ပြောရဲတယ်လို့ မှတ်ချက်ပေးခဲ့တယ်။ ခင်ဗျားမှားတယ် မာတင်။ စီးတီးက နောက်တစ်ကြိမ် ဖန်တီးပြခဲ့တယ်။ ခင်ဗျားသိထားဖို့က တချို့သီအိုရီတွေက စီးတီးရပ်ဝန်းမှာ အလုပ်မလုပ်ဘူးဆိုတာပဲ..။

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

𝑻𝒆𝒂𝒄𝒉𝒆𝒓 : You can't hear pictures.𝑴𝒆 : Are you sure?•Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬𝐋𝐞𝐭 𝐌𝐞 𝐓𝐚𝐥𝐤 ▪️What We ...
06/02/2026

𝑻𝒆𝒂𝒄𝒉𝒆𝒓 : You can't hear pictures.

𝑴𝒆 : Are you sure?

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

06/02/2026

ဒီအပြောင်းအလဲတစ်ခုက စီးတီးရဲ့ ရလဒ်တွေကို ပြောင်းပြန်လှန်ပေးခဲ့တယ်..။

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

❝ ကျနော်တို့အားလုံး ရှာကီရဲ့ အရည်အသွေးကို သိထားကြပါတယ်။ ဆိုတော့ လူတိုင်းဆီကနေ အကောင်းဆုံးပုံစံရလာအောင် ကျနော်တို့ ကြိုး...
03/11/2025

❝ ကျနော်တို့အားလုံး ရှာကီရဲ့ အရည်အသွေးကို သိထားကြပါတယ်။ ဆိုတော့ လူတိုင်းဆီကနေ အကောင်းဆုံးပုံစံရလာအောင် ကျနော်တို့ ကြိုးစားကစားခဲ့ကြတာပါပဲ။ ဒီနေ့ပွဲမှာဆို ရှာကီက ကျနော့်ကို အံအားသင့်စရာဖန်တီးမှု နှစ်ကြိမ်နဲ့ ပံ့ပိုးပေးခဲ့ပါတယ်။ နောက်ထပ် အများကြီး ထပ်ပြီးတော့လည်း ဖန်တီးပေးဦးမယ် ပံ့ပိုးပေးဦးမယ်လို့ မျှော်လင့်မိပါတယ်...❞

🎙️အာလင်းဟာလန်း

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

17/08/2025

တစ်ပွဲတည်းနဲ့ စီတီဇင်တွေရဲ့ နှလုံးသားကို သိမ်းပိုက်သွားတဲ့ ရိန်းဒါးစ်ဆိုတာ...

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

10/08/2025

ဘာလို့ ရိုဒရီနဲ့ ရီးရဲလ်အပြောင်းအရွှေ့က မဖြစ်နိုင်ရတာလဲ..?

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

ဟုတ်တယ်။ သူရောက်လာတုန်းကတော့ စီးတီးမှာ ဒေးဗစ်ဆေးလ်ဗား ရှိနေသေးတယ်။ ဒါပေမဲ့ ဘယ်သန်ချင်းတူနေတာ၊ လှပတဲ့ ခန္ဓာကိုယ်အယိမ်းအနွ...
10/08/2025

ဟုတ်တယ်။ သူရောက်လာတုန်းကတော့ စီးတီးမှာ ဒေးဗစ်ဆေးလ်ဗား ရှိနေသေးတယ်။ ဒါပေမဲ့ ဘယ်သန်ချင်းတူနေတာ၊ လှပတဲ့ ခန္ဓာကိုယ်အယိမ်းအနွဲ့တွေနဲ့ ကစားတတ်တာအပြင် ဘောလုံးကို နိုင်နိုင်နင်းနင်းရှိတာခြင်းလည်း သွား‌တူနေတော့ ဒေးဗစ်ဆေးလ်ဗားလက်သစ်များ ဖြစ်လာလေမလား မျှော်လင့်မိခဲ့ကြတာပေါ့။

ဒါပေမဲ့ ဘာနာဒိုဟာ ဒေးဗစ်ဆေးလ်ဗားလက်သစ်တော့ ဖြစ်မလာခဲ့ဘူး။ ဘာနာဒိုဆေးလ်ဗားဟာ ဘာနာဒိုလ်ဆေးလ်ဗားရဲ့ ကိုယ်ပိုင်ပုံစံတစ်မျိုးနဲ့ မန်ချက်စတာမြေကို လှလှပပ မိတ်ဆက်လာခဲ့တယ်။

အသင်းကို ရောက်ခါစမှာ ညာတောင်ပံတစ်နေရာစာကို အပိုင်စားယူတယ်။ ဂိုးတွေတော့ သိပ်မသွင်းဘူး။ ဒါပေမဲ့ သူ့ကစားပုံကို စောင့်ကြည့်ရတာ အရသာရှိခဲ့တာကိုလည်း ငြင်းလို့မရဘူး။ တချို့‌တချို့တွေပေါ့..၊ ကစားဟန်ကတော့ လှပါရဲ့၊ အသင်းအတွက် အကျိုးမပြုဘဲ တယောက်တည်းသီးသန့်လှနေသလို ဖြစ်တတ်တယ်။ ဘာနာဒိုဆေးလ်ဗားကတော့ သူကစားတာလည်း လှရမယ်။ အသင်းအတွက်လည်း အကျိုးဖြစ်ထွန်းရမယ်ဆိုတဲ့ ကစားသမားမျိုးပေါ့။

မာရက်ဇ်ရောက်လာတော့ ကွင်းလယ်ကို ပြန်ဝင်လာတယ်။ ဒီမှာလည်း သူ့ရဲ့ အရည်အသွေးကို အထင်းသား မြင်ရပြန်တာပဲ။ Technically အရရော Physically အရပါ ပိုပြီးတိုးတက်လာတယ်။ ကွင်းရဲ့ နေရာအနှံ့မှာ သူ့ခြေရာတွေ ထပ်နေပုံက အဆုတ်လေးခုနဲ့ လူသားလိုလိုပေါ့လေ။ ဒီလူကောင်သေးသေးလေးက တယ်အလုပ်လုပ်နိုင်လှချေလား..။

