02/09/2026
📝من صفحة الأخ والمحب باسل أبو راس:
التجييش علينا و الحمله هي معروف كتير منيح مين وراها و مين قام فيا و احد الاشخاص اتصل هلأ بأحد اصدقائي و اتهمو و اتهمنا انو نحن شبيحة و بوعدك انو هالكلمة رح تكلفك كتير كتير لانو نحن بدولة قانون و ما حضرتك بتقرر مين شبيح و مين ثورجي اوكه.
المهم القصة و ما فيها و بالاحرى ليه هنن عملو الحمله علي انا بالذات ….الكل او الاغلبية بيعرفو انو محمد ريحانيه اقرب شخص الو هو انا و بياخد رأيي بكل شي فلما اتصلو فيو النادي مشان يوقع هالموسم ، اتصل فيني و قلي حكو معي النادي و بدهن اقعد معهن اليوم و بدي ياك تكون معي ف انا قلتلو اتصل بخالد سنان و قلو رح يجي باسل معي فحضرة اللي معتبرو اخ و كنت معو بكل شاردة و واردة و اكتر حدا دعمتو الموسمين الماضيين و اذا عم اكذب يطلع يكذبني هون ، بدل ما يقلو انو اوكه ما حدا غريب بقلو للريحانيه اتصل بالكابتن ياسر و سألو فحضرة ابو رفيق بيعرف تماماً انو انا من اقرب الاشخاص للريحانيه، بقلو انت عاملو تفويض حتى يجي معك !!!؟؟؟ …لك يا اخي اعتبرني اخوه ابوه لك اعتبرني جدو …المهم قلو اي عاملو وكالة من 5 سنين فرحت معو عالاجتماع و من هون بلش الحقد علي و صارو يحكو انو انا رفعت عقود اللاعبين و عم حرض اللاعبين مع العلم انو خليت ريحانيه يوقع اقل ب 15000$ عن العقد اللي جاييه من غير نادي و مع العلم كمان انو هنن عاطين للاعبين موقعيلن اعلى من هاد الرقم و بنفس الوقت الشخصين اللي اعدين عم يتفاوضو مع اللاعبين هنن نفس عم يشتغلو ببعض و واحد منن بقول للاعبين ما توقعو لحتى ترجعولي يعني مشان يورجيه للتاني انو هو بمون على اللاعبين اكتر منو
المهم هي مو المره الاولى اللي بمون فيا على لاعبين يوقعو بالنادي و مو بس ريحانيه في غيرو و غيرو و غيرو و مو هلأ بس ، حتى ايام اللي ما كان في ولا ليرة بالنادي كنا ندق على صدرنا و نقلن وقعو و حقكن عنا
لما بدك تجي تتهمنا بالتحريض و بالتفشيل بدو يكون عندك اثبات تورجيه للعالم مو تشليف حكي مشان تلم لايكات و كومنتات على حسابنا لانو اللي بحرض و بفشل ما بياخد اخر 5 سنين بطولتين دوري و بطولة كأس و ما تخليني اطالعلك بوستاتك السنة الماضية لما كنت انت اللي عم تفشل و بدك الفريق يخسر و ما ياخد بطولة لانك ما بتحب المدرب انت و كم واحد من جماعتك
نحن مع النادي و منحب النادي اكتر منك و من كل جماعتك و ما بيوم تمنينا النادي يخسر كرمال مصالح شخصيه لانو الحمدلله ما النا مصلحة بالنادي ولا مدورين على استفادة مادية من النادي .
