جمهورية غرب الظلط الماسونية

01/11/2025

دق و ربط جمهورية سلالاب الاشتراكية
والله دوري فلاحين كتير عليكم شنو هاذا يا شيخ

نهاية المباراة بفوز فريقنا على التعاون بثمانية أهداف مقابل هدف

عزالدين ادم ⚽️⚽️
انس حسن ⚽️⚽️
عادل ادم ⚽️⚽️
عماد ادم ⚽️
معتز احمد ⚽️

07/07/2025

كدا كتير والله يا ناس تلاته الف
جمهورية سلالاب الاشتراكية ما بسكت بعدا

24/06/2025

نحن نحتفظ بحق الضحك

07/06/2025

جمهورية سلالاب الاشتراكية امسكو ناس تلاته الف ديل عليكم الله

07/06/2025

*ليه مافي لمبات سوداء عشان نولعا بالنهار وتبقى الغرفه ضلام ونرقد ننوم.؟!*🙂😔
انتو شربوتكم كيف 🙄😑😌

06/06/2025

*كل عام وأنتم بخير،*
*سائلين الله أن يعيده عليكم وعلى من تحبون بالخير واليُمن والبركات*

جمهورية غرب الظلط الماسونية

04/06/2025

ف السعودية في تطبيق اسمو ( أوبر ) بتاع مشاوير ، حاجه كدا ذي ترحال العندنا ف السودان ..

مع القرف الحاصل دا وعشان امنع النضمي الكتير مع سواقين العربات ، مركب مكنه برازيلي ومسجل إسمي في التطبيق ( روبيرتو فرناندو دا سيلفا ) بركب مع سيد العربية و بعمل فيها ما بعرف اتكلم إلا أسباني ، ف بتجاوز حنك الونسه دا لغايه ما أصل مكاني العاوز امشيهو .. بحاسب وبتخارج.

المهم الليله العربيه الجاتني سايقها سوداني ، جيت راكب شبكني ليك هالووووو ماي فيرند .. وير آر يو فروم ؟
قلت ليهو فروم برازييييل ..

شبكني ليك يا سلاااااااااام أهلنا وحبيبنا

وقبل ما يسترسل معاي في الكلام شبكتو نو انجليش نو أرابك اسبانيول اسبانيول ( يعني يا ابو الشباب انا لا بتكلم انجليزي لا بتكلم عربي ، اسباني بس ) ف شنو عرف انو ماف طريقة اي تفاهم او ونسة مع الكائن دا لغايه ما أصل مشواري.

المهم في السكة جاهو تلفون ، صاحبنا رد على التلفون وقال ليهو الو يا حسن كيفك كيف اخبارك ان شاءالله بخير .. سايق لي مشوار والله .. راكب معاي واحد برازيلي .. علي الطلاق تشوف وشو تحلف تقول التوم ود عمتك نفيسة ، رقييييق ذي سلك الاقاشي ، و اطرش ما بتكلم إلا أسباني.

صاحبو اظن سألو قال ليهو جاي يعمل شنو في السعودية ؟

صاحبنا قال ليهو بي ضعفتو دي بكون مدرب لياقة بدنية في نادي .. اقسم بالله تشوفو تقول نازح من مدني.

كدي عليك الله افتح الجزيره شوف الجنجويد ديل احتمال دخلو البرازيل وزولنا دا جا مكبرها من هناك ..

غايتو يا حسن انا شاكي الزول دا يكون برازيلي فرع أمبده ، اقفل اقفل في كاميرا برجع ليك بعدين....

واتلفت علي وبي ابتسامة عريضة هالووووو ماي فريند.
اااااااه الشعب السوداني البطل .. شعب الله الطعماج

04/06/2025

عهود لكن

12/05/2025

يا جماعة خلوا بالكم – الموضوع خطير!

قذائف المضادات الأرضية دي جاتنا في البيت
أصابت بيتنا وبيوت تانية في الحلة،في سلالاب مربع 3 (بورتسودان) _جمب مسجد عثمان يس
كادت ان تسبب خسائر في الارواح لولا لطف الله 🙏
و الناس طالعة تتفرج وتشوف التصدي للمسيّرات!

المضادات دي ما بترجع تشوف وين تقع،
ممكن تقع فوق راسك أو تدخل بيتك لو السقف زنك!

عشان كده بالله عليكم:

وقت تسمعوا صوت المضادات، ختوا راسكم جوة بيوتكم.

ما تطلعوا تتفرجوا، ولا تقيفوا في النوافذ ولا فوق السطوح.

أبعدوا من التصوير والتجمهر – حياتكم أهم!

القصة دي ما لعبة،
خلوا الوعي يحكمنا قبل ما تحصل كارثة.

ساعد في نشر الكلام ده، يمكن تنقذ روح.
🙏