ဒါနဲ့ ချန်ပီယံလိဂ်ဖိုင်နယ်ကို စီးတီးတို့ ပထမဆုံးရောက်တော့ ပြိုင်ပွဲတလျောက်စီးတီးရဲ့ Front Three ကို မှတ်မိကြသေးလား။ အများနဲ့မတူ တမူထူးနေလို့ ကျနော်ကတော့ ခုထိ မေ့မရသေးဘူး။ ပက်က ဘယ်သန်သုံးယောက်လုံးကို တိုက်စစ်မြှားဦးမှာ ထူးထူးခြားခြားသုံးခဲ့တယ်။ ဟုတ်တယ်။ ဘယ်ခြမ်းမှာ ဖိုဒန်၊ ညာတောင်ပံမှာ မာရက်ဇ်နဲ့ တိုက်စစ်မြှားဦးမှာ ဘာနာဒိုပဲပေါ့။ ဖိုဒန်နဲ့ မာရက်ဇ်တို့ရဲ့ ဂိုးတွေနဲ့ ပီအက်စ်ဂျီကို အနိုင်ယူခဲ့တော့ ဘာနာဒိုဟာ ဒီနှစ်ယောက်ကို အသံတိတ်ပံ့ပိုးရင်းနဲ့ပေါ့လေ...။

ကန်ဆယ်လို ဘိုင်ယန်ကိုရောက်သွားတော့ ပက်က သူ့ကို Lb Role မှာပါ ဆင်းဆော့ခိုင်းလိုက်သေးတယ်။ အင်း.. ဒါလဲ မညည်းမညူပါပဲ။ ဟိုဟိုဒီဒီ ပြောမနေဘူး၊ ဆင်းဆော့လိုက်တာပဲ။ အဲ့ဒီမှာလည်း သူ့နည်းသူ့ဟန်နဲ့သူ အထိုက်အလျောက်အဆင်ပြေခဲ့တယ်။ ပွဲအရေအတွက် သိပ်မများခဲ့တော့ လူတွေလည်း သတိတောင်ထားမိခဲ့ကြရဲ့လား မသေချာပါဘူး။ ဒါပေမဲ့ သူအဲ့ဒီမှာလည်း ဖြစ်မြောက်ခဲ့သေးတယ်...။

နောက်တော့ ပက်က နောက်တန်းမှာ Proper Defenderတွေအဖြစ် CB လေးယောက်စလုံးကို သုံးချပလိုက်တယ်။ ဘာနာဒိုရေ ညာတောင်ပံကို ပြန်သွားချေပေါ့လေ။

အဲ့ဒီမှာ ကာမာဗင်ကာဟာ အလဲလဲအပြိုပြိုဖြစ်တော့တာပဲ။ ဒီဘရိုင်းနားထိုးပေးလိုက်တဲ့ ‌အလုံးကို ကော်တိုးရစ်ရဲ့ ဘယ်ခြမ်းကို အပိုင်ကန်ရင်း ချန်ပီယံလိဂ်ရဲ့ဘုရင် ရီးရဲလ်မက်ဒရစ်ကို အီတီဟတ်မှာ ဂိုးမိုးတွေရွာဖို့ အစပျိုးတော့တာပဲ။

အရပ်ပုပြတ်ပြတ်နဲ့ ဒီပေါ်တူဂီလ်သားက ကော်တိုးရစ်ကို ခေါင်းတိုက်ပြီး နောက်တစ်ဂိုးသွင်းလိုက်သေးတယ်တဲ့လေ။ ဒါများမထူးဆန်းပါဘူးကွာ။ ဘိုင်ယန်တုန်းကလည်း ဆွမ်းမားကို ခေါင်းတိုက်သွင်းသေးတာ မဟုတ်လားလို့ စောဒကတက်ချင်သူတွေ ရှိကြတာကို သိပါရဲ့။

အင်း... ၊ တခါတလေတော့လည်း ခက်ပါတယ်။

" ဘဝဟာ လက်တွေ့သိပ်ဆန်တယ်။
ရက်စက်တယ်။
ကျွန်တော်တို့က အဲ့ဒီရက်စက်မှုကို
လိုချင်လို့ အဝေးကြီးကရောက်လာတာ...."

အောင်ခင်မြင့်ရဲ့ ဒီစာသားတွေက ကျနော့်နှလုံးသားကို အကြိမ်ကြိမ်ဆုပ်နယ်ခဲ့ဖူးတယ်။ နှုတ်ဖျားမှာ၊ စိတ်ထဲမှာ အသံတိတ် အကြိမ်ကြိမ် ရေရွတ်ရင်း တုန်လှုပ်ခဲ့ရဖူးတယ်။ ပေါ်တူဂီလ်စကားသာ ကျနော် ပြောတတ်ခဲ့ရင် ဘာနာဒိုလ် စိတ်မကောင်းမဖြစ်ဖို့ ဒီစာသားတွေ သူ့ကို ရွတ်ပြလိုက်ချင်ပါရဲ့။

ဘာနာဒိုလို ကစားသမားကိုမှ မနှစ်ကတရာသီခြေကျရုံနဲ့ အသင်းကထွက်လို့ အော်ကြသတဲ့လေ။ ကပ္ပတိန်လက်ပတ်နဲ့ မထိုက်တန်သူလို့ ယိုးစွပ်ကြသတဲ့လေ။ ဟုတ်တယ်။ ဘဝဟာ လက်တွေ့သိပ်ဆန်တယ်။ ရက်စက်တယ်။ ဒါပေမဲ့ အဲဒီ့ရက်စက်မှုတွေ ဘာနာဒိုလ်ကို မပေးကြပါနဲ့။ သူနဲ့ မထိုက်တန်ဘူးလေ။ သူနဲ့ထိုက်တန်တဲ့အရာက ကျနော်တို့ အားလုံးရဲ့ ကောင်းချီးပေးမှုပဲပေါ့..။

