เว็บไซต์คืออะไร?

https://www.facebook.com/101145171359468/

JTS Sport, Bangkok (2026)

31/07/2026

🔥😍🥊 UFC ကို ယှဉ်ဖိုက်တော့မယ့် Jake Paul ရဲ့ MVP‼️

လတ်တလောမှာ တိုက်ခိုက်ရေးလောကကို ရိုက်ခတ်သွားစေမယ့် သတင်းတစ်ပုဒ် ထွက်ပေါ်လာပါတယ်။ အဲ့ဒါကတော့ Jake Paul ပိုင်ဆိုင်တဲ့ MVP အဖွဲ့အစည်းက PFL နဲ့ ပူးပေါင်းလိုက်တာပါ။ ဒါကြောင့် နောက်ပိုင်းမှာ PFL ဆိုတဲ့ အဖွဲ့အစည်းက ရှိတော့မှာမဟုတ်ဘဲ MVP ဆိုတဲ့နာမည်နဲ့ ဆက်လက်ရပ်တည်သွားတော့မှာ ဖြစ်ပါတယ်။

MVP က သူတို့ရဲ့ ပထမဆုံးပြိုင်ပွဲမှာဆိုရင်လည်း Ronda Rousey, Francis Ngannou တို့လို ဖိုက်တာတွေကို ပွဲထုတ်နိုင်ခဲ့ပြီး Netflix မှာလည်း ပြသခဲ့ပါတယ်။ PFL နဲ့ ပူးပေါင်းပြီးတဲ့နောက်မှာတော့ အရင်ကထက် ပိုကောင်းတဲ့ ခြေလှမ်းတွေနဲ့ MVP အဖွဲ့အစည်းက UFC ကို ယှဉ်ဖိုက်လာတော့မှာပါ။ ဒါပေမယ့် MVP ကတော့ MMA တစ်မျိုးတည်းမဟုတ်ဘဲ ဘောက်ဆင်ပွဲတွေနဲ့ တခြား တိုက်ခိုက်ရေးဆိုင်ရာ ကိစ္စရပ်တွေကိုပါ ဆောင်ရွက်မယ့် Organization အဖြစ် ရပ်တည်သွားမှာပါ။

UFC ကို ယှဉ်ဖိုက်မယ့်ရည်ရွယ်ချက်နဲ့ အဖွဲ့အစည်းတွေက ခေတ်အဆက်ဆက် ပေါ်ထွက်ခဲ့ကြပါတယ်။ One Championship, Bellator တို့လည်း ဒီလိုအိပ်မက်မျိုး ရှိခဲ့ပေမယ့်လည်း မအောင်မြင်ခဲ့ပါဘူး။ ဒီတစ်ခါမှာ Jake Paul ရဲ့ MVP အဖွဲ့အစည်းကရော UFC ကို ယှဉ်နိုင်မလားဆိုတာ စောင့်ကြည့်ရပါမယ်။

31/07/2026

🔥🥊 One Championship ကို တောင်းပန်လိုက်တဲ့ Rodtang ‼️

မကြာသေးခင်ကပဲ One Championship နဲ့ Rodtang တို့ကြားက ပြဿနာတွေ အဆုံးသတ်သွားခဲ့ပြီးတော့ Rodtang အနေနဲ့လည်း One Championship နဲ့ စာချုပ်သစ်ချုပ်ဆိုသွားခဲ့ပြီ ဖြစ်ပါတယ်။ Rodtang နဲ့ One Championship တို့ဟာ ပြီးခဲ့တဲ့ လတွေအတွင်း ပြဿနာတချို့ ရှိခဲ့ပြီးတော့ ဥပဒေကြောင်းအရ တရားရင်ဆိုင်‌တာတွေလည်း ရှိခဲ့ပါတယ်။

