TFA Tehsil Football Affairs.

03/06/2026

03/06/2026

ٹی ایف اے مٹہ کی دو سالہ کارکردگی
ٹی ایف اے مٹہ (TFA Matta) تحصیل مٹہ کے سابقہ فٹبال کھلاڑیوں پر مشتمل ایک فعال تنظیم ہے جو فٹبال کے فروغ، نوجوان کھلاڑیوں کی تربیت اور کھیل کی ترقی کے لیے ایک مؤثر پلیٹ فارم کے طور پر خدمات سرانجام دے رہی ہے۔
اگر گزشتہ دو سالوں کی کارکردگی کا جائزہ لیا جائے تو یہ بات واضح ہوتی ہے کہ ٹی ایف اے مٹہ نے تحصیل مٹہ میں فٹبال کے فروغ اور کھلاڑیوں کی فلاح و بہبود کے لیے نمایاں اقدامات کیے ہیں۔

ٹی ایف اے مٹہ نے فٹبال اسکروٹنی کا نظام متعارف کروا کر تحصیل مٹہ کی درجنوں ٹیموں کو رجسٹرڈ کیا اور انہیں ووٹنگ کے حقوق دلانے میں اہم کردار ادا کیا۔ اس کے ساتھ ساتھ انڈر 14 اور انڈر 17 کھلاڑیوں کے ٹرائلز کا انعقاد کیا گیا، جبکہ انڈر 16 کھلاڑیوں کو باقاعدہ تربیت فراہم کی گئی۔ مزید برآں، ریفریز کی استعداد کار بڑھانے کے لیے ریفری شارٹ کورس کا بھی کامیاب انعقاد کیا گیا۔

تحصیل مٹہ کی فٹبال تاریخ میں پہلی مرتبہ باقاعدہ فٹبال لیگ کا آغاز بھی ٹی ایف اے مٹہ کا ایک اہم کارنامہ ہے، جو کامیابی کے ساتھ آج بھی جاری ہے۔ اس لیگ نے مقامی کھلاڑیوں کو اپنی صلاحیتوں کے اظہار، مسابقتی ماحول میں کھیلنے اور آگے بڑھنے کے بہترین مواقع فراہم کیے ہیں۔

ٹی ایف اے مٹہ مستقبل میں بھی فٹبال کے فروغ، نوجوان کھلاڑیوں کی تربیت، ریفریز کی پیشہ ورانہ ترقی اور کھیل کے معیار کو مزید بہتر بنانے کے لیے اپنی کوششیں جاری رکھے گا۔ امید ہے کہ یہ ادارہ اپنی مثبت سرگرمیوں اور مؤثر منصوبہ بندی کے ذریعے تحصیل مٹہ میں فٹبال کو مزید ترقی اور استحکام فراہم کرے گا۔

27/05/2026

ٹی ایف اے مٹہ کلب کی جانب سے فٹبال کمیونٹی کو عید الاضحیٰ کی مبارکباد۔ اللہ تعالیٰ آپ سب کی قربانیاں قبول فرمائے اور عید کو خوشیوں اور امن کا پیغام بنائے۔

22/01/2026

فٹبال قوانین کے مطابق اہم آگاہی ⚽
IFAB Laws of the Game – Law 12 (Fouls & Misconduct)
ریفری کے ساتھ بدتمیزی یا فیصلوں پر نامناسب ردعمل قابلِ سزا جرم ہے۔
🟨 Yellow Card (Cautionable Offence):
🔹 فیصلے پر بحث کرنا (Dissent by Words)
🔹 ہاتھوں یا اشاروں سے احتجاج کرنا (Dissent by Action)
🟥 Red Card (Send-Off Offence):
🔴 ریفری کے خلاف گالی گلوچ
🔴 توہین آمیز یا دھمکی آمیز زبان
🔴 جارحانہ رویہ
📌 سادہ اصول:
بحث = پیلا کارڈ
بدتمیزی = سرخ کارڈ
آئیں! کھیل کے حسن اور احترامِ ریفری کو برقرار رکھیں۔ 🤝⚽

03/01/2026

پہلا مٹہ چیمپئن لیگ فٹبال ٹورنامنٹ کل مٹہ فٹبال اسٹیڈیم میں، افغان درخوشیلہ ایف سی بمقابلہ ارشاد شہید ایف سی باماخیلہ۔ سہ پہر 3 بجے۔ دونوں ٹیموں کو ہدایت کی جاتی ہے کہ وہ مکمل ماسٹر کِٹ (Full Master Kit) کے ساتھ بروقت گراؤنڈ میں پہنچیں۔

03/01/2026

آج دوپہر مٹہ فٹبال اسٹیڈیم کے پچ کا جائزہ لیا گیا۔ پچ خراب ہونے کی وجہ سے آج کا میچ ملتوی کر دیا گیا ہے۔ پچ بہتر ہوتے ہی نئی تاریخ سے آگاہ کیا جائے گا۔

02/01/2026

پہلا مٹہ چیمپئن لیگ فٹبال ٹورنامنٹ، مٹہ فٹبال اسٹیڈیم میں کل کا میچ پختون ایف سی خریڑی اور ریاض ایف سی لانگر کے درمیان کھیلا جائے گا۔ میچ کا آغاز تین بجے سہ پہر ہوگا۔ دونوں ٹیموں سے گزارش ہے کہ مقررہ وقت سے پہلے گراؤنڈ میں پہنچیں تاکہ میچ بروقت شروع ہو سکے۔ دونوں ٹیموں کے لیے نیک خواہشات۔

18/12/2025

مٹہ فٹبال لیگ ٹورنامنٹ کے افتتاحی میچ کے موقع پر اسسٹنٹ کمشنر مٹہ ادریس خان، ڈی ایس پی مٹہ نصیر باچا اور ایم ایس مٹہ ہسپتال ڈاکٹر محمد اکرام نے بطور مہمانِ خصوصی شرکت کی۔
مہمانانِ گرامی نے کھلاڑیوں سے ملاقات کی، انہیں نیک تمناؤں کا اظہار کیا اور کھیلوں کے فروغ کی اہمیت پر زور دیا۔ اس موقع پر انہوں نے میڈیا سے گفتگو کرتے ہوئے نوجوانوں کو مثبت سرگرمیوں کی جانب راغب کرنے میں کھیلوں کے کردار کو سراہا۔