သေချာတာက ငါတို့ မင်းကို သိပ်ချစ်တယ် ဘာနာဒိုလ်။

အသင်းဖော်‌တွေ ဘယ်လိုစစ ငြိမ်ခံတတ်တဲ့ ဘာနာဒိုလ်ကိုလည်း ချစ်တယ်။ ပြိုင်ဘက်အသင်းကို ထထဖြဲတတ်တဲ့ ဘာနာဒိုကိုလည်း ချစ်တယ်။ လွန်ခဲ့တဲ့ ၈ နှစ်၊ ၂၃ နှစ်သားလူငယ်လေး အဖြစ်နဲ့ ရောက်လာတဲ့ ဘာနာဒိုကိုလည်း ချစ်တယ်။ အိုနေပြီလို့ ဝိုင်းပြောကြတဲ့ ၃၁ နှစ်သား အန်ကယ်ဘာနာဒိုကိုလည်း ချစ်တယ်။

တိုက်တိုင်ဆိုင်ဆိုင် ၃၁ နှစ်ပြည့်မွေးနေ့မှာ ထမင်းစားပန်းကန်နဲ့တူတဲ့ ဖလားကြီးကိုင်ရင်း ဘာလုပ်ရမှန်းမသိဖြစ်နေတဲ့ ဘာနာဒိုကိုလည်း ချစ်တယ်။ ခင်ဗျားဟာ စီတီဇင်တွေအားလုံးရဲ့ အချိန်အခါမလပ် ချစ်ခြင်းနဲ့ခြွင်းချက်မရှိ ထိုက်တန်သူပါပဲ။

မွေးနေ့မှာ စီတီဇင်တွေရဲ့ ချစ်ခြင်းအားဖြင့် ပျော်ရွှင်ပါစေ ဘာနာဒိုရေ..🩵

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

ပရီးမီးယားလိဂ်မှာ၊ ဥရောပဘောလုံးလောကမှာ Traditional No.9 လို့ခေါ်တဲ့ တိုက်စစ်မှူးစစ်စစ်တွေထက် False 9 တွေ ပိုပြီး အားကောင...
21/07/2025

ပရီးမီးယားလိဂ်မှာ၊ ဥရောပဘောလုံးလောကမှာ Traditional No.9 လို့ခေါ်တဲ့ တိုက်စစ်မှူးစစ်စစ်တွေထက် False 9 တွေ ပိုပြီး အားကောင်းလာချိန်တခေတ်ဆိုပြီး ရှိခဲ့ဖူးတယ်။ ယာဂန်ကလော့ဂ်က ဖာမီနို၊ ပက်က ဖိုဒန်၊ ဘာနာဒိုလ်တို့နဲ့ သူတို့အသင်းတွေရဲ့ တိုက်စစ်မြှားဦးကို ပုံဖော်ခဲ့ကြတယ်။ အဲ့ဒီအချိန်တွေမှာ မော်ရင်ဟိုလို ခေတ်ဟောင်းဆန်တဲ့ နည်းပြတောင် ဟယ်ရီကိန်းကို No.9 စစ်စစ်မဟုတ်ဘဲ Advanced Striker အဖြစ် ပုံသွင်းယူခဲ့ရတယ်။

မြစ်တစ်ခုမှာ လူတစ်ယောက်ဟာ ရေနှစ်ခါ မချိုးနိုင်ဘူးတဲ့။ တသွင်သွင်စီးဆင်းနေတတ်တဲ့ မြစ်ရဲ့သဘောသဘာဝကို ဒီလိုမျိုး တင်စားကြတယ်။ အချိန်ရဲ့မြစ်ဟာလည်း စီးဆင်းနေစမြဲပေါ့။ ဘောလုံးလောကရဲ့ အိုင်ဒီယော်လော်ဂျီတွေဟာလည်း အချိန်နဲ့အမျှ ပြောင်းလဲနေခဲ့တယ်။ Traditional No.9 တိုက်စစ်မှူးစစ်စစ်တွေ၊ ပြီးတော့ False 9 တွေ၊ False 9 တွေပြီးတော့Traditional No.9 တိုက်စစ်မှူးစစ်စစ်တွေ။ သမိုင်းဟာ ဒီလို တပတ် ပြန်လည်လာတယ်။

ဒီ Trend ကို ဦးဆောင်ခဲ့သူက ပက်ပါပဲ။ False 9 ကို သုံးပြနေရင်း Traditional No.9 ဆီ ပြန်သွားပြီး Treble ယူပြခဲ့တယ်။ အဲ့ဒီနောက်ပိုင်းကစလို့ No.9 Role တွေရဲ့ အရေးပါပုံက လက်ရှိဘောလုံးကမ္ဘာမှာ ပိုပြီး ကျယ်ပြန့်လာတယ်။ အခုဆို အာဆင်နယ်မှာ ယော့ခယိုက်ခ်၊ လီဗာပူးလ်မှာ ဒါဝင်ကနေ အီတီ‌ကီဆိုပြီး သူတို့ရဲ့ တိုက်စစ်မြှားဦးတွေမှာ No.9 Role တွေကို မြင်လာရတယ်။ No.9 Role တွေရဲ့ အခန်းကဏ္ဍဟာ ဒီထက်ပိုပြီး ကြီးမားလာဦးမယ့် အရိပ်အယောင်တွေကိုလည်း မြင်နေရဆဲပါပဲ။