လက်ရှိမှာတော့ Rodtang က One Championship နဲ့ CEO မစ္စတာချက်ထရီတို့ကို တောင်းပန်စကား ပြောလာခဲ့ပြီး ပြဿနာရဲ့ အရင်းအမြစ်တချို့ကိုလည်း ထုတ်ပြောသွားခဲ့ပါတယ်။ Rodtang ရဲ့ ပြောကြားချက်အရဆိုရင် One Championship က ၀န်ထမ်းတစ်ယောက်က သူ့ရဲ့ လက်မှတ်အတုထိုးပြီးတော့ ပြဿနာတွေ ဖြစ်စေခဲ့တာလို့လည်း သိရပါတယ်။

“အောင်မြင်ပြီး ၀င်ငွေကောင်းလာရင် လူတွေက ကိုယ့်နားကို ကပ်လာတတ်ကြတယ်။ အဲ့ဒီလူတွေက ကျွန်တော်တို့ ကောင်းဖို့အတွက် မဟုတ်ဘဲ ကိုယ်ကျိုးရှာမယ့်သူတွေပါ။ အကြောင်းအရာအသေးစိတ်ကို မပြောချင်ပေမယ့် လူတစ်စုရဲ့ အကြံဉာဏ်တွေကို ယုံပြီး ကျွန်တော်ကိုယ်တိုင်လည်း အမှားလုပ်မိခဲ့ပါတယ်။ အခုတော့ အဲ့ဒီလူတွေကို ဘ၀ထဲကနေ ထုတ်ပယ်ပြီးပါပြီ။”

“One Championship က အမြဲတမ်း စာချုပ်ပါ ထိုးကြေးထက်တောင် ကျွန်တော့်ကို ပိုပေးခဲ့ပါတယ်။ One Championship နဲ့ မစ္စတာချက်ထရီတို့ကိုလည်း စိတ်ရင်းအမှန်နဲ့ ကျွန်တော် တောင်းပန်ချင်ပါတယ်။ ပြီးခဲ့တဲ့လတွေအတွင်း ကျွန်တော့်ကြောင့် One Championship ဘက်မှာ ထိခိုက်နစ်နာခဲ့ရတာတွေအတွက်လည်း တောင်းပန်ပါတယ်။” ဆိုပြီး Rodtang က ပြောသွားခဲ့တာပါ။

30/07/2026

🔥🇲🇲👏ဩဂုတ်လ (၂၁) ရက်မှာ ကျင်းပမယ့် ONE Friday Fights 167 ပြိုင်ပွဲမှာ ကျော်စွာဝင်းနဲ့ Komawut ဆုံကြပြီ။ ဘင်တန်ဝိတ် (၁၄၅ ပေါင်) တန်းမှာ ကစားကြပါမယ်။ ပရိသတ်အချစ်တော် ကျော်စွာဝင်းက အပြင်းအထန်ကြိုးစားပြီး စွမ်းဆောင်ရည်ကြမ်းလို့သာ နိုင်ပွဲရနေတာပါ။ အစောပိုင်းမှာ Komawut က ရလဒ်ကောင်းပေမယ့် အခုတော့ (၅) ပွဲဆက်ရှုံးထားတာပါ။

အစောပိုင်းမှာ Komawut က လွှတ်ကြမ်းခဲ့တာပါ။ ONE Friday Fights ပြိုင်ပွဲတွေမှာ ခေါင်ပွဲတွေ ရခဲ့ဖူးတယ်။ အခုနောက်ပိုင်းကျမှ ရှုံးပွဲဆက်လာတာပါ။ (၇) ပွဲနိုင် (၇) ပွဲရှုံးဆိုတော့ ရလဒ်ကောင်းတယ်လို့ မဆိုနိုင်ပါဘူး။ ပြီးခြေပြီးလက်အားနည်းလည်း ပါပါတယ်။

ONE Friday Fights ပြိုင်ပွဲတွေမှာ ကျော်စွာဝင်းက (၂) ပွဲနိုင်ပြီး (၁) ပွဲရှုံးဖူးပါတယ်။ မဟာပြိုင်ဘက် Samingdam က ကျော်စွာဝင်းနဲ့ Komawut တို့ကို ဖြုတ်ချထားတာပါ။ အဲဒါကြောင့် ရှုံးထားသူတွေကို အခုလို ပြန်တည်ပေးတယ်လို့ ယူဆတယ်။

