Wild Runner's Club

17/08/2026

Na zajcie naszego bloga mōmy już przeszło dwiesta tauzynōw wyświytlyń... skuli tego wciepujymy piykny złoto-modry landszaft z ôkolic Wilkowyj kole Tychōw.

i ôkolice...

14/08/2026

Sztart latosij jedynostyj edycyje Lotanio po Ćmoku we Pszczynie już 10 października... dystans kery trza pokonać to niy cołkie siedym kilometrów, a cołki gelt ze tego szportowego trefu je przeznaczony na pszczyńskie Hospicjum Ojca Pio. Pamiyntejcie ô taszlampach na gowa, co by Wom blyndowały jak bydziecie ciś po cimoku po drogach i parkowych sztrekach. Widzymy sie we Pszczynie !!!

Jak sie lotało dziesiyńć lot curik we roku szesnostym, możecie se poczytać we artiklu ze naszyj zajty... zaproszom. 😎

Nocny Bieg po Pszczynie — relacja | pasja | motywacja | bieganie — Pszczyna 15.10.2016 r. Śląsk, Śląskie Polska

29/07/2026

Na suszeckij banie przistanek Gruba modernie... Krupińskigo downo już niy ma, a na grubskim zidlungu cajt stanoł w miyjscu.

i ôkolice...

15/07/2026

Na pszyńskim ringu i na Piastowskij króluje dzisioj nom złoto-modro 💛💙

i ôkolice...

15/07/2026

Dziyń Ślōnskij Fany... złoto-modryj fany Gōrnego Ślōnska 💛💙

13/07/2026

We Suszcu już majom... a Ty mosz swojo fana na piytnostego lipnia?

i ôkolice...

07/07/2026

Pioskowsko historyjo śyngo cajtōw piyrwszyj pōłowy piytnostego storoczo, kiedy to powstoł, a piyrwsze szrajbunki, we kerych piszom ło Piosku jako dziedzinie „de Piasek”, sōm ze 1468 roku. Podug Musioła Piosek istnioł już we piyrwszyj pōłowie szternostego storoczo, a inny zaś sugerowoł, że naszo dziedzina je jednom ze nojstarszych na pszczyńskij ziymi. We łośymnastym storoczu na południowyj zajcie rzyki Dokawa, u nos sie godało na „Zawodziu”, powstoła łodrymbno dziedzina kerom mianowali Pioskiym Miejskim, wtynczos Piosek zamianowali Pioskiym Ksionżyncym, jako starszo dziedzina, i tak boło do końca dziywiytnostego storoczo. Dzisioj łobie dziedziny tworzom słowectwo Piosek (Piasek) ze cirka cztyryma tauzynami pomieszkańcōw.
We pioskowskij przestyrzni publicznyj momy dzisioj na Katowickij rondo, cołkym niy downo złonaczone, kere niy mo miana. Beztuż proponujymy zamianować tyn konsek placu „Rondym Poisku Ksionżyncego” (Rondo Piasku Książęcego), co by pokozać, we nawionzaniu do naszyj 600 letnij historyje, że tukyj bije serce naszej miyjscowości.

Niżyj mocie zdjyncie Piosku ze landkarty Hindenberga ze piyrwszyj pōłowy siydymnostego storocza, gynau ze 1636 roku, złonaczone we Miejskim Amcie we Pszczynie, kaj możecie na wchodzie łod stōny ringu, łobejrzeć cało na ścianie.

28/06/2026

Klara nom piyknie przigrzywo, ale zaroz pitomy do lasu, bo je gorko fest. Na radostowickij banie modernie... ino stary modernistyczny banhof ze 1938 roku sie łostoł. Za bajtla to sie ze Piosku bez Pszczyna do Radostowic rajzowało cugym do starzików... omy i opy. Piykne to boło czasy, teroz tyż som, ino nom coś lot prziboło.

i ôkolice...

24/06/2026

Sto piyńćdziesiōnt sześć lŏt do zadku bez Sandau, dzisiyjszy Piosek kole Pszczyny, 24 czyrwnia 1870 roku przejechoł piyrszy cug... skirz tego spōminōm artikel, co żech szrajbnon na bloga. Link do zajty znojdziecie we komyntorzu. Przekludzynie i niyskorniyjszŏ rozbudowa bany, kerŏ szła ôd Szopiynic, dzisioj tajla Katowic, do Pszczyny i dalij do Dziedzic u cysarokow, miało ôgrōmny wpływ na rozrost i terŏźny kształt naszego placu. Zaprŏszōm...

i ôkolice...