Imran Khalid

30/08/2026

سالانہ عظیم الشان محفلِ میلاد النبی صلی اللہ علیہ وآلہ وسلم
مؤرخہ 29 اگست 2026ء کو رہائش گاہ راجہ جبار (مقام: بھیر رتیال) میں سالانہ عظیم الشان محفلِ میلاد النبی ﷺ کا انعقاد نہایت عقیدت و احترام اور شاندار انداز میں کیا گیا۔ اس روح پرور اور مبارک تقریب میں علاقے کی دینی، علمی اور سیاسی و سماجی شخصیات کے علاوہ عاشقانِ رسول کی ایک بڑی تعداد نے شرکت کر کے محفل کو رونق بخشا۔
تلاوت و نعت خوانی: تقریب کا آغاز کلامِ الٰہی کی تلاوت سے ہوا، جس کے بعد پروانۂ شمعِ رسالت الحاج صغیر احمد نقشبندی نے اپنے مخصوص انداز میں بارگاہِ رسالت مآب ﷺ میں مدح سرائی اور نعتِ پاک کے نظرانے پیش کر کے حاضرینِ محفل کے قلوب کو منور کیا۔
خصوصی خطاب: محفلِ پاک سے خطاب کرتے ہوئے حضرت علامہ مولانا حافظ محمد عمیر الطاف عباسی صاحب نے سیرتِ طیبہ، اِتباعِ رسول ﷺ اور محفلِ میلاد النبی ﷺ کی برکات و اہمیت پر جامع اور فصیح گفتگو فرمائی۔ انہوں نے حاضرین کو سنتِ نبوی ﷺ پر عمل پیرا ہونے اور اپنوں و بیگانوں کے ساتھ حسنِ اخلاق سے پیش آنے کی تلقین کی۔
محفل کی صدارت فرما رہے پیر سید انور الحق شاہ صاحب (آستانہ عالیہ امیر آباد شریف) نے اپنے صدارتی کلمات میں صاحبِ خانہ راجہ جبار اور تمام انتظامیہ کو اس خوبصورت اور روح پرور تقریب کے انعقاد پر مبارکباد پیش کی۔
محفل کے اختتام پر صلوٰۃ و سلام کا بحضورِ سرورِ کونین ﷺ نذرانہ پیش کیا گیا اور پیر سید انور الحق شاہ صاحب نے امتِ مسلمہ کی اتحاد، ملک و ملت کی سلامتی، اور بالخصوص بالخصوص صاحبِ خانہ راجہ جبار اور ان کے اہل خانہ کے رزق و مال، صحت اور دینی و دنیاوی ترقی کے لیے رقت انگیز دعا فرمائی۔ تمام حاضرین میں نیازمندی کے طور پر لنگرِ مصطفےٰ ﷺ تقسیم کیا گیا۔

26/08/2026

🌹 مقابلۂ درودِ پاک نویسی ﷺ — اہلِ رتیال
​۱۲ ربیع الاول کی مبارک مناسبت سے منعقدہ مقابلے میں درجن سے زائد خاندانوں نے آقا کریم ﷺ بارگاہ میں درود شریف لکھا۔ نتائج اور کامیاب شرکاء کی تفصیل درج ذیل ہے:
اول پوزیشن : قاسم جمیل 37,000
دوم پوزیشن: محمد سمیر خالد 27,000
سوم پوزیشن: محمد جاسم 12,672
اللہ تعالیٰ تمام شرکاء کا یہ ہدیۂ درود و سلام اپنی بارگاہِ اقدس میں قبول فرمائے اور اہلِ رتیال کے لیے اسے برکت و ہدایت کا ذریعہ بنائے۔ آمین!