နောက်ဆုံးပွဲမှာ ကျော်စွာဝင်းက Slatan ကို အမှတ်ပြတ်နိုင်ထားပြီး Komawut က Samingdam ကို ကပ်ရှုံးထားပါတယ်။ အခုလာမယ့် တွဲဆိုင်းမှာတော့ ဘယ်သူနိုင်မယ်လို့ထင်လဲ။ ကျော်စွာဝင်း နိုင်ပွဲဆက်မလား၊ Komawut ရှုံးပွဲဆက်မလား။

29/07/2026

🔥😍 UFC 330 ရဲ့ အရန်ဖိုက်တာအဖြစ် ရှိမယ့် Michael Morales‼️

လာမယ့် UFC 330 ပြိုင်ပွဲမှာတော့ Islam Makhachev နဲ့ Ian Garry တို့ရဲ့ ဝယ်တာဝိတ်ချန်ပီယံလုပွဲကို ခေါင်ပွဲတွဲဆိုင်းအနေနဲ့ ပွဲတည်ပေးထားပါတယ်။ ဒီပွဲက ပရိသတ် စိတ်၀င်စားနေတဲ့ တွဲဆိုင်းလည်း ဖြစ်ပြီးတော့ အရပ်မောင်း ကောင်းကောင်းနဲ့ Ian Garry က Islam Makhachev ကို အခက်တွေ့အောင် လုပ်နိုင်မလား၊ ချန်ပီယံဘွဲ့ကို လွှဲပြောင်းယူနိုင်မလားဆိုတာ စောင့်ကြည့်နေကြပါတယ်။

UFC က ဒီလိုတွဲဆိုင်းတွေအတွက် အရန်ဖိုက်တာတွေ စီစဉ်ထားတတ်ပြီးတော့ Islam Makhachev နဲ့ Ian Garry တွဲဆိုင်းအတွက်လည်း အရန်ဖိုက်တာ စီစဉ်ထားပါတယ်။ ၀ယ်တာဝိတ်တန်းရဲ့ အလားအလာရှိဖိုက်တာတစ်ယောက်ဖြစ်တဲ့ Michael Morales ကပဲ ဒီတွဲဆိုင်းအတွက် အရန်ဖိုက်တာအနေနဲ့ ရှိနေမှာပါ။ ဒီအကြောင်းကို ကာယကံရှင်ဖြစ်တဲ့ Michael Morales ကိုယ်တိုင်က အတည်ပြုပေးသွားတာပါ။

Michael Morales အနေနဲ့ အရန်ဖိုက်တာတို့ရဲ့ ထုံးစံအတိုင်းပဲ ပွဲအတွက် လေ့ကျင့်ပြင်ဆင်ထားရမှာဖြစ်သလို သတ်မှတ်ဝိတ်အတွင်း ၀င်အောင်လည်း ပြင်ဆင်ထားရမှာပါ။ ဒီအတွက်လည်း UFC ဘက်က ပွဲမထိုးရဘူးဆိုရင်တောင် ထိုးကြေးပေးရမှာ ဖြစ်ပါတယ်။ အရန်ဖိုက်တာအနေနဲ့ ပွဲဝင်ထိုးခွင့်မရရင်တောင် နောက်ပွဲမှာတော့ Michael Morales အနေနဲ့ ချန်ပီယံလုခွင့်ရလာနိုင်ပါတယ်။

29/07/2026

🔥Meta Ai နဲ့ ကမောက်ကမ ဖြစ်လာတဲ့ UFC Ranking‼️

UFC ကတော့ Ranking သတ်မှတ်တဲ့ စနစ်ကို အပြောင်းအလဲလုပ်ထားပြီးတော့ အရင်လို ဂျာနယ်လစ်တွေ မဲပေးမှုနဲ့ သတ်မှတ်တဲ့စနစ်ကို မကျင့်သုံးတော့ပါဘူး။ အဲ့ဒီအစား UFC က Meta နဲ့ ပူးပေါင်းပြီးတော့ Ai နည်းပညာနဲ့ တွက်ချက်ပြီး Ranking သတ်မှတ်တဲ့ စနစ်မျိုးကို အသုံးပြုလာပါတယ်။ ဒီလိုသတ်မှတ်တဲ့ ပုံစံအသစ်ကြောင့် ကမောက်ကမဖြစ်လာရတဲ့ ပုံစံမျိုးတွေ့လာရပါတယ်။

