08/01/2026
Umutoza w’Ikipe y’Igihugu yu Rwanda, Felix Sempoma, yakomeje gutunganya no kunoza abakinnyi bari mu mwiherero wo kwitegura amarushanwa akomeye ateganyijwe mu ntangiriro za 2026.
Nyuma y’isesengura ryimbitse ry’imyitwarire n’urwego rw’abakinnyi mu myitozo iri kubera i Musanze ku Africa Rising Cycling Centre, umutoza yagabanyije umubare w’abakinnyi asigarana 10, nyuma yo gusezerera Mike Uwiduhaye na Jeremie Ngendahayo.
Iki cyemezo cyafashwe mu gihe Ikipe y’Igihugu iri kwitegura Tour of Sharjah (23–27 Mutarama 2026) izabera muri Leta Zunze Ubumwe z’Abarabu 🇦🇪, irushanwa riri ku rwego rwa UCI 2.2 – Asia Tour, rikaba rizakoreshwa nk’urubuga rukomeye rwo gusuzuma abakinnyi mbere ya Tour du Rwanda 2026 iteganyijwe kuva ku wa 22 Gashyantare kugeza ku wa 1 Werurwe.
Abakinnyi bari mu mwiherero ubu ni: Eric Nkundabera, Shemu Nsengiyumva, Shadrack Ufitinema, Moise Mugisha, Samuel Niyonkuru, Jean de Dieu Manizabayo, Kevin Nshutiraguma, Eric Manizabayo, Roben Ikundabayo na Didier Twagirayezu.
Umutoza Sempoma yasobanuye ko aba bakinnyi bakuwe ku rutonde atari uko badafite ubushobozi, ahubwo ari igice cy’irushanwa n’ihangana mu guhitamo abahabwa amahirwe menshi muri iki gihe.
👉 Abakinnyi 6 bazatoranywa bajye guhagararira u Rwanda muri Tour of Sharjah, mu gihe abasigaye bazakomeza imyitozo ikomeye mu mwiherero, bagakomeza gusuzumwa mbere yo gufata imyanzuro ya nyuma ya Tour du Rwanda 2026.
Iri rushanwa rya Sharjah rizitabirwa n’amakipe y’ibihugu arimo Rwanda, UAE, Saudi Arabia, Morocco, Tunisia, Bahrain na Iraq, ndetse n’amakipe akomeye ya UCI Continental n’andi yo ku rwego rwo hejuru, bigatuma riba ikizamini gikomeye ku bakinnyi bacu 🇷🇼🔥
Uyu ni umunsi ku wundi wubaka Ikipe y’Igihugu ikomeye, ihangana kandi yiteguye guhesha ishema u Rwanda ku ruhando mpuzamahanga. 💪🏾🚴🏾♂️
AfricanCycling
UCIAsiaTour
RideForTheFlag 🇷🇼