ဒီအပြောင်းအလဲကို ပက်နဲ့အတူ စတင်ခဲ့သူဟာ အာလင်းဟာလန်းပါပဲ။ ပက်ရဲ့ ဒဿနတချို့ကို သွင်းဂိုးတွေနဲ့ ပြောင်းလဲနိုင်ခဲ့သူလို့လည်း ဆိုနိုင်တယ်။ ပက်နဲ့လက်တွဲခဲ့တဲ့ ပထမရာသီမှာတင် ဟာလန်းက (၅၂)ဂိုးအထိ သွင်းပြခဲ့တယ်။ ပရီးမီးယားလိဂ်သီးသန့်မှာတင် (၃၆)ဂိုး သွင်းခဲ့တယ်။ ဒါဟာ ပရီးမီးယားလိဂ်ရဲ့ တစ်ရာသီအတွင်း ဂိုးသွင်းအများဆုံးစံချိန်သစ်ပါပဲ။ ချန်ပီယံလိဂ်(၁၆)သင်းအဆင့် လိုက်ပ်ဇစ်နဲ့ပွဲမှာ (၅)ဂိုး သွင်းပြီး ဘောလုံးကမ္ဘာကို ပါးစပ်အဟောင်းသား ဖြစ်စေခဲ့တယ်။ ချန်ပီယံလိဂ်ရဲ့ ဂိုးသွင်းဘုရင်လည်းဖြစ်ခဲ့တယ်။ အဆုံးသတ်မှာ Treble အောင်ပွဲကို ရခဲ့တယ်။

ဒီလိုတွေးကြည့်ရအောင်.. ပက်နဲ့ ဟာလန်းရဲ့ ပထမရာသီမှာသာ အခုလို မအောင်မြင်ဘဲ ကျရှုံးခဲ့မယ်ဆိုရင်ရော၊ အခုလောက်ထိ No.9 Role တွေက ဘောလုံးကမ္ဘာမှာ မျက်နှာပွင့်နေနိုင်ပါ့မလား။ ဟာလန်းဟာ အဆုံးသတ်သေချာသူ တိုက်စစ်မှူးတစ်ဦးမျှသာ မဟုတ်ပါဘူး။ ဘောလုံးကမ္ဘာမှာ ဘဝတူ No.9 Role Player တွေရဲ့ အခန်းကဏ္ဍကို တဖန်ပြန်လည်မြင့်တက်လာအောင် မြှင့်တင်ပေးခဲ့သူတစ်ဦးပါပဲ။ ပြီးတော့ ဒါကို လူလားမြောက်ခါစ (၂၂)နှစ်သားဘဝနဲ့ လုပ်ပြခဲ့တာပါ။

အခုတော့ ဒီအဖြစ်အပျက်တွေဟာ သုံးနှစ်နီးနီးကြာခဲ့ပြီ။ ဟာလန်းလည်း (၂၅)နှစ်တင်းတင်းပြည့်ခဲ့ပြီ။ ဒီနေ့ဆို လက်ရှိဘောလုံးကမ္ဘာက အကောင်းဆုံးတိုက်စစ်မှူးရဲ့(၂၅)နှစ်ပြည့်မွေးနေ့ကို ကျရောက်ခဲ့ပါပြီ။

🎉 Happy Birthday Earling Haaland 🎉

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

ဒီဘရိုင်းနားကွက်လပ်ကို ဖြည့်ပေးမယ့် ချာကီရဲ့ Lofted Pass များ...---------------------------------------[ဆောင်းပါး]ကီဗင်ဒ...
20/07/2025

ဒီဘရိုင်းနားကွက်လပ်ကို ဖြည့်ပေးမယ့် ချာကီရဲ့ Lofted Pass များ...
---------------------------------------
[ဆောင်းပါး]

ကီဗင်ဒီဘရိုင်းနားနဲ့ စီးတီးရဲ့ ဇာတ်လမ်းကတော့ အားလုံးသိပြီးကြတဲ့အတိုင်းပါပဲ။ စီးတီးက စာချုပ်သက်တမ်းမတိုးတော့ကြောင့် ရာသီကုန်ချိန်မှာ စီးတီးနဲ့ လမ်းခွဲပြီး နေပယ်လ်မြို့ဆီ ကီဗင်ဒီဘရိုင်းနား တယောက် ခရီးနှင်ခဲ့ရတယ်။ စီးတီးမှာတုန်းက ကီဗင်ဒီဘရိုင်းနားရဲ့ ဖန်တီးနိုင်စွမ်းက အတော်လေးကို မြင့်မားပါတယ်။ စီးတီးမှာ ကစားခဲ့တဲ့ ဆယ်ရာသီအတွင်း ပရီးမီးယားလိဂ် ဂိုးဖန်တီးမှုသီးသန့်ဆိုရင်တောင် (၁၁၉)ကြိမ်အထိ ရှိပါတယ်။ သူ့ထက်များတာ (၂၂)ရာသီအထိ ကစားခဲ့ပြီး (၁၆၂)ကြိမ် ဖန်တီးနိုင်ခဲ့တဲ့ ရိုင်ယန်ဂစ်ပဲ ရှိတော့တယ်။

ရိုင်ယန်ဂစ်က ယူနိုက်တက်အကယ်ဒမီမှာမွေး၊ ယူနိုက်တက်မှာကြီးပြီး ဒီအသင်းနဲ့ပဲ ကစားသမားဘဝကုန်တဲ့အထိ ပရီးမီးယားလိဂ်မှာ ဖြတ်သန်းခဲ့သူပါ။ ကီဗင်ဟာ စီးတီးမှာ ဖြတ်သန်းခဲ့တဲ့ ဆယ်ရာသီမှာတောင် ဒဏ်ရာကြောင့် နားခဲ့ရချိန်တွေက တစ်ရာသီခွဲစာလောက် ရှိနေသေးတယ်။ ဒီလောက်ဆို ကီဗင်ရဲ့ ဖန်တီးနိုင်စွမ်းက စီးတီးမှာ ဘယ်လောက်တောင် မြင့်မားခဲ့သလဲ၊ အရေးပါခဲ့သလဲဆိုတာကို မြင်နိုင်ပါလိမ့်မယ်။ ပြီးတော့ တစ်ရာသီထဲမှာတင် ဂိုးနှစ်ဆယ်အထိ ဖန်တီးနိုင်တဲ့ အွန်နရီရဲ့စံချိန်ကို လိုက်မီခဲ့တဲ့ တစ်ဦးတည်းသော ကစားသမားဆိုရင်လည်း ကီဗင်ပါပဲ။