လက်ရှိမှာတော့ Joshua Van တို့ရဲ့ ဖလိုင်းဝိတ်တန်းမှာ Ranking ကမောက်ကမဖြစ်တာက အထင်ရှားဆုံး ဖြစ်နေပါတယ်။ မကြာသေးခင်ကပဲ Van ကို စိန်ခေါ်ခဲ့တဲ့ ဖိုက်တာ Ramazonbek Temirov ဆိုတဲ့ဖိုက်တာက ချက်ချင်း Ranking အဆင့် ၇ နေရာကို ၀င်ရောက်လာပါတယ်။ ဒီဖိုက်တာက UFC မှာ ၃ ပွဲထိုးသတ်ပြီး အဲ့ဒီ ၃ ပွဲပဲ အနိုင်ရထားသေးတာ ဖြစ်ပါတယ်။ နိုင်ပွဲ ၃ ပွဲတည်းနဲ့ Ranking တက်လာတဲ့အချိန်မှာလည်း ချက်ချင်း Top 10 ထဲကို ၀င်ရောက်လာတာမျိုး ဖြစ်ပါတယ်။

ဒါ့အပြင် ဖလိုင်းဝိတ်တန်းမှာ Van ရဲ့ ပြိုင်ဘက်ဟောင်းဖြစ်တဲ့ Kevin Borjas ကလည်း အဆင့် ၁၁ နေရာမှာ ရောက်နေပါတယ်။ ဒီဖိုက်တာကလည်း UFC မှာ ၆ ပွဲထိုးထားပြီး ၂ ပွဲတည်း နိုင်ပွဲရထားတာ ဖြစ်ပါတယ်။ လက်ရှိမှာတော့ Meta Ai နဲ့ UFC Ranking သတ်မှတ်တဲ့ ပုံစံက ဝေဖန်မှုတွေနဲ့ ရင်ဆိုင်နေရပြီလည်း ဖြစ်ပါတယ်။

29/07/2026

🔥🥊အခုဆိုရင် Conor McGregor က ဒူးဒဏ်ရာရပြီး နားနေရတာပါ။ စာချုပ်နောက်ဆုံးပွဲကို The Last Dance လို့ တင်စားထားပြီး International Fight Week 2027 ကျမှ ပြန်ထိုးမယ်လို့ ဆိုထားပါတယ်။ The Last Dance လို့ ပြောထားပုံထောက်ရင် စာချုပ်နောက်ဆုံးပွဲက ကြေးစားနောက်ဆုံးပွဲလည်း ဖြစ်သွားနိုင်ပါတယ်။ International Fight Week ဆိုတော့ ဇွန်လနောက်ဆုံးအပတ်မှာ ဖြစ်လာနိုင်တယ်။

Conor McGregor က ဘောက်ဆင်ထိုးချင်နေတာပါ။ အသက်ကြီးလာတော့ ကြံ့ခိုင်ရည်ကျလာတယ်။ ဒဏ်ရာရလွယ်လာတယ်။ (၅) နှစ်နားပြီး ပွဲပြန်ထိုးခါမှ ဒူးအရွတ်ထပ်ဖြစ်တာ တော်တော်ဆိုးသွားတယ်။ အခုတော့ ခွဲစိတ်မလို့ အချိန်စောင့်နေရတာပါ။ ခြေထောက်က အရင်လို ပြန်မကောင်းဖို့များသွားပြီ။

