Dakhnair, Jand-ATTOCK

07/09/2026

الحمداللہ شکر الحمدللہ اس بار گاؤں دکھنیر میں ہونے والے شوٹنگ والی بال ٹورنمنٹ میں میری ٹیم نے کامیابی حاصل کی میری پوری ٹیم اور انتظامیہ اور میرے گاؤں کے بزرگ نوجوان اور بچوں نے بھر پور شرکت کی
میری ٹیم لالا صفدر سیٹھی شاکر حبیب گلستان لالا کاشف ویر صدام عزیز گوہر حبیب عرف راجہ اور جنڈ سے آے سنیئر پلئیر کی بھر پور محنت سے یہ ٹورنمنٹ ہمارے نام ہوا سپیشل تھنک لالا صفدر سیٹھی شاکر حبیب میری جیت کا کریڈٹ آپ کو جاتا ہے
سپیشل تھنک لالا شعیب فتح جنہوں نے ہمارے مہمانوں کو اچھاپرسکون ماحول فراہم کیا

02/09/2026

دکھنیر گردو نواح میں انٹرنیٹ اور موبائل سروس متاثر۔ جاز نیٹ ورک کی غیر تسلی بخش سروس کیوجہ سے علاقہ مکین بہت پریشان ہیں۔ برائے مہربانی متعلقہ ادارہ اس بات کا نوٹس لے۔
وائی فائی والے بھائی اپنی سرگرمیاں تیز کریں۔ تاکہ جلد عوام کو اس تھکڑ انٹرنیٹ سروس سے چھٹکارہ مل سکے۔ شکریہ

22/08/2026

انا للہ وانا الیہ راجعون۔
​غمناک خبر: یو سی دکھنیر کی معروف شخصیت اعظم خان صاحب کا انتقال
​السلام علیکم ورحمة اللہ وبرکاتہ!
​نهایت ہی افسوس اور دکھ کے ساتھ یہ اطلاع دی جا رہی ہے کہ ہمارے علاقے یو سی دکھنیر کی معروف اور محترم شخصیت اعظم خان صاحب، جو راولپنڈی اے ایف آئی سی (AFIC) میں زیرِ علاج تھے، خالقِ حقیقی سے جا ملے۔
​دعا:
اللہ رب العزت اپنے پیارے حبیب ﷺ کے صدقے مرحوم اعظم خان صاحب کی کامل مغفرت فرمائے، ان کی سیئات کو حسنات میں بدل دے، ان کے درجات بلند کرے اور انہیں جنت الفردوس میں اعلیٰ مقام عطا فرمائے۔
​اللہ تعالی تمام لواحقین اور سوگواران کو یہ عظیم صدمہ صبر و حوصلے سے برداشت کرنے کی توفیق اور صبرِ جمیل عطا فرمائے۔ آمین ثم آمین!

20/08/2026

یہ جو بچے سکول کی وردی میں ا رہے ہیں ماں باپ نے بولا ہوگا کہ بیٹا شادی پہ بھی پہن لینا اور بعد میں سکول بھی 💕

14/08/2026

ابھی یہ ویڈیو آنکھوں کے سامنے آئی تو دماغ میں ایک بات چلنے لگی کے پاکستان کو بھی ایسے ہی ہم کھا رہے ہیں جسکو جتنا موقع مل رہا ہے وہ اُتنا ہی لوٹ رہا ہے جسکو موقع نہیں مل رہا وہ بس پیچھے کھڑے ہو کر دیکھ رہا ہے ۔۔
Pakistan zinda bad 🙂

05/08/2026

تحریر گل رحمان سیف(دکھنیر)
آجکل دیہاتوں میں ایک نہایت شرمناک اور قابلِ مذمت عادت بن چکی ہے کہ چند ویلے تلنگے نوجوان اور بعض بزرگ بھی روڈ یا راستوں کے اطراف اور چوراہوں پر صبح شام کنگھی کر کے گوٹھ مار کے بیٹھنا ثواب سمجھتے ہیں
انہیں اوقات دیہاتوں میں کافی ماؤں بہنوں کے باہر کام کے سلسلے میں نکلنے کا وقت ہوتا ہے یا بائیک سوار فیملیز کا گزر ہو رہا ہوتا ہے

ذرا سوچیں
انہی راستوں سے ہماری مائیں، بہنیں، بیٹیاں، بزرگ اور پورے علاقے کے خاندان روزانہ گزرتے ہیں۔ کیا انہیں یہ حق نہیں کہ وہ عزت، سکون اور اطمینان کے ساتھ اپنے راستے سے گزر سکیں ۔

اور سب سے زیادہ افسوس تب ہوتا ہے جب یہی کام بزرگ کرتے ہیں۔
جنہیں نئی نسل کے لیے مثال بننا چاہیے وہی غلط روایت کو فروغ دے رہے ہوتے ہیں۔

بیشک آپ بزرگ ہیں لیکن آپ کی دیکھا دیکھی کچھ لوفر اسے ثواب سمجھ کے ڈیوٹی انجام دے رہے ہوتے ہیں ۔

نئی نسل وہی سیکھتی ہے جو اپنے بڑوں کو کرتے ہوئے دیکھتی ہے۔
یاد رکھیں، کسی علاقے کی تہذیب صرف بڑی عمارتوں سے نہیں
بلکہ اس کے لوگوں کے رویّوں سے پہچانی جاتی ہے۔