ဆိုတော့ ကီဗင်မပါနိုင်ချိန် စီးတီးရဲ့ ဖန်တီးနိုင်စွမ်းတွေ လျော့လျော့နေတတ်တာက တိုက်ဆိုင်မှု မဟုတ်ပါဘူး။ ဒဏ်ရာကြောင့် ကီဗင်နားနေရချိန်တွေမှာ ပက်က ရေတိုဖြေရှင်းမှုတွေနဲ့ နည်းလမ်းရှာပြီး ကျားကန်ထားရတာလည်း အကြိမ်ကြိမ်ပါပဲ။ ဒါပေမဲ့ ဘယ်တုန်းကမှ ကီဗင်နဲ့အတူရခဲ့တဲ့ စီးတီးရဲ့တိုက်စစ်က ဖန်တီးနိုင်စွမ်းကို ပက်က ရှာမတွေ့ခဲ့ဘူး။ အခုတော့ ပက်က၊ စီးတီးက ကီဗင်ကို ထာဝရလက်လွှတ်လိုက်ရပါပြီ။ ကီဗင်နဲ့အတူ သူ့ရဲ့ ဖန်တီးနိုင်စွမ်းတွေရောပေါ့။

ဒီတော့ မေးစရာရှိလာတာက ကီ‌ဗင်ဒီဘရိုင်းနားကွက်လပ်ကို စီးတီးမှာ ဘယ်သူ‌ဝင်ဖြည့်ပေးမလဲဆိုတာပါပဲ။ စီးတီးက ဒီအတွက် ဝှစ်ဗ်နဲ့ သတင်းကြီးခဲ့ပြီး အဆုံးသတ်မှာ ချာကီကို ခေါ်ယူခဲ့တယ်။ ဒီကစားသမားက ပြင်သစ်ရဲ့ Wonder Kid၊ Generational Talent ၊ Maverick ပါ။ ပြီးခဲ့တဲ့ရာသီဥရောပရဲ့ ဖန်တီးမှုအများဆုံးကစားသမားပါ။ ပြောလို့မကုန်တဲ့ ဂုဏ်ပုဒ်တွေနဲ့ လူငယ်ကစားသမားလေးပါ။

ဒါပေမဲ့ ကီဗင်ဒီဘရိုင်းနားကွက်လပ်ကို ဖြည့်ဖို့အတွက်လား။ ဒါဆိုရင်တော့ ဒီချာတိတ်ကို သံသယမျက်လုံးတွေနဲ့ စောင့်ကြည့်ရဦးမှာပါပဲ။ မတတ်နိုင်ဘူး။ ကီဗင်ဒီဘရိုင်းနားရဲ့ ကွက်လပ်က ဒီလောက်တောင်မှ ကြီးတာကိုး။ ဟိုးရှေ့ရှေ့ရာသီတွေလောက်က စတုတ်စီးတီးနဲ့ပွဲမှာ ဆာနေးလ်ကို ဖန်တီးပေးလိုက်တဲ့ ‌Pass မျိုး။ အဲဗာရက်ဇ်ကို ချန်ပီယံလိဂ်မှာ မျှောပေးလိုက်တဲ့ အလုံးမျိုး။ ဘာနာဒိုလ်ကို ကာဆယ်နဲ့ပွဲမှာ ထိုးပေးလိုက်တဲ့ ဖန်တီးမှုမျိုး။ စတာလင်နဲ့ အဂွယ်ရိုကို ခြေထောက်နဲ့ထိရုံနဲ့ ဂိုးရအောင် ဖန်တီးပေးခဲ့တဲ့ မြောက်များလှစွာသော Pinpoint Cross တွေလိုမျိုး။ ဒါတွေက ကီဗင်နဲ့အတူ အစဥ်သဖြင့် မြင်ခဲ့ရတဲ့အရာတွေပါ။ ဒါတောင် ချဲလ်ဆီးကို ဂျေဇူစ့်နဲ့တွဲပြီး ကန်သွင်းခဲ့တဲ့ ဂိုးမျိုး။ Treble ရာသီက ရီးရဲလ်ကို ချေပခဲ့တဲ့ ဂိုးမျိုးကို ထည့်မတွက်ရသေးပါဘူး။ နောက်ထပ်လည်း ကျန်ပါသေးတယ်။ အခုက စိတ်ထဲပေါ်လာသလောက်ကို လက်တန်းချရေးလိုက်ရုံပဲရှိသေးတယ်။

ဆိုတော့ ကီဗင်နေရာ ဝင်လာတဲ့ ကစားသမားဟာ ဒါတွေဒါတွေကို လုပ်ပြနိုင်ဖို့ စီးတီးဖန်တွေ မျှော်လင့်နေမိတာ မဆန်းပါဘူး။ ဒါပေမဲ့ လုပ်ကိုလုပ်ပြရမယ့် တာဝန်တစ်ခုလို သတ်မှတ်လိုက်မယ်ဆိုရင်တော့ ချာကီအတွက် မတရားရာ ကျပါလိမ့်မယ်။ ကီဗင်ဒီဘရိုင်းနားဟာ တခေတ်တယောက်ပေါ်တဲ့ ကစားသမားမျိုးပါ။ ချာကီမှာလည်း ဒါမျိုးဖြစ်လာနိုင်တဲ့ အရည်အသွေးတွေ ရှိနေပါတယ်။ ဒါပေမဲ့ သူ့ရဲ့ကိုယ်ပိုင်စတိုင်နဲ့၊ ကိုယ်ပိုင်အရည်အသွေးတွေနဲ့ပါ။