ပြီးတော့ Conor McGregor က Max Holloway ကို ပြန်စိန်ခေါ်ထားတယ်။ နောက်ဆုံးပွဲမှာ Max Holloway ကိုပဲ ကစားချင်တယ်တဲ့။ သူတို့ချင်းက ဝမ်း - ဝမ်းဖြစ်ထားတာမို့ တတိယပွဲထိုးလည်း ရပါသေးတယ်။ ဒါပေမယ့် ပရိသတ်တွေက Conor McGregor ကို အရင်လောက် မမျှော်လင့်တော့ဘူး။ နောက်ဆုံးပွဲမှာ စွမ်းဆောင်ရည်က တော်တော်ဆိုးသွားတာပါ။ Conor McGregor နဲ့ Max Holloway တတိယပွဲကို စိတ်ဝင်စားကြလား။

27/07/2026

🔥😍👏 Rise အဖွဲ့အစည်းမှာ ပွဲထိုးဦးမယ့် Ryujin Nasukawa‼️

ဂျပန်နာမည်ကြီးဖိုက်တာ Tenshin ရဲ့ညီ Ryujin Nasukawa က မကြာသေးခင်က ၀မ်းမှာ ပွဲထွက်ခဲ့ပြီးတော့ ပွဲဦးထွက်မှာတင် ပွဲကြမ်းပြထားပါတယ်။ ထိုင်းဖိုက်တာ Thongpoon နဲ့ ထိုးသတ်ခဲ့ရာမှာ အလဲထိုးအနိုင်ယူနိုင်ခဲ့တာ ဖြစ်ပါတယ်။ ဒါပေမယ့် သိရသလောက်ကတော့ One Championship ဟာ Ryujin ကို Exclusive Contract ချုပ်ဆိုထားရခြင်း မရှိသေးပါဘူး။ သူ့အနေနဲ့ ဂျပန်အခြေစိုက် Rise အဖွဲ့အစည်းမှာ နောက်ပွဲထိုးသတ်ဖို့လည်း ရှိနေခဲ့ပါတယ်။

လာမယ့် စက်တင်ဘာလထဲမှာပဲ RISE အဖွဲ့အစည်းရဲ့ ချန်ပီယံလုပွဲအနေနဲ့ ကာဇူကီအိုဆာကီဆိုတဲ့ ဖိုက်တာနဲ့ ထိုးသတ်သွားဖို့ ရှိနေပါတယ်။ ဒါက မကျေပွဲလည်း ဖြစ်ပြီးတော့ ပြီးခဲ့တဲ့ ဇွန်လမှာတုန်းက Ryujin က အပိုတစ်ချီထိုးသတ်ပြီး အမှတ်နဲ့ ရှုံးထားရတာ ဖြစ်ပါတယ်။ ‌လက်စလက်နရှိတဲ့ ဒီဖိုက်တာလေးကို One Championship အနေနဲ့ သိပ်မကြာခင် စာချုပ်ကြီးချုပ်နိုင်မလားဆိုတာ စောင့်ကြည့်ရပါမယ်။

One Championship မှာ လက်ရှိဖိုက်တာတွေအတွက် စီစဉ်ထားတဲ့ စာချုပ်ပုံစံနှစ်မျိုး ရှိနေပါတယ် တစ်ခုက One Championship မှာပဲ ထိုးသတ်ရမှာဖြစ်ပြီး ပြိုင်ပွဲကြီးတွေအတွက် ရည်ရွယ်တဲ့ Exclusive Contract ပါ၊ ဒါကိုတော့ မြန်မာပရိသတ်တွေက ဒေါ်လာတစ်သိန်းတန်စာချုပ်ကြီးလို့လည်း သိကြပါတယ်။ နောက်ထပ် စာချုပ်တစ်မျိုးက One Friday Fight ပွဲတွေအတွက် ရည်ရွယ်ပြီး ဖိုက်တာတွေကို တစ်ပွဲချင်းဆီ ကမ်းလှမ်းတဲ့ စာချုပ်ပါ။ ဒီလိုဖိုက်တာတွေက တခြားအဖွဲ့အစည်းမှာလည်း ထိုးသတ်ခွင့် ရှိပါတယ်။

