29/06/2026
Kere Gbegbere Pangbanga!
I imi gu bangere kurii riigbu ta kandi nga ga Naduru ko!
Kere gbegbere pai amangi gba nyemu vuru Yambio nga i ano gu bangere kurii riigbu ta kandi nga George Kobo, ko ki kpi kinaho. Yambio naabaha areme rogo kere imisiri tipa Kobo. Kobo angia gu paranga naadu na umbasitise na aboro dunduko kini bi ko na bakere kiki na irisa tipa wai ko adu dagba aboro. Ho George Kobo anaangi kandi ni, ko angi fu Al Wehida, ki ngia gayo kapiteni, na ki rogodi dungu akasi fuyo. Ko aima ngi a fu St Mary kusa mbata fu ko tona ngera kurii ariigbu ta kandi. George Kobo, nga guko naadu a na gu rimo riko nga Fabregas, anaasongoda gu riigbu ta kandi nga Arsenal, na gu namba naangba tiko naaanidu gii gako roko kandi yo nga 4, nga gu bangisa namba Fabregas anaavoho ho ko adu ni Arsenal yo. Si ima du ni bakere pa imisiri ka zanga Kobo wa gure. Mbori fu wasa fu gako aborokporo na ki songodi yo, na agurani dunduko na ini ko rogo gi kere imisiri du ani rogoho re.