ဒီနှစ်ယောက်ကြားမှာ တူတာရော မတူတာတွေပါ ရှိနေတယ်။ ဘယ်ခြေညာခြေ နှစ်ဖက်လုံးကို ကောင်းကောင်းသုံးနိုင်တာချင်း တူနေတယ်။ အရမ်းကြီး လျင်မြန်တဲ့ ကစားသမားမျိုး မဟုတ်ကြတာချင်း တူနေတယ်။ Kick Power ကောင်းတာချင်း တူနေတယ်။ ဒါပေမဲ့ အဆုံးသတ်စွမ်းရည်ကျ ကီဗင်က ပိုကောင်းပါတယ်။ အလိမ်အခေါက်အားပြုပြီး ကစားနိုင်တဲ့နေရာမှာတော့ ချာကီကတောင် ပိုသာပါတယ်။ ဒါပေမဲ့ နှစ်ယောက်လုံးမှာ ထပ်တူကျနေတာက ဘောလုံးဉာဏ်ရည်ဉာဏ်သွေး၊ Vision နဲ့ ဒီနှစ်ခုကြောင့် ထိုးထွင်းသိမြင်လာသမျှကို လိုက်လုပ်နိုင်တဲ့ ခြေထောက်တစ်စုံကို ပိုင်ဆိုင်ထားတဲ့အချက်တွေပါပဲ။

ဒီဆောင်းပါးမှာတော့ ဒီဘောလုံးဉာဏ်ရည်ဉာဏ်သွေးနဲ့ Vision ကြောင့် ထိုးထွင်းသိမြင်လာတာတွေကို တကယ်အကောင်အထည်ဖော်ပြီး ပြိုင်ဘက်ကို ဒုက္ခပေးခဲ့တဲ့ ချာကီရဲ့ ခြေထောက်တစ်စုံက ထွက်လာတဲ့ Lofted Pass တွေအကြောင်းကို တင်ပြသွားပါမယ်။ ကီဗင်ဒီဘရိုင်းရဲ့ ကွက်လပ်ကို ဒီ Pass တွေက ဘယ်အတိုင်းအတာထိ ဖြည့်ဆည်းပေးနိုင်မလဲသိချင်ရင်တော့ အဆုံးထိသာ ဝင်ဖတ်ကြည့်လိုက်ဖို့ တိုက်တွန်းပါရစေ။

[ REFERENCE:

Rayan Cherki’s lofted passes into the box can help Manchester City fill a Kevin De Bruyne-shaped hole By Thom Harris]

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

အဝေးကွင်းဂျာစီထက် ပိုခမ်းနားတဲ့ စီးတီးနဲ့ Puma စာချုပ်သစ်------------------------------------------[ဆောင်းပါး]မနေ့ကပဲ အဝ...
19/07/2025

အဝေးကွင်းဂျာစီထက် ပိုခမ်းနားတဲ့ စီးတီးနဲ့ Puma စာချုပ်သစ်
------------------------------------------
[ဆောင်းပါး]

မနေ့ကပဲ အဝေးကွင်းဂျာစီသစ်ကို စီးတီးက တရားဝင် ချပြသွားခဲ့တယ်။ ဒီဂျာစီအပေါ် စီတီဇင်တွေရဲ့ Feedback ကလည်း တော်တော်ကောင်းပါတယ်။ ဒီအဝေးကွင်းဂျာစီရဲ့ ကာလာအစပ်အဟပ်ဟာ ‌တကယ့်ကို So Cool ပဲ။ အရမ်းကို သန့်လွန်းပြန့်လွန်းတယ်။ တော်ဝင်ဆန်တဲ့ အမည်း‌ရောင်အောက်ခံပေါ်မှာ ငွေရောင်လိုဂိုနဲ့ စာသားတွေကို အထာကျကျ ရိုက်နှိပ်ထားတယ်။ ကြည့်လိုက်တာနဲ့ Luxury ဆန်တဲ့ ခံစားချက်ကို ပေးတယ်။ မြင်လိုက်ရုံနဲ့ ကိုယ်ပေါ်မှာ တင်လိုက်ချင်တဲ့ အာသီသကို နှိုးဆွပေးပါတယ်။ စီးတီးရဲ့အဝေးကွင်းဂျာစီတွေထဲ အလှဆုံးတစ်ခုလို့ကို သတ်မှတ်လိုက်ချင်စရာကောင်းနေတဲ့အထိပဲ။

ဒါပေမဲ့ ဒီဂျာစီကို တရားဝင်ချပြခါနီး လက်မတင်လေးမှာတင် စီးတီးနဲ့ Puma တို့ ချုပ်ဆိုခဲ့တဲ့ စာချုပ်သစ်က ပိုပြီးလှပနေခဲ့တယ်၊ ခမ်းနားနေခဲ့တယ်။ အထူးသဖြင့်တော့ စီးတီးအတွက်ပေါ့။

စီးတီးက ဂျာစီတွေအတွက် Puma နဲ့ နောက်ထပ်ဆယ်စုနှစ်တစ်ခုစာ ထပ်မံလက်တွဲသွားမယ့် သက်တမ်းတိုးစာချုပ်ကို ချုပ်ဆိုလိုက်တာပါ။ ဒီစာချုပ်အကြောင်း အတွင်းကျကျသိထားတဲ့ စီးတီးရဲ့အတွင်းလူတွေကတော့ ပရီးမီးယားလိဂ်သမိုင်းတလျှောက် တန်ဖိုးအကြီးဆုံး Kit Deal ဖြစ်လာမယ်လို့ မှတ်ချက်ပေးကြတယ်။ ဆိုတော့ ဘာကြောင့်လဲ..။

Pum‌‌a နဲ့ စီးတီးတို့ရဲ့ လက်တွဲမှုက ၂၀၁၉-၂၀ ဘောလုံးရာသီမှာ အစပြုခဲ့တယ်။ ဒီလက်တွဲမှုအစမှာ စာချုပ်တန်ဖိုးက တစ်ရာသီကို အမြင့်ဆုံးပေါင် (၆၅)သန်းအထိ မိုင်ကုန်ပဲ။ အခုစာချုပ်သစ်မှာတော့ တစ်ရာသီကို ပေါင်သန်း(၁၀၀) အထိ ဖြစ်သွားပြီ။ ဒါပမာဏဟာ အင်္ဂလန်က ဘယ်အသင်းမဆိုထက် ပိုပြီး သာလွန်သွားဖို့လည်း ရှိနေတယ်။