26/08/2026

مسجد تیمور پر جلوس کا شاندار اور اختتامی مرحلہ
​عید میلاد النبی صلی اللہ علیہ وسلم کا یہ عظیم الشان، باوقار اور پرامن جلوس اپنے تمام مقررہ راستوں کو طے کرنے کے بعد بالآخر اپنی آخری منزل مسجد تیمور پہنچ کر خیر و عافیت کے ساتھ اختتام پذیر ہو گیا۔
​مسجد تیمور پہنچنے پر مسجد انتظامیہ اور اہلیانِ علاقہ نے جلوس کا انتہائی شاندار اور پرخلوص استقبال کیا۔ اختتامی مقام پر علمائے کرام اور نعت خوانوں نے آقا کریم، سرورِ کائنات حضرت محمد مصطفیٰ صلی اللہ علیہ وسلم کی بارگاہِ اقدس میں درود و سلام کا نذرانہ پیش کیا۔
​اختتامی دعا: جلوس کے اختتام پر امتِ مسلمہ کے اتحاد، ملک و قوم کی سلامتی و خوشحالی، اور تمام رفتگاں کے درجات کی بلندی کے لیے رقت انگیز اور خصوصی دعا کی گئی۔
​ضیافتِ میلاد: اختتام کے بعد تمام شرکاء میں لنگرِ میلاد اور تبرک کی وسیع پیمانے پر تقسیم کی گئی۔

26/08/2026

مسجد وادیِ نور پر آمد
​عید میلاد النبی صلی اللہ علیہ وسلم کا یہ بابرکت اور نورانی جلوس حسنِ انتظام اور نظم و ضبط کی اعلیٰ مثال قائم کرتے ہوئے آگے بڑھتا رہا۔
​معروف شخصیت راجہ شہزاد خرم عزیز نے انتہائی ذمہ داری، بصیرت اور پرامن انداز میں جلوس کی قیادت کی اور شرکاء کو منظم رکھتے ہوئے روانہ رکھا۔ ان کی بہترین رہنمائی میں عاشقانہ جذبے سے سرشار یہ قافلہ بغیر کسی بدنظمی کے اپنے راستے طے کرتا ہوا مسجد وادیِ نور پہنچا۔
​مسجد وادیِ نور پہنچنے پر مقامی باشندوں اور مسجد انتظامیہ نے راجہ شہزاد خرم عزیز اور تمام شرکائے جلوس کا انتہائی پرخلوص، شاندار اور پرتپاک استقبال کیا۔
​جلوس کے تمام شرکاء نے پورِ سفر کے دوران پُرامن ماحول برقرار رکھا، جس سے اتحاد و یگانگت کا درس ملا۔
​مسجد وادیِ نور پر استقبال: مسجد آمد پر درود و سلام کے نذرانے پیش کیے گئے اور شرکائے جلوس کی شاندار ضیافت کی گئی۔

26/08/2026

جامع مسجد محمدیہ حنفیہ (بھیر رتیال سٹاپ) پر جلوس کی آمد
​عید میلاد النبی صلی اللہ علیہ وسلم کا یہ بابرکت اور ایمانی جذبے سے سرشار جلوس اپنے طے شدہ اور مقررہ راستوں پر انتہائی نظم و ضبط اور شان و شوکت کے ساتھ گامزن رہا۔
​راستے بھر عاشقانِ رسول درود و سلام کا نذرانہ پیش کرتے اور نعت خوانی کرتے ہوئے آگے بڑھتے رہے۔ دربار بابا مسکین غازی اور دیگر مقامات سے ہوتا ہوا یہ نورانی قافلہ مسجد محمدیہ حنفیہ (بھیر رتیال سٹاپ) پہنچا۔
​مسجد پہنچنے پر وہاں موجود عاشقانِ رسول اور مقامی انتظامیہ نے جلوس کا بانہیں کھول کر پرتپاک استقبال کیا۔ اس موقع پر فضا "اللہ اکبر" اور "یا رسول اللہ" کے ایماناً افروز نعروں سے گونج اٹھی۔
بھیر رتیال سٹاپ اور مسجد کے اطراف میں شرکاء پر گل پاشی کی گئی اور خوش آمدیدی بینرز کے ساتھ ان کا خیر مقدم کیا گیا۔
​ضیافت و تبرک: مقامی رہائشیوں اور مسجد انتظامیہ کی جانب سے شرکائے جلوس کے لیے لنگرِ میلاد اور پانی و شربت کی سبیلوں کا بہترین انتظام کیا گیا تھا۔