27/07/2026

🔥🥊 Conor McGregor နဲ့ ပတ်သက်ပြီး Dana White ဘာပြောလဲ❓

ရှေ့အင်တာဗျူးတွေမှာတုန်းက Conor McGregor နဲ့ ပတ်သက်ပြီး တိတိကျကျ မှတ်ချက်ပေးခဲ့ခြင်းမရှိတဲ့ UFC ဥက္ကဌကြီး Dana White ကတော့ လက်ရှိမှာ Conor နဲ့ ပတ်သက်လို့ ထုတ်ပြောလာခဲ့ပါပြီ။ Zuffa Boxing 9 ပြိုင်ပွဲရဲ့ သတင်းစာရှင်းလင်းပွဲမှာပဲ မီဒီယာတွေရဲ့ မေးမြန်းမှုကို Dana White က ဖြေသွားခဲ့တာပါ။ Dana White ရဲ့ အဆိုအရတော့ Conor ဟာ တစ်နှစ်ကျော်လောက် အနားယူရဖို့ ရှိနေပါတယ်။

“ကျွန်တော် သူနဲ့ ဒီပွဲမှာ မျက်နှာချင်းဆိုင် စကားပြောဖြစ်ခဲ့ပါတယ်။ ဒါပေမယ့် သူ တစ်နှစ်လောက်တော့ ပြန်ကစားနိုင်ဦးမှာ မဟုတ်သေးပါဘူး။”ဆိုပြီး Dana White က မီဒီယာတွေရဲ့ မေးမြန်းမှုကို ပြန်ဖြေသွားခဲ့တာ ဖြစ်ပါတယ်။

Conor McGregor အနေနဲ့ ACL လို့ ခေါ်တဲ့ ပြင်းထန်ဒူးဒဏ်ရာတစ်မျိုး ရခဲ့တာဖြစ်ပြီး ခွဲစိတ်ကုသမှုလည်း ခံယူထားခဲ့ရတာပါ။ ဒီတစ်ခါမှာတော့ Conor က ပွဲပြန်ထိုးသတ်ဖို့အတွက် သူကိုယ်တိုင်လည်း စိတ်အားထက်သန်နေခဲ့တာပါ။ ဒဏ်ရာကလည်း သက်သာလာခဲ့ရင် Conor က Max Holloway နဲ့ မကျေပွဲပြန်ထိုးမယ်ဆုပြီးတော့လည်း သတင်းထွက်ထားပါတယ်။

25/07/2026

🔥😍ယူအေအီးနိုင်ငံ အဘူဒါဘီမြို့မှာ ကျင်းပမယ့် UFC Fight Night 282 ပြိုင်ပွဲကို ဒေသစံတော်ချိန်အတိုင်း ကစားခိုင်းမယ်။ ကစားသမားတွေက စနေညမှာ ထိုးသတ်မှာဖြစ်ပြီး အမေရိကန်ပရိသတ်တွေက စနေမနက်မှာ ကြည့်ရပါမယ်။ အရင်တုန်းကတော့ အမေရိကန်စံတော်ချိန်အတိုင်း ကစားခိုင်းတာမို့ ကစားသမားတွေက တနင်္ဂနွေနေ့ မနက်စောစောမှာ ထထိုးရပါတယ်။ ဒါကြီးက မဟန်ပါဘူး။ ဖိနပ်နဲ့မတော်လို့ ဖနောင့်ကို လှီးပစ်စရာမလိုပါဘူး။ ပိုကြီးတဲ့ဖိနပ်ကို ပြောင်းစီးသင့်ပါတယ်။ ဒေသစံတော်ချိန်အတိုင်းလုပ်တာက အကောင်းဆုံးပါ။