عوامی راستوں اور چوراہوں پر ڈیرے جما کر بیٹھنا نہ غیرت کی علامت ہے، نہ تہذیب کی، بلکہ یہ معاشرتی بے حسی اور بدتہذیبی کی واضح مثال ہے۔

اس روایت کو جتنی جلد ختم کیا جائے، اتنا ہی ہمارے معاشرے کے لیے بہتر ہوگا ۔ دیہات کی سب مائیں بہنیں بیٹیاں سب گاؤں کی برابر اور مشترک عزت ہوتیں ہیں ۔ ان کا خیال رکھنا سب گاؤں والوں کی ذمہ داری ہوتی ہے ۔

02/08/2026

24/07/2026

ماڑی (جنڈ)

24 جون2026 تا 24 جولائی 2026

ایک ماہ گزر گیا مگر ہمارے دلوں کی بے چینی کم نہ ہو سکی۔
آج ہمارے پیارے بیٹے ضیا الرحمان (ساکن ماڑی، تحصیل جنڈ، ضلع اٹک) کو ہم سے بچھڑے پورا ایک مہینہ ہو گیا ہے۔ یہ تیس دن ہمارے لیے صدیوں سے کم نہیں تھے۔
ہر گزرتا لمحہ امید اور بے بسی کے درمیان جھولتے ہوئے گزرا، مگر افسوس کہ آج تک اس کے بارے میں کوئی مصدقہ اطلاع نہیں مل سکی کہ وہ کہاں ہے؟ کس حال میں ہے ؟اور کس کیفیت میں زندگی گزار رہا ہے؟
ایک ماں اور باپ کے لیے اس سے بڑھ کر کوئی آزمائش نہیں ہو سکتی کہ وہ اپنے جگر کے ٹکڑے کی سلامتی سے بے خبر ہوں۔ ہماری آنکھیں ہر دستک پر دروازے کی طرف اٹھ جاتی ہیں، ہر فون کال پر دل دھڑک اٹھتا ہے اور ہر نئے دن کے ساتھ یہی دعا لبوں پر ہوتی ہے کہ اللہ تعالیٰ ہمارے بیٹے کو خیریت کے ساتھ ہمارے پاس واپس لے آئے۔
ہم تمام عزیز و اقارب، دوستوں، اہلِ علاقہ اور ہر صاحبِ دل انسان سے نہایت عاجزانہ درخواست کرتے ہیں کہ اگر کسی کے پاس ضیا الرحمان کے بارے میں معمولی سی بھی معلومات ہوں تو براہِ کرم فوری طور پر ہمیں یا متعلقہ پولیس کو اطلاع دیں۔ آپ کی ایک اطلاع ایک پریشان حال خاندان کی زندگی میں خوشیاں واپس لا سکتی ہے۔
ہم ڈی پی او ضلع اٹک، ڈی ایس پی تحصیل جنڈ، ایس ایچ او تھانہ جنڈ اور انچارج ناڑہ چوکی سے نہایت ادب اور احترام کے ساتھ گزارش کرتے ہیں کہ اس معاملے کو انسانی ہمدردی کی بنیاد پر خصوصی توجہ دیتے ہوئے اپنی پیشہ ورانہ مہارت، جدید ٹیکنالوجی اور تمام دستیاب وسائل بروئے کار لائیں، تاکہ ہمارے بیٹے کا سراغ جلد از جلد مل سکے۔ ہمیں یقین ہے کہ آپ کی بھرپور کوششیں ایک بے بس خاندان کے لیے امید کی کرن ثابت ہوں گی، جس پر ہم ہمیشہ آپ کے شکر گزار رہیں گے۔
آخر میں سب سے بڑھ کر ہم اللہ رب العزت کے حضور دستِ دعا ہیں کہ وہ ہمارے بیٹے ضیا الرحمان کی ہر قدم پر حفاظت فرمائے، اگر وہ کسی مشکل میں ہے تو اس کی مشکلات آسان فرمائے اسے اپنی امان میں رکھے اور جلد از جلد اسے خیریت اور سلامتی کے ساتھ ہمارے پاس واپس لے آئے۔
تحصیل جنڈ کے تمام سوشل میڈیا ، پرنٹ میڈیا اور دیگر احباب سے مؤدبانہ درخواست ہے کہ اس پیغام کو زیادہ سے زیادہ شیئر کریں اور اپنے قیمتی وقت میں سے چند لمحے ہمارے بیٹے کی سلامتی اور جلد واپسی کے لیے دعا ضرور کریں۔
یا اللہ! ضیا الرحمان کو اپنی حفظ و امان میں رکھ، اسے ہر شر اور ہر آفت سے محفوظ فرما، اور اسے جلد از جلد صحیح سلامت اپنے والدین کے پاس واپس لوٹا دے۔

11/07/2026

Sad News 💔💔

یہ الوداع نہیں، ہر آغاز کا ایک وقفہ بھی ہوتا ہے... 💔🏏
کبھی حالات، شوق پر بھی بھاری پڑ جاتے ہیں...
اس سال ملاقات نہیں ہوگی، مگر امید باقی ہے۔ ❤️🏏
ان شاء اللہ پھر ملیں گے، پہلے سے بہتر انداز میں۔ 🇵🇰🏏
آپ کی محبت ہمیشہ ہماری طاقت رہی گی۔۔😥😥

19/06/2026

آسمان پر دو قوسِ قزح + بارش + دھوپ
یہ ہے گاؤں کا موسم ✨❤