27/08/2026
لو عايز تبيع اكتر متتكلمش
ايوا مجرد الكلام الكتير ممكن يطير عليك بيعات عادي جدا
أكبر غلطة ممكن تعملها مع عميل أو حتى في تواصلك العادي مع الناس،
إنك أول ما تلاقي مساحة للكلام، تتحول لراديو.
تقعد تتكلم بسرعة عشان تلحق تقول كل اللي عندك
وترص في جمل ورا بعض و مميزات وعروض،
ونتيجة ده بتلاقي اللي قدامك بيفصل منك بعد أول جملتين،
ومخه مش لاحق يهضم المعلومات دي كلها.
مهارة إتقان السكوت
هي اللي بتضمن إن انتباه اللي قدامك يفضل معاك
" البياع الجامد بجد، هو اللي بيعرف إمتى يسكت"
اكيد سمعت النصيحة دي كتير قبل كدا ,
بس محدش قالك تسكت ليه وامتي وازاي ؟
تعالى نفهم بشكل أعمق ليه السكوت مهم
لما بتسكت في الوقت الصح،
بيحصل 3 حاجات سيكولوجية مهمين جداً
1- الطبيعة البشرية بتكره الصمت المحرج
لما بتسكت، الناس بتحس بضغط خفيف وبيحاولو يملو الفراغ ده بالكلام
وهنا بيبدأ يديك معلومات إضافية واعتراضات مستخبية وحاجات مكانش ناوي يقولها أصلاً
2- الصمت بيدي انطباع إنك بتسمع بتركيز وبتحلل كلام الشخص اللي قدامك
عشان تديله الرد الي هو محتاجه
العميل بيحس إنك مهتم تفهمه،
مش بس مستنيه ياخد نفسه عشان ترصله الكلام اللي إنت حافظه
3- السيطرة والاستغناء
البياع الملهوف مابيطيقش السكوت لكن سكوتك بيبعت رسالة لا واعية للعميل
"أنك واثق في منتجك، ومش هموت على البيعة"
الشعور بالاستغناء ده بيزرع ثقة عند العميل،
وبيخليه هو اللي يطاردك، مش العكس
جينا للسؤال الاهم , طب اسكت امتي وازاي ؟👇
1- سكوت الاستكشاف
لما تسأل العميل سؤال،
سيبه يرد براحته وبعد كدا متتكلمش
عد الاول في سرك 4 ثواني وبعد كدا رد
الطبيعة البشرية بتكره الصمت المحرج زي ما اتفقنا ،
فهتلاقي العميل بيكمل كلام وبيديك تفاصيل أكتر تستخدمها لصالحك
2- وقفة الاستيعاب
قبل ما تقول أهم ميزة في منتجك أو حاجة انت عايز الي بيسمعك يسمعك بتركيز ,
اسكت قبلها ثواني عشان تشد انتباهه
وبعد ما تقولها.. اسكت ثانيتين
عشان تتاكد انه سمعك بكامل تركيزه
ويلحق يترجم الكلام الي قولته كويس
وهنا بقا يجي وقت اهم لحظة لازم تسكت فيها
بعد ما تقول السعر أو تسأل سؤال الشراء (زي: جاهز نبدأ؟)
إياك تنطق ب ولا كلمه
اكيد دي لحظة موترة بس ممنوع فيها الكلام
لان الكلام الكتير اكيدو حتما ولابد هيوصلنا في الاخر لجمله
" سيبني افكر وارجعلك "
جزء كبير من احترافيتك كبياع بيعتمد على مهارة "إتقان السكوت"،
لأنها مهارة لا تقل أهمية عن الكلام نفسه.
⭕ اما بقا لو عايز تعرف إزاي تتعامل مع جمله "هفكر وارد عليك "
سيبلي كومنت بكلمة "هفكر"..
وهبعتلك في رسالة بوست اتكلمنا فيه عن الموضوع ده قبل كدا 📩👇