UFC Fight Night 282 ပြိုင်ပွဲမှာ တွဲဆိုင်း (၁၃) ခုထည့်ထားတာပါ။ Prelim Card မှာ တွဲဆိုင်း (၇) ဆိုင်းပါပြီး စနေနေ့ မြန်မာစံတော်ချိန် ည (၇) နာရီ (၃၀) မိနစ်မှာ ပွဲစပါမယ်။ Prelim Card မှာ တွဲဆိုင်း (၆) ဆိုင်းပါပြီး စနေနေ့ မြန်မာစံတော်ချိန် ည (၁၀) နာရီ (၃၀) မိနစ်မှာ ပွဲစပါမယ်။

Magomed Ankalaev နဲ့ Bogdan Guskov တို့က ခေါင်ပွဲဖြစ်ပြီး ခေါင်ပွဲက ညနက်ပါမယ်။ နည်းနည်းနောက်ကျပါမယ်။ Bogdan Guskov က နောက်တက်ဖိုက်တာဆိုပေမယ့် ပြီးခြေပြီးလက်ရှိပါတယ်။ Magomed Ankalaev က လိုက်ဟဲဗီးဝိတ်ချန်ပီယံဟောင်းဖြစ်ပြီး အတွေ့အကြုံရင့်နေပါပြီ။ ကျွန်တော်က Bogdan Guskov ကို ပိုကြိုက်ပါတယ်။ အလဲထိုးနိုင်ပွဲတောင် ဖြစ်သွားနိုင်ပါတယ်။

25/07/2026

🔥🥊စက်တင်ဘာလ (၁၉) ရက်မှာ ကျင်းပမယ့် UFC 331 ပြိုင်ပွဲမှာ Renato Moicano နဲ့ Brian Ortega တို့ကို ပွဲတည်ထားပါတယ်။ ဖယ်သာဝိတ်တန်းမှာ Brian Ortega က ရလဒ်မကောင်းတော့တာမို့ လိုက်ဝိတ်တက်ထိုးတာပါ။ လိုက်ဝိတ်အဆင့် (၇) Renato Moicano က ကြိုဆိုရပါမယ်။

UFC 331 ပြိုင်ပွဲမှာ Patricio Pitbull နဲ့ Doo Ho Choi တို့ကိုလည်း တည်ပေးထားပါတယ်။ တောင်ကိုရီးယားဖိုက်တာ Doo Ho Choi က နိုင်ပွဲဆက်နေတာပါ။ ဆရာကြီး Patricio Pitbull က ရှုံးလိုက်နိုင်လိုက်ဖြစ်ပြီး ရလဒ်မတည်ငြိမ်ပါဘူး။ UFC Contract ရတော့ အသက်ကြီးနေပြီမို့ စွမ်းဆောင်ရည်ကျတာပါ။

UFC 331 ပြိုင်ပွဲမှာ Charles Oliveira နဲ့ Arman Tsarukyan တို့ကို ခေါင်ပွဲပေးထားတယ်လို့ သတင်းထွက်နေပေမယ့် ပွဲမတည်မဟုတ်သေးပါဘူး။ ပြိုင်ဘက်က Arman Tsarukyan မဟုတ်ရင်လည်း Diego Lopes ဖြစ်နိုင်ပါတယ်။ ဘရာဇီးခေါင်းဖြူကြီး Charles Oliveira ပါဖို့က သေချာသလောက်ပါ။

Joshua Van နဲ့ Alexandre Pantoja တို့ကို ဒုတိယခေါင်ပွဲပေးတယ်လို့ ကြားရပါတယ်။ ဒါကလည်း အတည်ပြုလို့ မရသေးဘဲ ကောလာဟလအဆင့်ပါ။ ဘာပဲဖြစ်ဖြစ် UFC 331 ပြိုင်ပွဲအတွက် တွဲဆိုင်းတွေကို တရားဝင်ချပြနေပြီမို့ မကြာခင်မှာပဲ သတင်းကောင်းကြားရပါလိမ့်မယ်။

JTS Sport

31/07/2026

31/07/2026

30/07/2026

29/07/2026

29/07/2026

29/07/2026

27/07/2026

27/07/2026

25/07/2026

25/07/2026

ที่อยู่

เว็บไซต์

แจ้งเตือน

ทางลัด

แชร์

ประเภท