16/05/2026
#بصراحة شي محزن إنو آخر فترة شفنا أكتر من دوري كرة قدم وكلهم تقريباً انتهوا بمشاكل ومضاربات وتعصب زيادة عن اللزوم…
يا جماعة الرياضة انخلقت للمتعة والمحبة وتقوية العلاقة بين الناس، مو حتى نخسر بعض ونطلع من المباراة بزعل ومشاكل.
المدرب قبل ما يكون مدرب لازم يكون قدوة بالأخلاق والاحترام، واللاعب الشاطر مو بس يلي يلعب منيح… الشاطر الحقيقي يلي يعرف يربح باحترام ويخسر باحترام.
وكمان الجمهور إله دور كبير، التشجيع الحلو بيرفع مستوى الدوري، أما السب والشحن والتعصب ما بيطلع منه غير المشاكل.
و
- الرياضة أخلاق قبل ما تكون فوز
-الربح بيوم… بس الاحترام بيدوم
- خسارة باحترام، أحسن من ربح بمشكلة
وإذا نحنا ما فهمنا معنى الرياضة الصح، وما لعبنا بروح رياضية، رح نضل جاهلين ونحوّل طاقة جسمنا من لعب يعدل المزاج ويفرّغ الضغط… للعب يسبب ضغط نفسي ومشاكل وعداوات بين الناس.
وكمان كلمة للجنة المنظمة للدوريات:
اللجنة مو اسم وبروز بالواجهة وتصوير وبس… اللجنة مسؤولية كبيرة، ولازم تكون قدّها.
لازم يكون في شخصية قوية، وقرارات عادلة، وضبط للمشاكل من أولها، وعدم المجاملة على حساب نجاح الدوري.
نجاح أي دوري يبدأ من احترام اللجنة للقانون وتطبيقه على الجميع بدون استثناء.
إذا بدنا دوريات تنجح لازم يكون في:
* احترام بين الكل.
* تقبل للخسارة قبل الربح.
* روح رياضية عالية.
* تنظيم وقوانين واضحة.
* لجنة قوية وعادلة.
* إبعاد أي شخص يثير المشاكل مهما كان.
بالأخير نحنا أهل ومنطقة وحدة، والرياضة لازم تجمعنا مو تفرقنا 🤝🏻