စီးတီးနဲ့ Puma ရဲ့ ပထမစာချုပ်ဟာလည်း ဆယ်စုနှစ်တစ်ခုစာသက်တမ်းနဲ့ ချုပ်ဆိုထားတာပါ။ ၂၀၂၉-၃၀ ဘောလုံးရာသီမှသာ ဒီစာချုပ်က သက်တမ်းပြည့်လိမ့်မယ်။ ဒါပေမဲ့ လက်ရှိစာချုပ် သက်တမ်းမပြည့်ခင်မှာတင် ပိုပြီးတန်ဖိုးကြီးတဲ့ စာချုပ်သစ်တစ်ခုကို စီးတီးတို့ Puma ဆီကနေ ရခဲ့တယ်။ ဒီအတွက် အဓိကကျခဲ့တာဟာ Puma နဲ့ အတူလက်တွဲထားတဲ့အချိန်ဖြစ်တဲ့ ပြီးခဲ့တဲ့ငါးနှစ်တာအတွင်း အဓိကဆုဖလား(၇)လုံးအထိ ရယူခဲ့တဲ့ စီးတီးရဲ့အောင်မြင်မှုတွေပါပဲ။

Puma က လက်ရှိမှာ အေစီမီလန်၊ ဒေါ့မွန်၊ မာဆေးလ်၊ ဗလင်စီယာနဲ့ ပေါ်တူဂီလ်လက်ရွေးစင်အသင်း စတာတွေနဲ့ လက်တွဲထားတယ်။ ဒီအသင်းတွေအားလုံးထက် လက်ရှိစီးတီးနဲ့ လက်တွဲမှုက ပိုပြီးတန်ဖိုးမြင့်ပါတယ်။

တကယ်တော့ ဒီစာချုပ်သစ်ကို စီးတီးအတွက် အကျိုးအမြတ်များတဲ့ လက်တွဲမှုတစ်ခုအဖြစ် ဖော်ပြမယ်ဆိုရင်တောင် မလုံလောက်သေးပါဘူး။ ဒီစာချုပ်သစ်ရဲ့ တန်ဖိုးဖြစ်တဲ့ တနှစ်ကို ပေါင်သန်းတစ်ရာဆိုတဲ့ ပမာဏဟာ အင်္ဂလိပ်ဘောလုံးလောကရဲ့ အမြင့်မားဆုံးပမာဏလို့တောင် ဆိုကောင်းဆိုနိုင်ပါတယ်။ ဒီနေရာမှာ ဆိုကောင်းဆိုနိုင်တယ်ဆိုတဲ့ စကားလုံးအသုံးအနှုန်းကိုတော့ သတိချပ်စေချင်ပါတယ်။ ဆိုလိုချင်တာက အသင်းတွေက ဒီလို စီးပွားရေးဆိုင်ရာသဘောတူညီချက်တွေနဲ့ ပတ်သက်လာရင် အသေးစိတ်ချပြတတ်တဲ့ ထုံးစံမရှိသလို စီးတီးကလည်း ထူးမခြားနားပါပဲ။

ဒီစာချုပ်မှာဆိုရင်လည်း Puma က စီးတီးကို သူတို့နဲ့ လက်တွဲထားရုံနဲ့ တစ်နှစ်ကို သန်းတစ်ရာစပွန်ဆာပေးနေမှာလား။ ဒါမှမဟုတ် စီးတီးရဲ့ ကွင်းတွင်းအောင်မြင်မှုတွေအပေါ် မူတည်ပြီး အတိုးအလျော့တွေ ရှိလာဦးမလား။ ဒါတွေက အပြင်လူ‌တွေကို သေချာသိခွင့်မပေးထားတဲ့ အချက်တွေပါ။

ဥပမာပေးရရင် လီဗာပူးလ်နဲ့ Adidas ရဲ့ စာချုပ်သစ်မှာဆို အသင်းရဲ့ အောင်မြင်မှုတွေအပေါ် အခြေခံပြီး ချုပ်ဆိုထားတဲ့ အချက်တွေ ပါဝင်နေပါတယ်။ အသင်းရဲ့ ကွင်းတွင်းက စွမ်းဆောင်ရည်တွေ ကောင်းမကောင်း၊ ဂျာစီအရောင်းရဲ့ Sales Target ထိမထိဆိုတဲ့ အချက်တွေပေါ် မူတည်ပြီး စပွန်ဆာငွေပမာဏက အတိုးအလျော့ဖြစ်သွားမယ့် သဘောပါပဲ။

တကယ်လို့ စီးတီးသာ Puma ဆီက‌နေ တစ်နှစ်ကို ပေါင်သန်းတစ်ရာသာ ရပြီဆိုရင်တော့ မြို့ခံပြိုင်ဘက်ယူနိုက်တက်ရဲ့ ဂျာစီစပွန်ဆာဝင်ငွေကို ကျော်တက်နိုင်မယ့် အခွင့်အရေးလည်း ရှိနေပါတယ်။ ၂၀၂၃ကနေစလို့ ယူနိုက်တက်က Adidas ဆီကနေ တစ်နှစ်ကို ပေါင်သန်းကိုးဆယ် ပုံမှန်ရနေခဲ့တာပါ။ ဒီဝင်ငွေက လီဗာပူးလ်လိုပဲ အသင်းရဲ့ အောင်မြင်မှုအပေါ် ‌အခြေခံထားပါတယ်။ ဒီနှစ်တော့ ချန်ပီယံလိဂ်ဝင်ခွင့်နဲ့ လွဲခဲ့လို့ ယူနိုက်တက်တို့ လာမယ့်ရာသီမှာ ပေါင်ဆယ်သန်းအဖြတ်ခံရဖို့ ရှိနေတယ်။

