13/06/2025
13-06-2025
مرحوم محمد اشرف مستوئی — ایک مایہ ناز فٹبالر اور کوچ
مرحوم محمد اشرف مستوئی کو ہم سے بچھڑے آج 10 برس ہو گئے۔ ان کا شمار بلوچستان کے ان عظیم لوگوں میں ہوتا ہے جنہوں نے اپنی ساری زندگی کھیلوں کی خدمت کے لیے وقف کر دی۔ آپ نہ صرف ایک باصلاحیت کھلاڑی تھے بلکہ ایک کامیاب فٹبال کوچ بھی رہے جنہوں نے نوجوانوں کی کئی نسلوں کی تربیت کی۔
آپ نے فٹبال کے میدان میں نوجوانوں کی بھرپور رہنمائی کی اور کئی ایسے کھلاڑی تیار کیے جنہوں نے بلوچستان اور پاکستان کی نمائندگی کی۔ آپ کی تربیت سے مستفید ہونے والے کئی شاگرد آج زندگی کے مختلف شعبوں میں کامیاب ہیں۔ اور اپنے استاد کو خراجِ تحسین پیش کرتے ہیں۔
مرحوم محمد اشرف مستوئی ایک شفیق، محنتی اور دیانت دار شخصیت کے مالک تھے جنہوں نے ہمیشہ کھلاڑیوں کی اخلاقی، تعلیمی اور جسمانی تربیت کو اولین ترجیح دی۔ ان کی خدمات کو نہ صرف تعلیمی حلقوں میں بلکہ کھیلوں کے میدان میں بھی قدر کی نگاہ سے دیکھا جاتا ہے۔
آپ کی شخصیت ایک روشن مثال ہے کہ کیسے ایک شخص کھیلوں کے ذریعے بھی معاشرے میں مثبت تبدیلی لا سکتا ہے۔
آج مرحوم محمد اشرف مستوئی کو اس دنیا سے رخصت ہوئے 10 سال گزر چکے ہیں لیکن ان کے جانے سے جو خلا پیدا ہوا ہے وہ آج تک پر نہ ہو سکا۔
دعا ہے رب العزت مرحوم کو اپنے جوار رحمت میں جگہ عطا فرمائے آمین۔