26/08/2026

دربار بابا مسکین غازی سے ہوتا ہوا مدنی مسجد (گلشنِ علی) پر جلوس کی آمد
​عید میلاد النبی صلی اللہ علیہ وسلم کا یہ نورانی جلوس اپنے مقررہ راستوں پر گامزن رہتے ہوئے روح پرور مناظر پیش کرتا ہوا آگے بڑھتا رہا۔
​مسجد گلزار حبیب بھیررتیال سےجلوس معروف روحانی مقام دربار بابا مسکین غازی پہنچا، وہاں آقا کریم صلی اللہ علیہ وسلم کی بارگاہِ اقدس میں درود و سلام کا نذرانہ پیش کیا گیا اور صاحبِ مزار کی خدمات کو خراجِ تحسین پیش کرتے ہوئے دعا کی گئی۔
​بعد ازاں، یہ مبارک جلوس اپنی منزل کی جانب گامزن ہوا اور مدنی مسجد (گلشنِ علی) پہنچا۔ مدنی مسجد پہنچنے پر مقامی اہلیانِ علاقہ اور مسجد انتظامیہ نے شرکائے جلوس کا انتہائی پرخلوص اور گرم جوشی سے استقبال کیا۔ فضا نعت خوانی اور تکبیر و رسالت کے نعروں سے گونج اٹھی۔
​مدنی مسجد (گلشنِ علی): مسجد آمد پر شرکاء پر پھولوں کی پتیاں نچھاور کی گئیں، اور شرکاء کے لیے لنگر و تبرک کا خصوصی اہتمام کیا گیا۔
​اتحاد و یگانگت: اس پورے راستے میں عاشقانِ رسول کا جذبہ، نظم و ضبط اور باہمی محبت کا منظر قابلِ دید تھا۔

26/08/2026

عید میلاد النبی صلی اللہ علیہ وسلم کے جلوس کا شاندار اور پرتپاک استقبال
​آقا دو عالم حضرت محمد مصطفیٰ صلی اللہ علیہ وسلم کے یومِ ولادت کے موقع پر نکالا جانے والا مبارک جلوس جب مسجد گلزارِ حبیب (بھیررتیال) پہنچا تو وہاں موجود عاشقانِ رسول نے اس کا انتہائی پرخلوص اور پرتپاک استقبال کیا۔
​جلوس کے مسجد پہنچتے ہی فضا "نعرا ہائے تکبیر و رسالت" اور درود و سلام کی صداؤں سے معطر ہو گئی۔ منتظمین اور مقامی رہائشیوں نے شرکائے جلوس پر گل پاشی کی اور پھولوں کے ہار پہنا کر ان کی آمد کو خوش آمدید کہا۔ اس موقع پر مسجد کی انتظامیہ اور اہلیانِ علاقہ کی جانب سے شرکاء کے لیے ٹھنڈا میٹھا پانی اور لنگرِ کا بھی خصوصاً بہترین اہتمام کیا گیا تھا۔

26/08/2026

عید میلاد النبی صلی اللہ علیہ وسلم کا بابرکت جلوس
​آقا دو عالم، سرورِ کائنات حضرت محمد مصطفیٰ صلی اللہ علیہ وسلم کے یومِ ولادتِ باسعادت کی مناسبت سے ہر سال کی طرح اس سال بھی نہایت عقیدت و احترام اور شاندار طریقے سے جلوس کا اہتمام کیا گیا۔
​اس نورانی اور مبارک جلوس کا باقاعدہ آغاز ماسٹر عزیز (مرحوم) صاحب کی رہائش گاہ سے ہوا۔ آغاز کے وقت فضا درود و سلام کی صداؤں سے گونج اٹھی اور فضا میں نعت خوانی کی روح پرور گونج نے حاضرین کے قلوب کو منور کیا۔
​عاشقانِ رسول نے بڑی تعداد میں شرکت کر کے آقا کریم صلی اللہ علیہ وسلم سے اپنی بے پناہ محبت اور عقیدت کا اظہار کیا۔

25/08/2026

24/08/2026
محفل عید میلاد النبی صلی اللہ علیہ وسلم
رہائشگاہ عدنان(بوبی) صاحب

23/08/2026