ဒီစာချုပ်သစ်မတိုင်ခင်ထိ စီးတီးက စာချုပ်ဟောင်းမှာ သဘောတူညီထားတဲ့အတိုင်း တစ်နှစ်ကို ပေါင်(၆၅)သန်းလောက်ပဲ ပုံမှန်ဝင်ငွေရနေခဲ့တာပါ။ ၂၀၂၃-၂၄ ရာသီအတွက် UEFA ရဲ့ ငွေကြေးပိုင်းဆိုင်ရာ Report တွေအရတော့ ဒီပမာဏဟာ ဂျာစီတွေနဲ့ အမှတ်တရပစ္စည်းတွေကနေ ပရီးမီးယားလိဂ်ရဲ့ Big (6)အသင်းတွေ ရနေတဲ့ ဝင်ငွေတွေထဲ အနည်းဆုံးဖြစ်နေပါတယ်။ ဒါပေမဲ့ ဒီလိုကိစ္စတွေနဲ့ နီးစပ်သူတွေကတော့ ဒါဟာ စီးတီးရဲ့ ဝင်ငွေတွက်ချက်ပုံနဲ့ သတ်မှတ်ပုံတွေကြောင့် အခုလိုနည်းနေရတာလို့ ပြောကြတယ်။

စီးတီးက သူတို့ရဲ့ Merchandising နဲ့ ပတ်သက်ပြီး Stichd ဆိုတဲ့ အပြင်ကုမ္ပဏီကို အပ်ထားတယ်။ ဒီကုမ္ပဏီဟာလည်း Puma ရဲ့ လုပ်ငန်းခွဲတွေထဲက တစ်ခုပါပဲ။ ဒီကနေရတဲ့ အကျိုးအမြတ်ကို တွက်တဲ့အခါ စီးတီးက အသားတင်အမြတ်ကိုပဲ ယူပြီးတွက်ချက်လေ့ရှိတယ်။ ကျန်တဲ့အသင်းတွေကတော့ ကုန်ကျစရိတ်မနှုတ်ရသေးတဲ့ ဝင်ငွေအားလုံးကို အခြေခံပြီး တွက်ကြချက်ကြတယ်။ ဒါကြောင့်ပဲ ဒီအသင်းတွေကြား စီးတီးက အနိမ့်ဆုံးဖြစ်နေရတဲ့သဘောပါပဲ။ အခုနောက်ဆုံး စာချုပ်သစ်ကတော့ စီးတီးကို ဒီအသင်းတွေကြားမှာ အဆင့်တက်လာစေလိမ့်မယ်။

ခုနကပြောခဲ့တဲ့ UEFA ရဲ့ Report အရ ဂျာစီနဲဲ့အမှတ်တရပစ္စည်းရောင်းချမှုတွေကနေ လီဗာပူးလ်ဟာ တစ်နှစ်ကို ပေါင် (၁၂၇)သန်းအထိ ဝင်ငွေရနေတယ်။ သူ့နောက်မှာ အာဆင်နယ်က ပေါင်(၁၀၄)သန်းနဲ့ ရှိ‌နေတယ်။ ဒါပေမဲ့ ဒီနံပါတ်တွေဟာ ကုန်ကျစရိတ်မနှုတ်ထားတဲ့ ဝင်ငွေတွေ။ ကုန်ကျစရိတ်တွေသာ နှုတ်လိုက်ရင် အသားတင်ဝင်ငွေက သေချာပေါက်ကို ဒီထက်နည်းသွားမှာ အသေအချာပဲ။ တကယ်သာ စာချုပ်အသစ်က စီးတီးကို Puma ကနေ တနှစ်ကို ပေါင်သန်းတစ်ရာအထိ အသားတင်ဝင်ငွေရအောင် လုပ်ပေးနိုင်မယ်ဆိုရင်တော့ ဒီကဏ္ဍနဲ့ပတ်သက်လာရင် စီးတီးရဲ့ ဝင်ငွေက ပရီးမီးယားလိဂ်မှာ အမြင့်ဆုံးဖြစ်လာပါလိမ့်မယ်။ ဒီလိုသာဆို ဒီစာချုပ်ဟာ စီးတီးအတွက်တော့ အဝေးကွင်းဂျာစီထက် ပိုပြီးခမ်းနားလှပနေမှာ အသေအချာပဲပေါ့။

[ REFERENCE:
Manchester City sign new Puma deal: Analysing the ÂŁ100m per season kit partnership By Jordan Campbell & Chris Weatherspoon ]

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

စီးတီးဘက်က အိုရိုင်လ်လေကို ရောင်းထုတ်သွားမှာ မဟုတ်ပါဘူး။ ဂျာမန်ကလပ်တွေဘက်က လိုချင်နေပေမဲ့ အသင်းမှာ ဆက်ထိန်းသွားမှာဖြစ်ပါ...
18/07/2025

စီးတီးဘက်က အိုရိုင်လ်လေကို ရောင်းထုတ်သွားမှာ မဟုတ်ပါဘူး။ ဂျာမန်ကလပ်တွေဘက်က လိုချင်နေပေမဲ့ အသင်းမှာ ဆက်ထိန်းသွားမှာဖြစ်ပါတယ်။

ပက်ကိုယ်တိုင်က အိုရိုင်လ်လေရဲ့ Performance ကို ကျေနပ်နေတယ်လို့ ယူဆရပါတယ်

•

Presented by 𝐋𝐞𝐭 𝐌𝐞 𝐓𝐚𝐥𝐤 𝐱 𝐌𝐲𝐚𝐧𝐦𝐚𝐫 𝐂𝐢𝐭𝐲𝐳𝐞𝐧𝐬

𝐋𝐞𝐭 𝐌𝐞 𝐓𝐚𝐥𝐤 ▪️
What We Talk About When We Talk About City

ที่อยู่

Bangkok

เว็บไซต์

แจ้งเตือน

รับทราบข่าวสารและโปรโมชั่นของ Let Me Talkผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท