28/10/2024
پاکستان کے وائٹ بال کوچ گیری کرسٹن نے استعفیٰ دے دیا ہے، اور یہ فیصلہ انہوں نے اپنی مرضی سے نہیں بلکہ پی سی بی کے دباؤ اور غیر مناسب رویے کی وجہ سے کیا۔ پی سی بی نے ان کے خلاف سوشل میڈیا پر باقاعدہ مہم چلائی اور حد تو یہ ہے کہ اسکواڈ کے حوالے سے کوئی مشورہ بھی ان سے نہیں کیا گیا۔ اطلاعات کے مطابق، گیری کرسٹن کل جاری ہونے والے سینٹرل کنٹریکٹ سے بھی خوش نہیں تھے۔ ایک چیمپئن کوچ ہونے کے باوجود ان کی قابلیت کو نظر انداز کر دیا گیا۔ اس پورے معاملے میں محسن نقوی کے ساتھ ساتھ سیلیکشن کمیٹی، خصوصاً عاقب جاوید کا بھی ہاتھ ہے، جو خود ہیڈ کوچ بننے کے خواہشمند ہیں۔
یاد رہے کہ پاکستان کرکٹ بورڈ نے گیری کرسٹن کے ساتھ تین سال کا معاہدہ کیا تھا، مگر افسوس کہ انہیں ایک سال بھی پورا نہیں کرنے دیا گیا۔ پی سی بی کے اس رویے نے واضح کر دیا ہے کہ اب شاید مستقبل میں کوئی بھی بڑا غیر ملکی کوچ پاکستان ٹیم کی کوچنگ کرنے کا ارادہ نہ کرے۔ یہ صورتحال واقعی افسوسناک اور شرمناک ہے!
